رواياتي📖📚

ام وابنتها 46 الأخيرة كنت منتظرة تلاته شهور تمر وحمدلله جات وانا وعبدالمجيد ومازن ونور بت عبد المجيد مشينا مطار نستقبلهم نور عمرها بقت عشرة سنه وانا بحبها شديد وبتناديني ماما وهي صحبتي كمان تحكي لي اي حاجه بتحصل معاها في مدرسه المهم هم وصلو وانا اول حاجه جريت على امي بس امي جرت تحضني في اولادي وانا غرت غيرة 😂 وعملت فيها زعلانه وهي فهمت القصه وكلم ضحكو ومشينا البيت وحضرت غداء وفاطمه ساعدتني بعد عشاء ناس فاطمه مشو بيتم وانا مشيت م امي في غرفتها وبقيت اساعدها وبرتب ليها ملابسها في دولاب سحر: اشتقت ليكي يا بتي شفق والحمد لله ربنا جمعنا تاني شفق: الحمدلله يا امي الحمدلله فجأة باب ضرب لمن فتحتو كان عبد المجيد شفق: اها عبد المجيد: ما جايه انتي شفق: الليله بنوم ما امي عبدالله المجيد بياعه 😒 سحر: بتي خلي حركات شفع امشي نومي شفق: ابيت يا ماما بنوم معاكي بس عبد المجيد: خليها يا خالتو اصلن هي حامل وعندها وحم تقوم ليها نص الليل الحمدلله الليله بنوم مرتاح يلا تصبحو على خير شفق: ههههههه اصبري لي وانت من اهلو سحر: ربنا يحلك بسلامه يا بتي شفق: تسلمي ماما بمختصر حياتنا كانت حلوة وعشنا بي سعادة الحمدلله على كل حال الإنسان مهما اخطأ ابواب التوبه لسع مفتوحه بس كيف تقدر تغير من نفسك وترجع لي ربنا انتهت # انتظروني في روايه الجاي « أنين الذكريات»

ام وابنتها 45 لمن وصلت شفت عبد المجيد من بعيد واقف لي مشيت عليهو طوالي عرفني وسلم علي كنت خجلانه شديد وحسيت روحي اول مرة اعرس ركبنا عربيه وكنت مندهشه من مناظر اول مرة اطلع من سودان بجد سعوديه بلد سمحه هو شغال يسألني ان احوال البلد وانا كنت بجاوب عليو حسب سؤال المهم وصلنا الشقه وهو دخل شنط في اوضه عبد المجيد : استحمي واخدي راحتك شفق: شكرا طلع كدا خشيت حمام استحميت ولبست جلباب طويل وجاب أكل اكلنا كنت لسع ما متعودة عليو بس ما ايام بقينا نتقرب على بعض اكتر واكتر حتى اننا مشينا عمرنا والله حسيت بي جنس راحه ولمن رجعنا من هناك علاقتنا اطورت شديد مشاء آلَلَهّ بعد مرور خمسة سنه بقيت عندي احمد سميتو على ابوي الله يرحمو و عمرو اربع سنين وتؤام بنات تالا ولانا عمرهن سنه وحامل بي ولد وعبد المجيد قرر نسمي بعدين إسحاق على اسم ابوه الله يرحمو في يوم من ايام كنت قعدة احضر وعبد المجيد جاء قعد جنبي وحضني عليهو شديد عبد المجيد : عندي ليكي مفجأه ح تعجبك شفق: شنو احكي اميك وعمتي فتحيه وفاطمه واولادها جاين بعد تلاته شهور نحن شفق: شنو شنو شنو جاين ذيارة ولا استقرار عبد المجيد: استقرار ده فكرة مازن لانو هو مشتاق لي مرتو واولادو شديد وعايز امو يكون جنبو واميك كمان ح تكون جنبك يا شفق الشقه فوقنا ده ح تسكن فيهو مازان ومرتو وامو اما اميك ح تسكن معانا ومن سمعت الخبر حضنتو علي شديد بجد اول مرة احب وحبي الحقيقي عبد المجيد وم غيرو ما تقولو لي عثمان عثمان كان عبارة عن حاجه كنت دير املكه عن اغيظ صحبتي

ام وابنتها44 بعد يومين عبد المجيد رسل قروش أشتري شيله وامي وفتحيه مشو اشترو شيله كان عبارة عن عبايات وجلبابات البيت وحاجات بتخصني كالزوله منقبه وبعد اسبوع عقدو طوالي موضوع حصل سرع سرع لانو امي وفتحيه قالو ما في داعي لي مماطله طالمه ما في حفله بس عملنا كرامه وعبد مجيد كان شغال في اجرات السفر وموضوع الإقامه شهر كامل اخد معاو لحدي ما يوم حدد السفر بعد اسبوع وقعدوني في دخان وتعالي يا حنه يا رسمه وفاطمه ما قصرت معاي عملت لي ماسكات في وشي وشعري اصلن ما محتاجه شعري طويل وعبد المجيد كل يوم يتصل لي يطمن ويسال لو في حاجه ناقصه ولو اتصل فيديو م برد دي كانت اوامر فاطمه 😂 قالت خليو يشوفني لمن اصل عندو هناك قبل سفرتي بيوم بليل كان فاطمه بستف شنطتي فجأة امي بقت تبكي شفق: امي ماليك سحر: ح تسافري وتخليني والله ح اشتاق ليكي شوشو حبيبه ماما شفق: ماما خلاص م بسافر لو زعلاني سحر: اوعك ح تسافري ما على كيفك شفق: طيب امسحي دموعك دا اليوم تاني كان رحلتي ساعه واحد صباحا ومشينا مطار وامي بس شغاله تبكي شفق: اميي عليك الله ما تخليني ابكي انا كمان فاطمه: يا خالتو اهدي قمت حضنتها علي شديد فاطمه: فعلاً ام وابنتها وخالتو فتحيه كمان دموعها جرن شفق: وانتي كمان خالتو قمت حضنتم وودعتم وركبت الطيارة

ام وابنتها 43 استخرت وحمدلله ارتحت وكلمت امي اني موافقه وقمنا مشينا على ناس خالتو فتحيه وكلمتوم اني موافقه وفاطمه طوالي اتصل عليهو فيديو واداني عشان اتكلم معاه قمت خشيت البرندا شفق: السلام عليكم ورحمة عبد المجيد: وعليكم السلام كيفك انتي كويسه شفق: ٠ بخير الحمدلله عبد المجيد: الحمدلله شفق: كيف رضيت بوحده زي بعد ما حكو لي عني قام اخد نفس عميق قبل ما يجاوبني عبد المجيد: لأني كنت عندي ماضي كعب كنت زول بحب اسكر وبرجع البيت وبضرب مرتي وما كنت بقوم بي واجباتي ولا كنت بديها مصروف ولمن حملت تعبت شديد لمن اهلها اخدوها مني ويوم من ايام ضربو لي تلفون انها اتوفت وانا ندمت ندم شديد اتوفت في ولادة بتي نور ومن يوم داك انا تبتا وقطعت وعد لنفسي اني ح اكون زول كويس واربي بتي براي بس بعد فترة عرفت انو بتي نور محتاجه ام تربيها لانها على طول تسالني عن امها عشان كدا قررت اتزوج و عمتي فتحيه هي اقرب انسانه لي وعارفه انو هي لو اختارت لي عروس ح تكون خير لي لأني واثق في اختيارتها اسي مش انتي وافقتي انسي ماضي لانو قدامنا حياة طويله نعيشها سوء كالعائله ووعد مني ما بقصر منك نهاي وح اكون اب وزوج كويس ليكي صراحه كلامو عجبني شديد نسيت اوصف ليكم شكلو من خلال مكالمه عرفت انو شاب ثلاثيني طويل وسط لا سمين لا ضعيف اصفراني وشعرو طويل نازل في كتفو عبد المجيد: هوي شفق سرحتي وين شفق: كلامك جميل شكرا عبد المجيد: اها من حقي اشوفك النظرة الشرعيه نسيتي يلا ارفعي نقاب قمت رفعت نقاب وشكلو اندهش لمن شافني وسكت لي دقايق وتاني رجع اتكلم عبد المجيد: مشاء الله تبارك الله ملاك انتي شفق انتي سودانيه ولا اجنبيه شفق: سودانيه بس حبوبتي ام ابوي كانت سوريا عشان كدا طلعت بشبها عبد المجيد : الا كان كدا

ام وابنتها 42 كنت بفكر في ماضي وكنت رافضه فكره زواج عشان عارفه ما في زول بقبل بي لمن يعرف ماضي حقي بس خالتو فتحيه كانت موصرة شفق: خالتو هو لو عرف ماضي حقي مستحيل يرضى بي مستحيل مستحيل وبقيت ابكي قامت حضنتني ومسحت لي دموعي وقامت ضحكت شفق: ماليك تضحكي انا قلت نكته ولا شنو فتحيه: لا بس ضحكت لأنو انتي خايفه على فاضي اطمني عبد المجيد بعرف كل حاجه انا كلمتو هو لمن فحت لي موضوع عرس قلت حكيت ليهو عنك من ألف لي يا شفق: انجد فتحيه: اي شفق: تمام عايزة استخير اول فتحيه اخدي راحتك بعد شربو جبنه طلعو وخشيت اوضتي وامي لحقتني سحر: كلو لي خير يا بتي انا حاسه كدا شفق: بتمنى بستخير اذا ما ارتحت ما بوافق سحر: متين بقيتو قراب من بعض كدا انتي وفتحيه والله لمن حضنتك غرت منها شفق: امي ما تغاري المرة دي وقفت معاي وقفه عمري ما ح انساها وعمري ما ح اقدر ارد ليها جميلها دا سحر: حتى طريقه كلامك معاي اتغيرت لي احسن ربنا يحفظك لي يا رب

ام وابنتها 41 ناس خالتو فتحيه اول ما شفوني اتفجائو وتعالي يا حضن ودموع الفرح بعد كملنا بكى قعدة فتحيه: ليه ما اتصلتي من مشيتي يا بتي شفق: خالتو انا قررت ما اتصل الا اتم هدف المشيت عشانو والحمدلله الله هداني سحر: قصدك شنو ما فاهمه حاجه فتحيه: معليش لأني دسيت منيك الموضوع بس شفق طلبت مني ما اتكلم الابعد تجي شفق مشت معسكر تحفيظ القرآن الكريم وهي الحمدلله ختمتو شفق: وكمان اتنقبت سحر: الحمدلله وشكر ليك ربنا انا مبسوطه شديد بتي رجعت لي وكمان رجعت وهي خاتمه القران امي من فرحتها لمن سجدت والله شعور جميل بعد شهرين كنت قعدة اصلي العصر في اوضتي وسمعت صوت امي بتناديني لمن طلعت لقيت خالتو فتحيه ومرت ولدها قعدين سلمت عليهن وحسيت انو جاين لي حاجه فاطمه: وينك ناديتك كم مرة شفق: كنت قعدة اصلي فاطمه: تقبل الله منك اسمعني نحن جينا لي موضوع تتذكري لمن مازن كان مسافر وقلت ليكي في واحد قريبو في سعوديه يلا هو امس اتكلم ما امي فتحيه انو دير يعرس شفق: اها احكي فتحيه: شفق بتي قريبنا دا اسمو عبد المجيد هو مغترب في سعوديه من زمان كان متزوج بس مرتو اتوفت وعندو بت وحدي عمرها خمسه سنوات وامس اتصل قال دير يعرس نشوف ليهو عروس من هنا وانا جيت نسالك لو توافقي شفق: لالالا انا ما دير نعرس نهاي ما بفكر اعرس تاني فتحيه: يا بتي انتي لسع صغيرة وعبد المجيد ود ما في منو والله زول كويس

ام وابنتها 40 بعد ختمتها المشرفه جات لبستني تاج تكريمآ لي و هدتني عبايه ونقاب هديه قالت لي لمن اكون جاهزة ألبسها طوالي في نفس الوقت لبستها وقلت ليها فكرت فيها من زمان وناس كتار ادوني هديه مصحف عبايه سبحه مصلايه وحاجات كتيرة جميله بعد اسبوع ستفت شنتطي وقررت ارجع طوالي لاني كنت حاسه اني ح القى امي موجوده صحباتي اسرو علي اقعد لكن رفضت وهن وصلوني لي محطه ووعدنا بعض وركبت الباص وقعدت جنب شباك ورجعت بشريطه ذكرياتي كيف كنت شفق البت الدلوعه يلي شايفه نفسها واسي كيف بقيت صحي بجد الله مغير الاحوال الحمدلله الله هداني وخلاني امشي في طريق الصح الساعه خمسه ونص وصلت وركبت ركشه طوالي وانا بوصف لي بتاع ركشه طريق البيت قلبي كان بضرب بي طريقه غريبه الحمدلله وصلت واديت بتاع ركشه حقو وفات وضربت الباب ما في زول فتح تاني ضربت امي فتحت لي اول ما شفتها دموعي جرن وهي ما عرفتني بي نقاب سحر: اهلين عايزة منو شفق: ٠٠٠٠٠ سحر: يا مرة اتكلمي ديرة شنو طوالي حضنتها وهي عرفتني وبقت تبكي طوالي فكيتها وخشيت ورفعت النقاب تاني رجعت تبكي ومرة دي ابت تسكت نهاي لمن ناس خالتو فتحيه سمعو صوتها وجاء جارين

ام وابنتها 39 الساعه خمسه ونص وصلت الحله واول حاجه عملتو مشيت على بيت فتحيه ضربت باب لمن فتحتو شكلها اتفاجئت بي فتحيه: سحر؟ سحر:اي انا فتحيه: فضلي خشي خشيت وجابت لي مويه شربت فتحيه: والله مفجأه حلوة لاخباروصحه سحر: كلو تمام رجعت عشان بتي والله بعد ارتاح بمشي بزورها في بيتها واكيد ح تفرح بي فتحيه: بس بتك ما هنا شفق راحت سافرت وم قالت لي وين بس قالت لو انتي جيتي اقول ليكي انها ما ح طول ح تجي قريب سحر: ايوا اكيد سافرت رحله ما عثمان الا كان كدا فتحيه: عثمان شنو كمان يا بتي انتي لسع م عارفه الحصل ارتاحي شويه وبحكي ليك الحصل لي بتك شنو وانتي غايبه سحر: ماله بتي والحصل شنو قولي لي اسي فتحيه: من اخر كدا حجه فتحيه لمن حكت لي الحصل كلو ما صدقت من صدمه جاني هبوط وبقيت ما قادرة اتنفس بس قعدة ابكي بطول حسي والله تحير النور مات وشفق اجهضت واطلقت وم بعرف هي مشت وين حسيت اني ام مهمله شديد فتحيه: سحر خلاصقضاءالله قدره والله لمن يحب شخص يبتلي اكيد بتك اتعلمت من الحصل وفي ايام الجاي حياتها ح تتغير لأحسن سحر: لا يا فتحيه انا عايزة بتي عايزها ما لي غيرها في حياة وعايزة ولدي النور كمان النور ولدي وينك يا حبيب حبوبه فتحيه: ارقدي ارتاح بمشي بجيب ليكي عصير ليمون بارد سحر: لا ما ديرة عايزة بتي بس مرت يومين وبعد يومين مشينا ذرنا قبر النور ورفعنا الفاتحه بلسان شفق كنت حاسه براحه نفسيه حياتي ما حسيت بيها وكانت سلوى وزينب واميرة صحباتي ما مقصيرين مني كنا بندرس سوء ونحفظ سوء بس انا مشتاقه لي امي شديد ولي خالتو فتحيه وفاطمه واولادها و النور الله يرحمو مرت سنتين وانا الليله قعدة اسمي اخر جزء في القرآن الكريم يا الله ما مصدقه ختمتو كنت بسمي وببكي لمن قعدة اشهق كنت عايزة امي تكون جنبي في يوم دا

ام وابنتها 38 الصباح اليوم التاني صحيت وجهزت شنطتي واي حاجه وودعت ناس خالتو فتحيه قبل ما اركب عربيه مازان مشيت على خالتو فتحيه شفق: خالتو فتحيه اوعدني انو يوم من ايام امي لو رجعت ما توريها مكاني بس قول ليها شفق قالت انو ح ترجع قريب دا لو هي سألت مني ولو ما سألت انتي اسكتي ساي فتحيه: ليه بس يا بتي هي اميك ومن حقها تعرف انتي وين شفق: عليك الله اعودني بس فتحيه: تمام وعد فاطمه: خلي بالك من نفسك ونسيت اقول ليك انو مازان راجلي جاهو فرصه عمل في سعوديه احتمال لمن ترجعي ما ح تلقي قاعد شفق: كيف يعني فاطمه: في واحد قريبو مغترب هناك من زمان هو لقى ليهو شغل دا شفق: ٠ مشاءالله ربنا يفقو المهم ركبت ومازن وصلني لحدي محطه لمن واداني قروش بعد اصرار حتى اخدتو وفات بعد ما ركبت الباص فعلاً هم بقو لي زي اهلي واكتر المنطقه كانت بعيد وصلنا بعد يوم كامل اتحركنا سته صباح ووصلنا سته مساء لمن وصلت ضربت في رقم مرة صحبه حجخ فتحيه بعد نص ساعه حتى جاتني كانت مرة سمينه منقبه سلمت علي وركبنا امجاد ووصلنا كان مكان غريب زي داخليه ودتني في غرفه فيها تلاته بنات وعرفتني عليهن كانو ظريفات وشكلهن محترمات جابو لي اكل وعصير اتونسن معاي في وحدة كدا طلبو منهن يخلوني ارتاح طوالي ملصت عبايه ونمت في سريري (في مكان اخر بلسان سحر) بعد زعلت من شفق بتي الوحيدة ورجعت بيتي حسيت روحي مخنوقه عشان كدا قررت اسافر لي اختي في بلد واختي دي مشاءالله شيخه وبتدي دروس قران كريم في بيتها كل يوم بي عصر نسوان حله بحضرن بتقري قران كريم وتفسير وفقه والعقيدة وانا كنت بحضر معاهم حتى اني حفظت كم جزء بس من يوم من ايام حسيت قلبي ما مرتاحه واول حاجه خطر في بالي بتي شفق والله كنت مشتاقه ليها وحسيت حصل معاها حاجه م حصل عشت بعيدة عنها لي درجه عشان كدا قررت ارجع عشان اشوفها وقلبي يطمن ولمن كنت بستف شنطتي اختي خديجه سألتني خديجه:٠ سحر على وين مسافرة انتي ولا شنو سحر:اي والله ماشا لي بتي طولت منها شديدواوعك يا خديجه تصر لي اقعد لاني ما قعدة خديجه: خلاص تصلي بسلامه سحر: الله يسلمك اليوم التاني من صباح مشيت المحطه ركبت اول باص اكيد ح تتسألو لي انا ما ضربت ليها تلفون انا تلفوني خليتو في راس دولاب وسافرت لاني ما كنت ناوي اتكلم معاها نهاي ما عارفه ليه كانت قلبي قاسي كدا الساعه خمسه ونص وصلت الحله واول حاجه عملتو مشيت على

37 ام وابنتها اغمي علي ودخلت في غيبوبه ما صحيت الا بعد يومين بعد فتحت عيني لقيت نفسي في اوضه وفاطمه مرت ولد فتحيه جنبي شفق: وين انا الحصل شنو ولدي وينو الممرضه قالت انو مات بس ما صدقتها فاطمه: شفق انتي صدقي لانو دي الحقيقه النور الله اخدو ممنا حاولي تصدق قالت كدا وطوالي قمت من سرير طلعت برا كان في جنس ناس نساوين الحله كلهم قعدين حتى حجه فتحيه اول ما شافتني حضنتني وبكينا بكى لمن حيلي مات وتاني يوم مشت ذرت القبر ودعيت من قلبي لي اول مرة في حياتي مرت ايام وانا حاسه بحياتي فاضيه ابوي مات وامي فاتت بعيدة عني وعثمان خسرتو وبيبي يلي لسع ما اتولد راح مني وكمان النور كمان راح مني كنت قعدة براي في غرفه وحجه فتحيه جاتني فتحيه: شفق بتي ماليك عليك الله ما تعملي في نفسك كدا شفق: انا موجوعه يا خالتو فتحيه ولدي راح فتحيه: ولدك؟ عاينت لي بي طريقه غريبه طوالي قررت احكي ليها اي حاجه من علاقتي ما وائل لقاعد طلاقي من عثمان وفعلاً حكيت ليها الحصل كلو وهي كانت مصدومه شديد ومندهشه بعد حكيت فكرتها ح تتخلى عني هي كمان بس غريبه انها حضنتني وبكت لمن عيونها حمرت بجد كانت مرة طيبانه شفق: ما زعلانه مني اني خبيت عنك كل دا ما زعلانه اني طلعت بنت سيئه فتحيه: لا لأنك ندمانه على كل حاجه عملتيها شفق: طيب يا خالتو فتحيه انا عايزة ارتاح تعبت شديد مرات بفكر انتحر عشان ارتاح من حياة دي فتحيه: يا بتي قولي بسم آلَلَهّ اسمعي يا شفق انتي لازم تتجاوزي الماضي وتحاولي تبدي حياتك من جديد ما بقول لكي انسى لانو مستحيل تنسى انتي لسع صبيه في اول عمريك وقدامك حياة طويله بس لازم تعرفي تعيشها صح شفق: وكيف؟ فتحيه: انا بقول ليك كيف في بلدنا في معسكر لتعليم القران يعني خلوة زي داخليه تمشي تدرسي علوم الدين فيها تعليم الصلاة وحفظ القرآن الكريم ما بتطلعي من هناك الا وانتي خاتمه القرآن انا اسي ح اكتب ليكي رقم وحدي صحبتي شغاله هناك وامسكي رقم دا قوي شفق: يعني انتي عايزاني امشي هناك فتحيه: شفق انتي حاليه ما عندك حاجه غير ربنا عشان كدا يا بتي ضروري تتقربي منو وتبدي حياتك من جديد. اسي اخدي راحتك ومساء بستف ليك شنطتك ومن بكرة صباح مازن بوصلك محطه بصات ولمن تصلي اضربي في رقم اديتك دا

ام وابنتها 36 مرت شهرين ولسع امي ما رجعت وياهو نفس روتين بخش لي ناس فتحيه وهم بجوني وانا قروش العندي كملت والنور ولدي كان كويس بس ما عارفه حصل ليهو شنو فجأة بقى يمرض طوالي كل يومين يمرض ولمن نفحص يقولو ملاريه والتهاب في دم وبنشتري ادويه بس م بنفع كان عندي خاتم دهب جاب لي عثمان هديه بعتها وبقينا نصرف بيها بس حاله النور ماشي لي اسواء في يوم كدا مرض مرض شديد وليهو تلاته يوم راقد وحاجه فتحيه دي ما مقصرة بتجي تقيل معاي عديل يوم كدا بعصر كنت قعدة بزقي ولدي الدواء وكان جسمو نار وباب الحوش ضرب لمن فتحتو كانت حجه فتحيه وولدو مازان شفق: عليكم السلام فضلو فتحيه: الود دا لسع ما اتحسن شفق: والله جسمو نار مازان: ارح لبسي نمشي مستشفى لانو دي ما حاله شفق: والله مشينا مستشفى كم مرة وادويه ما فادو بشي مازان: ٠ شفق الود لسع عمرو تلاته سنه وشوف حالتو وكيف بقى ضعيف ارح نمشي وخلي عناد بسرعه لبست عبايتي ومشينا مستشفى خاصه ودكاترة استلمو وعملو فحوصات وبعد فحص قالو عندو ملاريه وانيميا وحالتو صعبه لازم يقعد عندهم كم يوم حتى يتحسن مرت اسبوع والنور حالتو ماشي لي اسواء والله حاجه بحير هو كان كويس يمكن الله بعاقبني على افعالي في اسبوع الفات ما مرة علي يوم وما بكيت كل يوم كان قلبي بوجعني على ولدي لحدي ما في يوم كدا كنت نايمه في كنبه في مستشفي وجات ممرضه وصحتني ممرضه: شفق يلا قومي شفق: صباح الخير مالو في شنو اخوي صحي وببكي وهو عايزني طبعاً كل الناس مفكرين انو النور واخوي حتى ناس حجه فتحيه ما عارفين انو ولدي ممرضه : لااخوكي ما صحى بس شفق: ٠ بس شنو اتكلمي ممرضه : ٠ اخوكي اداكي عمرو البقاءلله اخوكي اتوفى يا شفق لمن قالت كدا بقيت اصرخ زي مجنونه واقول لا ولدي ما ما مات وفجأة اغمي علي

35 ام وابنتها كانت بتعاين لي وبتبكي شفق: ٠ماليك بتكبي الحصل شنو ولدي كيفو فتحيه: شفق انتي اجهضتي لمن قالت كلمه دي حسيت الدنيا لافي بي بكيت بكى بكى وهي كانت بتهدي فيني فجأة عثمان جاء خاشي انصدمت طبعاً وعرفت انو حاجه فتحيه هي اتصلت عليو هي طلعت وفضلنا انا وهو برانا شفق: عثمان انت جيت اكيد قلبك حن علي مش عثمان نحن خسرنا ولدنا انا زعلانه شديد عثمان: قضاء الله وقدره ويعني كان زعلانه اعمل ليكي شنو والله انا اقول الحمدلله بقى مافي بينا رابط لأنو لو كان ولدتي ولد دا كنت ح اكون مجبور اشوفك دائماً واجيب ليكم المصاريف على عموم حاكي دا اوراق الطلاق بعد بكرة منتظرك في محكمه نطلق رسمياً هو قال كلامو دا وطلع طوالي ما انتظرني ارد عليو انصدمت شديد عثمان اتغير مني شديد (بعد اسبوعين) بقيت كويسه وانا وعثمان اطلقنا رسمياً في محكمه وانا بحاول اتجاوز الموضوع فكرت اركز اكتر على ولدي النور يلي عمري ما اهتميت بيهو كأم بقينا نطلع سوء انمشي حدايق كان مبسوط شديد بس لسع مفكرني اني اختو ما امو بس ما حسيتو في حاجه غريبه انو طول فترة فاتت دي ما شفت تسابيح ولا سمعت عنا حاجه وفكرت اسأل حاجه فتحيه عدم موضوع مني لبست عبايتي مشيت عليها شفق: السلام عليكم فتحيه: وعليكم السلام شفق بتي تعالي اسي كنت عايزة ارسل ولد يناديك شفق: حاجه فتحيه تسابيح وينا طولت م شفتها ما اننا جيران فتحيه: ما سمعتي يعني هي سافرت البلد تحضر عرس وهناك شافها ود اهلها من بعيدوقال دير يعرسها بس رفضت بس ابوها وعمامها اصرو عليها وبعد اسبوع عقدو عليها وتم العرس شفق: ههههههه انتي جادة والله ما مصدقه احلفي قولي اقسم فتحيه: يا بتي انا في عمر دا اكذب ليه والله دي حصل وعشان انتي كنتي صحبتها فكرتك تعرفي والله فرحت شديد ما عشان هي عرست لا عشان خربت بيتي عشان تحصل على عثمان بس الله جزاها

ام وابنتها 34 الصباح صحيت بصوت الباب لمن فتحت كانت حجه فتحيه كانت شايله سرمس وكيس عيش شفق: اهلين فضلي ماليك عذبتي نفسك فتحيه: لا عذاب لا شيء شفق: اها امي ما كلمك متين ترجع لأني بتصل عليها وتلفونها مغلق خايفه عليها ومحتاجه ليها شديد 💔 فتحيه: لأسف اميك سافرت لي خالتك في قرى بعيدا في بلد وقالت سفرتها دي ح يطول واحتمال لي سنين كانت تعبانه وزعلانه قالت عايزة تغير جو شفق: يعني امي ما ح ترجع تاني لمن سمعت كلامها بكيت بكى حسيت اني ما ح اشوف امي وانا في امص حاجه ليها كنت محتاجه امي جنبي عشان احكي ليها وافضفض فتحيه: يا بتي ما تبكي انتي احكي لي ماليك الحاصل شنو شفق: راجلي عايز يطلقني وانا حامل طردني من البيت وقال لمن ألد ح يخد مني جناي دا والله العظيم انا تعبانه شديد فتحيه: احكي لي من اول الوصلكم لمرحله دي شنو شفق: ما بقدر احكي اسي بس لازم تعرفي انو انا يلي غلطانه في موضوع فتحيه: خلاص غسلي وشك واشربي شاي شفق: لا ما عندي نفس لي حاجه فتحيه: عشان جنين انتي حامل لازم تاكلي شفق: تمام فتحيه: خلاص انا راجعه بيتي واذا احتجتي اي حاجه اندهي لي تمام واذا مليتي تعالي لي شفق: تمام ما تقصر مرات شهر وحاجه فتحيه ما قصرت مني نهاي كل يوم تجيني تتونس معاي وتحاول تطلعني من جو يلي انا فيها دي وكل يوم جمعه مرت ولدها فاطمه تعزمني فطور وجبنه كلو عشان انسى حزني حسيت بشويه راحه نفسيه بس لسع حزن جواتي ما انتهى يوم من ايام صحيت صباح بي مغص شديد حسيت نفسي ح اموت قمت من سرير وحاولت امشي بس ما قدرت من ألم والنور يعاين فيني ساي فجأة حسيت حاجه شفتها لقيتها دم خفت شديد وكوركت لي حاجه فتحيه وجاتني جاريه فتحيه: في شنو يا بتي ماليك شفق: حاسه روحي ح تطلع انا تعبانه شوفي الدم انا خايفه على ولدي فتحيه: بسم الله الرحمن الرحيم اصبري طلعت مشت جابت ركشه ولبستني عبايتي مشينا اقرب مستشفى وانا كنت شبه فاقدة واعي لمن حسيت الم خف فتحت عيوني كانت حاجه فتحيه جنبي وكانت بتبكي

ام وابنتها 33 اول مرة اشوف عثمان في حاله دي حتى انو ضربني كف لمن وقعت في ارض وم خاف علي اني حامل يمكن انا بستاهل عثمان: انا حبيتك وعمري ما فكرت اجرحك في نهايه تعملي فيني كدا وتكذبي لي انتي واميك انيك ومطلقه شفق: عثمان عليك الله سامحني عمر: شفق انتي طالقه يلا شيلي ولدك الغير شرعي دا واطلعي من بيتي شفق: لالا حرام عليك انا حامل بي ولدك حرام تطلعي من بيت في ليل دا عثمان: انا بي نفسي ح اوصليكم وكمان بنفسي بستف شنطك م عليكي الا تمشي تلبسي عبايتك وتنتظريني في العربيه وبكرة ورقك بصلك ولمن تلدي بخد ولدي منيك لانك ما بتستاهلي تربي فعلاً عثمان ستف لي شنط وخلاني اركب غصب عني وامو شغاله تقول ليهو مش حذرتك منها بس ما سمعت كلامي وريم دي عاينت ليها طوالي حمرت لي وتسابيح دي حسيتها مبسوطه وشكيتها لي الله وحالفه انتقم منها ركبت عربيه بي ورا معاي النور وعثمان كان سايق بي كل سرعتو لمن وصلنا طلع شنط وجدعو في واطه وفات ضربت الباب كدا ما في زول فتح لي في وحدة جارتنا حاجه كبيرة اسمها حاجه فتحيه كدا قعدة ما ولدها ومرتو ولدها اسمو مازن ومرتو اسمها فاطمه وعندهم طفلين صغار في روضه وهم شغالين بطلعو صباح ورجعومساء وبخلو شفعم ما حبوبتم فتحيه واظنها سمعت صوت الباب وجات طالعه فتحيه: في شنو منو انتي شفق: انا شفق بت سحر ليه الباب مفقول وامي وينا فتحيه: اميك يا بتي سافرت ليها فترة مشت لي خالتك بس خلت لي نسخه من مفتاح حست انيك ح تجي شفق: تمام اديني جابت لي مفتح فتحت الباب وخشيت اوضتي وبفكر في الحصل وقعدت ابكي يتبع..... معليش على تأخير تلفوني كان خسران