هادف 🧠

كل ما بحس بخوف من الرزق وتكاليف الحياة بروح اسمع الدرسين دول واقرأ سورة الذاريات وسبحان الله على التأثير العجيب بتدخل وانت خايف ومرعوب تخلص السورة تحس ان قلبك هدي وفهمت كويس أوي إن (ليس لك من الأمر شيء) وإن (في السماء رزقكم وما توعدون ) و (إن الله هو الزراق ذو القوة المتين ) وإن ربنا رزق سيدنا إبراهيم بغلام عليم وغلام حليم (إسماعيل وإسحاق) مع ضعف وانعدام الأسباب فما بالك أنت يا مسكين اللي طالع عينك في الاسباب ؟ أيتركك؟ ( إن الله هو الرزاق ذو القوة المتين) ربنا يبارك في علم الشيخ وينفعنا بيه يارب 🤍 https://youtu.be/UB6yjJwHzxQ?si=8a5Ckgw39ez4f7iR https://youtu.be/yQYmFZW-oI4?si=KIBGVC0lspi86mrG

تفسير السعدي: ثم ذكر أن من لطفِهِ بعبادِهِ أنَّه لا يوسِّع عليهم الدُّنيا سعةً تضرُّ بأديانهم، فقال: ﴿ولو بَسَطَ الله الرزقَ لعبادِهِ لَبَغَوْا في الأرض﴾؛ أي: لغفلوا عن طاعة الله، وأقبلوا على التمتُّع بشهوات الدُّنيا، ﴿ولكن يُنَزِّلُ بَقَدَرٍ ما يشاءُ﴾: بحسب ما اقتضاه لطفُه وحكمتُه سبحان الله كم مره مرضيناش بقضاء ربنا وأحياناً بنعترض ونتسخط على الأقدار وهي في تقدير الله عين الخير لك وأنت يا مسكين زعلان ومكتئب بسبب كلية ملحقتهاش ولا وظيفة اترفضت فيها ولا مرتب مش مكفيك وأنت متعرفش إن (لو بسط الله الرزق لك لبغيت في الأرض) وتبقى مصيبتك إنك يوم القيامه تتعرض لعذاب النار عافانا الله وإياكم تدخل الكلية فتكون سبب لانحرافك والعياذ بالله تتقبل في الوظيفة ويزيد مرتبك ف تتفتح عليك ملذات الدنيا وتقصر في دينك واحده واحده لغاية لما الدنيا تاخدك خالص والواقع قدامنا ملياااااااان بالقصص دي ظني إن حل المشكله دي هي حسن الظن بالله والثقة في تدبيره وتقديره أنه عين الخير لك مهو لو أنت بتاخد بالأسباب ومحسن الظن في الله و واثق في تدبيره لأمورك..هتخاف ليه ؟ هتقلق ليه ؟ هتزعل ليه ؟ مهو كده كده أنا عملت اللي عليا ف ١٠٠٪؜ ربنا هيقدرلي الخير..هخاف ليه ؟ وأنا هنا مش بتكلم على الخوف أو القلق الطبيعي اللي بيصيب أي إنسان عادي اقصد الخوف والقلق والزعل المبالغ فيه اللي بيقعد الانسان عن مهام حياته الاساسية وأحياناً بتوصل لنوبه اكتئاب عنيفة وحاجات تانيه ربنا يعافينا ويعافيكم منها يارب وتتختم الآية ﴿إنَّه بعباده خبيرٌ بصيرٌ﴾: في بعض الآثار أنَّ الله تعالى يقول: «إنَّ مِنْ عبادي من لا يُصْلِحُ إيمانَه إلاّ الغنى، ولو أفقرتُه؛ لأفسده ذلك، وإنَّ من عبادي من لا يُصْلِحُ إيمانَه إلاّ الفقرُ، ولو أغنيته؛ لأفسده ذلك، وإنَّ من عبادي من لا يُصْلِحُ إيمانَه إلاَّ الصحةُ، ولو أمرضتُه؛ لأفسده ذلك، وإنَّ من عبادي من لا يُصْلِحُ إيمانَه إلاَّ المرضُ، ولو عافيتُه؛ لأفسده ذلك، إنِّي أدبِّر أمر عبادي بعلمي بما في قلوبهم، إني خبيرٌ بصيرٌ». فثق في اختيار الله أكثر من ثقتك في اختيار نفسك. فكم من باب تمنيناه، ولو فُتح لنا لهلكنا. وكم من باب أُغلق في وجوهنا، فكان سببًا في نجاتنا

بمناسبة موسم التزاوج اللي احنا فيه ده 😄🫶🏼 أنا بكون سعيد أوي أوي أوي بأي حد بيخطب يكتب كتاب يتجوز يرزق بمولود اي خطوة في مشروع بناء الأسرة بيسببلي فرحة كبيرة جداً جداً الحمد لله ومبحسش بإي نوع من أنواع الإحباط خالص الحمد لله بل بالعكس بحس إن كثرة المناسبات دي بتكسر الإحباط والتشاؤم من الظروف الاقتصادية وبتديك إشارة إن لا علفكرة عادي الناس بتخطب وتتجوز وتخلف عادي اهو وربنا بيرزق ويوفق..أنت بس أسعى وانتظر كرم ربنا 🤍 ربنا يرزقنا يارب ويزوج كل شباب المسلمين زوجات صالحات تعينهم على أمور دينهم ودنياهم 🤲🤍