КЕЧИККАН ЙЎЛОВЧИ

*** Нур тугайди қайсидир жойда, Қаердадир булутлар қат-қат. Манзиллар ҳам унут бўлару Сенга борар йўл қолар фақат. Қачонлардир тўхтайди тақвим, Чиқилламай қолар соат ҳам. Вақтнинг қадри йўқолган кунда Ёлғиз Сендан кутаман малҳам. Бўғилади бўғзимда ҳаво, Вужуд – руҳни чўлғаган қафас. Лаҳзаларни ортга қайтариб, Бир Сен сабаб оламан нафас Дунё унут бўлади бир кун Хотиралар ўчади сим-сим. Фақат Сени ёдимда сақлаб, Ҳузурингга бораман, Тангрим. ©️Дадахон 🎙Маъмура Муҳаммад @Mamura_Muhammad_sherlari

* * * “Мен сен учун кошона қураман ҳали, - деган эди эркак. – Икки қават кошона. Мошиналар карвони олиб юради сени. Хизматингга канизлару шотирлар. Денгизни ҳам ҳовлимизга олиб келаман. Осмонни тўшаб қуяман пойингга - булутларга чўлғониб яшайсан. Умринг парвозда ўтади, худо хоҳласа. Кўзларингда юлдузлар порлайди доимо...” “Кечир, - дейди энди эркак. – кошона қуролмадим. Машинамиз ҳам эскигина. Денгиз эса – етиб бўлмас орзу. Осмонни-ку, қўявер...” “Йўқ, - дейди аёл кулибгина. – Мен кошонада яшаяпман. Мен ёнингизда учиб яшаяпман: хоҳласам, денгизга бораман; хоҳласам, осмонга...” “Кечир...” - дейди эркак. “Сиз кошонасиз, - дейди аёл. – Сиз - денгизсиз, осмон...” Денгизда – ғусса сукунати. Осмон - бош эгиб ўлтирар бир ғариб кулбанинг ичида. Аёл эса учиб юрибди. Кўзида юлдузлар порлайди - бош эгиб ўтирган осмоннинг юлдузлари. ©️Усмон Азим @dadaxonmuhammadiy

#maktub "Maktub" — qalbga tutilgan ko'zgu! 70 kun, 10 nafar sevimli ijodkoringiz va yangi maktublar... Azizlar, xabaringiz bor "Maktub" loyihasini boshlagandik. Har shanba kuni qalamdan to‘kilib, hali siyohi qurishga ulgurmagan samimiy maktublarni sizga taqdim etib boramiz. O'qing va o'z munosabatingizni bildiring. Ikkinchi ishtirokchimiz: MohiRa Ijodiy o'zani: https://t.me/altruistning_qizi 👉 Maktubni shu yerda o'qing: https://literature.uz/article/begona-bayramlardan-maktub

KECHIKKAN YO‘LOVCHI — "Mahalla"da 10-iyun kuni O‘zbekiston Milliy kutubxonasida “Kechikkan yo‘lovchi” nomli teatrlashtirilgan nazm kechamiz (mini spektaklimiz) bo‘lib o‘tgan edi. "Mutolaa" loyihasi homiyligidagi ushbu dastur bugun soat 20:40 da "Mahalla" telekanalida efirga uzatiladi. @dadaxonmuhammadiy

#maktub "Maktub" — qalbga tutilgan ko'zgu! 70 kun, 10 nafar sevimli ijodkoringiz va yangi bitiklar... Aziz o'quvchi, uzoq kutilgan "Maktub" loyihasini boshladik! Har shanba kuni qalamdan to‘kilib, hali siyohi qurishga ulgurmagan samimiy maktublarni sizga taqdim etib boramiz. O'qing va o'z munosabatingizni qoldiring. Ilk ishtirokchimiz: Tillaniso Ijodiy o'zani: https://t.me/TillanisoEN 👉 Maktubni shu yerda o'qing: https://literature.uz/article/cholga-maktub

@dadaxonmuhammadiy

*** Кел. Кўзларимга нурни қайтар, Онгимга шуурни. Онг ва шуурни айрит, Сўнгра ёқиб юбор Ёзганларимни. Мени қутқар, Дардисар бўламан йўқса. Йўқса, бир умр Шу ерда, Шу ергинанинг юзида, Шугина жуссам билан Судралиб юравераман. Одам бўлмайди бу вужуд, Бу тана одамга ўхшаб яшамайди. Шеър, Туйғу, Номус, Виждон, Худонинг берганига итоат, Муҳаббат, Яшашдан маъни. Ўлим чора эмас, У ҳам бечора. Ҳеч нима, Ҳеч ким, Ҳеч қаерга кетиш чора эмас. Чора бўлса Одамлар яшамасмиди Шўх-шодон, Орзулар билан, Эртаклар аро... Келмоғингдан бошқа чора йўқ. Йўқса, бир умр Шу ерда, Шу шеърда Шу шеъргинанинг ўзида, Судралиб юравераман, Ёки ўламан. ©️Дадахон @dadaxonmuhammadiy

*** Ўлмадим, тақдирга чап бердим чоғи, Азроил ёнимдан ўтиб кетди жим. Ўттиз йил ҳайқирдим, ҳўнградим гоҳи Аммо менлигимни билмади ҳеч ким. Кунлар ўтаверди, оғир, бемажол, Дарёга тўр ташлаб кутавердим мен. Дунё ўтаверди менсиз бемалол, Ҳар куни дунёдан ўтавердим мен. Бирда ёмғир бўлиб, бирда шамолдай, Худо - борлигини эслатиб турди. Коинот заррадан бунёд бўлди ва Мени борлигимни бир одам кўрди. Ҳеч ким рози эмас - арз этдим бирга Ҳар тонгда осмонга уравердим дўқ. Ҳамма таъна қилар, аммо тақдирга Савол берай десам саволим ҳам йўқ. ©️Дадахон Муҳаммадиев @dadaxonmuhammadiy

tez kunda... @dadaxonmuhammadiy

Soʻz birlashtiradi! “Soʻz”ning yangi mavsumi boshlanish arafasida avvalgi ishtirokchilarining telegram kanallarini bitta chatjildga yigʻib chiqdik! Quyidagi havolani bosib, barchasini kuzatib borishingiz mumkin. 👇👇👇👇 https://t.me/addlist/-CPFBIiNqmM2MTA6

*** Сендан ҳеч таъна ҳам гина қилмадим, Одам ҳам бўлмадим ҳар қанча бўлсам. Қанчалик тирикман, рости, билмадим, Табибим, уйғотиб қўярсан, ўлсам... Дадахон @dadaxonmuhammadiy

Айланиб-айланиб ўзимизнинг "Маҳалла" телеканалимизга ўзимиз меҳмон бўлиб бордик... Жонли эфирда адабиёт, илм ҳақида суҳбатлашдик. "Кечиккан йўловчи"дан шеърлар ўқидик... @dadaxonmuhammadiy

*** Зебо, қўлларингни олма қўлимдан, Олтин киприкларинг терма йўлимдан, Не истасанг кутгил жунун тилимдан, Фош бўлгим келяпти менинг шу кеча. Зебо, ҳаётимда шамол бўлиб ел, Кўнглим қирғоғига сув ичгали кел, Кийикдай сувга кел, сувлар тубида Тош бўлгим келяпти менинг шу кеча. Армондай эшилган сочинг толлари, Исёнга ўхшайди кўзинг йўллари, Зулфингдан хабардор, кўзингдан огоҳ, Қош бўлгим келяпти менинг шу кеча. Зебо, иқболимга дунё бўйлолмас, Камол камолимга яқин келолмас, Бу жонни олмасанг, бу жон ўлолмас, Лош бўлгим келяпти менинг шу кеча. Эй, ўт, оташингда уч умр кўрдим, Ит умрим соядек ортингдан юрди. Қуш умрим қалбингда қафасда турди, Ошиқ умрим, мана, минг ёшга кирди, Ёш бўлгим келяпти менинг бу кеча. Беш дона оққанддай бешта бармоғинг, Ёмғирли тунимни аста чертади. Зебо, қўлларингни олма. Қўлимдан Шу кеча ҳаётим ўтиб кетади. Зебо, қўлларингни олма қўлимдан, Ҳилолдай термулай тирноқларингга. Бешта ой чиқмоқда битта тунимдан, Беш ой ботиб кетган титроқларингга. Зебо, қўлларингни олма қўлимдан, Фош бўлгим келяпти менинг шу кеча... ©️Шодмонқул САЛОМ @dadaxonmuhammadiy

*** Жазирама, совуқ хўшлашув, Бош эгади мағрур дарахтлар. Июнь, ҳали кузга етмасдан Елвизакда учади дардлар. Саратоннинг тиғи беписанд, Энтикади табиат бирдан. Тиззасига бошини қўйиб, Узоқ хаёл сурди бир одам. ©️Дадахон @dadaxonmuhammadiy

🔴 🗣️ Ta’kidlanganidek, keyingi yillarda o‘zbek tilini rivojlantirish, uning davlat tili sifatidagi nufuzini yanada mustahkamlashga alohida e’tibor qaratilmoqda. Natijada o‘zbek tili mamlakat hayotining barcha sohalarida, shuningdek, xalqaro maydonda keng qo‘llanilmoqda, uni o‘rganishga bo‘lgan qiziqish tobora ortib bormoqda. ✅ Shu munosabat bilan lotin yozuviga asoslangan o‘zbek alifbosi va imlo qoidalarini soha mutaxassislari tomonidan olib borilgan ilmiy-tadqiqot ishlari asosida takomillashtirish zarurati yuzaga keldi. ✅ Qonun loyihasi bilan lotin yozuviga asoslangan o‘zbek alifbosi 26 ta harf va 3 ta harflar birikmasi o‘rniga 28 ta harf va 1 ta tutuq belgisidan tashkil topishi, shuningdek, ayrim harflarning qo‘llanilishiga aniqlik kiritilishi nazarda tutilmoqda. ✅ Muhokamalar davomida deputatlar tomonidan qonun loyihasining amaliyotda samarali va bosqichma-bosqich joriy etilishini ta’minlashga qaratilgan qator takliflar bildirildi. ✅ Xususan, qonun kuchga kirguniga qadar rasmiylashtirilgan hujjatlar, milliy valyuta va qimmatli qog‘ozlarning amal qilishi saqlab qolinishi, shuningdek davlat organlari va tashkilotlarining ramziy belgilari, peshlavha va ko‘rsatkichlari hamda boshqa atributlardan belgilangan muddatgacha foydalanish tartibi nazarda tutildi. ✅ Mazkur yondashuv davlat organlari va tashkilotlarida amalda foydalanilayotgan hujjatlar, blankalar, peshlavhalar, ko‘rsatkichlar va boshqa moddiy vositalarni bir vaqtning o‘zida almashtirish zaruratini bartaraf etadi. Natijada davlat byudjeti mablag‘larining asossiz sarflanishining oldi olinadi, qo‘shimcha davlat xarajatlari yuzaga kelishiga yo‘l qo‘yilmaydi hamda alifbodagi o‘zgarishlarni amalga oshirish davlat organlari va tashkilotlari uchun moliyaviy jihatdan maqbul, bosqichma-bosqich tartibda ta’minlanadi. ✅ Majlisda qayd etilganidek, qonun loyihasining qabul qilinishi lotin yozuviga asoslangan o‘zbek alifbosini va imlo qoidalarini yanada takomillashtirishga hamda davlat tilini qo‘llash va raqamlashtirish imkoniyatlarini yanada kengaytirishga xizmat qiladi. ✅ Qonun loyihasi deputatlar tomonidan qabul qilindi va Senatga yuborildi. 🏢 Veb-sayt | 📱 Telegram | 📱 Facebook| 📱 YouTube | 📱 Instagram|  📱 X | 🔄 ParlamentTV_RADIO | ◽ Yoshlar parlamenti

*** Эшқобил Шукур ижодига мухлис бўлдик. Аввал мутолаа, кейин ҳавас, ўртада тақлидлар ҳам бўлгандир... Диссертация, мақолалар бўлди. Аммо барибир шоирнинг мен учун очилмаган жиҳатлари ҳали кўпдай. Яхши ижодкор ҳақидаги китоблар ҳам, тадқиқотлар ҳам, адабий кечалар ҳам яхши бўлади. Объект баланд бўлса, у ҳақида қилинган илмий ишлар ўртача бўлиб қолмаслигининг ҳам гувоҳи бўлдик. Кеча "Сўз" лойиҳаси Эшқобил Шукурнинг "Мегаполисдан Ҳимолай чўққисигача" китобини тақдим этди. Ситора ва Феруза лойиҳани ҳар сафар битта поғона кўтариб-кўтариб келишяпти. Режиссёр Сайфиддин Мелиев, актриса Элмира Раҳимжонова бошчилигидаги актёрлар ва санъаткорлар жамоаси бу сафар ҳам ўта табиий ва самимий ишлабди. Миллий колорит, табиий атмосфера, тадбир тугаганини билса ҳам кетгиси келмаётган одамлар... Оғриқли-оғриқли монолог ва диалоглар, юракнинг бир жойларини тирнаб ўтадиган шеърлар атай танлаб олингандай. Билдирмайгина кўнгилни бўшатиб, кўзга ёш ҳам олдик. Хулосам шу бўлди: Эшқобил Шукур биз билгандан кўра ҳам анча баланд шоир экан. Ҳали кўп ўрганиш, тадқиқ қилиш керак бу ижодкорни. "Мегаполисдан Ҳимолай чўққисигача" ҳақида эса китобни ўқиб бўлгач алоҳида ёзамиз. Эшқобил Шукурга мухлисмиз дедик. Ана шу мухлислигимизнинг айрим намуналари бу ерда: Мақола: https://oyina.uz/uz/article/4069 Автореферат: https://library.ziyonet.uz/book/134660 Шеър: https://t.me/dadaxonmuhammadiy/1108

*** Қайта туғилгиси келар одамнинг, Баъзан шу келади хаёл-ҳушингга. Тартибни бузмоқчи бўласан гоҳи, Учиб ҳам кўрасан гоҳи тушингда. Кейин сўроқларни ҳайдайсан қувиб, Шу тахлит осмонга узатасан қўл. Бир йўл кўринади "борса-қайтмас"дай, Энг сўнгги чорадай кўринар бу йўл. Аммо ҳаммасидан кечган лаҳзада, Бир хаёл эргашар қўлингдан тутиб. Ана шу хаёл деб кетмаслик мумкин, Ўлмай туриш мумкин кимнидир кутиб. Борлиги қанчалар гўзалдир унинг, Ва буни ҳис қилиш нақадар лаззат. Кечасан, кетасан, етасан, аммо – Биргина ишқ учун яшамоқ шарт! Шарт! ©️Дадахон Муҳаммадиев @dadaxonmuhammadiy