فقه المختبر 🔬

شكل التقرير بتطبيقي لادارة المختبرات القادم نموذج تحليل الادرار Urinalysis ...... @abdiq96

صباح الخير ينبض قلبك يوميا حوالي 100 الف نبضة لتبقى على قيد الحياة وتمارس حياتك بشكل طبيعي. اما طول عمرك فقلبك ينبض مليارات المرات. وانت زعلان تكول محد وياي لا حبيبي گلبك وياك. ...... @abdiq96

اذا رحت لمختبر مضبوط وخوش مختبر وسويت تحليل Anti-TPO وطلع موجب وبعدها مثلا صار عندك كسل بالدرقية وبديت رحلة العلاج، واكيد تبقى متابع نتائج الغدة بشكل دوري لهنا تمام؟ ال Anti-TPO هذا لا تعيده، تسويه فقط مرة واحدة في العمر واذا طلع موجب خلص هاي هية لا تعيده مرة اخرى لان يبقى مدى الحياة وماكو اي علاج يوقفه وما راح تفيدك الاعادة بأي شي بس مصرف وقلق زايد. لذا تحليل Anti-TPO يتم عمله لمرة واحدة في العمر فقط. ...... @abdiq96

من تسوي تحاليل غدة درقية وتشوف Anti-TPO عالي لا تستهين بهالشي حتى لو البقية TSH وهرمونات الغدة طبيعيات! لازم تبدا بالمتابعة مع الطبيب المختص. لان هاي مقدمات كسل الغدة الدرقية المناعي ( هاشيماتو ) ...... @abdiq96

اي احد تشوفه عنده سمنة مركزية ( منطقة البطن ) وافخاذ وارجل نحيفة فهاي سمنة هرمونية بسبب ارتفاع الكورتزول السبب لان الكورتزول يسوي شغلتين: - زيادة خزن الدهون - زيادة هدم العضلات وشكل الجسم يكون شلون الصورة: ...... @abdiq96

اكيد اعدكم احد بالعائلة طالب اعدادي او طالب متوسط؟ واكيد الاغلبية مشكلتهم اللغة الإنكليزية هاي القناة مال اخوي الجبير ا. يونس مدرس انكلش دزوها الهم وبيها تنزل شغلات تفيدهم ان شاء الله وانتو هم اشتركوا بيها هم الا ينزل شي يفيدكم بالانكلش https://t.me/younisenglish157890 ...... @abdiq96

المحاضرة الاولى - مقدمة + ترتيب مصادر

مثل ما عودتكم سابقا الدورة اللي اسويها اول محاضرة انشرها هنا. والواجب هم وياها اللي يحب يحله

فقه المختبر 🔬 pinned a file

تبلش هالاسبوع ان شاء الله وبسعر مناسب ...... @abdiq96

#انتباه منا ورايح اي حساب ما يدخل للكروب الخاص بالقناة الا يراسلني، بدون مراسلة ينرفض طلب الدخول. السبب اكو حسابات وهمية تدخل وينزلون صور خادشة للحياء. ...... @abdiq96

الاعزاء الباحثين هذي السنة تكون بنظام الحجز حتى كلشي يحصل حقه ان شاء الله ❤️ ...... @abdiq96

من اهم المعلومات المختبرية اللي لازم تعرفها مرات شخص عنده اعراض ارتفاع الكورتزول، تسويله الصبح يطلع طبيعي وتكله ما بيك شي هاي كارثة! او تكله تعال العصر سويه ويطلع طبيعي وهم نكله ما بيك شي هاي هم كارثة. الصحيح والطبيعي الكورتزول الصبح يكون عالي ( واكيد ضمن الحد الطبيعي) وقبل المغرب الساعة ب 4 ب 5 يكون نازل واقل من الصبح اذا الصبح والعصر بقى نفس المستوى يعني فقد التغاير هاي هية عنده كورتزول مرتفع وعنده خلل ولازم يتعالج. فركز وياي الكورتزول لازم يكون بيه تغاير يومي بالصباح عالي بالمساء نازل غير هيج يعني اكو خلل حتى لو ضمن النورمل رنج الاثنين. وسلامتكم. وها تجنبوا الچاي والكهوة قبل التحليل ب 4 ساعات ...... @abdiq96

السلام عليكم وين تتوفر المواد للفحوصات: 1. PCR Streptococcus agalactiae - عدد العينات حوالي 20-30 ل: - cfb gene PCR - cylE gene PCR - احتاج ال PCR kits أو الـ Primers. 2. Immunohistochemistry (IHC) الفحص على FFPE tissue blocks (Paraffin-embedded tissue blocks). واحتاج - MMR primary antibodies: - MLH1 - MSH2 - MSH6 - PMS2 - Detection kit - DAB Chromogen - Antigen Retrieval Solution اذا احد يوفرهن او صاحب مكتب نزلوا رقمه معرفه. ...... @abdiq96

منهج المناعة الوزاري اللي عنده يدزه ولكل المراحل المهم الوزاري ...... @abdiq96

اروح احول النشر بكروب السيارات يتفاعلون ويسوون واهس اكثر منا🚶 شوفوا التفاعل كله 200 وفوك ...... @abdiq96

#شوية_مناعة #وزارة_الدفاع_المناعية ... شلون جسمنا يقضي على الفيروسات والسرطان؟ اليوم نسولف عن "قوات الصاعقة" بجسمنا هاي عبارة خلايا اسمها CD8 T-cells (أو الـ CTLs - Cytotoxic T Lymphocytes) هاي الخلايا هي خط الدفاع الهجومي المرعب اللي رب العالمين خلاه بجسمنا حتى يحمينا من السرطان والفيروسات. وكومة منكم يدوخ بالتفاصيل تعالو نحجيها بابسط صورة شغله شلون يصير؟ اولا: الاستخبارات (الخلايا المتغصنة - DCs - Dendritic Cells): هاي الخلايا تتفرفر بالجسم، من تشوف فيروس أو خلية سرطانية، تاخذ "البصمة" مالتها وتروح تركض بيها للعقد اللمفاوية (Lymph Nodes)، بالعقد هناك اكو خلايا بعدهه جديدة ومدللة وما شايفة حرب (نسميها الخلايا الساذجة - Naive CD8 T cells) ف الاستخبارات تشوفهه البصمة (Antigen - المستضد) وتكولهه: سيدة لكيت عدو وهذا هو شكله! ارجو اتخاذ ما يلزم وفق الضوابط🌚". ثانيا: اوامر القيادة هنا تدخل خلايا القيادة (CD4 T cells / TH1) وتفرز بروتينات وسيتوكينات (Cytokines) (مثل IL-2 - Interleukin-2 و IFN-γ - Interferon gamma)، هاي المواد مثل البنزين اللي يشعل الحماس! بلحظات الخلايا تتحول إلى خلايا قاتلة محترفة (Mature CTLs)، وتبدي تنقسم وتتكاثر بسرعة خيالية لدرجة عددها يزيد 100,000 مرة خلال أيام وينتشرون بالدم. ثالثا المواجهة والحصار من تلزم الخلية المصابة (Target Cell)، ترتبط بيهه حيل وبإحكام مثل قفلة السحاب مال الهدوم (بواسطة الـ TCR - T-cell receptor والـ MHC class I - Major Histocompatibility Complex class I مع جزيئات الالتصاق Adhesion Molecules) فماكو أي مجال للإفلات والهروب من منطقة الارتباط اللي نسميها المشبك المناعي (Immune Synapse). رابعا طرق الإعدام الخلايا القاتلة ما تذبح ولا تطلق نار! شتسوي لعد؟ تكعد "تقنع" الخلية المصابة بإنها تنتحر وتدمر نفسها (عملية اسمها Apoptosis - الموت الخلوي المبرمج) وتستخدم طريقتين: - الحبيبات السامة (Granules): تفرز بروتين اسمه بيرفورين (Perforin) يثقب غشاء الخلية المصابة وتدخل وراه إنزيمات الجرانزيمات (Granzymes) تفلش الخلية من الداخل. - دگمة الانتحار (Fas/FasL): بروتين بالخلية المناعية اسمه (FasL - Fas Ligand) يطخ بمستقبل بالخلية المصابة اسمه (Fas receptor)، أول ما ينكبس، الخلية تبدي تدمر الحمض النووي (DNA) مالتها وتتفلش. خامسا: التنظيف (البلدية) ورا ما تنكمش الخلية المصابة وتتحول الأشلاء مالتها إلى قطع صغيرة تسمى الأجسام الانتحارية (Apoptotic Bodies)، تجي خلايا البلدية (الخلايا البلعمية الكبيرة - Macrophages) والـ DCs تبلع (Phagocytosed) هاي البقايا وتنظف المكان ويرجع الجسم أمان. وهيجي احنا عايشين مرتاحين ونروح ونجي بامان الله ف يعني سبحان الله نظام عجيب ..... @abdiq96

الصورة كملت اخمطوها يمكم ما اريد تفشلوني يطلبون منكم تخفيف وما تعرفون