មន្ទីរសម្រាកព្យាបាល និងសម្ភពច្បារមន Chbar Mon Clinic and Maternity

សកម្មភាពឆ្លុះក្រពះ

https://t.me/+i3armpL2ft5jNzQ1

https://www.facebook.com/share/v/1Ar7BVHHrR/?mibextid=wwXIfr

ការពន្យល់ដែលត្រឹមត្រូវសំរាប់ការពិនិត្យអេកូផ្ទៃពោះ ....... *** សំណួរសួរថា តើស្ត្រីមានផ្ទៃពោះ ត្រូវពិនិត្យអេកូប៉ុន្មានដង និង នៅពេលណា ? *** ចំលើយឆ្លើយថា ស្រ្តីមានផ្ទៃពោះ ចង់មើលអេកូប៉ុន្មានដងក៏បាន នៅពេលណាក៏បាន ប៉ុន្តែត្រូវគិតថា តើយើងមើលក្នុងគោលបំណងអ្វី ? យើងត្រូវចេះចំណាយតិច តែបានផលប្រយោជន៍ច្រើន ជាជាងចំណាយច្រើន បានផលប្រយោជន៍តិច ! សូមកុំចំណាយលុយខុសគោលដៅ ! 1). ការពិនិត្យអេកូផ្ទៃពោះលើកដំបូង (ពេលគភ៌មានអាយុតិចជាង ១១ សប្តាហ៍) ៖ វាមិនមែនជាការចាំបាច់សំរាប់ស្រ្តីមានផ្ទៃពោះទាំងអស់គ្នាទេ ប៉ុន្តែវាជាការសំខាន់ប្រសិនបើស្ត្រីមិនចាំឬចាំមិនច្បាស់ថ្ងៃបាត់រដូវ ស្រ្តីមិនប្រាកដថាមានគភ៌ឬអត់ ស្រ្តីមានប្រវត្តិជំងឺដូចជា ធ្លាប់រលូត ធ្លាប់កូនស្លាប់ក្នុងស្បូន ធ្លាប់មានកូនពង ធ្លាប់មានកូនក្រៅស្បូន ។ល។ ឬស្ត្រីមានរោគសញ្ញាខុសប្រក្រតីដូចជា ធ្លាក់ឈាម ចុកពោះ ចាញ់ខ្លាំងពេក ។ល។ ដែលតំរូវអោយធ្វើអេកូជាការចាំបាច់ ! 2). ការពិនិត្យអេកូផ្ទៃពោះលើកទី១ ពេលគភ៌មានអាយុ ៣ ខែ (ចន្លោះ ១១ ទៅ ១៣ សប្តាហ៍ និង ៦ ថ្ងៃ) គឺជាពេលវេលាសំខាន់ណាស់ដែលចាំបាច់បំផុតដែលត្រូវពិនិត្យអេកូ ពីព្រោះ ៖ - គឺជាពេលល្អដែលអាចកំណត់អាយុកូនបានត្រឹមត្រូវ ដើម្បីប៉ាន់ស្មានថ្ងៃគ្រប់ខែច្បាស់លាស់ (ដោយគណនាថ្ងៃចាប់ផ្តើមមានផ្ទៃពោះ) ក្រោយរយៈពេលនេះ ការកំណត់អាយុនៃគភ៌កាន់តែមានគំលាតល្អៀងច្រើនទៅៗ នៅពេលគភ៌កាន់តែធំ ។ - មានតែរយៈពេលហ្នឹងទេ ដែលអេកូអាចរកឃើញសញ្ញានៃជំងឺទ្រីសូមី២១ (ជំងឺមិនគ្រប់ទឹក) ដោយសារការវាស់កំរាស់ទឹកកញ្ចឹងក បើហួសពេលហ្នឹង សញ្ញាហ្នឹងអាចនឹងបាត់ទៅវិញដែលធ្វើអោយយើងអត់ដឹងនៅពេលពិនិត្យលើកក្រោយៗ ។ - មានតែការពិនិត្យពេលហ្នឹងទេ ដែលអេកូអាចមើលឃើញកូនភ្លោះច្បាស់ល្អ (បើជាប់គ្នា ក៏អាចឃើញច្បាស់) មើលឃើញសុកមួយឬពីរ បើហួសពេលហ្នឹង អេកូមើលលែងច្បាស់ហើយ ។ - គឺជាវេលាសមស្របដែលទារកចាប់ចេញជារូបរាងបឋមច្បាស់លាស់ បើមានបញ្ហាមិនគ្រប់លក្ខណៈធ្ងន់ធ្ងរ (ឧទាហរណ៍ អត់លលាដ៍ក្បាល អវៈយវៈខុសប្រក្រតី) យើងអាចសំរេចចិត្តបញ្ចប់គភ៌ទាន់នៅតូច ។ 3). ការពិនិត្យអេកូផ្ទៃពោះលើកទី២ ពេលគភ៌មានអាយុ ៥ ខែ (ចន្លោះ ២០ ទៅ ២៥ សប្តាហ៍) គឺជាពេលវេលាសមស្របសំរាប់មើលឃើញកាយសម្បទាសរីរាង្គទារកទាំងអស់ បើឆាប់មើលពេកមុនពេលហ្នឹង អេកូអាចមើលមិនទាន់ឃើញដែលនាំដល់ការយល់ឃើញខុសថាមិនអី តែបើមើលយូរពេកក្រោយពេលហ្នឹងប្រសិនបើទារកមានបញ្ហាមិនគ្រប់លក្ខណៈ ការបញ្ចប់គភ៌អាចនឹងយឺតពេលព្រោះទារកអាចរស់បានហើយ ។ 4). ការពិនិត្យអេកូផ្ទៃពោះលើកទី៣ ពេលគភ៌មានអាយុ ៧ ខែ (ចន្លោះ ៣០ ទៅ ៣៥ សប្តាហ៍) គឺជាពេលវេលាមើលការលូតលាស់របស់ទារក និង បញ្ហាមួយចំនួនទៀតដែលអាចកើតមានពេលគភ៌មានអាយុច្រើនខែ ។ 5). ការពិនិត្យអេកូផ្ទៃពោះលើកចុងក្រោយ ពេលគភ៌ជិតគ្រប់ខែឬគ្រប់ខែ ៖ វាមិនមែនជាការពិនិត្យជាដាច់ខាតចំពោះគ្រប់ស្ត្រីមានផ្ទៃពោះនោះទេ ប៉ុន្តែ ប្រសិនបើមានបញ្ហាខុសប្រក្រតី គឺគេត្រូវពិនិត្យអេកូ ដោយមិនប្រកាន់ចំនួននិងពេលវេលាឡើយ គឺអាស្រ័យទៅតាមសញ្ញាគ្លីនិក ។ *** ដូច្នេះ សូមកុំរារែកក្នុងការពិនិត្យអេកូផ្ទៃពោះដោយជឿលើពាក្យចចាមអារ៉ាម តែក៏មិនត្រូវចំណាយលុយពិនិត្យច្រើនដងហួសហេតុដោយមិនគិតអំពីពេលវេលាសមស្របសំរាប់ពិនិត្យអេកូដែរ សូមចំណាយតិចចំណេញច្រើនជាជាងចំណាយច្រើនចំណេញតិច !!! *** បើសង្ខេប យើងត្រូវពិនិត្យអេកូផ្ទៃពោះពេលគភ៌មានអាយុ ៣ ខែ ៥ ខែ និង ៧ ខែ (ខែសេស) ជាចាំបាច់ទើបប្រសើរ និង នៅរាល់ពេលមានបញ្ហាណាមួយកើតឡើង !!! *** ដើម្បីពិនិត្យអេកូតាមដានផ្ទៃពោះអោយបានល្អ គេត្រូវមានលទ្ធផលអេកូមុនៗ ដូច្នេះសូមមាតាទាំងឡាយ កុំភ្លេចយកលទ្ធផលអេកូចាស់ៗជាពិសេសលទ្ធផលពិនិត្យអេកូនៅពេលគភ៌មានអាយុ ២ ឬ ៣ ខែ មកជាមួយនៅពេលពិនិត្យអេកូផ្ទៃពោះលើកក្រោយឬពេលឈឺពោះសំរាល !

គ្រូពេទ្យទៅប្រជុំអភិវឌ្ឍចំណេះដឹង តែសេវាគ្លីនិចច្បារមននៅដំណើរការធម្មតា 🙏🙏🙏🇰🇭🇰🇭🇰🇭