Dualar

Allahım, bəzən nə dilədiyimi özüm də bilmirəm. Sadəcə hər şeyin yaxşı olmasını istəyirəm. Sevdiklərimə, yoluma, keçmişimə və gələcəyimə hüzur və rahatlıq ver. Çatışmayan nə varsa tamamla, qəlbimdəki boşluğu doldur. Məni öz başıma buraxma. Çünki bəzən özümə belə yaxşı təsir edə bilmirəm. Sənə sığınıram. Susdum, yoruldum, gözlədim... Artıq içimdə nə əskikdirsə, onu tamamla, ey aləmlərin Rəbbi.

Ey Allahım, qəlbimə elə bir təvəkkül bəxş et ki, yollar bağlananda belə Sənin rəhmətindən ümidimi kəsməyim. Elə anlar olur ki, sanki bütün qapılar üzümə bağlanır, bütün çıxış yolları yox olur. O anlarda mənə xatırlat ki, insanların bitirdiyi yerdə Sənin mərhəmətin başlayır. Mən gələcəyi görə bilmərəm, amma Sən hər şeyi bilənsən. Mən acizəm, Sən isə hər şəyə qadirsən. Mənim görə bilmədiyim xeyirləri mənə nəsib et, gecikən dualarımın arxasında gizlətdiyin hikmətləri qəlbimə sevdir. #dua

Ey Rəbbim, o çox istədiyim dua'ma məni asanlıqla və xeyirlisi ilə çatdır.

Hər şey öz vaxtında gəlir. Allahın rəhmətindən ümidinizi üzməyin.

Allahummə Amin! Nə gözəl dua'san belə..

Ya Rəbb... Sənə vermək necə də yaraşır. Çünki, Sən Vəhhabsan – bol-bol bəxş edən Sənsən. Elə isə ver, ey Rəbbim. Duam hələ dilimdə ikən qəbulunu yaz. Sən "Ol!" dedikdə hər şey olar. Dualarımın qəbulunu mənə müjdə et, ey Rəbbim. Məni qapında sadəcə gözləyənlərdən deyil, qapında qəbul edilən qullarından et.

♡ Dua et, çalış və Allaha təvəkkül et. Qalan hər şeyi O həll edəcək. ♡ Hər şey zamanında, düz yerində olacaq. ♡ Səbr et, çünki Allahın planı, sənin xəyallarından daha gözəldir.

Allahummə Amin!

Allahım, başladığım və niyyət etdiyim hər işi mənim üçün asanlaşdır, yükümü yüngülləşdir. Addımlarıma güc, qərarlarıma isabət, əməyimə bərəkət ver. Qarşıma çıxan əngəlləri xeyirli imkanlara çevir və məni yoran, yolumu bağlayan hər bir çətinliyi rəhmətinlə üzərimdən al.

Ən böyük xoşbəxtliklər böyük və acı fəlakətlərin nəticəsidir.

Qəlb darıxsa da, səbir edənlər Allahın vədinə güvənər.

Allahummə Amin!

Allahım, Səndən hər seçimim üçün xeyir, hər qaranlıq üçün nur, hər çətinlik üçün asanlıq istəyirəm. Allahım, cənnətinin gözəlliyi qədər, həyatımın qalanında mənə gözəlliklər göstər və bütün diləklərimi gerçəkləşdir. Allahım, səbirdən sonra məni mükafatlandır və kədərdən sonra məni xoşbəxt et.

Allaha burax,   Olmuş bil.

Allahım, Ey Vəhhab(bəxş edən)! Mənə elə bir çıxış yolu və elə bir nemət ver ki, ona göylərin və yerin əhli heyran qalsın.

Bəlkə də bir DUAlıq məsafə qalmışdır, o çox istədiyin şeyə. "Vaz keçmə".

Aləmlərin Rəbbi bilir, biz isə bilmirik.

Allahummə Amin!

Allahım, namaza dəvət etdiyin zaman, dəvətinə icabət etməyi mənə asanlaşdır. Mənə Sənə tərəf qaçaraq gəlib səcdələrdə hüzur tapmağı nəsib et. Sürətlə ötüb keçən ömrümün hər anını Sənin razılığınla yaşamağı mənə nəsib et. Dünya işlərinin yorğun saldığı qəlbimi Öz məhəbbətinlə rahatlandır. Qəlbimdən sıxıntıları götür, hüznümə şəfa bəxş et.