الوسم

‏ما قبلني الحظ قولي وين برحل وين اروح ‏الصبر ياهو يعذب والاماني موجعه

اللهم أرحم عبدالمعيد رحمة تطمئن بها نفسه وتفسح له في قبره وتؤنس وحشته، وترحم غربته يالله

‏جعل قسمي عند ربي من خيار القسوم ‏واحدٍ يعطي العطايا ولا يرتدها

‏الله يسمّح خطوة اقدامك على الهجر الصحيح ‏تدلّ دربك .. واعذَب طعونك تدلّ دروبها ‏وانا عسى الله يغفر ذنوب الهوى .. والله يبيح ‏نفسٍ .. تشلّ من الجروح ذنوب فوق ذنوبها ‏اخترت راحة خاطري والناس فالكون الفسيح ‏ماعاد اطالع في مزاياها ولا في عيوبها ‏حتى الشفوف اللي وراها كنت اقوم وكنت اطيح ‏اليوم .. والله لاني بصوبك ولاني صوبها

طيّبني بطيب فعله جعل عزه يدوم ماهو بطيبٍ يجي ويروح فالمبخره قلت أنت للقلب راحه وأنت للعين نوم وأنت العطاء اللي يضب الكسر ويجبّره يا سيفنا اللي ما يذكر في شباته ثلوم يا ريفنا كان هِجْرتنا غدت مقفره فعلك تمنى بلوغه جيدين العزوم واسمك ليا واجه الأمداح ما تنكره

‏معي فيك يا من في يدك خزنه الارزاق ‏رجى عند غيرك لا عرضته ولا دِرته

احلامنا اللي كتبناها على الدفتر ‏تبكي على احلامنا اللي ماكتبناها

‏إن غاب كن العمر تهدر سنينه ‏واذا حضر صار الفرح شي مثبوت

كل عام وأنتم بخير ‏تنعاد أعيادكم، وتتبارك مسرّاتكم ❤️

‏لبيك وإن قست القلوب، لبيك وإن كثرت الذنوب، لبيك إنّا عائدون، تائبون، نادمون، لبيكَ إنّ العَيْشَ عَيْشُ الآخرة، لبيكَ ما شقى قلب عاد إليك، لبيكَ اللهم عفوًا و عافية، لبيكَ اللهم إجابةً شافية، لبيكَ رضًا و حُسنَ خاتمة، لبيكَ ربّي و إن لم أكُن بين الحجيج مُلبّيا

‏قَد ينالُ المَرء بدُعاءِ إخوانِه ‏ما لم يَنله بدعائِه لنَفسه ‏- اذكروني بدعائكم

‏لا تنشغل فيني أنا بحالي ادرى ‏قلبٍ تعلق فيك ينسى مع الوقت ‏اكثر من اللي صارلي ويش يجرى ‏بين الرجا والياس شفني تعلّقت ‏مثلي ولو شفته عن همومه ازرى ‏ماقال ليتك في جروحه ترافقت ‏هاك القصايد لا تضايقت واقرى ‏شف وشكثر فيها لبسماتك اشتقت ‏أثر الوفا ينباع عندك ويشرى ‏ماكنت اصدق فيك واليوم صدّقت ‏يا مشتهي فرقا المواليف حذرى ‏تبعد وانا من سكرة الحب مافقت ‏لا طافت الفرصه تحريت الاخرى ‏وتروح ماكني عليها تشوقت ‏ساري لو إن الليل مافيه قمرى ‏اشيل من حمل الهوى فوق ماطقت ‏لاصار حظ أقشر والايام قشرى ‏مافيه احد عاقل يلومك إليا ضقت ‏صحيح بعض الناس فرقاه بشرى ‏وبعض البشر لاغاب ليله تضايقت ‏ليتك خذيت بليل الاحباب مسرى ‏غربت من كثر الطواري وشرّقت ‏السيل يبقاله على القاع مجرى ‏ويبقالك التذكار لو كنت فارقت ‏اشوف لك من وين مارحت ذكرى ‏ولا شفتها صديت عنها ودنقت ‏ماكل جرحٍ لا خذا ايام يبرى ‏بعض الجروح يزيد شره مع الوقت

‏الله أكبرُ والأماني بين يديك ‏الله أكبرُ والصعب هينٌ عليك

يا دارٍ ما يكفي منك نشدة ولا جوّال ‏سلامي عليك إن جيت أوّ جابك الطاري

‏من كثر ما أمل حتى من الأشياء الزيان ‏ما أحسد اللي طال عمره ولو طاب عمله ‏واثق إن العمر كلّه دقيقة عنفوان ‏والحياة الصدق عقب القبر والأسئلة ‏جعل موعدنا مع أجدادنا خضر الجنان ‏والصراط أقلنا جهد، يمرّه بعجلة ‏ يمكن اكون اول انسان يرجع بالزمان ‏لين قام يجيه لمقابل اجداده وله من بغى يأخذ على راحة أعصابه ضمان ‏انصحه، لا عاد يشفق على مستقبله

‏يا مقبل ماعندي مذاري عن الضيق ‏الا ملامح وجه أبوك و كلامه

‏ ‏يارب أنا في رجا الغفران لنك غفور ‏رحمتك تسبق عقابك يا شديد العقاب ‏اشعر بها يوم اقصر وأعترف بالقصور ‏واسوي الذنب والقى دعوتي تستجاب ‏عليك يا خالقي وكّلت كل الامور ‏وقطعت الآمال فاللي خلقو من التراب

‏ما عاد تكفي مرحبا مليون بالصوت الجهور ‏المرحبا مليون للي ما بعد شاف وعرف ‏وانا عرفت اميز الطلقه من أول ما تثور ‏وأنّزل العالم منازلها صدر ولا طرف ‏وأردّها ردّ الكريم اللّي ما يلحقه القصور ‏لو كان راعيها من اللي لا ضمير ولا شرف ‏يا الله عليك ولا على هقوة يبور وما يبور ‏إليا طغو كيّالة الميزان والعدل انحرف ‏الألّسن اللّي ما هيب تعرب عن اللّي في الصدور ‏ما تنؤمن حتى على زاد اليتيم المنغرف ‏حنّا نعاف اللّقمة اللي ناشبة في كل زور ‏ومن المعزّة دمّعنا ما هو بعادي ينذرف ‏وإليّا ظلمنا الحظّ مره ما نلفّ ولا ندور ‏هذه تبي من يمتّهن دور الذليل ويحترف ‏العبد غير لوجه ربّي عبد في كل الأمور ‏متقلّب الوجهين مثل العملة اللي تنصرّف

‏يا طبيب القلق عيا يطيب القلق ‏مير سكّر ملفاتي ودوك العلاج ‏دام أنا وأنت أوادم خلِقنا من علق ‏لا نعكر مزاج ولا نعدل مزاج ‏الله اللي يعدل والله اللي خلق ‏والله اللي بيده الضيق والانفراج ‏اذكر الله وأعوذ برب الفلق ‏يالله إنك تسوق الوبل عقب العجاج ‏يا كريمٍ اليا من الطريق انغلق ‏تفتح لعبدك الشاكي وساع الفجاج ‏أشفِ عبدٍ اليا قالوا بري وانطلق ‏لج فالراس مثل مكبرات الحراج