Hispanófilo 🇪🇸

فيه ناس بتخلط ما بين تعلم اللغة والتشبه بأهلها وإنك كل ما قربت تبقى نسخة من أهل البلد، كل ما بقيت أحسن. فتلاقي الواحد داخل يتعلم إسباني، وبعد سنتين بقى همه الأكبر إنه يقنع الناس إنه مولود في ضواحي مدريد، أو إن جدته كانت بتعمل له paella وهو صغير أنا لما أتعلم إسباني، مش هدفي أطلع لإسباني أقوله: خمن أنا منين؟ فيقعد محتار نص ساعة. دي مهارة لطيفة أكيد، بس مش هي الغاية العظمى اللي من أجلها قامت الحضارات يعني أنا مش عايز الإسباني يفتكرني إسباني أو الأرجنتيني يفتكرني من مواليد بوينوس آيرس أنا عايزه ينبهر إزاي واحد مصري قادر يفهم ثقافته، ويتكلم لغته، ويناقشه في تاريخه وأدبه ونكاته، وهو لسه محتفظ بروحه وهويته! المتعلم الحقيقي هو اللي يخليه بعد خمس دقايق ينسى أصلًا يسأله السؤال ده. فاللغة مش عملية تجميل للهُوية أو انسلاخ منها… اللغة عملية توسيع للهُوية. وحقيقي مفيش مشكلة إن يبقى عندك أثر مصري في كلامك. المشكلة الحقيقية إن يبقى عندك صوت/ لكنة/ اكسنت إسباني ممتاز… وأفكار فقيرة متقدرش بعد 10 دقايق كلام تلاقي حاجة تقولها.

أحب أن أذكرك أن تعلم اللغة ليست قفزة من قمة لقمة، بل paso a paso خطوة بخطوة، تُؤخذ بحذر المحب، لا بعجلة الطامع. من قال إنك لا تتعلّم إلا إذا نطقت كما أهل البلاد؟ ومن أقنعك أن الخطأ في كلمة أو التعثر في تكوين جملة يعني الفشل في الطريق؟ في إسبانيا يقولون: El que mucho abarca, poco aprieta فلماذا تُريد أن تُحكم القبضة على النطق والقواعد والكتابة والترجمة دفعة واحدة؟ أليس أولى أن تبدأ من حيث تبرع، وتُنمّي فيك ما نما، ثم تُحنو على ما تأخر، برفق وصبر وتكرار؟

كيف أثرت فترة الأندلس في تعبيرات الاسبان https://www.facebook.com/share/r/1BWqs8jTXf/?mibextid=wwXIfr

فترة الإجازة ليست فراغًا عابرًا، بل مساحة نادرة من الحرية. لا ضغط مقررات، ولا سباق تسليمات، فقط أنت والوقت… والاختيار. من الآن، لو أشعلت جهدك في الاتجاه الصحيح، ووضعت قدمك بثبات على طريق اللغة، ستفاجأ بعد فترة قليلة بأنك صرت في موضع أبعد بكثير مما تقف فيه اليوم. هذه حقيقة يعرفها الجميع نظريًا، لكن القليل فقط من يقرر أن يختبرها عمليًا. ابدأ. لا تنتظر الحافز الكامل، فالحافز يولد أثناء السير لا قبله!

"- كتر المحاولات هي الضمان الوحيد إنك تطور من نفسك وتتحسن وتبقى أفضل، كل مرة بتقف فيها وبتقرر إنك هتكمل ( مع وجود أساس تعدل فيه ) ده ضمان إنك المرة اللي بعدها هتبقى أفضل وده في حد ذاته قدر كبير من النجاح مش كل الناس بتقدر تسلكه.. لأن كتير بيتوقف بعد محاولة وبيخدع نفسه بأن دي مش سكته - ومش مطلوب منك تبقى سوبر مان أو الرجل الخارق في مجاله، مطلوب منك تعمل اللي تقدر وتعرف تعمله"

دكتور اللغة الألمانية بجامعة الأزهر رجب عبد العاطي: عايز أقول للشباب إللي في الجامعة وحديثي التخرج: وأنا في سنكم كان مستوايا في اللغة والدراسة أقل منكم وأنا في سنكم كان مستوايا المادي يصعب على كلاب الشوارع لما بشوف الماجستير بتاعي دلوقتي ممكن أحلف لكم على المصحف إني لو ناقشت نفسي لأدي نفسي مقبول بالعافية لما روحت أخطب كنت محوش ١٨٠٠ جنيه مفيش غيرهم ولولا ربنا رزقني بحمايا المحترم الله يرحمه كان زماني منحرف مع أي معزة في البلد لما اتجوزت كنت بدفع أكتر من نص مرتبي إيجار شقة وأنا ومراتي كنا مستحيل نركب ميكروباص علشان غالي ولازم ننتظر الأتوبيس علشان نوفر جزء من المواصلات كنا عايشين على جزء من معونات البلد خاصة من أبويا وحمايا الله يرحمه دلوقتي حالنا المادي بقى زي الفل الحمد لله وبقى معنا شقة وعربية وفلوس على قلبنا بنصرفها على عيالنا ومدارسهم والمانجة والبلح والآيس كريم مش شرط إن ظروفك دلوقتي صعبة شوية إن الدنيا هتفضل كده.. اعمل اللي عليك وتوكل على الله.. وربنا هيرزقك من واسع فضله.. المهم تاخد بالأسباب.. وتتحرى الحلال.. ولا تنسى حق الله والعباد في مالك وعلمك وجهدك!

المسجد الجامع في قصبة إشبيلية، أسسه أبو يعقوب يوسف، ثاني خلفاء دولة الموحدين، وأكمل ابنه يعقوب المنصور بناء المئذنة، وكانت أطول بناء في العالم خلال القرن الـ12. https://www.ajnet.me/encyclopedia/2023/5/1/%D8%A7%D9%84%D9%85%D8%B3%D8%AC%D8%AF-%D8%A7%D9%84%D8%AC%D8%A7%D9%85%D8%B9-%D9%81%D9%8A-%D9%82%D8%B5%D8%A8%D8%A9-%D8%A5%D8%B4%D8%A8%D9%8A%D9%84%D9%8A%D8%A9

Channel photo updated

كما أن النقص سُنةٌ في كل ما في الحياة، فكذلك هو حالك مع تعلّم اللغة. فلا تطلب الكمال في كل باب، فإن اللغة عوالم شتى، ومسالكها لا تُجتاز دفعة واحدة. قد ترى من يحسن الحديث بطلاقة، لكنه يعجز عن الترجمة بدقة، وقد تجد من يبرع في الترجمة، لكن لسانه يتعثر حين ينطق. وهكذا تتوزع الهبات بين الناس، فقلّ من جُمعت له المواهب من أطرافها. فتقبّل أن تكون ناقصًا في بعض الجوانب، فذاك من طبيعة الأمور، وابحث في نفسك عمّا تبرع فيه، فأتقنه حتى تُحسن فيه، ثم ألقِ الضوء على مواضع الضعف فيك، واعمل عليها برفق، وصبر، ومثابرة. فليست العبرة أن تكون الأفضل والتوب في كل شيء، بل أن تعرف وجهتك، وتُجيد السَّير إليها بثبات.. بثبات وصبر.

اجتهد واستعن بالله فلكل مكانة ثمنها

النجاح عامة، وفي إتقان لغة ما خاصة، لا يتعلق بالكمية بقدر ما يتعلق بالاستمرارية.. لا يتعلق بالمجهود الضخم والهدف النهائي بقدر ما يتعلق بخلق عادة يومية سهلة مستمرة ومتنوعة قدر المستطاع... التفاصيل الصغيرة اللي ممكن تعدّي عليك وأنت بتقرأ فقرة، مقال، أو حتى بتتفرج على فيديو، ممكن تكون هي المفتاح الحقيقي للتطور. لما تلاقي تعبير جديد أو تركيب لغوي وتفهمه جوه السياق، ساعتها أنت مش بس لاحظت معلومة، أنت دخلت جو اللغة فعليًا. الحاجات اللي بتقابلها في قراءاتك اليومية أو في الاستماع العادي بتثبت جواك من غير ما تحس، وده اسمه اكتساب طبيعي أو الوعي اللغوي الضمني. التعلّم مش دايمًا ورقة وقلم وخطة، وكورسات ومحاضرات... أوقات بيكون إنك تلاحظ، تربط، وتسيب عقلك يستقبل اللغة في بيئتها. ومع الوقت، هتحس إن التراكم البسيط ده عمل فرق كبير.

كلنا عارفين إن كلمة paraíso معناها “جنة” أو “فردوس” بالإسباني، لكن لفت انتباهي وأنا بقرأ خبر بالصدفة عن وضع الاقتصاد العالمي بعد ما ترامب فرض ضرائب على الواردات، مصطلح جديد دخل دماغي: paraíso fiscal. وده بيُترجم إلى “ملاذ ضريبي”، يعني بلد أو منطقة الضرائب فيها قليلة جدًا أو شبه معدومة، وغالبًا بيكون فيها سرية مصرفية بتجذب الشركات والأغنياء علشان يهربوا من الضرائب في بلادهم

Deseo de corazón que tengáis todos un feliz Eid.♥️ Que Al-lah acepte nuestras buenas obras, nos perdone por nuestras faltas y nos colme de Su misericordia. Y no olvidéis compartir vuestra felicidad con quienes más lo necesitan, dibujar sonrisas en todos los rostros y tener presentes en vuestras súplicas a nuestros hermanos oprimidos. EID MUBARAK✨

من الحاجات إللي هتعينك إنك توازن بين تنمية اللغة ومواد الكلية إنك تستغل مواد الكلية في تنمية اللغة... بمعنى: عندي مثلا مادة ترجمة أو أدب... وأنا بذاكر المادة دي أستخرج منها مصطلحات ينفع أستخدمه en el día a día، أقرأ بصوت عالي لتحسين النطق وأحاول أسجّل لنفسي وأشوف أنا بغلط في إيه؟، لو ترجمة يبقى استغلها لتطوير مستوايا في اللغة الأم واللغة الهدف.. أفهم أو أعرف تركيبة الجمل داخل الفقرات وإزاي الجمل مربوطة ببعضها، وصياغتها في كلا اللغتين... تتعود تلخص المادة وتكتبها وورد لو تقدر (هيفيدك إنك تلخص حاجات كتير بعد كده) ويفيدك في استخدام برامج الاوفيس وكل شيخ ليه طريقة

كلمة SE في الاسبانية بتغيّر المعنى حسب الاستخدام وده ملخص لوظائفها في الاسبانية: 1️⃣ SE Reflexivo (انعكاسي) • الفاعل والمفعول نفس الشخص. Ej.: Ali se lava las manos. علي بيغسل إيديه بنفسه. 2️⃣ SE Recíproco (تبادلي) • الفعل متبادل بين شخصين أو أكتر. Juan y Ana se besan. خوان وآنا بيبوسوا بعض :') 3️⃣ SE Impersonal (شخص غير محدد) • الفعل بيقوم بيه شخص غير معروف. Se vive bien aquí. الحياة هنا كويسة 4️⃣ SE Pasivo Reflejo (مبني للمجهول المنعكس) • الفعل بيحصل على شيء والفاعل غير مهم. Se venden casas. بيوت للبيع. 5️⃣ SE Dativo de interés (المهتم) • الفعل بيحصل لمصلحة أو استمتاع شخص Pedro se comió una pizza. بيدرو أكل بيتزا واستمتع بيها. أو تأكيد أنه أكلها. ممكن أقول: Comió una pizza بس هتبقى معناها انه أكل بيتزا عادي يعني من غير استمتاع 6️⃣ SE Causativo (التسبب في الفعل) • الشخص بيسبب حدوث الفعل لكنه مش بيقوم بيه بنفسه. María se hizo un vestido. ماريا خلت حد يعمل لها فستان. 7️⃣ SE Léxico (مرتبط بالفعل) • جزء من الفعل نفسه، لازم يكون موجود. Arrepentirse (يندم) – Quejarse (يشتكي) – Darse cuenta (يدرك). الملخص في كلمتين: 1. انعكاسي: لنفس الشخص. 2. تبادلي: بين شخصين. 3. غير محدد: فاعل مجهول. 4. مبني للمجهول: شيء بيتأثر بالفعل. 5. المهتم: استمتاع أو مصلحة شخصية. 6. التسبب: الشخص يطلب تنفيذ الفعل. 7. مرتبط بالفعل: لازم يكون مع الفعل

4 شهور من بداية السنة لو اشتعلت بمجهود صح على اللغة هتلاقي نفسك بتوفيق ربنا وصلت لمستوى أفضل بكتير من مستواك الآن ولو مستواك كويس يبقى تشوف مهارات جانب اللغة أو في اللغة نفسها كتطوير مستواك في الترجمة..التدريس.. إلخ وافتكر "لو انت رائع في حاجة واحدة بيكون صعب تلاقي فرصة عمل، لو متوسط المستوى بس متعدد المهارات فرصك هتزيد".

السنة اللي فاتت كتبت مجموعة بوستات لطلبة الجامعة عن المذاكرة أيام الامتحانات، ازاي تحصّل بشكل فعال وايه أفضل الطرق للمذاكرة؟ الطرق أو التكتيكات دي كانت طرقي الشخصية اللي ساعدتني كتير من سنة لسنة وحصلت بسببها على تقديرات كويسة جدا، البعض طلبها مني مع اقتراب الامتحانات، وجمعتها هنا عسى تفيد حد. . وهم اهمال الذات أثناء الامتحانات: https://www.facebook.com/ShaDiAbdulhafeZ/posts/10222410501865615 أهمية حل الأسئلة أيام الامتحانات: https://www.facebook.com/ShaDiAbdulhafeZ/posts/10222417350076816 طرق فعّالة جدًا للاستذكار والفهم والحفظ ولم المواد بسرعة: https://www.facebook.com/ShaDiAbdulhafeZ/posts/10222423616273467 نظام "القرايات المتتالية" بيساعدك تحصّل أسرع وأفضل كمان https://www.facebook.com/ShaDiAbdulhafeZ/posts/10222436251909350 أفضل أوقات المذاكرة في اليوم https://www.facebook.com/ShaDiAbdulhafeZ/posts/10222428681400092 أهمية التخطيط مش زي ما انت فاهم https://www.facebook.com/ShaDiAbdulhafeZ/posts/10222442492065350 وهم الجلوس على المكتب للمذاكرة https://www.facebook.com/ShaDiAbdulhafeZ/posts/10222447867119723 - شادي عبد الحافظ

أثناء قراءة الخبر بالاسبانية، لاحظت استخدام مصطلح el Estatuto de Roma مما يعني نظام روما الأساسي وباختصار هو المعاهدة المؤسسة للمحكمة الجنائية الدولية، التي أُنشئت في 1 يوليو 2002، بهدف محاكمة الأفراد المتهمين بارتكاب الجرائم الأشد خطورة مثل جرائم الحرب، الإبادة الجماعية، والجرائم ضد الإنسانية، وغيره... وُقع النظام في روما 1998 واعتمد من قبل الدول الأعضاء في الأمم المتحدة، وبدأ نفاذه بعد تصديق 60 دولة عليه.

بمناسبة قرار المحكمة الجنائية الدولية: المحكمة الجنائية الدولية Corte Penal Internacional (CPI) مذكرة اعتقال Orden de arresto جرائم ضد الإنسانية Crímenes de lesa humanidad