خادم الحسين رعد الفريجي

مرن عليه هواي وهواي ليل وصبح ما يبطل إبچاي من الضلع للغاضريه والليله ابوي بهالمسيه يلعسكري يلعسكري ----------------------- شايف مصايب كل هلي سم وذبح بعيوني يا شيعة ملچوم الگلب يهل العزى واسوني انه الشفت ام الحسن محنيه بس حاچوني آه يا مصايب كربله اه يا هلي عينوني يا شيعه شفت حسين مذبوح وام الخدر علمنحر تنوح هاي الصدگ صعبت عليه والليله ابوي بهالمسيه يلعسكري يلعسكري ----------------------- گدامي شايف كربله وحتى العطش هم شفته من وجه عبد الله انخطف والموت گرب وكته من ظل وحيد الماله اهل وبظهره بس عايلته من حشم الماتو لچن سكته ولزم خاصرته محد فزع لن كلهم اموات الله يعينه بظهره خيمات ودع هله وما منه جيه والليله ابوي بهالمسيه يلعسكري يلعسكري ----------------------- ما ينحمل حرگ الخيم والشده زينب هايه الجاباهه عباس الكفل مامونه يم الرايه عماتي ركضن بالحرب وانتچن آيه بآيه والسوط لا يعرف فرض لا يعرف امصلايه ظل يستلذ بوجوه الزغار نار وتسير صوب جمار متخلي لا طفله وسبيه والليله ابوي بهالمسيه يلعسكري يلعسكري ----------------------- فگد الابو كلش صعب اه يلحسن يا چبده يلشاب يل ما طولت حزنك عمر مو مده واني بزغر عمري اليتم عيشني هاي الشده من تلتفت مامش ابو مات التعيش بسده مات الحنين وراحة البال شالت الطيبه بساعة الشال يل يمي بس مبعد عليه والليله ابوي بهالمسيه يلعسكري يلعسكري ----------------------- والشده بافعال البشر من تنعرض يوميه ما تنحمل لچمه بجرح هيچ التعب تاليه هو اليضحي بكل هله وبعيونه چم مسبيه چا غير ناسه تعاونه چا وين حسن النيه اسمك محب بس فعلك يگول جارح امامك وانته مسؤول هالفزعه رايد للقضيه والليله ابوي بهالمسيه يلعسكري يلعسكري كلمات الخادم / رعد الفريجي 30 /صفر / 1448 ثوابها الى روح والدتي

لأستشهاد الامام العسكري عليه السلام قريبا ان شاء الله قصيدة   مرن عليه

يابو صالح ،، اليوم حضرت شيعتك يابو صالح ،، هالجنازه الوالدك -------------------------------------- من بقاع الكون نحضر للعزاء اليوم سامراء تشبه كربلاء ثورة المظلوم تكتب بالدماء يا وداع العسكري بعين السماء يابو صالح ،، والحشود الرادتك يابو صالح ،، هالجنازه الوالدك -------------------------------------- نرفع الرايات ونشيل الچفوف اليوم بيعه وهالارض صارت طفوف يا امام الناس ألآف الالوف مستعده وتنتظر يوم السيوف يابو صالح ،، والجميع بأمرتك يابو صالح ،، هالجنازه الوالدك -------------------------------------- اليوم تشييع وطلب ثار وبعد عدنه وي سيد الامر باچر وعد هاي كل الناس تهتف بالمدد عدنه جيش الينتظر من المهد يابو صالح ،، هالجموع تساندك يابو صالح ،، هالجنازه الوالدك -------------------------------------- تجتمع ارواح تهتف للأمام عجل الله الفرج كل الكلام هاي شيعه وتنتظر صوت الحسام يا لثارات الضلع ضد اللئام يابو صالح ،، والنفوس تعاهدك يابو صالح ،، هالجنازه الوالدك --------------------------------------- بالدموع نشيل نعش الطاهرين ما تموت السالفه البيهه الحسين للنصر وياك قطعآ سائرين باچر بزودك نسمى الفاتحين يابو صالح ،، هالمناحر كلهه الك يابو صالح ،، هالجنازه الوالدك كلمات الخادم / رعد الفريجي 30 /صفر / 1448 ثوابها الى روح والدتي

لأستشهاد الامام العسكري عليه السلام قريبا قصيدة شيعتك

السيدة زينب في مخيلتي كأنها مرت على سامراء لاحياء ذكرى شهادة الامام العسكري علية السلام هي والسبايا بعد زيارة الاربعين ،،،،،،،،،،،،،،،،،،،،،،،،،،،،،،،،، اجيتك حيل تعبانه وبنات حسين ذبلانه خلصنه اربعينه وگال ردي مري اعله الغريب الصاح چبدي يبو المهدي تلگانه اجيتك حيل تعبانه ،،،،،،،،،،،،،،،،،،،،،،،،،،،،،،،،،، يعمه ما گدرنه نروح ونطب المدينه ها يلعسكري تمنيت تحضرنه وتجينه زلمنه امذبحه وشمات تتفرج علينه حرمكم لا يبعد الحيل هيچ يصير بينه رجعنه بلا أمتون ولا سلامه بوجهنه السوط تارك چم علامه الهظم يا عمه اذانه اجيتك حيل تعبانه ،،،،،،،،،،،،،،،،،،،،،،،،،،،،،،، اريد ادخل ضريحك كون واحچيلك تعبنه بختنه اللم جميع الناس بالطف ياهو لمنه لا عباسنه ولا حسين ماتت كل زلمنه تالي اعله الارض محروگ يا منظر علمنه الرماح ادوسهم ويه الحوافر اريدن چثه ظلت ما تسافر !!! جثثهم چانت هنانه اجيتك حيل تعبانه ،،،،،،،،،،،،،،،،،،،،،،،،،،،،،، وصلنه بزحمة الزوار يم گبرك گعدنه حيل اعذرنه ماكو دموع نبچي هواي ردنه هاي عيون ذبلانات شوف آثار خدنه حدنه ويا النظر لحظات راح نموت حدنه تدري الغاضريه اتطيح المتون لا خلت چتف لا خلت عيون ضيم حسين بچانه اجيتك حيل تعبانه ،،،،،،،،،،،،،،،،،،،،،،، لا صوت من اريد انعاك خلص عمه حيلي لو شايف مصاب حسين شمسوي بدليلي شسولفلك مشه العباس ومنتظره يجيلي تالي موزع اعله الگاع يا شدة كفيلي چفه اعلى النهر تارك رساله أليك المشتكى رب الجلاله اليمك هسه مو انه !! اجيتك حيل تعبانه ،،،،،،،،،،،،،،،،،،،،،،،،،،،،،،،، ادري لكربله اشتاگيت هاي التربه منهه خلهه اعلى الچبد ويطيب دم حسين چنهه شمهه وخلي سامراء يتجدد حزنهه علردت بدون اخوان يا وحشة ضعنهه يا شيعه تلگو ام المصايب ردت لا كفيل ولا حبايب الوكت للضيم ودانه اجيتك حيل تعبانه ،،،،،،،،،،،،،،،،،،،،،،،،،،،، ادري الشيعه ميقصرون وي اهل الحميه اليوم هنانه عاشوراء وارض الغاضريه صح ماكو سبيه هنا بس انه السبيه آه يا كربله وللموت ضيمچ باقي بيه اموت وما اخلص من عذابچ دفنت اچم عزيز انه بترابچ روحي اليوم خلصانه اجيتك حيل تعبانه كلمات الخادم / رعد الفريجي ثوابها الى روح والدتي

لأستشهاد الامام الحسن العسكري عليه السلام عظم الله لك الاجر أمامي المنتظر ،،،،،،،،،،،،،،،،،،،،،،،،،،،،،،،،،،،،،، الكاظميه اليوم يلمهدي حزينه چنهه ارض گبور ما چنهه المدينه آه يا سم الجواد أشسوى بينه وسفه ابونه يموت ويغمضهه عينه يا مصيبه فرگته والدموع اتعنته كلها تنعه بصوت واحد كلهه صارت عيلته عظم الله لك الاجر امامي المنتظر ،،،،،،،،،،،،،،،،،،،،،،،،،،،،،،،،،،،،،، يابو صالح سيدي مولانه وينك اليوم طايح جدك وزايد ونينك صايم ومسموم شيسكتهه عينك وهسه باقي بلا نفس الله اليعينك غمض عيونه ورحل حان من عنده الاجل الله يجبر كسر گلبك هلمصايب من حمل عظم الله لك الاجر امامي المنتظر ،،،،،،،،،،،،،،،،،،،،،،،،،،،،،،،،،،،،،،،،،،،، ما نعوفك سيدي لا يا هوانه احنه نعتبرك يبو صالح امانه انته من حسين وحسين الحيانه احنه اهل الزود مو اهل الخيانه بالمصايب والشدد نبقى الكم للابد ترخص ارواح الاسمكم بعد نفديكم بعد عظم الله لك الاجر امامي المنتظر ،،،،،،،،،،،،،،،،،،،،،،،،،،،،،،،،،،،،،، هالجموع اليوم منتظره اعلى بابك كلشي والله يهون بس شدة غيابك فدوه كلنه نروح يلمهدي لترابك يمتى تظهر والارض تكمل نصابك والجيوش الحاقده تنحنيلك هامده ننتظر موعد ظهورك بالسيوف الصامده عظم الله لك الاجر امامي المنتظر ،،،،،،،،،،،،،،،،،،،،،،،،،،،،،،،،،،،،،،،،،،، يبدي صوت الثار بارض الغاضريه يرجع بهاي الچفوف الهاشميه المهدي قائد للجيوش الحيدريه ثوره المظلوم ثورة عالميه والرجال بأمرتك كلهه تنصر دولتك تنتهي الرايات كلهه وانته تعلى رايتك عظم الله لك الاجر امامي المنتظر كلمات الخادم/ رعد الفريجي ثوابها الى روح والدتي

عزائنا دائم لوالد القائم للعسكري للعسكري ----------------------------------------- عظم الله الاجر يهل الدموع الليله لطم الروس وي لطم الضلوع الليله شايل يا أمام الليله چن حرگ الخيام الليله مجلس ما ننام الليله راعي الزود نايم بالوطيه اليوم يا شدة مصاب اليوم نتحمل عذاب اليوم مو گد الغياب اليوم كلنه نموت يلمهدي سويه المجلس الليله عجيب مات والدنه الحبيب دموعنا تجري كأنها النهري للعسكري للعسكري ----------------------------------------- اليوم ابن العسكري يفگد أبوه اليوم دمعات الحزن فوگ الوجوه الدنيا صارت بس ظلام الدنيا چن ارض الحرام الدنيا ما تحمي الحمام الدنيا للطيبين بس ضيم وأذيه الهيبه مسموم وطريح الهيبه ما ظن يستريح الهيبه يا عالم جريح الهيبه ميت يا بشر هاي المسيه يا نحيب المسلمين كلشي بالعالم حزين امامنا راحل مهدينا قائل للعسكري للعسكري ------------------------------------ مجلس الاحزان في كل الوجود يعبر الاوطان يتخطى الحدود الونه للعاف الديار الونه نار وتچوي نار الونه چي مات الخضار الونه هذا اليوم تحلى بهالعزيه الصحره معناهه الرحيل الصحره ليل مخاوي ليل الصحره للگلب العليل الصحره هليله شعار الجعفريه چنهه لوعة كربلاء كل وجه دمعه وعزاء يا ساكن القلبِ وصانع الحبٍ للعسكري للعسكري --------------------------------------- ننذر الارواح لايام الظهور والمجالس قاعده وفكره وجسور المجلس يخرج رجال المجلس أيسوي المحال المجلس احيانآ قتال المجلس الثوره العظيمه الهاشميه الشيعه تقرير المصير الشيعه يا روح الضمير الشيعه اول والأخير الشيعه معناهه الجيوش المهدويه بيا علي يا فاطمة الرافضيه القادمه للنصرِ والنصر ٍ لسورة الفجرٍ للعسكري للعسكري -------------------------------------- باقي هذا الصوت ما يسكت محال احنه عند المهدي خدام ورجال الفزعه للشيب الخضيب الفزعه للجسم السليب الفزعه للمولى الغريب الفزعه بارض الشام للراحت سبيه الحرگه للكبد السقيم الحرگه للرأس العظيم الحرگه للثار القديم الحرگه للزهراء يا شيعه قضيه ثوره الحق المبين كلهه من خير الحسين زماننا آتي نبضآ لثوراتي للعسكري للعسكري ----------------------------------------- كلمات الخادم / رعد الفريجي ثوابها الى روح والدتي

لأستشهاد الامام الحسن العسكري عليه السلام ----------------------------------------- بعد لا بويه لا ملگه بعد بالدنيا وين الگه حنانك ،، امانك ،، يبويه ------------------------------------------ خلصت والمحنه اتصيح يا يابه كفت واليموت ايموت احبابه يا گبر الابو الذابحني وترابه يا گلبي الغده من الضيم عطابه يا طيحت دليل ويا ظهر محني والله بدون ابوي الضيم دافني شگول وما گدرت احچي أصيح اسمك وارد ابچي مصابك ،، ترابك ،، يبويه ------------------------------------------- يا فگد العزيز الماخذ عيوني زغير اعله البواچي واهلي عافوني وحيد بديره ما بيهه اليواسوني آذوني الشماته هواي أذوني يا كسرة ظهر والدنيا خوانه من فرگة حبيبي اصبحت مو آنه غريب وناس مو ناسي طفل بس اشتعل راسي مشيبي ،، حبيبي ،، يبويه -------------------------------------------- شسولف والدمع چلماته معروفه كتب علخد بعد هيهات بحروفه الربيت بحظنه والداراك بچفوفه بعد ضمه التراب وابد متشوفه بعد لا صوت تسمع ماتت العشره التعب كل العمر والما عدل ظهره سافر للترب وسفه كلفه اي صدگ كلفه وداعك ،، سماعك ،، يبويه ------------------------------------ صعب لو بالحياه وتصبح الوحدك چنك خطوه خطوه اتسافر اللحدك فجأه بلحظه وحده ايموت اليسندك چنك بالسمى وجنحانك اتهدك تطيح بنص بحر عطشان ما تشرب جزيره من السراب اتموت من تگرب احاچيمن وانه الوحدي يبويه وفرگتك حدي يغالي ،، دلالي ،،، يبويه ------------------------------------ راحل يا فرح من ديره مهجوره بشر عايش وحيد ومات اليزوره حلات الدنيا راحت ظلت امروره سلف مذبوح شيخه ومات ناطوره يآخر رفعت ايد بظهر الجنازه يطبت بيت ماتو اهله واعزازه يشده وابد ما تنحل بديت اذبل بعد واذبل ينوحي ،، جروحي ،، يبويه كلمات الخادم / رعد الفريجي ثوابها الى روح والدتي

وسفه عشرين وثمان وما يزيد هذا عمر العسكري واصبح شهيد ****** يا جروح العتره ما تبره أبد اليوم طاح العسكري وطاح العمد بعد يا مهدينا چم لوعه بعد العمره خمس سنين هم اصبح وحيد ------------------------------------------ آه يا سم الحسن جد وابو شوف عينك ودعت ذاك الدفو بوكت ما عندك يبو صالح اخو وكت خله اسياد والتحكم عبيد ------------------------------------------- اليوم مات العسكري وضاگ الفضى هذا وكت النوح يوم الرافضه الله يلعن قاتله وكلمن رضى بهلفعل ما ترضى بس ولد الرشيد ------------------------------------- آه سامراء ونت للمصاب والامام المنتظر لف النگاب اليوم نور الدنيا يدفن بالتراب هذا جرح لفاطمه ومآتم جديد ----------------------------------- سم قتل تهجير ضد الاولياء هذا حال اولاد وادم طلقاء الما رضو بالعتره واحكام السماء ناس كل همهه حكم زائل تريد ------------------------------------- يا ابن حيدر امير المؤمنين انته رافض للظلم مثل الحسين يا شهيد الكلمه والحق المبين بكل عصر موجود من طينت يزيد كلمات الخادم / رعد الفريجي ثوابعا الى روح والدتي

ما درينه ،، هم نرد الخدمتك ؟ ما درينه ،، يلربينه بخيمتك يا حسين ،، يا حسين ما درينه ------------------------------------- ودعنه احله ايام خلصت بعد خدام ما ندري راح انعيش ؟ تحت التراب انام ؟ لمينه موكبنه وصعب دمع الوداع انلمه يحسين خلصت سيدي هم ترد هاي الخدمه ايام عشنه وچن حلم ودعنه وسفه النعمه لا زاير ايمر بالخدم والدرب صاير ظلمه الله يدري ،، نرجع الهذا الطريق ؟ الله يدري ،، يلي نعتبرك صديق يا حسين يا حسين الله يدري --------------------------------------- يبرد گلبنه شلون ؟ بالدرب هاي أم عون ردت لاهلهه اتنوح ما يگعد المدفون نستقبل بحرگه الاجت من ضيم شام الونه وعيون من يوم الذبح وحسين ما شافنه طشرنه يا خويه الدهر وتگله ياهو ايلمنه نعميلك اعيون البقن لو بالدمع قصرنه بلوه بلوه ،، ردت الهم واليسر بلوه بلوه ،، لوضعن زينب يمر يا حسين يا حسين بلوه بلوه -------------------------------------- صعبه الوداع وياك والوحشه تدري هناك بالعكس غربه انصير من نرد ما نلگاك معروفه اليفارگ هله يتمنى يرجع ليهم وي خدمتك صار العكس طاريك مو طاريهم فكرنه بس بيك وعلي بس ما نفكر بيهم ندري الاهل يمك بعد ساترهم وحاميهم يا بختنه ،،، طيحت الموكب وجع يا بختنه ،،، رجع خادمكم رجع يا حسين يا حسين يا بختنه ------------------------------------------ وفقنه يا مولاي ؟ نرجع نوزع ماي بالدرب سفره انصير للزاير العناي خلينه للعام اليجي واحسبنه من خدامك ميتين كل هاي السنه وعدلين بس بايامك هوه العمر دونك عدم خلي العمر گدامك وفقنه نحضر مجلسك خلينه تحت اجدامك انته وانته ،،، وخدمتك ما تنتهي انته وانته ،،، يلي انفاسك وحي يا حسين يا حسين انته وانته ----------------------------------------- ها يلسمعت الصوت ردينه هاي بيوت بيهه الاهل مولاي دارك لفاهه الموت يحسين زينب من ترد ياهو اليرحب بيهه ها يلخذتكم كربله بسيوفهه وذاريهه يا شدة افراگك ترى والشامت امأذيهه يا داركم ما تنسكن ما ترد يا راعيهه حيره والله ،،، يا مدينه ويا سكن حيره والله ،،، زينب امضيعه وطن يا حسين يا حسين حيره والله كلمات الخادم / رعد الفريجي

ابنيلي حيدر بيت الاحزان دمع اليتيمه ايطيح نيران مات الحنين بروحي ونه چا غير ابوي وانه منه --------------------------------- غمضت عين الرحمه وسفه ياهو اعله حالت روحي اكلفه بيه المرض ما راد يشفى ما چنهه وي الضيم تصفى ابچي واون ،، اخ الحزن لا عافني ولا من نساني بويه اليتم ،، يهدم هدم من زغري تعبني وعماني راح الابو والليله اريده خلاني مهمومه اوحيده هذا الخبر كلش كسرنه چا غير ابوي وانه منه ------------------------------------ ليل ونهار تنوح بنته والناس مني تريد سكته محد حمل ضيم الحملته بيت الحزن للموت ردته ليل وصبح ،، هذا الجرح لحد يلوم الماله والد آه يا علي ،، مات الولي وعيوني چن دله بمواگد فورت الدله عيوني فارت ظلمه الحياة بعيني صارت ياهو البعد مر وچهبنه چا غير ابوي وانه منه ------------------------------------ خليني وحدي بدار الاهات حيدر تراهه الدنيا لوعات خلي اليتيمه بصف يتيمات وشوف الوجع شوف النهايات من اختنگ ،، چن احترگ نسمة هوى ماكو بحياتي مات الابو ،، وراح الدفو ظليت اون وي ذكرياتي وين الچفوف وينه صوته كلش كسرني بيوم موته ريت الگبر بيت وجمعنه چا غير ابوي وانه منه ------------------------------------ الزم ضلوعي وابچي بهداي اتعب گمت من اشرب الماي كبرني موتك ظلمه دنياي ريتك يبويه الليله وياي كسر الضلع ،، ما ينجرع يا عصرة الباب وعذابي ضرب الوجه ،، وين اتجه بالمحسن وحيدر مصابي واحد شهيد بعتبة الدار بگيد الوصيه الثاني والصار نفس الرزيه اليوم كلنه چا غير ابوي وانه منه ------------------------------------ هاي النهايه وگرب الموت ها يا علي شو ظلمه البيوت مهدود حيلي وناحل الصوت عوف العلاج وجيب تابوت حان الاجل ،، لمن رحل المن اظل بدنيا هيمه وينك علي ،، باوع ألي بعيوني چلمة يا يتيمه حان الوداع وحان الفراگ مشتاگ ويروح اعله مشتاگ ودوني يم اهل المحنه چا غير ابوي وانه منه كلمات الخادم / رعد الفريجي 25/ شهر صفر /1448 ثوابها الى روح والدتي

قريبآ .... لأستشهاد رسول الله عليه وعلى آله الصلاة والسلام قصيدة    بيت الاحزان

مو حگهه عيني مفارگه النوم ودعت ابوي وگلبي مالوم الله يعينك يلگلب الله يعينك -------------------------------- من بين اديه تفرهد وراح ما ظن بعد يا گلبي ترتاح تحلى البواچي بكض الاصفاح ورگه العمر هل صوفر وطاح شدة غيابه شلون احلهه چن حرمه ماتو كل اهلهه الله يعينك يا گلب الله يعينك ----------------------------------- اشتم ثيابه وانحب بليل هاي البواچي تفرهد الحيل يا گلبي ميت حمل وشيل مو حگهه بنت الغرب تميل رايح عزيز الروح ميعود لا ما يرد للونت اردود الله يعينك يا گلب الله يعينك ----------------------------------- يلماشي مني وآنه ظليت چا شنهي نفعه بدونك البيت يا بويه كون وياك يا ريت خليت بس ونات خليت راح الدلال بروحة الزين بعدين بس النوح بعدين الله يعينك يلگلب الله يعينك ------------------------------------- يا بويه خلصت حان الفراگ بنص اللحد نتشابگ شباگ مات النهر ما تاني عل راگ هو انت يمي وروحي تشتاگ وخر التراب وخل احاچيك يابويه كون بگلبي اخليك الله يعينك يلگلب الله يعينك ------------------------------------- وكت الصبح هم وكت الغروب كلهن بواچي شلون چندوب چن الغرف ما رادن البوب من رحت بويه البيت منكوب هذا الوداع الماله چاره شال الحنين وعاف داره الله يعينك يلگلب الله يعينك كلمات الخادم / رعد الفريجي 23 _ شهر صفر _ 1448 ثوابها الى روح والدتي

قريبآ .... لأستشهاد رسول الله عليه وعلى آله الصلاة والسلام قصيدة الله يعينك

لأستشهاد الرسول محمد عليه وعلى آله الصلاة والسلام ------------------------------------------ مدفون ابوهه اليوم ونت فاطمه --------------------------------------------- يا بويه ها يلحيد من عندي رحت بعيد كل الدمع ميفيد يا چفي ليش تبيد ارد ابچي والچفين علخد لاطمه مدفون ابوهه اليوم ونت فاطمه ******* يمك ردت يلروح وگليبي هل مذبوح گبرك عطر ويفوح بويه الدمع مسموح حد ما تموت العين يلفيهه العمى مدفون ابوهه اليوم ونت فاطمه ****** غرب عجيد الگوم يوم الحزن هليوم ها يلمتت مسموم ظل الگلب ملچوم وياك اريد وياك آنه إمعلمه مدفون ابوهه اليوم ونت فاطمه ******** بويه الترب غطاك من عمري هاك وهاك ما عيش آنه بلياك خليني اموت وياك عطشانه الك بس گوم كاتلني الضمه مدفون ابوهه اليوم ونت فاطمه ****** راح الحنين شلون يا حيرة المدفون اهل الوفى ايغربون بس من وكت يمشون تحت التراب الحيد يمضوي السمى مدفون ابوهه اليوم ونت فاطمه ******** من عمري كون سنين لاهل الوفى الطيبين بين المنيه وبين مكسوره أم حسين وياهه ابو الحسنين حماي الحمى مدفون ابوهه اليوم ونت فاطمه ********* وشلون ارد للدار بالبيت اظل خطار شيطفي هاي النار يا گلبي يلمحتار راح ابقى بالدمعات دوم امحزمه مدفون ابوهه اليوم ونت فاطمه كلمات الخادم / رعد الفريجي ثوابها الى روح والدتي

هنيالهه الموجود ابوهه ما تنهظم   لو  زعلوهه يحضرهه گبل الدمعه والآه بنيته   بأمان   تعيش  وياه هنيالهه الموجود ابوهه ،،،،،،،،،،،،،،،،،،،،،،،،،،،،،،،،،،،،،،،،،، يا بويه علة   گلبي   عله ياهو اعله ضيم گليبي اگله لو رحت بويه سنيني شتفيد تاخذني رايح حيلي كله وين التفت والدنيا ما ترحمني لحضات ذوله الشماته اتبسمو لمن صحت مات يا بويه شيردك بعد لا والله هيهات الجوه التراب شلون شتفيده السلامات ؟ ظليت وحدي ويا ندامه موتك احس بيه القيامه والعدهه مثلك لا متنساه بنيته بأمان تعيش وياه هنيالهه الموجود ابوهه ،،،،،،،،،،،،،،،،،،،،،،،،،،،،،،،،،،،،، لو رحت ياهو يظل اليه وياهو البعد ينشد عليه اصبح غريبه وگلبي مكسور شيرجع الگعده سويه خانگني دمعي وحالي لا متوصفه العيون خلوني يمه اشبع وفه ها يلتشيعون جوه التراب البيه محنه شلون مدفون يرحون اهل الغيره من عدنا ويشيلون ليهسه ما بارد حچيهم يسوون لو نبچي عليهم ؟ ويلاه رايح بويه ويلاه بنيته بأمان تعيش وياه هنيالهه الموجود ابوهه ،،،،،،،،،،،،،،،،،،،،،،،،،،،،،،،،،،،،،،،،،، الما عدهه أبو هيه الغريبه المدفون ما تگدر   تجيبه هواي البشر والاف الوجوه بس الگلب   ميت حبيبه وين التفت والناس لا ما بيهم الراح ما اگدر احچيلك عذابي وكثر الجراح اليفگدله والد  (هم ينام ولحظه يرتاح) ؟ الطايح يفزعوله الاهل بس گلبي من طاح لا وسفه ليش ولا اسم الله مسمعت كلشي شلون عله مو يمي والد حتى انخاه بنيته بأمان تعيش وياه هنيالهه الموجود ابوهه ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، يا دنيا ليش شبيچ وياي بالراح ضيم ودمعه بالجاي جبت الحياة هموم بهموم بس هو چان الفرحه ودواي يا وسفه لا ما حسبت تبعدنه الايام والچنت انام بشبگته جوى الثرى ينام يا لحظة فراگ الابو تنعد بالاعوام هسه اعرفت من تنكسر معذوره الايتام الماعنده والد وجهه خالي يا لوعتي ورايح دلالي يا بويه مثلك وين نلگاه بنيته بامان تعيش وياه هنيالهه الموجود ابوهه ،،،،،،،،،،،،،،،،،،،،،،،،،،،،،،،،،،،،،،،،،،،،،،،،، گلبي انكسر من ودعيتك يا بويه يلعايف     ثنيتك ياهو اليطب للدار بجفاك بيتك گبر ؟ مو هذا بيتك شديت گلبي بضلعي لكن بويه ما فاد تتركني رايح للگبر تحت الرمل غاد تاخذني يمك مو گلت واللمه تنعاد لكن  تفرقنه شعجب يا ضيم البعاد لا يمي لا مرو   واجوني متشوفهم شلي بعيوني جوه التراب العشت بحماه بنيته  بامان تعيش وياه هنيالهه الموجود ابوهه للخادم / رعد الفريجي

فتحة عزاء لاستشهاد رسول الله عليه وعلى آله الصلاة والسلام ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، السلام عليـــــــــك يا رســـــول الله ******** عليك دموع محتاره وبچيـــــناهه يكلمه بحضرتك لوعه وحجيــناهه عرفنه الزهره ونت اي عرفناهه تمنينه الجنازه هناك شلناهه السلام عليـــــــــك يا رســـــول الله ،،،،،،،،،،،،،،،،،،،،،،،،،،،، يعمري بغيبتك ما لزمته سنيـــــــني بغيابك غيمت والمطر من عيــــــني دليني اعله نورك وين دليني سويني عزاء دموع سويني السلام عليـــــــــك يا رســـــول الله ،،،،،،،،،،،،،،،،،،،،، سلام اعله الرسول الضحى بانفاسه الخله البشر يمشي وما يطخ راسه على الما همه نفسه وهمه كل ناسه على المحد وصل لايمانه واحساسة السلام عليك يا رسول الله ،،،،،،،،،،،،،،،،،،،،،،، سلام اعلى النبي بساعات توديـــعه سلام اعلى الحفظ للناس تشريــعه تمنينه حضرنه اليوم تشييعه ونجددله الولاء ونحضر البيعه السلام عليـــــــــك يا رســـــول الله ،،،،،،،،،،،،،،،،،،،،،،،،،،،،،،،،،،،،،، على حيدر سلامي الوصى بيه الله على زوج البتول العالي من علاه على الغمض عيونه بحظنه من خلاه يا كسرة دليله ولوعته وچم آه السلام عليـــــــــك يا رسـول الله ،،،،،،،،،،،،،،،،،،،،،،،،،،،،،،،،،،،،،، كلمات الخادم / رعد الفريجي ثوابها الى روح والدتي

لأستشهاد الرسول صلى الله عليه وعلى آله السيده الزهراء عليها السلام على القبر الشريف ،،،،، ******** يم گبر الابو لحضات ودوني اريد احچيله هاي المره بعيوني ********* اريد اوصل لابوي الطوول افراگه واشم اتراب گبره بيوم الملاگه يبعد التعباهه الموت مشتاگه بقيت بلا نفس لحظه ويدفنوني اريد احچيله هاي المره بعيوني ******* يماي تموت ليش وروحي عطشانه وحگ شيبة لحيتك والله تعبانه دگوم من الگبر يمك وصلت آنه يم اهل المحنه هنانه خلوني اريد احچيله هاي المره بعيوني ******** تعبني الدهر جيتك واريد انخاك اذا يمك مچان احظني اريد وياك تره الشيبني بويه شما يمر طرواك واگلهم مي ورد علگبر رشوني اريد احچيله هاي المره بعيوني ****** اريد الوحدي ويمك واسولف كون واگلك من وكت اهل الوفه يروحون يدافي الشبگه ماتت ما تگلي شلون الهلا يطمهه التراب شلون حاچوني اريد احچيله هاي المره بعيوني ******* اريد ابچي اعله گبرك هلبت تجاوب جاباني حنانك بويه ما اعاتب يحاضر بالنفس بس بالگبر غايب صرت ام الحزن بعدك يسموني اريد احچيله هاي المره بعيوني ******* أگلك چلمه وامشي لعالم احزاني التفگد والد لحد موتهه أتاني واگلك ما وفيت وهالاجيت آني مشتاگه الچفوفك تمسح أمتوني اريد احچيله هاي المره بعيوني كلمات الخادم / رعد الفريجي ثوابها الى روح والدتي

نعي السيدة زينب في يوم الاربعين عند عودتها من الشام النعي بطور الفرات الاوسط ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، تسمع يلجبتني وياك ها عباس يلهيبه تسمع مو چنت بالشام طالت كلش الغيبه تسمع يلرحت للماي بعدني متانيه اتجيبه تسمع شنهي جوه الگاع دگعد شوف المصيبه انهض زينب وانخاك شنهي تراب اليضمك انهض گوملي اترجاك احلفك بمي وبمك انهض يا گمر دنياي شنهي الرمل ويطمك انهض اربعينك هاي اختك رايده تشمك نايم والچفوف بعيد وادري الدمعه خانگتك نايم بالگبر يا خوي وانه شكثر حشمتك نايم والضعن من راح صحت عباس انه اختك نايم وانه بارض الشام تحضر يا شهم ردتك ويلي بلا اهل رديت ودروب اليسر زحمه ويلي هناك بنت حسين ماتت ها يبو اليمه ويلي عيوني من فرگاك خويه وداعتك تعمه ويلي اتحيرت عباس درب الشام شيلمه كلفه شلون اعيش شلون وانه بدون خواني كلفه العمر دمعة موت والايام دفاني كلفه وغيراني الضيم واني اليوم مو اني كلفه وارجع بدمعات تركض تدگ بيباني كلمات / رعد الفريجي

الجزء الثالث من قصائد انتهاء مواسم الدمع والخدمه بعد انتهاء زيارة الاربعين هذا العام لسان حال خدام الامام الحسين عليه السلام اسألكم الدعاء **** أي رجعنه من الزياره وكلمن يروح اعله داره هسه زينب بله وين ؟ ميته يم راس الحسين آه يزينب ،، آه يزينب ** طاحت الليله المواكب والخدم راحو سوى صار وحشه الدرب كله الليله مخنوگ الهوى والمضيف الچان عامر هسه ظلمه بلا ضوى چلمة اتفضل يزاير چانت لزينب دوى خلصت ايام الخدامه هسه زينب واليتامى تبقى كاتلهه الونين ميته يم راس الحسين اه يزينب ،، اه يزينب *** كلنه نرجع يم اهلنه وما نظل ابكربله العنده أم والد ينطره العنده خوانه وهله شكثر يشتاگلهه والله العنده طفله امدلله ذمه من يشبگهه يذكر ضيم طفله امعلعله ماتت بشام النوايب گبال عين ام المصايب بالخرابه امغمضه عين ميته يم راس الحسين اه يزينب ،، اه يزينب * تبرد الدمعات وسفه ويهدى كل ذاك العزاء هناك ليش انخلي زينب توهه وصلت كربلاء هسه طف ثاني اعله زينب مو بچت حتى السماء وين خلينه العقيله بيا وضع يوم اللقاء وصلت الماي الفرات مو گمرهه هنانه مات ومدت الگبره الادين ميته يم راس الحسين اه يزينب ،، اه يزينب * اي رجعنه وهسه زينب وين وداهه الدمع ترجع الضحكه الوجهنه وخوفي بس لا تنسمع !! انتم تصوروهه هسه اعله الگبر شعلت شمع تبچي حد ما يطفى كلشي وكلشي بالطف ينوجع يبچي التراب البچيهه لزمت المرقد بديهه ها يخوتي مسافرين ؟ ميته يم راس الحسين اه يزينب ،، اه يزينب ** مو مثل باقي الفواتح والعزاء الينتهي احنه ميت النه ابو فاضل شنهي مده وينسي ؟ آه من درب المواكب هسه فارغ يا علي هسه زينب بقت يم من ؟ هسه هيه بلا ولي غمضيناهه النواظر ما جفلنه من الحوافر طحنن اضلوع الحنين ميته يم راس الحسين اه يزينب ،، اه يزينب **** نامي زينب بس ثواني وخلي ايتامچ تنام بالگبر وحسين گلچ ها يزينب شنهي شام ؟ مبين اعليچ أشحملتي امن الشماته امن الكلام من اهد عاشر محرم وانتي بالارض الحرام خويه اگعدي الملگه حار مثل گلبچ بعده نار زينب الما تنتهين ميته يم راس الحسين اه يزينب ،، اه يزينب كلمات الخادم / رعد الفريجي ثوابها الى روح والدتي