BEL | Лятучыя навіны

🤷‍♂️ Відэахостынг YouTube зноў выдаліў канал СТБ за сістэматычную дэманстрацыю непрыкрытай бруднай сракі ў кадры.

Іранскія дзяржаўныя СМІ паведамілі пра грамадзяніна, якога раней прадставілі як героя за знішчэнне пяці “варожых” дронаў, аднак пазней высветлілася, што збітыя апараты належалі самой Ісламскай Рэспубліцы Іран, пасля чаго ён быў арыштаваны Міністэрствам выведкі.

Вялікабрытанія прыняла рашэнне аб змене дызайну нацыянальнай валюты на карысць больш прыродных матываў і падкрэслівання важнасці экалогіі, у сувязі з чым, прадставіла новую серыю фунтаў з выявамі жывёл. Каб паскорыць выпуск, друкарскія станкі вырашылі закупіць у Беларусі — там ужо ёсць вопыт «прыроднай» валюты з вавёркай, зайцам, рыссю і зубром. У Мінфіне Вялікабрытаніі заявілі, што мяняць дызайн амаль не давялося: ён аказаўся «здзіўляльна падыходным», а выкарыстанне гатовага вытворчасці палічылі экалагічным.

⚡️Адбылася афіцыйная сустрэча Алі Хаменеі з Садамам Хусэйнам.

Лукашэнка загадаў знізіць напружанне бытавой электрасеткі ў два разы ў мэтах эканоміі.

Амерыканскі янот, які раней незаконна пранік на тэрыторыю Рэспублікі Беларусь, аказаўся супрацоўнікам беларускай выведкі, што вярнуўся дадому пасля выканання баявога задання. Гэта высветлілася адразу пасля таго, як у яго адраслі вусы і ён быў апазнаны. Падчас місіі ён займаўся рыццём тунэляў для абыходу санкцыйных абмежаванняў і аптымізацыяй маршрутаў мігрантаў. У сувязі з узростам і выслугай гадоў янот быў выведзены з актыўнай службы. У цяперашні час Саня накіраваны на заслужаную пенсію ў Гомельскі заапарк.

На сайце кіраўніка Чачэнскай Рэспублікі з’явілася невядомае відэа адразу пасля аварыі з Адамам Кадыравым. Некаторыя крыніцы звязваюць гэта з адмовай нырак у Рамзана Кадырава.

Відавочцы распавядаюць, што ўначы бачаць на менскіх вуліцах самотнага Лукашэнку на прабежцы. Сучасны Гарун-аль-Рашыд маскіруецца, каб не быць разарваным на памятныя кавалкі ўдзячным плебсам.

Заміж «Аватара-3» у беларускіх кінатэатрах пакажуць «Новыя прыгоды Шарыка і яго аватара Матроскіна».

У РУП Белтэлекам пацвердзілі, што менавіта яны прадставілі запісы відэаназірання, на якіх літоўскі аператар запускае дрон у бок Горадні для ажыццяўлення крывавай тэрарыстычнай аперацыі.

У Кітаі ўводзяць падатак на Лукашэнку. А калі ён будзе яшчэ і з вусікамі, то прыйдзецца заплаціць па падвышанаму каэфіцыенту.

Вораг не прайшоў! Міністэрства абароны паведаміла аб адбіцці атакі паветранага флота Літвы.

Раённы суд Баранавічаў прызнаў акругу Ампуджа экстрэмісцкім фарміраваннем.

Пасля праверкі падпісак палову чыноўнікаў, што здалі тэлефоны у палацы Лукашэнкі, затрымалі за распаўсюд экстрэмісцкіх матэрыялаў. Другая палова ўважліва чытала парады Кіберпартызанаў.

У Беларусі арганізавалі новую сферу паслуг — суіцыдальны турызм. Сфера прызначана адмыслова для замежнікаў, якія не могуць атрымаць якасныя паслугі ў фашысцкай Еўропе. Першая партыя турыстаў ужо атрымала свае пуцёўкі і знаходзіцца пад ментарствам высокакваліфікаваных…

У Беларусі арганізавалі новую сферу паслуг — суіцыдальны турызм. Сфера прызначана адмыслова для замежнікаў, якія не могуць атрымаць якасныя паслугі ў фашысцкай Еўропе. Першая партыя турыстаў ужо атрымала свае пуцёўкі і знаходзіцца пад ментарствам высокакваліфікаваных спецыялістаў, якія будуць суправаджаць іх і дапамагаць на працягу ўсяго падарожжа.

На чарговым допыце ў КДБ Пратасевіч прызнаўся, што ён беларускі шпіён. «Я ўвогуле пацвярджаю ўсё, што б ні сказаў пра мяне Галоўнакамандуючы, хоць і не ў курсе пакуль, што менавіта» - заявіў Пратасевіч.