រដ្ឋបាលខេត្តតាកែវ

វឌ្ឍនភាពនៃការអនុវត្តក្របខ័ណ្ឌការជំរុញបង្កើនការថែទាំសុខភាពជាបឋមជូនដល់ប្រជាពលរដ្ឋក្នុងខេត្តតាកែវ តាកែវ៖ ព្រឹកថ្ងៃសុក្រ ១កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៤ ខែសីហា ឆ្នាំ២០២៦ លោកស្រី ឡុង បូណារេត អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ បានអញ្ជើញចូលរួមជាអធិបតីក្នុងកិច្ចប្រជុំក្រុមការងារគ្រប់គ្រងក្របខ័ណ្ឌអនុវត្តការជំរុញការថែទាំសុខភាពបឋមសម្រាប់ ខេត្តតាកែវ ស្តីពី «ការជំរុញការងារថែទាំសុខភាពបឋម សម្រាប់ត្រីមាសទី២» កិច្ចប្រជុំនេះក៏មានការចូលរួមដោយ លោក អនុប្រធានមន្ទីរសុខាភិបាលខេត្ត លោក លោកស្រី អភិបាលរងក្រុង ស្រុក លោក លោកស្រី តំណាងមន្ទីរសាខាជំនាញជុំវិញខេត្ត ក្នុងគោបំណងជំរុញប្រសិទ្ធភាពនៃសេវាថែទាំសុខភាពបឋម ជូនដល់បងប្អូនប្រជាពលរដ្ឋក្នុងខេត្តឱ្យកាន់តែមានគុណភាព និងគ្របដណ្តប់បានកាន់តែទូលំទូលាយផងដែរ។ កិច្ចប្រជុំបានរៀបចំធ្វើឡើងនៅសាលប្រជុំមន្ទីរសុខាភិបាល នៃរដ្ឋបាលខេត្តតាកែវ៕ #ខេត្តតាកែវ #រដ្ឋបាលខេត្តតាកែវ #រួមគ្នាដើម្បីខេត្តតាកែវ

ឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ បានអញ្ជើញជាអធិបតីក្នុងពិធីក្រុងពាលីសាងសង់វេទិការអុំទូក តាកែវ៖ ព្រឹកថ្ងៃសុក្រ ១កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៤ ខែសីហា ឆ្នាំ២០២៦ ឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ បានអញ្ជើញចូលរួមជាអធិបតីក្នុងពិធីក្រុងពាលីសាងសង់វេទិការអុំទូក ដោយមានការអញ្ជើញចូលរួមពី លោកអភិបាលរងខេត្ត លោកនាយក នាយករងរដ្ឋបាលសាលាខេត្ត មន្ត្រីរាជការចំណុះរដ្ឋបាលសាលាខេត្ត លោកអភិបាល នៃគណៈអភិបាលក្រុងដូនកែវ លោក លោកស្រីប្រធាន អនុប្រធានមន្ទីរសាខាជំនាញជុំវិញខេត្តដែលពាក់ព័ន្ធនៅមាត់បឹងតាកែវ ស្ថិតក្នុងភូមិចក សង្កាត់រកាក្នុង ក្រុងដូនកែវ ខេត្តតាកែវ៕ #ខេត្តតាកែវ #រដ្ឋបាលខេត្តតាកែវ #រួមគ្នាដើម្បីខេត្តតាកែវ