روح وريحان 🌿

مثل ما شفت الناس عبرت من الطريق المفتوح وأنت مشيت بدون تردد لاتخلي الشيطان #يغلق_طريق_الكمال عليك بأوهام مالها وجود ومالها أصل ارجع لرب العالمين ودگ باب الحسين وراح تلگه ترحيب تضوگه #بگلبك

هذا الطريق مفتوح للجميع والجميع ممكن يمشي بيه ويوصل لرب العالمين ولصاحب الزمان حتى وأن كان صاحب ذنوب ومعاصي باب رب العالمين مفتوح للجميع وباب التوبة دخلت منه ناس چانو اتعس خلق الله وصارو أولياء

بطريق رب العالمين هيج : من تشوف لناس عدهم علاقة بالله تعالى او تصير عدهم كرامة من أهل البيت تشوفلك شخص عنده علاقة بالسيدة فاطمة تشوفلك شاب ملتزمة وخلوق وطيب تشوفلك شاب معمم والناس تتعلم منه تشوفلك شهيد او شهيدة وحصلوا على وسام الشهادة هنا لا تسد الطريق على نفسك وتگول اني شيسويني مثلهم تره هاي سوالف شيطان

مرات تمشي بطريق ومن ابعيد تشوف الناس يرجعون فأنت تلقائياً يصير ببالك أن هذا الطريق #مـسدود ونوب تباوع يسره يمنه تگول چا منين أعبر وتباع لذيچ الصفحة تشوف الناس جاي تعبر أنت تگول ذاك الطريق #مفـتوح خل امشي 👇 أبد ما يصير ببالك أنو أنت ما مسموح الك بس مسموح لذوله الي اشوفهم يعبرون

هل هذه توبة ؟ بطلت اسمع غناء بس ما ماسحهن من جهازي ؟!! بطلت العب دومنة و ورق بس الدومنة ضامها عندي ؟!! بطلت علاقة محرمة بس الصور والدردشات حافظهن والحسابات ويوميا أگلبهن ؟!! بطلت اشرب خمر بس علب الخمر مضمومات عندي ؟!! بطلت أروح للمكان الفلاني المو زين بس ارقام الحجوزات عندي ومتابعهم ؟!! عفت اللعبة الفلاني والبرنامج الفلاني بس بعدني ما لغيت تثبيتهم ؟!! تركت متابعة القناة الفلانية بس ما غادرت منها ؟!! و و و الكثير من الذنوب الي يكون سببها أشياء نگول #تبنـا من عدها بس بعدنا مچلبين بيها ويگولون -ولعله هم حديث هذا- ماذكر : من حام حول الحمى وقع فيها . يعني من تظل تفتر حول المعصية تجرك الها وتطيح بيها .

الإمامُ عليٌّ عليه السلام : ثَمَرَةُ الكذبِ المَهانَةُ في الدُّنيا والعَذابُ في الآخِرَةِ .

وانت گاعد ببيتك سالم غانم وتشكي من رب العالمين لأن ما قضى حاجتك وتحس نفسك انسان مظلوم وماعدك حظ والدنيا عاكس وياك #تـذكـر اكو مرضى سرطان يصارعون الحياة حتى يحصلون كم دينار يشترون بيهن جرعة (وأنت مو منهم) ومرضى ينتظرون سراهم حتى يغسلون كلى لأن كلياتهم ما تشتغل (وانت مو منهم) اكو ناس على دكت المغتسل أموت وبعد ساعات او دقايق راح ينزلوهم بالقبر (وانت مو منهم) اكو ناس گاطعين صلاتهم (بس أنت مو منهم) اكو ناس يسمعون اغاني ويجذبون ينافقون ويطعنون بأعراض الناس وياخذون رشاوي ويسرقون ( وانت مو منهم) و و و الكثير من المصائب فأحد ربك واشكره على كل حال دام نعمة العافية والستر والحياة والدين عندك فهاي نعمة چبيرة مامثلها نعمة .

سالفـه مختصرة اكو واحد يبيع صابون اجوه ثنين لبسهم مختلف گالهم انتم منين گلوله احنه مرافقين لصاحب الزمان گالهم اخذوني وياكم اشوفه وبعد إلحاح عليهم خذوه وياهم بالطريق صادفهم نهر وشاف ذوله يمشون على الماي !! گالوله اقسم على الله بصاحب الزمان وامشي ، صاحبنه قسم على الله بالامام وگام يمشي ع الماي بالطريق مطرت الدنيا تذكر صابوناته وراح يتبللن غرگ بالماي لان انشغل عن الامام بصابوناته گالوله توب من الي شغلك وارجع اقسم على الله ، رجع توجه گلبه للإمام ورجع كام يمشي على الماي وصلو وسط الصحراء اكو خيمة گاعد بيها الامام روحي فداه گالوله اوكف خل ناخذلك اذن من الامام حتى تدخل طبو سمعهم يگول الهم الامام (لا اذن له انه رجل صابوني) 😞💔 انتهى ف هسه احنه شكم صابونه بكلوبنا شاغلتنا عن الامام ومخليتنا مو اهل للحب وكل واحد عده تعلق بسالفه معينه حاجبته عن الامام كون يسعى ليل مع نهار يزيلها حتى يصل للجمال المقدس اللهم لين قلبي لولي امرك https://t.me/h_ameer1

إذا أردت أن يكون #أبنـك ناجح في جميع مجالات حياته الدينية والدراسية والإجتماعية الطريق هذا وهو : أربطه بسيرة وحياة الشهداء وتابع بعدها النتائج . من أهم العناوين التى يجب أن تقرأ لسيرة وحياة الشهداء والمؤثرة هي : 1 .. سلام على ابراهيم 2 .. سر شجرة الصنوبر 3 .. همت فاتح القلوب ذني عناوين والكثير من سير الشهداء توجد في المكاتب .

ثواب وعظمة قراءة القرآن الكريم قال رسول الله صلى الله عليه وآله : .من قرأ عشر آيات في ليلة لم يكتب من الغافلين .ومن قرأ خمسين آية كتب من الذاكرين .ومن قرأ مائة آية كتب من القانتين .ومن قرأ مائتي آية كتب من الخاشعين .ومن قرأ ثلاثمائة آية كتب من الفائزين .ومن قرأ خمسمائة آية كتب من المجتهدين .ومن قرأ ألف آية كتب له قنطارا والقنطار خمسمائة ألف مثقال ذهب والمثقال أربعة وعشرون قيراط أصغرها مثل جبل أحد وأكبرها ما بين السماء والأرض. ــــــــــــــــــــــــــــــــــــــ 📚ثواب الاعمال للشيخ الصدوق ١٠٣

الفجر ان شاء الله

علينا أن نسعى جاهدين لنعرف ما يفعله لنا الإمام المهدي عليه السلام في كل يوم،وما النعم التي نعيشها ببركة وجوده بيننا. وأن نعرف أيضا ما الذي يمكن أن يفيض به علينا إذا طرقنا بابه بصدق وإخلاص. وفي الوقت نفسه نسعى بجد واجتهاد لإيصال هذه المعرفة إلى جميع المؤمنين، بل إلى البشرية جمعاء، ولو كان ذلك ببذل المهج في سبيلها. حارث المياحي

متى نصبح أحراراً .

صير يمه أتراب يسويك ذهب

{وَنَادَىٰ نُوحٌ ابْنَهُ وَكَانَ فِي مَعْزِلٍ يَا بُنَيَّ ارْكَبْ مَعَنَا وَلَا تَكُنْ مَعَ الْكَافِرِينَ} مازال النداء ينادينا إلى سفينة النجاة وما زال في الحياة متسع للنجاة من الغرق

مثل ما تبني مستقبل ولدك الدراسي ابني مستقبل ولدك الديني اجعل لهم مشاريع حسينية مهدوية قومهم بفعالياتهم العبادية وساعدهم واوكف وياهم الدنيا خلصناه وتقصيرك اتجاههم بهذا الجانب تره يوگفونك يوم القيامة وتتحاسب عليه والطبية مو احسن من خدمة الحسين .