لطميات نزله

دلوني بطريق احسين وامشيله اريد انعاه واقرايه اسويله ... عميه امن البواجي وبالجفن سطره انه الزهره أمه وجايه الكبره اريد انعاه وابلل بالدمع نحره بيوم الاربعين ومجلس اهديله ... وياكم اريد الطم على امصابه هم شفتو شهيد امسلبه اثيابه اريد افرش عباتي واكعد ابابه والزاير حوائج آنه اكضيله ... لو طبيتو للحظره يمشايه تلكوني اعله بابه امحزمه ابرايه ضلعي ايطيب لمن اسمع اقرايه عالضل بالشمس محد يفيله ... واقرولي اعله زينب من ترد باجر ترجع من سبيهه بكسرة الخاطر علوية علي وبحالهه اشصاير الله ايساعده السلبو مداليله ... يازوار اذا ردتوني اسجلكم اريد اسمع بجيكم وي لطمتكم على المذبوح صبو اوياي دمعتكم وهنياله الاذكره اليوم وادعيله ... باجر بالقيامه آنه الاحاميكم مثل الطير ياشيعه التقط بيكم اعرف اوجوهكم واعرف اساميكم كل خادم اعرفنه بتفاصيله ... وللعباس واجب نمشي ونطوفه هذا الكطعو عالمشرعه اجفوفه مصيوب النظر والهامه مخسوفه كضاي الشدد عباسنه ادخيله ... #اللهم_عجل_لوليك_الفرج #محمد_الجماسي

[[ريحة الزهره]] الى كرم مولاي الحسن المجتبى ع كرم  كرم  -- شابــع الفقره كرم  كرم  -- ريحة الزهـره هذا الحسن   ___   هذا الحسن ◾◽◾◽◾◽◾◽◾◽ طـــــــاري العزوبيه مايعـــــرّف شـــويه ودلّـــــــته مــرچـيه ...عزّه وفخر ماليها جوده فايض جوده الخير فــوگ ازنوده محد وصل لحدوده...من كل كتر حاويها ابو الخبزه الحاره الما بـارده الطير من بعيد تلگاه گاصده لهسه بابه ولا دقيقه ســـادّه كرم  كرم  --  للكرم شمـره كرم  كرم  -- ريحة الزهـره هذا الحسن   ___   هذا الحسن ◾◽◾◽◾◽◾◽◾◽ چان ذاخر جاسم لعمّه يصبح خادم كون ميرد ســـالم ...عزّب ضناه بالعاشر ياهـو مثـلـه بــالله لدينه ضحه اليغله هـالله هـالله هـالله ...والمثله لا ما صاير رمز للجود الحسن يستاهل وياكل ابيّته چبير وجــاهل واليوزّع مـــاي چف الكافل كرم  كرم --  ما برد جـدره كرم  كرم  -- ريحة الزهـره هذا الحسن   ___   هذا الحسن ◾◽◾◽◾◽◾◽◾◽ دخيل اسمه وبخته دخيل زيــنب اخته جــــوده دار لبنــته...تنّطي المراد بساعته الحضره من تكضها شكو اطلابه انفضها الشـــريفه تفضّــها...اي والحسين وداعته هاي تربات الحسن يالتـــسأل انخاها تترس ايدك أول بأول ما يخيب اليمّ شـــريفه حوّل كرم  كرم -- طاهــره ودرّه كرم  كرم  -- ريحة الزهـره هذا الحسن   ___   هذا الحسن ◾◽◾◽◾◽◾◽◾◽ بلا بنيه وحضـره ورغم هدمو گبره معزب ابن الزهره…ولهسه محد فايتــه ضنهم يضيـعونه گمــر شيـدفنونه والله ما يخـفونه ...ناره تضل ما خافته ابن حيدر والمضيف حدوده ما تبين عالي ضــــــل بزوده ابو ادلال الدوم ضلت سوده كرم  كرم  -- محد يعبـــره كرم  كرم  -- ريحة الزهـره هذا الحسن   ___   هذا الحسن ◾◽◾◽◾◽◾◽◾◽ موگـــــده ما يطفــه حته اليمــــــر صدفه يطب مضيفه يضيّفه ...هيچ اليجيب اضيوفه حسين ينـــگل زاده اتبشرو بالســـــــاده الگصد رد بـــــمراده ...وامراده بين اچفوفه القاسم يمد سفرته الله يزيدها ورمله خطار اليجيهم عيــــدها وزينب التطبـــخ الـــزاد بأيدها كرم  كرم  -- وتطبخ الحره كرم  كرم  -- ريحة الزهــره هذا الحسن   ___   هذا الحسن ◾◽◾◽◾◽◾◽◾◽           عبد العليلـه ✍حيدر ابو كيان الفاطمي قنواتنا   https://t.me/h_ameer1 https://t.me/h_ameer2 https://t.me/h_ameer3 https://t.me/h_ameer4

خادم يالزهره تسجليني. خادم يالزهره تسجليني. ////////////////////////////1 خادم وتفاخر بالخدمة ولجل حسينچ ابجي بهمه عابس انجن ضحه بدمه   مجنون حسين تخليني.  خادم يالزهره تسجليني. ///////////////////////////2 هاي الخدمة تعلي شاني وبكل مجلس حاضر اني والمجلس يصبح عنواني   وماضن يالعترة تنسيني.  خادم يالزهره تسجليني. /////////////////////////3 محسود الي خلص عمره بحب حسـين وامه الزهره باچر من يموت تحضـره   وتمنه بكبري تحضريني.  خادم يالزهره تسجليني.   ////////////////////4 من زغري امي مرضعتني حب وبالراية مگمطتني ولجلج يالعتره نذرتني   وگالت تربح ياضي عيني.  خادم يالزهره تسجليني. ///////////////////5 نذرتني امي للخدمة وشما تملك كالت قدمة ماتخسر وتحصل القمة   وسمك كالت اينجيني  خادم يالزهره تسجليني. ////////////////////6 وراح اطلب منج هالطلبه وعليچ اعرف ماهي صعبه كون اخلص دوم انه الحبه   ورايد بالخدمة توفقيني.  خادم يالزهره تسجليني. //////////////// سعد الزيدي قنواتنا   https://t.me/h_ameer1 https://t.me/h_ameer2 https://t.me/h_ameer3 https://t.me/h_ameer4

هاي زينب وين عنها حسينها للقصر بت والده  مودينها . هاي زينب هاي بت حامي الحمة بت رسول الله و عزيزة فاطمة شلون ما طاحت على الكاع السمه لمن صاح ايزيد زينب وينها . وهي تسمع واكفه اباب القصر يمتى ياذن ليها تدخل تنتظر شلون ما ماتت شنو هذا الصبر شلون ما غمضت زينب عينها . شلون ضل ايدگ گلبها ام الخدر ساعة امن الحرس ضلت تنامر عالقصر تدخل اجه منه الامر وذكرت اخوتها الگبل حامينها . ذكرت العباس يوم الجابها لمن فوك امتونه صار ارجابها وعاينت زينب على سلابها شلون كض بجفه حبل ايدينها . الحارس امن يصيح تذكر خوته حسين خيّها الماكو مثل مروته ما عليها بيوم رافع صوته وهي وياه كضت كل اسنينها . صاحها وانجبرت تشيل الجدم ودخلت اعلى القصر گدام الحرم شلون طبت كلشي لام عون انهضم لمن دخلت زينب مجتفينها . الله يلعنه مرتدي ثوبه الجديد والحرم كدامه متگيده بحديد بت رسول الله اوجفت مثل العبيد كبال راس حسينها مخلينها . عبدالله الفريجي

#تـراث (بطولة قمر بني هاشم روحي فداه) من شـد عالحــرب شلّع مــلازمها گمر عدنان وابطراف الرمح زمها ــــــــــــــــــــــــــــــــــــــ سمع زينب تشحمه وهـاج بيه الباس نشــر راية علي وزرّ الــدرع والطـاس ولاح ابظهر غوجه وصاح أنه العبّاس وزينب هلهلته وبشر مبسمها ــــــــــــــــــــــــــــــــــــــ لوه أعنان المطهّم والتوه الميدان وفتر عزم الزلم وانذلهت الفرسان أنه العبّاس صاح اوگفت الجميان ولمّ أطرافها وعالگلب لايمها ــــــــــــــــــــــــــــــــــــــ أمثّـــلك صفـــاته وايحلـه التمثيل بالعبّاس من شد اعله گـــوم الفيل وشفرة صارمه تمطر حجر سجيل والكعبه ابخدر زينب علايمها ــــــــــــــــــــــــــــــــــــــ لكد عالمشرعه وخلّ الجموع اتميد خـرّسها وخفه صــوت الزلم والويد والصنديد يتــكـــوّر عله الصنـــديد بالجام والإجل للخيل لجّمها ــــــــــــــــــــــــــــــــــــــ اِخّرست والگلب يتراجف امن الخوف وعنّ العلگمي خله الحرس مكـشــوف ونزل للمشـرعه وكــلّ العيون اتشـوف ومن يگرب أبو فاضل تسلمها ــــــــــــــــــــــــــــــــــــــ طب للماي ضامي وما شرب منّه لا واللــه مــو خـــوف المِنَع عنّـه گبــل اطفـال اخــوه ماراد يتهنّه وارد الخوّته ايأدّي مراسمها ــــــــــــــــــــــــــــــــــــــ رمه الــمــــاي اونــــده يانفـــس تتهنّين ابلذيذ الماي گبل اطفال أخويه احسين يامحله الخـــطــــاب العجّـــب الكونين أبي اونفسه الأبيّه اشلون كلّمها ــــــــــــــــــــــــــــــــــــــ أبي او نفسه الأبيّه اتراشد وبالراي وگبل حسين ما شـربوا لذيذ الماي هاي العاطفه ارورح المغـانم هــاي وابو فاضل وصل حدها او تغنمها ــــــــــــــــــــــــــــــــــــــ ســدر من الشريعه او بذل مجهوده لسكينــه يوصّـــل المـاي مگصــوده حمّاي الضعينه او حامه عن جـوده اِوحُماة الضعن من حيدر تعلمها ــــــــــــــــــــــــــــــــــــــ جــــزه حـــد الحمــايه وانطه بيها ازنود تهـــاب الگــــوم چــانت ماتــــردّه اردود شـگول اعله السهم شحچي عله العامود لبيوت الشرف عالشرف هدمها للشاعر المرحوم كاظم المنظور الكربلائي #اللهم_عجل_لوليك_الفرج

#يااباعبدالله ما تكفِّيه عَشرة أولى وثانْيَة كُون جرحك ينقرٱ بكل ثانْيَة _ ينقرٱ بكل ثانية وطول الدهور إلحرارة بگلب كل مؤمن تفور يا حزن كل القصايد والعصور انت باقي ، و العوالم فانْيَة _ يا حزن يوفيك يا لطمة صدر وانت من عندك خذو راية وخدر راية العباس واختك باليسر وامك لطيحتك ظلت حانية _ أمك لطيحتك محنيَّة ضلع واحنا ما عدنا فقط بس الدمع ٱتطشَّرِت ، حتى بعزاءك ننجمع والأجر النا قطوف ٌ دانْيَة ____ مايطيب العيش بعدك يالحنين وانت مذبوح وعلى الغبرة طعين وصَعدَت اختك على التل تصرخ حسين وجثِّتك منها الدموم القانية _ مجلسك يرادله وگفة زلم ونيَّة واخلاص ، وبعد شدَّة حزِم ماكو بالدنيا مهم ، انت المهم و بس حياة الخدمة طيبة وهانية ___ نرفع ٱيدينا ، لِتعجيل الفرج على افراگه ما بقت عدنا مهج يمتى ياخذ ثارك وثار الحجج وينتقم من الطغات الجانْيَة ____ الفاتحة لروح والدي رحمه الله.. نورالدين العيساوي

القصيدة : تردوني اطيب من المرض الرادود : علي الساعدي الشاعر : تحسين الخفاجي »»»»»»»»»»»»»»»»»»»»» تردوني أطيب من المرض تردوني وياكم أمشي الكربله خلوني »»»»»»»»»»»»»»»»»»»»» زعلانه حيل اعله المشوا زعلانه محد اجاني وكلي كومي ويانه يا ناس روحي من المرض خلصانه حادي الضعن من سار بجه عيوني »»»»»»»»»»»»»»»»»»»»» لموا غراض البيت كلها وشالوا و ويانه ما ترحين للطف كالوا مالوا عليه هواي كلش مالوا من دون البنيات ما صاحوني »»»»»»»»»»»»»»»»»»»»» ضليت أشوف البيت منكم خالي وكل ساعه حسبه تمر يبويه ابالي جا ليش محد سأل عن أحوالي عفتوني للون والقهر عفتوني »»»»»»»»»»»»»»»»»»»»» يمه رحت وتعذراني الحادي ودموع عيني اعله الجفوها تنادي عليه انغمه وبعده الجرح ما بادي وشلون بويه وداع ودعتوني »»»»»»»»»»»»»»»»»»»»» يا بويه من عدكم كطعت الضنه وعمري بعد شيفيد ما اريدنه بالباب طول الوكت نكعد جنه ويا بويه خابت من مشيت اضنوني »»»»»»»»»»»»»»»»»»»»»

ياشهر عاشور ياشهـر الدمــع        بيك ابو السجاد نحره ينــكطع                   ——————-      من اشوف هلالك دموعي تهـــل      واذكر شلون السهم صاب الطفل      وزينب اذكرها مشت فوك الهزل      واذكر الخيل اكسرت اقدس ضلع                    ———————-        ياشهر عاشور ياشـــهر الضـــمه       بيك اشاهد فاطمه مو فاطـــمه      ثوب ابنها تنشره ويكطر دمــــه                  والونين من السمه يضل ينسمع                      ———————-        شوفة هلالك قـــــهر يتبع قـهر       والهلال بطلعته يغيب الكـــــمر        ذاك ابو السجاد مكسور الضهر       بفكد ابو فاضل وحيد ومـنفجع                    _       ياشهر وهلالك يبجي الشـمس       بيك اشاهد جاسم بلايه عـرس       ومابقت عد رمله للفرحه نفس      والسيوف هناك تنفخ عالشـمع                    —————-      بس جرح شهرك جرح ماله شفه      وعالارض دامي شبيه المصـطفه      ياعلي الأكبر عله الدنيه العــــفه      بيك صوت حسين يبقه مرتفع                       —————-      ياشهر حزني ودمـــــعتي والألم      شوفتك نار بگبر نار الخيـــــــم       بگلب ابو السجاد خليت السهم      مو سهل لابل صعب هذا الوضع                  ——————       دمعة الخدام تبقه هامـــــــله      ياهله بجيتك حرت لولا هـــــله      من تهل ايامك ابجي لكــــــربله     وبغصن حزنك لطم صدري فـرع                    ————-    سيد معتز الحسيني

الانصار .... هوس حبيب وكال ذبو العمايم وصيحو بعلاة الصوت يم الهواشم أنصار أنصار .... صح احنه قله القليله لاكن نعادل قبيله كل زلمه واكف علم الكابلنه نهجمله بيته انجر الشمر من لحيته وانذبحه ذبح الغنم راس ابراس..والعباس..نردمهم سويه بشرو احسين..يالسبعين.. متردنه المنيه عمر ابن سعد اليوم خل شيله يلبس لو اعمه لاهله ايروح لو يرجع اخرس أنصار أنصار ... امشونه نسعي بخيمهم وانفرح الزهره امهم احنه زلم كربله موجف حسين النبوسه انبوس التراب اليدوسه خدامه واجنود إله انهب اعصار..عالكفار.. وانرجف الشوارب حَر السيف..يجوي الصيف..وايسوي العجايب بالغيره نگعناه سيف البدينه باعوا اميه احسين واحنه اشترينه أنصار انصار .. عبدالله كلمن يمسه شيله وعبايه نلبسه وانرجعه لهله مره رغم الذبول اعله شفته هذا الطفل يم ضحكته الورد لازم سره ابهذا الليل..يطلع هيل..من كاروكه فايح واشمحلاه..جل الله..السواله الملامح من يرمش الكيعان تنكلب خظره ابوجهه صلاة العيد والضحكه فطره أنصار أنصار ... لازم نطمن الاميره انكللهه انتي الجبيره يابت علي وفاطمه شوفينه شنسوي باجر باجر نثوب مناحر باجر نضحي الدمه اتطيح اركاب..فوك اركاب..لو مسو عبايه العلويات..ذن ايات..مايمشن سبايه من رخصة العباس نعتذر منه حسبينه يالحوراء خوانج احنه أنصار أنصار ... باجر نسوي العلينه القاسم نزفه بدينه وانسوي اكبر عرس انهوسله هوسة شجاعه هذا اللي يوصل شعاعه من الأرض للشمس ماكو ادموع..بس اشموع.. باجر بس سعاده يفتخرون..زلم ام عون..لو نال الشهاده شيخ الكرم جسام والطف مضيفه عنده الحرب ديوان والدله سيفه أنصار أنصار ... للحومه طبو الاشاوس جون وحبيب اوي عابس عجبو حتى العجب عالدرع لبسو كلبهم ومن گد صلابة رگبهم السيف منهم تعب واليوفون..يتعلكون..رايات بمواكب ربع احسين..بالرجلين..داسو عالشوارب صاحو حلاة الموت لو عالعقيده واليمس ثوب احسين نكطعله ايده أنصار..أنصار ... الشاعر #محمد_الجماسي #اللهم_عجل_لوليك_الفرج

حيو فرسان الوغى.. حيو ابطال الصفا فتيةٌ قد آمنو.. بالحسين وكربلاء ... الله ياهالناس بالقران كايل قد خلقناكم شعوبا وقبائل وذوله ربع احسين اهل صيت وحمايل الله وي طينتهم امخلي مراجل راية الحك والجهاد..طرزوهه أمن الدماء فتيةٌ قد آمنوا..بالحسين وكربلاء ... ياعشيره الشرفت كل العشاير شيخهم اسمه حبيب ابن مضاهر من بعيد اتشوفهم جنهم مناير كتبو بدمهم اعوذو أمن الحوافر لمه صارو عالخيام..وطمنو حتى النساء فتيةٌ قد آمنوا..بالحسين وكربلاء .... اجو متخفين من عين الحكومه مااجو للتهلكه ولا للخصومه اليضحي المبدأه لا لا تلومه الليل مايضوي ابد لو مانجومه وهمه طفهم ضل يشع.. بالكفاح وبالفداء فتيةٌ قد آمنوا..بالحسين وكربلاء .... ليلة العاشر اجه احسين بقربهم وعله امصلاياتهم شعت تربهم واحد سبعين بدموعه حسبهم شافهم بالعركه مايرجف كلبهم مثل مايدوي النحل.. بالصلاه عدهم نقاء فتيةٌ قد آمنوا..بالحسين وكربلاء .... رسمو الخطه القتاليه العجيبه بالحرب واحدهم ايعادل كتيبه وهب يم باب الخيم علك صليبه وعابس الشاكري مجنون بحبيبه والرياحي الحر هتف..حان ميعاد اللقاء فتيةٌ قد آمنوا..بالحسين وكربلاء .... استشهدو واحسين ناداهم يربعي كون اموت اوياكم ومايجري دمعي ساعه والسلاب يكطعلي اصبعي وينسلب ثوبي ويسحكون اعله ضلعي يالمثلكم مارأيت... بالمحنه والوفاء فتيةٌ قد آمنوا..بالحسين وكربلاء ... الشاعر #محمد_الجماسي #اللهم_عجل_لوليك_الفرج

يَـــسُر الله المكنون حلاة الخدمة أجنون ألك خـــــادم ممنون يا حسين ........................................... بسم رب البــرية شلت أسمك هوية وصرت خادم ألك يا بو علي وتشهد أديه شفت درب الخدامه طريق الحق وسامه ومشيت بدربك وشفت الخدم عزه وكرامه عشت ما بين الناس أمير وكلي أحساس خدمتـك رفعة راس يا حسين ......................................................... يسر شوكــــي وهيامي وحروف أسمك غرامي مثل شم الهوه أشتمك حبيبــــــــــي يا أمامي يالمغركنــــــــي خيرك وصرت بالحب أسيـرك أو ولا لحضه الكلب شفته هوه محبوبي غيرك نبض كلبـــــــي طرواك عشت من صغري أهواك حروف الحب معنــــــاك يا حسين ..................................................... يخيــــــــــمتنه التلمنه وضريحك يجلي همنه وكفنه وكفة أمجدي أعله بابك من وكفنه اليجيك وكله حــــــيرة ودمعته بعينه ديــــــرة تسر كلبه ويرد لهله ملك شيــــخ العشيرة نهر شفتــــك مولاي شمس وأتوزع أفياي ألك دمعة عيناي يا حسين ...................................................... وجودي وسر كياني وحرز طلسم لسانـي حروف أسمك يقرءان الوفه وسبع المثاني مثل عابس عشكتك وسط عيني رسمتك ونزع جفني الدمع لمن شفت ماي وعطشتك ضوه العاشك مفضوح يسولف عنه النــــــوح القلم شاهد واللــــــوح يا حسين .................................................. حلــم عمري المجالس الخدمتك عندي واهس وكمت كل مجلس أحضر أوكف أبيبانه حارس لأن عندي عقيدة بداية كل قصيدة تجي الزهرة وعلــــــي الخادم يسجًل أسمه بيده عَن الصادق منقول رواية وبيها أيكول التعب منك مقبول يا حسين .............................................. ألك ثابت يقينـــــــــي وصرت خادم حسيني لحد كطع النفس يبقه عهد بينك وبيني ثياب الخدمة صيتي ودمع عيني وصيتي أذا باجر متت يوم الحشر خادم هويتي أجــــــي بثيابي السود لطمتي ودمعي أشهود وترد الخدمــــة اردود يا حسين ..................................................... خادم خدمة الحسين الشاعر محمد الموالي

عله الغريب واويلاه

انت الما ترد محتاج من زغري اسمعت عنك وبوكت الگحط والگيض غيمه وتمطر بمَنّك يا مولاي ...ضيفك جاي .. رايد حاجتي منك ... گالو من يمرك ضيم روح لموسى ابن جعفر وگالو سيدي بابك باب الفرج للمضطر نخيتك وانت ابن وادم منها الخير يتطشر يا مولاي ...ضيفك جاي .. رايد حاجتي منك ... بابك بيدي دگيته وانه لردك متاني ادري ما تخجلني اگبال القاصي والداني اريد امشي لهلي واصرخ موسى الكاظم انطاني يا مولاي ...ضيفك جاي .. رايد حاجتي منك ... اجيت محمل همومي وحاير وين اوديهن سوالف گلبي يم غيرك صعبه اعليه احچيهن دموعي الغاليه مو عيب يم شباچك ابچيهن يا مولاي ...ضيفك جاي .. رايد حاجتي منك ... عزيز النفس من زغري ومنبركم مربيني بسفرتكم عشت سلطان وعزه وجاه منطيني حاشه بمثل هيج اوضاع يالكاظم تخليني يا مولاي ...ضيفك جاي .. رايد حاجتي منك ... اريدي مرادي من عندك يل باب المراد اسمك احلفك جيت بالمحسن وبشوغة ضلع امك وين انطي الوجه وامشي اذا رديت من يمك يا مولاي ...ضيفك جاي .. رايد حاجتي منك ... أنه الگاطع ادروب ابعاد ريحه من النحر بيه عليك بداعة العباس واخته المشت مسبيه كون الليله من يمك ارد والحاجه مگضيه يا مولاي ...ضيفك جاي .. رايد حاجتي منك ... خادم الحسين ( عليه السلام) كرار حسين الكربلائي ( ابو كميل)

على المسموم واويلاه على المسموم على المسموم واويلاه على المسموم دمعات المصيبه اليوم...والآهات والحسره والهم والحزن والنوح..كلهه الفاطمه الزهره تنعه الياجرح واجروح..گلب ام الحسن كثره جينه اوياهه عالمسموم...نبچي ونهمل العبره نصيح اليوم...واويلاه نصيح اليوم على المسموم واويلاه على المسموم .................................... أصبح كل مُحب حِزنه...علامه ادموع البخدَّه يبچي اعله الخلص عمره...سجين وطالت المُدَّه عَدُوَّه اشينطي من اعذار...باچر للنبي جَدَّه وضل دوم الرضا ينعه...لبُوه السمِّمَو چبده گلب مالوم...واويلاه گلب مالوم على المسموم واويلاه على المسموم .................................... غريب ومبعد اعله اهله...ومِنَّه اعياله محرومه عنده ابنيه مكسوره...وعليهه غابت اعلومه ويلي وچنهه بنت حسين...هَم بغيابه مهظومه نفس الجرح بالفرگه...العليله وگلب معصومه حزن واهموم واويلاه حزن واهموم على المسموم واويلاه على المسموم .................................. عظيمه الفاجعه لمّن...حظر عنده الرضا وينوح وشافه وگلبه يلهب نار...ويلي والدمع مسفوح لاچن ياسجين انصيح..صح فوگ الجسر مطروح مو مثل الغريب حسين...ضل فوگ الترب مذبوح سليب اهدوم واويلاه سليب اهدوم على المسموم واويلاه على المسموم ...................................... تهيج اجروحنه الليله...ابمجلس موسى ابن جعفر اويه الكاظم نون وانوح...آه يمصيبة المنحر وانصيح الجسر مولاي...مو مثل الرمل والحر وماكو اعله الجسر خيمات...بيهه النار تتوجر شماته الگوم واويلاه شماته الكوم على المسموم واويلاه على المسموم سيد علي الموسوي

قصيدة تجليبه في الإمام الكاظم ع ..............................✍️ هنياله اليزور الكاظم الليلة يالله يالجـواد يكَلــه ندعيـله *** كَرة عيــن كــل واحـد إجــه وزاره الكــاظم ما يــرد مهمـوم مـن داره من كَبــره يجــي ويتلَكَــه خطــاره الما ينــدل الحضـرة يكَـوم يومِيله *** الكاظم ما يرد حتى اليعيــل علّــيِ الشيعي الي يزوره شلون ما ينطي يكشف كربـك وكَلبك شكو هَم بـي اذا شــافـــك ويالـــزوار تبچيـــــله *** ذوله اكرام موش فلان لـو فلتــان ذولـه أرواح عدهـم تشبه القُـرآن الكاظم ينسجن واليحكم الشيطـان؟ دنيـــه وآخـــرة العــاداه يـا ويلــه *** هنياله اليخدمـه ويعتنـي الحضـرة خَيــره يــزود والله يبـــارك بعمـره فدوة تروح هـــاي الدنيه للعتــرة ومديونـــه تظــــل ومــا توَفليـــه *** ما ينسه اليزوره ويعتني الصحنه هــذا المرقــد الما ينشبــــع مِنــه قبـــل الشيعة تلكَه أخوانــه السُنه تطوف بمرقـــده ونـذور تهديلـــه *** على أهل البيت وِدنه نموت يوميه انطينه شكَد شباب ونستحي شويه ألــه تصـــير كـــل الدنيـــة شيعية الإمام المهدي جَهز قادتــه وخّيله *** ذوله كــل عقلهم يحجبـون النــور ينجلطون لـو شافــو الشيعي يزور ما ننســـاك يالكاظم مثــل عاشـور على حبكم ركضنه شكَد على الچيله *** تظل هــاي الشعــائر واللطم دائـم مجانينك نظـــــل لطلــعة القــــائم العراق بمرقدك هنيـــاله يالكـــاظم تلزم ظهره لـو شفته ضعف حيلـه *** نعشكَك ليش تدري وصحنك انحبه؟ لأن كـل اليــــزورك يطمــئن كَلــبه وي زواره تتمنـــه تجـــي الكعــبه وبنص المواكب ممشــه تمشـــيله *** حيدر حسين الكَرعاوي

بغربه زينب محد تعنالها وحته گاع الشام تبچي لحالها ... وين اهل زينب يحضرون بعجل الخلگ عنها تگول ما عدها اهل يا گلبها المن مصايبها ذبل جروح شايلها الصخر ما شالها ... اهل زينب بالبيارغ خل يجون هنا بگاع الشام كون يخيّمون غالي عدهم دمع زينب ما يهون المن فعايلهم تميد جبالها ... وين اهل زينب الشوس الما تلين بلا عمايم خل يجون مفرعين نعش زينب لا بواچي ولا ونين وماكو ناعي بچه وناح اگبالها ... يهل زينب زينب بگاع الغرب الموت اجاها ولسه دمعتها تصب تريد اهلها العين تربي اعله الدرب حُرمه واعتازت تشوف ارجالها ... ماتت وما مات من عدها النحيب ومثل زينب ظل نعش زينب غريب ياجرحها الابد الما يشفه ويطيب انچتلت وفگد الاخو چتالها ... ماتت بيوم الوگع راعي العلم ماتت من احترگت اعليها الخيم ماتت بركضتها وي باجي الحرم ماتت من انشاف غاد اخيالها ... ماتت بطيحة حسين من المهر ماتت من الخيل داست عالصدر ماتت ام الخدر بدروب اليسر بيوم شدو بالچفوف احبالها

قصيدة عكيلي .........زينبيه ....✍️ لوماخذني المـوت ويـاكم ******** زينب آنـي الماكـــو بهمــها حزن البيهــا انــدار من أمهــا ضيـم الطــف لســـه يألمـــها اليــوم المحشــر مـا أنســـاكم ******** غيــر المــات يخَلــص ونــه ويدفــن ويــاه همـه وحزنـه ميتــه وكلسا امــوت اتمـــنه ݘـا ونــي اليكتــل مـا جــاكم ******** تنـزف لســا دمعــة عينـــي دهري المــا يرحــم بآلينــي ميتــه ويوميــة ايبݘيـنــــي اتــألــــم حدمـــا ألكَـــــاكــم ******** رغــم الضــيم المَــر اعليـه لســـا يــا عــالــم مسبـــية عليـه الشـــر يفتــر يوميــه ظلموهه الݘــانت بحماكــم ******** ݘي شافــو زينب وحدهــا ظـالـــم يوميـــه يهــددهــا كَالـــو يتهــــدم مرقــــدهــا خوية أنخامن غيـر أنخاكم ******** ݘـي لـن زوار يـزوروهــا رادو هالحضـرة يهدمـوها خافــن بالطف ما سلبــوها كل لحظــة ويـــاي اتمنــاكم ******** لو ميتــه وياكــم بالعــاشــر وهذا المرقــد يمكم صــــاير وميمنعـون اعليـــه الزايـــر لســاه روحــي تون بجفـاكم ******** كـون مخَلص يمكــم عمري ݘا هسـه ويالكافــل كَبـــري ما تدري بزينــب مـا تــدري ليليـــه تمــــــوت بليــــــاكم ******** ميتــه وكَلت أرتاحت روحـي شو ما يقبــل يخلص نوحــي بكَبري وتنزف ضيم اجروحي أنعـــه سنيني مـدري أنعــاكم ****** حيدر حسين الكَرعاوي

قصيدة نجليبه ..................زينبيه ✍️✍️ يالمهدي لحـد اليــوم مبتليــه لحكَوني على الراية بني مَيــه مظلومـة زينب زينب ******** زينب آنـــه يـا عمــه المُصــايبها لــو تنـزل علــى الدنيـــا تشيبـــها الله يحفظ الشيعـــــة ومواكبـــــها يوميـــه أموتــن لـــون مـــا هيــه ******** يالمهــدي يعمـه من الحزن لســه ارد أنسه الطفوف وأبــد ما انسـه شّتظن آل اُميــه مرقدي تحرسه؟ النواصب الله يدري شعدها من نيه ******** غيــر المــات يــا عمه يكُـف وَنـه تموت همومه كون وينتهي حزنه بـس آنــي أمــوت اردود أتمنــــه بلكـي ينتهـــي هـذا القهــر بيــــه ******** انوِلدَت عدهـم أحفـاد ألعن وألعن منهم يابــو صالح أشتكي عدمــن مثل خيامــي يـوم العاشــر الوجـن ناري وخــاف ارد اردود مسبيـــه ******** بكَبري وخايفــه لا ينهــدم كَبـــري وآنـي البالمصايب خلصت عمـــري كَلت معقوله أبني المهدي ما يدري چــم مــره النواصب هجمت عليـه ******** لا ظلــت مواكــب لاكـــو مشـــايــه وأكَــول انقــهرو الكُفــار من هـايـه يعمــه نَزِلـــو من مرقـــدي الرايـة بيــش اذيتهــم يالمهدي شمســويه ******** ما كفــاهم بطــف كربلــه الشفتـــه وَنـه حتى الصبر من ضيمي شيبته عالثارآت غايــب مدري ويـن أنت؟ يعمـــه يخاف منهم كَلبــي يوميـــه ******** يعمه وخاف باچـــر ينهدم صحنـي مثــل اجدادهـم ماتــو قهــر منــــي كَلـــي شعَطلك يبـــن الحسن عنـــي تجــي يالمهدي لــولا مـا إلك جيـــه ******** عالشيعــة وعليــه ضاعت أخبـارك يَمَــن إلــه بظهورك ينطفـي نـــارك يمتــه مــن الظلمكم تآخـــذ بثــــارك وتصيـــر الكُــرة الأرضيــة شيعيـــة ******** حيدر حسين الكَرعاوي

قصيدة { واجب الكفالة } الليله إحضر زينبك ... والكفاله واجِـبَـك يا عباس ………………………………………………………………………………………………………………………… " يابو فاضل هاي زينب روحهه بروحك تطوف رادتك تحضر يخوهه وإنته تعـــرف بالظروف هاي آخر ليله عدهــــه ويا حزن زينب تشوف اتريدك اتباصر نعشها وانتـه ما عنــدك چفوف أمنيتها بهالحياة ... شوفتك قبل الممات يا عباس ………………………………………………………………………………………………………………………… عاشت وماتــت غريـبـه راحـه ما شافـت أبد روحـها ويّــاك ظـلّـت هيّه ظلّــت بـس جسد ذكريــات الطــف حزينــه والگلــب منها إنمرد ما طفــت جمــرت حزنــها اللّه سبحــانه شهد رادتك زينب تعود .... وإنته وفّاي الوعود يا عباس ………………………………………………………………………………………………………………………… شگد غريبه الليله زيـنـــب والعمر بيمن حِله كل نعش تشييعه لازم كون تحضـــر كل هله زينبك كل أمـنــيـتـها تـدري بــيـها إمـسـجّـله تدري گاع الشام غربـــه وهـيّــــه رادت كربله بينك وبين الحُسين ... قبر بين الحرمين يا عباس ………………………………………………………………………………………………………………………… الليله گبـل المــوت زينب والمـدامـع ساجـمـه مـرّه يا حـــيـدر تصيــح ومـرّه تـنــدب فاطمه للحســن وحســيــن نادت والمـواجع مـؤلمـــه صاحـِتَـك وانـتــه گمـــرها وهــاي ليــله مُظلمه والصدى يرجع صدى ... الموت حدد موعده ياعباس ………………………………………………………………………………………………………………………… ذكريات اويــاك عاشــت والبـقــه بــس الألــم والدمــع بعيون زيــنــب رِسَـم دخـّـان الخـيـم صعبه مــن تـذكـر يـكافــل طـاح بالچـف العلم زينـب وعاشـــر مُحــرّم مـنّــه چم حيل إنهدم الليله ودّعها بنحيب ... إنته وحسين الغريب يا عباس ………………………………………………………………………………………………………………………… ليله صعبه بكل حـزنـهـه والجفــن سولَف دمع ظلمه من اتــروح زيــنــب ينطـفــي كل الشمع هاي أم الصــبــر صــارت للحزن تحني الضلع هاي إخــتــك يـبـو فـاضــل راح بـيـها تـنـفجع يختم سنينه العمر ... يالكفيل شتنتظر ياعباس ………………………………………………………………………………………………………………………… هالمـســه آخــر وداع وحـزنـك يحـز بالنفس يا گمر هاشم الليله اتبــات مدفـــونه الشمس زينب إتمنّــت تشــوفــك ويــن شيرجّع أمس مدري چـــم طعـنـه گلبها مـن دهرها ينـتـرس آخر اموادع صعب ... والگلب حَن للگلب يا عباس ………………………………………………………………………………………………………………………… خادم الإمام الحسين عليه السلام عمار هليل الواسطي ١٤٤٧ هجري / ٢٠٢٦ ميلادي قناة الرجوع الى الله    @h_ameer1 قصائد منبريه مكتوبه   @h_ameer2 ملا ابو أمير الفاطمي   @h_ameer3 روح وريحان   @h_ameer4

الله وياچ يايمه ، الله وياچ يازينب <> ياكسرة أضهور الناس ويا علوية الساده ردتي چف أبو فاضل يصير بموتچ أوساده هذا الخفتي منه يصير وهذا الشامت الراده ذب ضيمه عليچ الشام ومنچ ماخذ مراده الله وياچ يا يمه <> مالايگ أعليچ الشام وأنتي شجابچ أهنانه بعيونچ من الدمعات الطف مخلي نيشانه هلبت كلها ذيچ أتعود وكلشي يعود لمچانه عيونچ يمه يخت حسين لجيت حسين عطشانه الله وياچ يايمه <> صحره وهد عليچ الريح وأنتي هيبة الشجره بموتچ يابس أشكم غيم وجيت حسين ألچ مطره رادوا ذلتچ كلهم رغم صبرچ عبر عصره الذله للبقى مذلول مو ذرية الزهره الله وياچ يايمه <> على گبرچ الساده اليوم أتذب چفيه چفيه الراحت موش ياهو الچان الراحت ألنه علويه الستر مكسور يخت حسين وأنتي بچفه عوچيه لو ماثورتچ والله الطف ضاعت محاچيّه الله وياچ يايمه <> غربه الوادم البالشام وأنتِي هناك صيت أحساس وحيده صح بقيتي أم عون وخليتيهُم بوهوساس عطر اللي تشمينه قبل الموت عطر الياس أخر لحضه تتنطرين وين حسين والعباس الله وياچ يايمه _ عبد الرحمن حميد الفضلي قناة الرجوع الى الله    @h_ameer1 قصائد منبريه مكتوبه   @h_ameer2 ملا ابو أمير الفاطمي   @h_ameer3 روح وريحان   @h_ameer4