Desalegn B.

Larry S.Pozner et al, Cross Examination: Science and Techniques, 2nd ed.,2004. (Kitaaba olitti dhoobame 👆👆👆👆) "A lawyer whose best technique is her ability to look good while performing badly is not a great cross-examiner. A less dramatic performance of well- prepared material presented in a manner that minimizes risk to the examiner's case while maximizing the damage done to the opponent's case is truly wonderful cross. A word to those who practice in areas where little time for preparation may be available. The application of techniques discussed in this chapter will dramatically elevate the ability of the cross-examiner to obtain favorable admissions, provide support for the theory of the case, and minimize the ability of the witness to take the cross-examination into undesirable areas. The task is not to make cross-examination into breathtakingly difficult and daring adventures, but to make the difficult task of cross-examination appear easier. The cross-examiner must strive for the consistency of success that comes from preparation advanced by sound technique. Success in cross-examination is an imprecise determination, but can be summarized as the accomplishment of the factual goals set out by the cross-examiner. Few cross- examinations accomplish every goal, but with the sound application of techniques, the advocate can expect to accomplish far more of her goals than would have been accomplished without the application of the science and techniques of cross-examination".   (Barreeffamichi Kitaaba tgm Chaanaalii 'The Legal Oracle' jedhu irratti dhoobame keessaa kan fudhatamedha)     Join:-@desberofMM         Desalegn B.

Larry S.Pozner et al, Cross Examination: Science and Techniques, 2nd ed.,2004.   (Kitaabichi tgm Chaanaalii 'The Legal Oracle' jedhu irraa kan fudhatamedha)     Join:-@desberofMM         Desalegn B.

Waa'ee Heera (Tumaalee Heeraa) Fooyyessuu °°°°√√√√°°°°°°√√√√√√°°°°°°°°√√√√√√ ✅Heerri Mootummaa Seera Ol'aanaa biyyi tokko ittiin qajeelfamtudha. Heerri sanada seeraa, sanada siyaasaafi sanada hawaasummaati. Eenyu akka aangoo argatu, akkamitti akka argatuufi daangaawwan aangoo kanaa maal akka ta'an kan tumus heeruma kanadha. ✅Heerri biyya kamiiyyuu qajeeltoowwan gurguddoo of keessaa qaba. Qajeeltoowwan kanneen keessaa muraasni: Burqaan aangoo mootummaa uummata ta'uu,  Heerri seera Ol'aanaa ta'uu, Qaamolee mootummaa gidduutti aangoo qooduu, Mirgoota bu'uuraatiif wabummaa kennuu, qajeeltoo bulchiinsa ykn Ol'aantummaa seeraa, Dhaabbataa ta'uufi dhaabni siyaasaa fedhii yeroo irratti hundaa'ee akka hin jijijjiirre ittisuu kan jedhu tarreessuun ni danda'ama. Heerri biyya keenyaas kanarraa adda miti. ✅Heerri yeroo yerootti akka jijijjiiramu yoo taasifame, amaloota ykn dudhaa hawaasummaa silaa ijaaruu qabu osoo hin ijaarin hafuu waan danda'uuf, dudhaa hawaasaa faayidaa qabeessa ykn barbaachisaa ta'e ijaaruun immoo yeroo fudhachuun isaa waan hin oolleef hanga tokko dhaabbataa ta'ee turuun irraa eegama. Kana jechuun garuu gonkumaa fooyya'uu hin qabu jechuu miti. ✅Keessattuu, hanqinaalee heerri qabu ykn walitti bu'iinsa tumaalee heeraa sirreessuuf, jijjiirama hawaasummaa uumame waliin walsimsiisuuf, rakkoo siyaasaa furuufi dimokiraasii cimsuuf heera fooyyessuun barbaachisaa akka ta'e ogeessonni dhimma heeraa irratti qorannoo gaggeessan ni ibsu. ✅Waa'ee fooyya'iinsa heeraa wayita kaasnu yeroo baay'ee kan xiyyeeffatamu dhimma bu'uuraa fooyya'u (qabiyyee isaa) qofa irrattidha. Haa ta'u malee, dhimmi adeemsa isaas haaluma walqixa ta'een daran murteessaadha. Adeemsi itti heerri fooyya'u hirmaachisaafi iftoomina qabaachuu qaba. Hirmaachisummaan (kutaa hawaasaafi ilaalcha siyaasaatiinis) isaafi iftoominni isaa ol'aanaa yoo ta'e, uummanni heera (tumaa heeraa) fooyya'e kana abbummaadhaan eeggata; heerichas kan ofii taasifata.  Biyya keenyaatti immoo dhimmi adeemsaa daran murteessaa ta'uu isaa dhimmoonni agarsiisan ni jiru. Fakkeenyaaf, akka qorannoon tokko tokko agarsiisutti, namoonni siyaasaa tokko tokko wixinee Heera Mootummaa biyya keenyaa yeroo ammaa hojiirra jiru irratti mari'atanii erga mallatteessanii booda, ani hin mari'anne, hin mallatteessine; yaadas hin kennine jechaa akka jiranidha. Kanarraas wanti hubatamu, namni (ofiitti hin fudhanne taanaan) erga qaboo yaa'ii irratti mallatteessee booda haaluu kan danda'u ta'uu isaati. Kanaaf, adeemsa Heerri itti fooyya'u xiyyeeffannoo guddaa argachuu kan qabudha. Dhaloota fuulduraatiif yaadna taanaan dhimmi heericha kan ofii godhatanii fudhachuu ykn dhimmi amanamummaa lammileen heeraaf qabanii murteessaa waan ta'eef, kana milkeessuuf immoo amanamummaan adeemsaa murteessaa waan ta'eef bilchina ol'aanaadhaan ilaalamuu; wixineen isaas Afaan uummanni bal'aan hubatuun maxxanfamee irratti dubbatamuu qaba yaada jedhun qaba.         (Yeroon kun yeroo dhimma heeraa irratti mari'atamaa jiru; yeroo itti lammiileen yaada ofii ibsachaa jiran waan ta'eef, nutis carraa kanaan yaada dhuunfaa keenya bifa olitti eerameen kan ibsanne ta'uun akka nuuf hubatamu barbaadna) Galatoomaa!🙏🙏 Yaadicha irratti yaada dhiyaatu ni simanna.     Join:-@desberofMM         Desalegn B.

👉Beeksisa Qacarrii Hojii Ogeessota seeraatiif bahe 👉Fuula FB Obbo Mul'isaa Ejjetaa irraa kan fudhatame. Join:-@desberofMM Desalegn B.

✅Sirna Fooyya'iinsa Heeraa ilaalchisee, Yaadni fooyyaiinsaa sagalee harka 1/3ffaa miseensota Mana Maree BBU fi Mana Maree Federeeshinii Yoo argate, Heerri akka fooyya'u jedhu irratti waliif galamee yaadni gorsaa (furmaataa) dhiyaachaa akka jiru gaazexaan Rippoorter hirmaattota wabeeffatee ibseera. 👉Heera Amma hojiirra jiru kwt 105 waliin yoo ilaalame, Sirni itti Heerri fooyya'u salphaa ta'uuf kan deemu ta'uu isaa agarsiisa. ❓Tumaan Heerichaa,, jechuunis keewwatni 105 mataa isaayyuu akkamitti fooyya'a kan jedhu garuu nama hin yaaddessuu? 🤔 👉Gaazexaan kun yaadota irratti waliif galame muraasa tarreessuun, kan irratti waliif hin galamneefi adeemsarra jirus akka jiru ibsiteetti. 👌Mee Gaazexaa kana dubbisaa. Hirmaattota irraas dabalataan mirkaneeffachuuf yaalaa. Galatoomaa!      Join:-@desberofMM          Desalegn B. 🔗 ተጨማሪ ያንብቡ: https://ethiopianreporter.com/159133/

Yaadni Furmaataa Marii Biyyoolessaa Irraa Argamu Bu'aa Kallattiidhaan Tumaalee Heera Fooyyessiisuu Ni Qabaa? ^^^^√√√√^^^^^^√√√√√√√^^^^^^^^√√√√√ ✅Labsiin Koomishinii Marii Biyyoolessaa Itoophiyaa Hundeessuuf bahe, Labsiin Lakk.1265/2014 kwt 4(2) jalatti itti waamamni koomishinichaa Mana Maree Bakka Bu'oota Uummataatiif ta'uu tuma. ✅Labsichi kwt 6(4) jalatti immoo kaayyoo koomishinichaa keessaa tokko Yaadotni furmaataa maricha irraa argame hojiirra akka ooluuf deeggarsa taasisuun lammilee, akkasumas mootummaafi uummata gidduutti sirni dimokiraasii wal amantaa irratti hundaa'e sadarkaa biyyoolessaatti akka ijaaramu taasisuu ta'uu ibseera. ✅Keewwata 9(10) jalattis, gahee hojiifi itti gaafatamummaawwan koomishinichaa keessaa tokko yaadota gorsaa (furmaataa) marii irraa argamanifi sanada tooftaa ittiin yaadni furmaataa hojiirra oolu ibsu qopheessuun Mana Maree Bakka Bu'oota Uummataatiif, Qaama raawwachiistuudhaafi qaamolee mootummaa ilaallatan kan biroodhaaf kan dhiyeessuufi uummataaf ifa kan godhu ta'uu tumeera. ✅Kana malees, kwt 9(11) jalatti mootummaan yaadota furmaataa marii irraa argaman hojiirra oolchuu akka danda'uuf karoora ifaafi qabatamaa ta'e akka qopheeffatuuf deeggarsa barbaachisaa kan taasisu ta'uu tumeera. ✅Itti fufuun, kwt 21(2) jalatti aangoofi gahee hojii Manni Maree Koomishinichaa qabu tarreessuun isaan keessaa tokko yaadota furmaataa koreewwaniin qophaa'anii dhiyaataniifi marii Uummataatiin argaman tarreeffamaan sakatta'uunifi qindeessuun Mana Maree Bakka Bu'oota Uummataatiif, Qaama Raawwachiistuufi qaama mootummaa ilaallatu biroodhaaf akka dhiyaatuuf murteessuu (mirkaneessuu) akka ta'e tumeera. 👉Tumaalee kanarraa kan hubatamu, koomishinichi To'annoofi Ol'aantummaa Mana Maree Bakka Bu'oota Uummataa jalatti hojii isaa kan hojjetu ta'uu; yaadota furmaataa marii irraa argamanis qaama kanaaf kan dhiyeessu ta'uu; adeemsa yaadota furmaataa dhiyaatan hojiirra oolchuuf deemamu keessattis deeggarsa kan taasisuufi hojiirra oolmaan isaas karoora ifaafi qabatamaa (adeemsa dabalataa biroo) qabaachuu kan qabu ta'uudha. 👌Kanarra darbee, Yaadni Furmaataa dhiyaatu bu'aa Kallattiidhaan tumaalee heeraa fooyyessiisuu akka qabu labsichi hin akeeku. Heerri biyya keenyaa kan fooyya'u akkaataa (adeemsa) heericha kwt 105 jalatti tumameen ta'uun isaas ni beekama. ❓❓Mee isin akkamitti hubattan? Yaada nuuf qoodaa.     Join:-@desberofMM         Desalegn B.

Sanada Hundeeffama Waldaa Dhuunfaa IGM (PLC) Mirkaneessuuf Qaamni Aangoo Qabu Kamidhaa? Abbaa Alangaati Kan Jennu Yoo Ta'e, Abbaan Alangaa Mirkaneessuun Dura Dhimmi (Haaldureen Guutamuu Isaanii) Qulqulleeffachuu Qabu Dhimmoota Akkamiiti? ••••√√√••••••√√√√√√•••••••••√√√√√√√√ Labsiin Mana Hojii Abbaa Alangaa Waliigalaa Oromiyaa (yeroo ammaatti Biiroo AAWO), Lakk.214/2011 keewwata 7 (48) jalatti, Manni Hojii Abbaa Alangaa hojiiwwan mirkaneessaafi galmeessa ragaalee qaamolee birootiif seeraan hin kennamne kan raawwatuufi ragaa kan kennu ta'uu tumeera. Dhimmi sanada hundeeffamaa waldaalee mirkaneessuus qaamolee biroodhaaf waan hin kennamneef hojiin mirkaneessaafi galmeessaa kun sadarkaa Biiroofi Godinaatti (Magaalaalee dabalatee) qabatamaatti raawwatamaa jira. Haaldureewwan sanada hundeeffamaa waldaa dhuunfaa IGM mirkaneessuufi galmeessuuf guutamuufi dhiyaachuu qaban: 👉Sanada hundeeffamaa akkaataa seerichaatti qophaa'e (koppii afurii gadi kan hin taane); 👉Xalayaa maqaa waldaa daldalichaa agarsiisu, Ministeera yookiin Biiroo Daldalaa irraa kan kenname; 👉Waraqaa eenyummaa miseensota waldichaa; 👉Buusiin gosaan taasifamu yoo jiraate, sanada abbummaa qabeenyichaa mirkaneessu; 👉Abbaan qabeenyichaa kan fuudhe yookiin hin fuune yoo ta'e, ragaa gaa'ilaafi hayyama ishee; 👉Idaafi dhorki qabeenyicharra jiraachuufi jiraachuu dhabuun qulqullaa'uu isaa mirkaneeffachuu; 👉Mallatteessitoonni aangoo seera yookiin waliigaltee irraa madde qabaachuu isaanii mirkaneeffachuu; 👉Daa'imni umriin hin geenye waldaa daldalichaa keessatti akka miseensaatti galmaa'eera yoo ta'e, waraqaa ragaa dhalootaa yookiin ragaa guddistummaa mana murtiitiin kenname; 👉Hayyama waloo maatii yookiin ragaa aangoo bakka bu'ummaa inni tokko isa biroo ittiin bakka buuse fa’aati. ✅Haalonni kun guuttamuun erga qulqullaa’ee booda akkaataa labsii lakk.922/2008 keewwata 8titiin sanadichi mirkanaa’ee galmaa’a jechuudha.    (Kitaaba Obbo Dassaaleny Biraanuu Mata duree, "Seera Daldalaa: Waldaalee Dhuunfaa IGM (PLC)" jedhuun bara 2018 barreessan keessaa kan fudhatame)     Join:-@desberofMM        Desalegn B.