Розкажу ти аніґдот

У маршрутці жона пробує покормити дітину цицьков: — Їч, бо уддам дяді. Дітвак мало поссав и уплюнув, а мама зась: — Їч, бо дяді уддам. Коло неї чоловік: — Тадь паніко, опреділіт ся ужек, бо третю остановку позад вас пропущаву!

— Чоловіче, не проходь мімо, купи годинку! Точна копія швайцарської годинкы! Дешево! — Супер! Туй ти сут точні копії украйинськых гривнюв!

Турист поблудившый у джунґлях утікать уд канібала: -Лиши ня ся! Мені трьох діточок дома годовати! -Ай як! А мої діти типир из голоду мавуть умерти!?

Покурив якось пуп ґанджі. Колеґы звідавуть: -Но як? -І сміх і гріх...

Найшов Іван у Боржаві зачарованый канчув. Имив терти обы джин уліз. Тре та тре, уже година, дві, три. Туй лиш із канчова голос: -Дуґовку утягни, дурню!

Кідь BMW ся повезла мимо СТО, значит у неї не роблят тормозы.

– Офіціанте, у мене у левешови муха! – Супокуйно, пане, она за наш рахунок.

-Дохторе, цілыми днями чуву в голові голос, котрый ми розказує, што маву чинити. Думаєте я одержимый демонами? -Ніт, вы просто жонатый...

Зашто християны гомофобы, кідь майважный їх празник, Пасха, ся зачав тым, ож єден чоловік поцюльовав другого?

Жона ми фурт каже, ож у мене дві проблемы: ож я ї не слухаву и якась ищи.

— Кой настане комунізм, у кажджого совєтського ґражданіна бде по аеропланови! — А нашто тот аероплан треба? — Як нашто? А наприклад — опа! — у Кишиневі муку давут? Пув годины, и там єм!

— Мамко, няньку, полюбила м цигана…! — Но йов, хоть світ увидиш…

Затямте си: ліпше свічка у гузици, ги за упокой!

Парочка ся цюлює у пудїзді: – Маріко, я ачей твою жувачку прумкнув. – Иване, дурноє не говори — не є в ня жувачкы! Айбо знав бысь, якый читавый маву насморк…

Случайно м позаганяв ушыткым свойим знакомым фотьку, де я голый. Мало того, ож было кампец як ганьба, та щий тулько гроший на маркы и конверты пушло!

— Чекай, як ото твуй пацієнт умер? — Тадь не богы сьме, у кажджого дохтора є свуй піціцькый теметув… — Пак айбо не у лоґопеда!

Уд @BereznutskyFunGamer: — Петрику! Ты чого до школы не прийшов? — Тадь мы з няньком маржину до быка вили. — А що, отець сам не муг? — Пак муг, айбо бык май ліпше…

Партія у покер ишла до рана. — Та кунчайте ужек из сими свойими бавками у нашуй хыжи! — намиреґовала ся жона. — Усьо добрі, рыбко, — успокоює ї чоловік, — се уже не наша хыжа.

Мексиканець знає, ож треба йти істи, кой му перестає печи гузицю.

Малярь пише роботу з голої натурщиці. Кунчат мальовати, каже юй: – Може чай? Она на ся намітує пондьолы, малярь кладе чайник. У входных дверьох ся прокручує замок — малярь пудскакує: – Ото моя жона! Скоро ся розбирай!!!