H.E Vei Samnang

ពិធីបុណ្យពុទ្ធាភិសេក និងសម្ពោធឆ្លងព្រះពុទ្ធរូប ព្រមទាំងសមិទ្ធផលនានា នៅក្នុងវត្តកោះ ស្ថិតនៅភូមិតាអី ឃុំបាស្រែ ស្រុកអង្គរបូរី ខេត្តតាកែវ ត្រូវបានប្រារព្ធធ្វើឡើងយ៉ាងអធិកអធម និងកុះករ ក្រោមអធិបតីភាពដ៏ខ្ពង់ខ្ពស់ ឯកឧត្តម យស ណាស៊ី ប្រធានក្រុមប្រឹក្សាខេត្ត ព្រមទាំងមានការនិមន្តចូលរួមពីសំណាក់ព្រះចៅអធិការវត្ត និងព្រះថេរានុត្ថេរៈគ្រប់ព្រះអង្គ ឯកឧត្តម លោកជំទាវ លោក លោកស្រី សមាជិកក្រុមប្រឹក្សាខេត្ត អភិបាលរងខេត្ត កងកម្លាំងទាំង៣ប្រភេទ មន្ទីរ-អង្គភាពជំវិញខេត្ត អាជ្ញាធរស្រុក យុវជន ស.ស.យ.ក, យុវជនកាយរិទ្ធ, យុវជនកាកបាទក្រហម, យុវជនក្មេងវត្ត និងបងប្អូនពុទ្ធបរិស័ទចំណុះជើងវត្តកោះយ៉ាងច្រើនកុះករ។ ពិធីនេះប្រព្រឹត្តទៅក្នុងបរិយាកាសរីករាយ និងជ្រះថ្លាយ៉ាងក្រៃលែង ដើម្បីសម្តែងនូវការគោរពបូជាចំពោះព្រះរតនត្រ័យ និងអបអរសាទរសមិទ្ធផលថ្មីៗដែលបានកើតចេញពីសទ្ធាជ្រះថ្លារបស់ថ្នាក់ដឹកនាំ និងពុទ្ធបរិស័ទទាំងអស់ ក្នុងការរួមចំណែកលើកស្ទួយវិស័យព្រះពុទ្ធសាសនាឲ្យកាន់តែចម្រើនរុងរឿង។ តាកែវ ព្រឹកថ្ងៃសុក្រ ទី១៤ ខែសីហា ឆ្នាំ២០២៦