"Асакабанк " АЖ Матбуот котиби | Азизхон Анвархонов

🏦 Асакабанк раҳбарияти томонидан Фарғона вилояти Тошлоқ туманида тадбиркорлар билан учрашув ўтказилди Асакабанк раҳбарияти томонидан Фарғона вилояти Тошлоқ туманида фаолият юритаётган тадбиркорлар билан очиқ учрашув ташкил этилди. Унда тадбиркорликни ривожлантириш, мавжуд бизнес лойиҳаларини қўллаб-қувватлаш ҳамда молиявий хизматлардан фойдаланиш имкониятлари юзасидан фикр алмашилди. Мулоқот давомида тадбиркорлар ўз фаолиятида дуч келаётган масалалар, таклиф ва мурожаатларини банк раҳбариятига бевосита билдирдилар. Кўтарилган айрим масалалар юзасидан жойида тушунтириш ва тавсиялар берилиб, қўшимча ўрганишни талаб қилган мурожаатлар тегишли масъулларга йўналтирилди. Шунингдек, бизнесни кенгайтириш, янги лойиҳаларни амалга ошириш, ишлаб чиқариш ва хизмат кўрсатиш йўналишларини ривожлантириш ҳамда қўшимча иш ўринлари яратиш учун банк томонидан тақдим этилаётган молиявий имкониятлар ҳақида маълумот берилди. Учрашув якунида тадбиркорларнинг ташаббусларини қўллаб-қувватлаш, мурожаатларини ўрганиш ва уларни ҳал этиш бўйича масъуллар томонидан тегишли вазифалар белгилаб олинди. 📱Instagram📱Facebook📺Youtube

Prezident Shavkat Mirziyoyev tomonidan “O‘zbekiston Respublikasi Prezidenti Administratsiyasi to‘g‘risida”gi Konstitutsiyaviy qonun imzolandi. Administratsiya Prezident faoliyati va Konstitutsiyaviy vakolatlarini tashkiliy, huquqiy va tahliliy jihatdan ta’minlovchi yagona konstitutsiyaviy institut hisoblansa-da, davlat organlari bilan munosabatlarda uning faoliyatini qonun bilan tartibga solish bo‘yicha huquqiy bo‘shliq mavjud edi. Endilikda yangi qonun bilan ushbu masalalar tartibga solindi. Prezidentning farmon, qaror, farmoyish va topshiriqlari ijrosini tashkil etishda Administratsiyaning amaldagi vakolatlari doirasidagi faoliyati qonun bilan tartibga solinishi Prezidentlik institutining huquqiy asoslarini kuchaytiradi. Xalqaro amaliyotda Prezident faoliyatini ta’minlovchi institutning huquqiy maqomi qonun darajasida belgilanishi Prezidentlik boshqaruvining institutsional standarti hisoblanadi. Qonun 4 ta bob va 34 ta moddadan iborat bo‘lib, Administratsiyaning amaldagi vakolatlari doirasida Prezident faoliyatini ta’minlashning konstitutsiyaviy mexanizmlari qonunda huquqiy jihatdan rasmiylashtirildi. Xususan: – Administratsiya O‘zbekiston Respublikasi Prezidentining vakolatlari amalga oshirilishini tashkiliy, huquqiy, tahliliy jihatdan ta’minlaydigan davlat organi sifatida belgilandi; – Administratsiyani Prezident shakllantiradi, Prezident belgilagan asosiy yo‘nalishlarda faoliyat yuritadi, Prezidentga bo‘ysunadi va hisobdor bo‘ladi. Administratsiyaning asosiy vazifalari belgilandi: – O‘zbekiston Respublikasi Prezidentining konstitutsiyaviy vakolatlarini amalga oshirilishini tashkiliy, huquqiy va tahliliy ta’minlash; – Prezidentning farmon, qaror va farmoyishlari loyihalarini hamda topshiriqlarini tayyorlash, ularning ijrosini tashkil etish, nazoratini olib borish hamda ularni amalga oshirishga ko‘maklashish; – Prezidentning mamlakatni ijtimoiy-iqtisodiy va ijtimoiy-siyosiy rivojlantirishga oid yangi tashabbuslarini ishlab chiqish; – aholi va tadbirkorlar bilan ochiq va to‘g‘ridan to‘g‘ri muloqotlarni tashkil etish va ularni qiynayotgan masalalarga yechimlarni ishlab chiqish; – qonunlarni imzoga yoki qaytarishga tayyorlash; – Prezidentning Oliy Majlisga murojaatnomasini tashkil etish; – Prezidentga bevosita bo‘ysunuvchi (hisobdor) davlat organlari va tashkilotlari faoliyatini muvofiqlashtirish va boshqalar. Shuningdek, qonunda Administratsiya rahbarining huquqiy maqomi va vazifalari, Administratsiyaning mansabdor va boshqaruv shaxslarini lavozimga tayinlash hamda ozod etishga oid normalar belgilangan, Prezident huzuridagi Xavfsizlik kengashi faoliyatini tashkil etishning qonuniy asoslari yaratilgan. Administratsiya Prezident faoliyatini tashkil etish doirasida parlament, Hukumat, vazirlik va idoralar, mahalliy hokimliklar, sud hokimiyati va sudyalar hamjamiyati organlari bilan hamkorlik qiladi. Administratsiya Prezidentga bevosita bo‘ysunuvchi davlat organlari faoliyatini muvofiqlashtiradi, ularni takomillashtirish bo‘yicha takliflar tayyorlaydi va Prezidentga kiritadi. Administratsiya xodimlari uchun ularga yuklatilgan vazifalarni bajarishda ijtimoiy, iqtisodiy va huquqiy himoya choralari nazarda tutilmoqda. Prezident Administratsiyasi to‘g‘risida Konstitutsiyaviy qonunning qabul qilinishi Yangi O‘zbekistonda inson qadrini ulug‘lash, xalqimiz farovonligini yuksaltirish, davlat organlarini xalqqa xizmat qiladigan, ochiq va hisobdor tizimga aylantirish, mamlakatimizning xalqaro maydondagi nufuzini mustahkamlash borasida amalga oshirilayotgan islohotlarni yangi bosqichga ko‘tarishga xizmat qiladi. Facebook|Instagram|X

Таълимга киритилган сармоя — келажакка киритилган сармоядир Хоразм вилоятининг Тупроққалъа туманида Тадбиркорликни ривожлантириш компанияси ва Асакабанк ҳамкорлигида қўллаб-қувватланган хусусий мактаб ҳақидаги лавҳа «Ўзбекистон 24» телеканалида эфирга узатилди. Лавҳада тадбиркорлик лойиҳаси орқали замонавий таълим шароитлари яратилгани, ўқувчиларнинг халқаро олимпиадаларда эришаётган натижалари ҳамда ҳудудда педагоглар учун янги иш ўринлари яратилгани ҳақида сўз боради. 🎥 «Ўзбекистон 24» телеканалида эфирга узатилган лавҳани томоша қилинг. 📱Instagram📱Facebook📺Youtube

Асакабанк раҳбарияти Жиззах вилояти Ғаллаорол туманида тадбиркорлар билан очиқ мулоқот ўтказди Асакабанк раҳбарияти томонидан Жиззах вилояти Ғаллаорол туманида фаолият юритаётган тадбиркорлар билан очиқ мулоқот ташкил этилди. Учрашувда ҳудудда тадбиркорликни ривожлантириш, инвестиция лойиҳаларини қўллаб-қувватлаш ва молиявий хизматлардан самарали фойдаланиш имкониятлари муҳокама қилинди. Мулоқот давомида тадбиркорлар ўз бизнес фаолияти билан боғлиқ масалалар, таклиф ва мурожаатларини банк раҳбариятига бевосита етказдилар. Кўтарилган айрим масалаларга жойида ечим ва тавсиялар берилган бўлса, қўшимча ўрганиш талаб этилган мурожаатлар масъул ходимларга бириктирилди. Шунингдек, тадбиркорлик субъектларини молиялаштириш, янги лойиҳаларни амалга ошириш, ишлаб чиқариш ва хизмат кўрсатиш йўналишларини кенгайтириш ҳамда янги иш ўринларини яратиш бўйича мавжуд имкониятлар юзасидан фикр алмашилди. Асакабанк ҳудудларда тадбиркорлар билан очиқ мулоқотларни изчил давом эттириб, уларнинг мурожаатларини ўрганиш ва бизнес ташаббусларини қўллаб-қувватлашга қаратилган амалий чораларни амалга оширмоқда. 📱Instagram📱Facebook📺Youtube

🏦 АСАКАБАНК НУРАФШОН БХМДА ФАВҚУЛОДДА ВАЗИЯТЛАРДА ҲАРАКАТ ҚИЛИШ КЎНИКМАЛАРИ МУСТАҲКАМЛАНДИ Асакабанк Нурафшон БХМда ходимларнинг фавқулодда ҳолатларда тўғри ва тезкор қарор қабул қилиш кўникмаларини ривожлантиришга қаратилган амалий ўқув машғулоти ташкил этилди. Тадбир давомида турли шартли вазиятлар яратилди ва иштирокчиларнинг фавқулодда ҳолатларда ҳаракат қилишга тайёрлиги синовдан ўтказилди. Ходимларнинг тезкорлик билан ҳаракатланиши ҳамда белгиланган тартибларга амал қилиш даражаси баҳоланди. Машғулот доирасида ёнғин хавфсизлиги воситалари ва техник жиҳозлар кўрикдан ўтказилиб, улардан фавқулодда ҳолатларда самарали фойдаланиш тартиби яна бир бор такрорланди. Асакабанкда ходимлар ва мижозлар хавфсизлигини таъминлаш, эҳтимолий хавф-хатарларнинг олдини олиш ҳамда хавфсиз меҳнат муҳитини шакллантиришга қаратилган чора-тадбирлар мунтазам равишда амалга ошириб келинмоқда. 📱Instagram📱Facebook📺Youtube

🏦 Асакабанкнинг ҳар бир ютуғи сиздан бошланади — биргаликда янада катта мақсадларга эришамиз Ҳар бир катта натижа ортида инсонлар туради. Асакабанкнинг бугунги ютуқлари ҳам, эртанги мақсадлари ҳам ҳар куни ўз ишига масъулият билан ёндашаётган, ташаббус кўрсатаётган ва банк ривожига ҳисса қўшаётган ходимларимиз меҳнати билан боғлиқ. Бизни бирлаштирадиган умумий миссия ва қадриятлар бор. Улар шунчаки сўз эмас — мижозни тинглашда, ҳамкасбни қўллаб-қувватлашда, янги ғоя таклиф қилишда, муаммога ечим топишда ва ҳар бир ишни кечагидан яхшироқ бажаришга интилишда намоён бўлади. Шу оддий ҳаракатларнинг ҳар бири катта ўзгаришларнинг бир қисмига айланади. Асакабанкда ҳар бир ходимнинг ўрни, меҳнати ва ташаббуси муҳим. Чунки банкни фақат янги технологиялар ёки янги маҳсулотлар эмас, уларни яратадиган, ривожлантирадиган ва мижозга етказадиган кучли жамоа олдинга олиб боради. Олдимизда ҳали кўп мақсадлар бор. Уларга эришиш учун эса ҳар биримиздан ҳаракат, масъулият, янгиликка очиқлик ва бир-биримизни қўллаб-қувватлаш талаб этилади. Бугунги ҳаракатимиз эртанги натижамизни белгилайди. ❤️ Биз бир жамоамиз. Ҳар биримизнинг ҳаракатимиз муҳим, ҳар бир ютуғимиз эса — умумий натижамиз. Биргаликда Асакабанкни янада олдинга олиб борамиз! 📱Instagram📱Facebook📺Youtube

«ТАЪЛИМ ВА ТАРБИЯНИНГ АСОСИ, ПОЙДЕВОРИ БУ — МАКТАБ» — ПРЕЗИДЕНТ ШАВКАТ МИРЗИЁЕВ Давлатимиз раҳбарининг ушбу сўзлари замирида катта маъно бор. Зеро, мактабга, таълимга ва ёш авлодга киритилган ҳар бир сармоя — мамлакат келажаги ва инсон капиталига киритилган инвестициядир. Хоразм вилоятининг Тупроққалъа туманида фаолияти йўлга қўйилган хусусий мактаб ҳам ана шундай мақсадларга хизмат қилмоқда. Бу ерда гап шунчаки янги бино ҳақида эмас — болаларнинг сифатли таълим олиши, иқтидорли ёшларнинг қўллаб-қувватланиши ва ҳудудда янги иш ўринлари яратилиши ҳақида бормоқда. 🟦🏦 Ушбу лойиҳа Тадбиркорликни ривожлантириш компанияси ва Асакабанк ҳамкорлигида қўллаб-қувватланди. Натижада тадбиркор замонавий таълим шароитларини яратиш ва кўпроқ ўқувчиларни қамраб олиш имкониятига эга бўлди. Мактабдаги таълим натижалари ҳам аллақачон ўз самарасини кўрсатмоқда. Ўқувчилар турли фан олимпиадаларида мунтазам равишда фахрли ўринларни эгаллаб келмоқда. Жумладан, ўқувчилар Қирғизистонда ўтказилган халқаро олимпиадада биринчи ўринни қўлга киритган. Бу каби ютуқлар ҳудуддаги болалар учун муносиб таълим муҳити яратилса, улар нафақат республика, балки халқаро майдонда ҳам юқори натижаларга эриша олишини кўрсатмоқда. Лойиҳанинг яна бир муҳим жиҳати — янги иш ўринлари яратилаётгани. Айрим ўқитувчилар ишлаш учун чет элга кетиш арафасида турган бир пайтда, мактаб директори уларни таълим муассасасига жалб қилиб, ўз ҳудудида муносиб иш билан таъминлаган. Шу тариқа, битта тадбиркорлик лойиҳаси орқали бир вақтнинг ўзида таълим ривожланмоқда, иқтидорли ўқувчилар учун имкониятлар кенгаймоқда ва педагоглар учун янги иш ўринлари яратилмоқда. Асакабанк ва Тадбиркорликни ривожлантириш компанияси ҳамкорлигида тайёрланган ушбу видеолавҳада мактабнинг ташкил этилиш тарихи, эришилаётган натижалар ва лойиҳанинг ҳудуд тараққиётидаги аҳамияти билан танишинг. 📱Instagram📱Facebook📺Youtube

🇺🇿🇺🇸 Ўзбекистон ва АҚШ Президентлари стратегик шерикликни янада ривожлантириш масалаларини муҳокама қилдилар 7 август куни Ўзбекистон Республикаси Президенти Шавкат Мирзиёевнинг Америка Қўшма Штатлари Президенти Дональд Трамп билан телефон орқали мулоқоти бўлиб ўтди. Суҳбат аввалида давлатимиз раҳбари Дональд Трампни АҚШ мустақиллигининг 250 йиллиги билан яна бир бор табриклади. АҚШ Президенти, ўз навбатида, Ўзбекистон–Америка муносабатлари мисли кўрилмаган даражага етганини ҳамда икки мамлакат етакчилари ўртасида ишончга асосланган яқин мулоқот ўрнатилганини таъкидлади. Мулоқот чоғида олий даражада эришилган келишувларнинг амалга оширилаётгани мамнуният билан қайд этилиб, Ўзбекистон ва АҚШ ўртасидаги стратегик шерикликни янада ривожлантириш истиқболлари кўриб чиқилди. Иқтисодий ҳамкорликка алоҳида эътибор қаратилди. Уч йиллик иқтисодий ҳамкорлик дастури амалга оширилмоқда, Америка–Ўзбекистон ишбилармонлик ва инвестиция кенгашининг биринчи йиғилиши ўтказилди, Ўзбекистон ҳудудлари ва Америка штатлари ўртасидаги алоқалар кенгайиб бормоқда. АҚШ фуқаролари учун визасиз тартиб жорий этилгани ҳам ишбилармонлик алоқаларини фаоллаштиришга хизмат қилаётгани қайд этилди. Шунингдек, фуқаро авиацияси, автомобилсозлик, тоғ-кон саноати, инфратузилма, энергетика, металлургия, сунъий интеллект ва рақамли технологиялар каби йўналишларда қўшма лойиҳалар амалга оширилаётгани таъкидланди. Президентлар халқаро аҳамиятга молик масалалар юзасидан ҳам фикр алмашиб, глобал хавфсизликни таъминлаш, халқаро ва минтақавий можароларни тинч йўл билан ҳал этиш борасидаги саъй-ҳаракатларни давом эттириш муҳимлигини қайд этдилар. Суҳбат якунида Ўзбекистон Республикаси Президенти Шавкат Мирзиёев АҚШ Президенти Дональд Трампни ўзи учун қулай вақтда мамлакатимизга расмий ташриф билан келишга таклиф қилди. 📱Instagram📱Facebook📺Youtube

🏦 Асакабанк раҳбарияти Бухоро вилояти Олот туманида тадбиркорлар билан очиқ мулоқот ўтказди Асакабанк раҳбариятининг Бухоро вилояти Олот туманида фаолият юритаётган тадбиркорлар билан навбатдаги очиқ мулоқоти бўлиб ўтди. Учрашувда тадбиркорликни қўллаб-қувватлаш, инвестиция лойиҳаларини молиялаштириш ва банк хизматларидан самарали фойдаланиш масалалари муҳокама этилди. Учрашув давомида истиқболли лойиҳаларни қўллаб-қувватлаш, ишлаб чиқариш ва хизмат кўрсатиш йўналишларини кенгайтириш, янги иш ўринларини яратишга хизмат қилувчи молиявий имкониятлар ҳақида ҳам атрофлича фикр алмашилди. Асакабанк тадбиркорларнинг таклиф ва мурожаатларини тезкор кўриб чиқиш, улар билан доимий мулоқотни йўлга қўйиш ҳамда ҳудудларда тадбиркорликни ривожлантиришга кўмаклашиш бўйича ишларини изчил давом эттирмоқда. 📱Instagram📱Facebook📺Youtube