رواياتي 📚 الوسام 3️⃣

قلت ليها يمه انا بحكي ليك في الكلام دا عشان ما تفهمي سعاد غلط الكلام البقول فيهو دا ما عارفو زول غيري انا لمن جينا منكم وسعاد لقيناها تعبانه نفسيا صفيه قالت لي انا ح اضحي واعرف الناس ديل ونوقعهم واتصلت كلمت الولد العاقد عليها ووصفت ليهو مكان بمشو في جنينه كده بس علا المره دي ما ساقتها لي الجنينه ودتها مكان صفيه زاتا ماقدرت تعرفو وشكلهم شربوها حاجه وما وعت الا تاني يوم عند ناس علا وقطع شك قالت لي حصل علي حاجه وفعلا صفيه طلعت حامل وربنا لطف بيها وحصل ليها اجهاض وهسي صفيه ولد عمها العاقد عليها ساقها وشكلو فهمها غلط والمشكله مافي زول عارف الحقيقه غيري مافي قالت لي انا مشيت رفعت في علا بلاغ لانها هي السبب في الحصل لبتي بس الضابط قال محتاج اقوال اكتر مابتقدري تمشي تقولي كلامك دا امي طوالي قالت ليها بتي عروس ما بتقدر ام سعاد حست بالاحراج وطلعت فاتت انا كنت ببكي وزهجانه من امي قلت ليها يمه ختي نفسك مكانها انتي مفتكره المرا عليهم دي حاجه ساهله يمه صدقيني لو مشيت اتكلمت ح احل الغاز كتيره قالت لي انا خايفه عليك وهسي الناس يقولو شنو عروس ومشت الاقسام يابتي ما تاكلي لحمي انا والله زاتي تعبتا من الكلام البحير دا قلت ليها يمه في بنات كتيره ح يضيعو بسبب البنات ديل وانتي عارفه يا امي سبب انو انا قلت عاوزه اتزوج وما عاوزه اقرا شنوو قالت لي شنو قلت ليها الراجل الشافتو صفيه مع ناس علا في البيت المشت ليهو جا المدرسه وصفيه اشتبكت معاهو وفي النهايه طلع عاوز اتبرع للمدرسه اتبرع للمدرسه هو مدمر نص بنات المدرسه يمه هو راجل كبير اكيد هو مريض لازم اتكشف والناس تعرفو ويعملو حساب لي بناتهم يمه عليك الله خليني امي قالت لي مستحيل واحرجتني مشيت كلمت شهاب وقال لي خليني بتكلم مع امك دي فرصه انو القضيه تكون في يد الضابط وشجعني شديد انتظرت المساء شهاب جا واتفاهم مع ابوي وابوي قال ليهو تمام نمشي معاها انا وانت قال لي تمام الصباح البسي نقاب ونمشي لي ام سعاد نسوقها ونمشي قلت ليهو تمام نومتا فرحانه اخيرا حقهم ح يرجع وعلا والمعاها ح يتكشفو نومتا وصحيت الصبح ولقيت امي وابوي يشربو في الشاي شربتا معاهم وقال لي اجهزي زهير قال لينا ماشين وين حكينا ليهو قال لينا بمش اشهد امي قعدت تكورك ومسكتو ابوي قال ليها خلاص خليهو ما تكوركي من الصباح شهاب جا ساقنا ومشيت لي ام سعاد لمن شافتني فرحت وقامت لبست توبا ومشت معانا اول ما وصلنا الضابط اللاقيتو زمان لقيتو قاعد رفعت النقاب قاصده قال لي دي انتي قلت ليهو اي شهاب بقا اعاين لي طوالي هو حسا انهم مضايقين من سؤالو قال ليهم البت دي زوله حقانيه وما بتحب اللف والدوران وحصل كده كده كده حسيت شهاب ارتاح وقال لي احكي لمن بقيت احكي ليهم قال لي ديل البنات العملن جوطه في المدرسه قلت ليهو ياهن ومعاهن راجل كبير وقصدو شنو ما عارفين ومعاهم استاذ علاء وحكيت ليهو بي اي شي الضابط قال لينا بس كده القضيه جاهزه وانا ح اعمل جاهد واعرف قصتهم شنو وما ح ارحمهم حتي لو بالواسطات القانون عندي قانون ويطبق علي انا زاتي لو غلطتا فرحت شديد لانو صراحه القضيه دي عاوزه ضابط زي الضابط دا كتب كل اقوالي وقال لي م ح احتاجك تاني شكرا ليك كتير ومضيت وطلعنا نشوف الح يحصل شنو تاني توقعاتكم شنو تدخل الضابط ح يفيد القضيه ولا ح يعقدها ……..يتبع

#أرهقني_الفجور23 ‏#نوسه_حمد مشيت لقيت زهير يصلي قلت ليهو الشيخ دعواتك ابتسم وقال لي دعواتي كلها ليكم انتو وامي وابوي قلت ليهو يا سلام عليك اسمعني عاوزاك في كلام ضروري قال لي خير حسيتو خايف علي قلت ليهو اطمن ماف شي بس عاوزين نحل اللغز بتاع الشله الفاسده دي عن طريقك واظنها امي واقفه ورانا ونحنا ما شايفنها قلت ليهو انت لازم تمثل ليهم انك عاوز تبقا معاهم وانك ضليت الطريق وبقيت افهم فيهو وامي شربت الكلام كلو جات وقفت في وشنا قالت لي عشان صاحباتك تضيعي اخوك وكانت تبكي وانا وزهير بقينا نتمتم وغلبنا البنقولو قلت ليها يمه كدي استهدي بالله والله انتي فاهمه غلط قالت لي افهم شنو اكتر من السمعتو ويابتي خلي لي ولدي في حالو بعد الله هداهو عاوزه ترجعي ليهم واتكلمت معاي كتير حسيتا خايفه شديد علي زهير وليها حق انا في حاجات كتيره ما عملت ليها حساب قلت ليها يمه اسفه وسلمت عليها في راسها وقلت ليها والله خلاص الموضوع دا ح اقفلو قالت لي لو عاوزاني اكون عافيه منك عايني لي حياتك انتي بس ما تعايني لي ورا قلت ليها حاضر يمه ومشيت رقدتا وافكر للصباح وبدعي ربنا يحلها من فوق لانو غلبتنا خلاص وانا اي شي خليتو بس صفيه ح تكون عايشه في جحيم ح يزلها ويهينا وياعالم بقول ليها فشنو قدرتا نومتا نومه طويله ما صحيت نهاي الا امي بتصحي فيني قالت لي ام زميلتك منتظراك بره وامي كانت زهجانه لانها ماعايزه الموضوع دا يتفتح عشان خايفه علي قومتا سويع اتسوكتا وصليت ولبست عبايتي وقطع شك قلت دي ام صفيه بس اتفاجأتا لقيتا ام سعاد وحالا تصعب علي الكافر حشاها انحرق علي بتها الشاطره الكانت نفسها تفرح بيها سلمت عليها وقالت لي مبروك يابتي ربنا يسعدك ويهنيك الستره سمحه والعرس سمح القرايه دي لو ربنا قاسمه ليك مع راجلك بتقري بس اهم شي الستره الزمن العلينا دا زمن قابر لو ما اندفنتي حيه بتموتي بالمغسه والوجايع قلت ليها الحمد لله يمه انتي حالك كيف قالت لي انا انوم كيف وبتي ماتت قدام عيني وكانت بتبكي شديد امي بقت تسكت فيها وتقول ليها ادعي ليها البكا ما بجيب فايده قالت ليها الحمد لله قلت ليها هي مالا سعاد قالت لي سعاد الله انتقم من الدمر حياتا ووصلها للوصلت ليهو دا قلت ليها انا والله ما عارفه عنها اي شي يومي الشفتها يومها الولدت في الشارع ومن الخلعه تاني ما سالنا منها ولمن فقدناها جينا لقينا حالتها متغيره قالت لي ماقصرتن والله الله اديكن العافيه بس بتي ما اشكرها ليكم بس ادبها في اخواتا ماف اتسلطتت عليها بت عبدالمجيد وهنا كانت تقصد علا قلت ليها علا قالت لي الله انتقم منها بقت تجيها طوالي قالت بتقرا معاها فجأة بتي حالا اتغير والبت دي بقت تنوم معانا وفي يوم انا غلطتا غلط كبير سعاد بتي قالت لي ماشه ابيت معاها والله ما ختيت ليهم الشينه ولا اتوقعت حاجه كعبه ع حسب البت بتنوم معانا خليتا وبتي جاتني تاني يوم متغيره وزهجانه والبت بعد ما كانت تقع وتقوم معاها بقت تطردها وسالتها ماقالت لي حاجه قلت احتمال اتناقشن مشاكل البنات دي ما اتوقعتا انو بتي تكون جاتا حاجه مر يا زمن ومرن يا الايام بتي بدت تتغير علي وقدر ما قلت ليها اوديك لدكتور رفضت لغايه ما جاتا عقده بقت محبوسه في الغرفه وخلت المدرسه اتصلت علي اخواتا وياريتني ما اتصلت اختها اول ما جات قالت لي يمه بتك حامل وانا سعاد دي بالذات ما بصدق فيها الكلام دا كذبتهن وطردتهن وخاصمتهن بالزمن عميت من الحقيقه لانو ثقتي فيها كبيره لغايه ما جابوها لي بي حال شبه ميته وقالو ولدت في الشارع انا صبت فيني مطره واليوم داك ربنا اغفر لي من حقها ضربتها لمن ماتت في يدي وكنت ما واعيه الجيران مسكوني منها واخواتا اتصلو ليهم جو وعشنا ايام لا اكل لا شراب ولا اي شيء والحمد لله البت الولدتا ماتت في يوما وماتت معاها روح سعاد بتي لادكتور نفع فيها لا شيوخ نفعو نقبضا من الشارع ونقبضا في الهواء وجسمها كلو جروح كتير حاولت تقتل نفسها بس يومها ما تما لغايه ما يوم انا في عز نومي سمعت لي صوت غاطس كده والله قلت دي غنمايه دخلت جوه القا بتي شنقت روحها انا لمن اموت ما بنسا منظر سعاد بتي كانت بتحكي لينا هي تبكي ونحنا نبكي امي اتاثرت شديد بقت تهدي فيها وتطبطب عليها ام سعاد حالتها تحنن قطعت قلبي شديد امي سكتتها وقالت ليها استغفري ياها حال الدنيا قالت ليها بتي لو ماتت ساي من غير ما تشنق نفسها والله بقول دا قدرها بس بتي ماتت بي سرها وهسي انا جيت اسالك يابتي احتمال تكون سعاد حكت ليك بالولد الغلط معاها قلت ليها والله انا سعاد ما حكت لي بالولد بس انا متاكده سعاد ما بي ارادتها سلمت نفسها قالت لي كيف وطبعا امي شغاله تحمر لي وتغمز لي خايفه من المشاكل بس انا كان نفسي اطمن قلبها ما تكون خاته بتها عملت الحاجه دي بي يدها قلت ليها علا دي بتعرف ليها شله كبيره بتاعت اولاد ومعاهم راجل كبير علمو البنات السجاير واي شي كعب والما بتستجيب بالقوه بوقعوها في الحرام زي ما حصل لي صفيه قالت لي صفيه منو

اخوك وكانت تبكي وانا وزهير بقينا نتمتم وغلبنا البنقولو وياعالم البحصل تاني شنو كل ما نحلها تتعقد ……يتبع

شغاله بي شكلها متغاظه مني مشيت اعتزرت ليها حضنتني عليها قالت لي نفسي اشوفك سعيده انتي الاخترتي الزواج ورغم اني ما كنت موافقه بس قلت دايره العرس النعرس ليك قلت ليها الحمد لله ربنا اديك العافيه يمه ويسعدك وتعرسي لي اخواني قالت لي امييين امشي استحمي وتعالي النجيب ليك الشاي بفطير عرسك قلت ليها حاضر يمه مشيت استحميت واتسوكتاوجيت شربتا الشاي مع ابوي وابوي نهاي ما سالني عرفها انها لحظه غضب وعدت علي خير وابوي بحب شهاب شديد قال ليك الله اداك راجل بي الف راجل ابقي عليهو عشره لو جا يوم نبزنا ليك ارضي ما تزعلي قلت ليها ما عاش ولا كان البنبزكم لي قال لي دي صيغه المبالغه انا متاكد منو شهاب مستحيل ينبزنا ليك شهاب ولد محترم وبشهاده الجميع ودا الوحيد الح يخليك تكملي تعليمك قلت ليهو ان شاء الله قصدت اقعد مع ابوي عشان ما اشيلو الهم حسيتو ارتاح شويه بعد كلامي دا وواصلت يومي عادي اتصلت كتير علي شهاب ما ردا علي والشمار حارقني نفسي اعرف صفيه وين بعد نومتا اتصل علي قال لي معليش كانو معانا ضيوف قلت ليهو ما تقول لي ما مشيت ناس صفيه قال لي لا مشيت وخليني ارقد واحكي ليك قلت ليهو طيب شهاب بقا يحكي لي قال لي مشيت ع اساس اني اعزمهم للعرس ولقيت ابوها قاعد رحب بي وسألني من ابوك واخدتي قعدتي معاهو وقلت ليهو جيت اعزمكم علي مناسبتي علي نسيبه بت موسي يوم الجمعه الجايه لازم تجو وكلم معاك ناس البيت ونسيبه وصتني مخصوص اعزم صفيه حسيتو اتاثر قلبي وقف قلت ليهو ممكن تنادي لي صفيه اعزمها بنفسي قال لي صفيه ماف قلت ليهو مشت وين يا ساتر قال لي صفيه ولد اخوي العاقد عليها ساقا مننا غصب استغلا مرضي وجا ساقا وكل الناس وقفو في طريقو بس قال هي مرتو وعاقد عليها ولازم يسوقها وبتي كسرت قلبي دموعا في عينا لا اتحننت لا لبست لا عملنا ليها زي الناس واهلنا اكلو لحمي ولحم امها مالا صفيه اتسرعو في سوقتا من غير جهاز وفي منهم البقولو كلام كعب بس الحمد لله نحنا ربنا خلقنا ضعيفين عشان كده كلام الناس بياكل لحمنا وكان متاثر شديد وقال إنو امها مشت ليها ولقت حالتها صعبه وعيونا مورمات من البكا وقالت لي ما اتكلمت معاي كتير دخلت مني وقالت حاسه انو بتها م كويسه وقال لي ما عارف ليك محامي شاطر يطلق لي بتي من الولد دا انا ندمتا اني عقدتا ليها عليهو قلت ليهو دي مصيبه يا شهاب صفيه ما كلمتو بالحصل ليها دست منو انا متاكده انو فهمها غلط وانها عملت اي شي بمزاجها وما ح يصدقها لانها ما صارحتو قال لي الله اعلم وخلاص صفيه بقت في عصمه راجل نحنا ما ح نقدر ندخل في حياتهم المهم انو هي بخير قلت ليهو انا متاكده انها ما بخير شهاب خت نفسك مكان راجل صفيه لو حسيت انو زوجتك لعبت في حياتا رده فعلك شنو قال لي شوفي يا نوسه هو لو واثق فيها ما بشك ح يسالها بي كل هدو وح يتفهم الوضع بس هو غصبها عشان ترجع ليهو ح يفتكر انها لعبت قبليهو وما بعيد اكون قالب حياتا جحيم ودا سبب بكاها كل ما تشوف امها وما قادره تحكي لي امها عشان امها زاتو ما عندها علم بالحاصل ح تكون كاتمه شديد والخوف تفكر تفكير شيطاني لو ضغط عليها وغصبها شديد قلت ليهو كيف قال لي احتمال تنتحر زي ما عملت سعاد قلت ليهو شهاب انا ح امش اتكلم مع زوجها صفيه محلفاني اقيف جنبها لاني الوحيده العارفه الحقيقه قال لي انتي غبيه ما بعيد اطلع فيك انتي زاتك كلام ويقول متفقين قلت ليهو بحلف ليهو قال لي ما ح يصدق قال لي اسمعيني لازم اكون عندنا دليل انو صفيه الحصل ليها غصبا عنها وانو علا هي السبب في تخديرا بس دي كيف انا والله عاجز عديل قلت ليهو اسمعني علا تموت موت وتبقي زهير اخوي معاهم وزهير قال لي انا بعدتا منهم حتي اصاحبو في الشارع ما بتكلم معاهم قال لي خلاص الحل زهير يمشي ويمثل فيها انو رجع للفساد تاني ويمثل عليها بي كلو انو عاوز يعمل اي شيء انا متاكد علا ح تسوقو البيت داك وخلي يحاول اول شي يتكلم مع علا في موضوع صفيه لو سالتو عاوز بيها شنو يقول ليها انا كنت بحبها وعامل معاها علاقه ما يظهر انو انتي داخله في الموضوع قلت ليهو بس الخوف يسقوهو حاجه ويغلط ويصورو ويمسكوها ليهو زله قال لي ما تشيلي هم هو ولد حتي لو صوروهو يعني شنو بس صدقيني طالما زهير قال انو علا باي طريقه عاوزه تجرو في الطريق دا ح نعرف حقايق كتيره وح نصل لحل واهم شي نبرئ صفيه لي زوجها دا اول كلام زهير اخوك يسجلو عشان ننقذها عسي ولعل احتمال زوجها يتفهم الحاصل قلت ليهو تمام اشوف زهير وارجع ليك مشيت لقيت زهير يصلي قلت ليهو الشيخ دعواتك ابتسم وقال لي دعواتي كلها ليكم انتو وامي وابوي قلت ليهو يا سلام عليك اسمعني عاوزاك في كلام ضروري قال لي خير حسيتو خايف علي قلت ليهو اطمن ماف شي بس عاوزين نحل اللغز بتاع الشله الفاسده دي عن طريقك واظنها امي واقفه ورانا ونحنا ما شايفنها قلت ليهو انت لازم تمثل ليهم انك عاوز تبقا معاهم وانك ضليت الطريق وبقيت افهم فيهو وامي شربت الكلام كلو جات وقفت في وشنا قالت لي عشان صاحباتك تضيعي

#أرهقني_الفجور22 #نوسه_حمد في وسط فرحتي بتفاصيل زواجي ورغم دهشه الناس لي وانو انا اتزوجت صغيره وما كملت تعليم ومستواي حلو امي كانت بتقول ليهم قسمتها جات والقسمه عندها زمن ما بتنتظر قرايه ولا غيرو يوم خبر وفاه هزا الحله والناس كلها طلعت تشوف الحاصل جو بنات جيرانا قالو لي سعاد البتقرا معاك اتوفت وطبعا اغلبيتهم ما عارفين الحقيقه غيري انا وصفيه وعلا وشلتها وقالن لي لقوها مشنوقه انا لا شعوريا بقيت ابكي بكا هستيري الناس كلها واقفه تعاين لي وانا ماقادره اسكت ولا اسامح نفسي لاني ما وقفت جنبها خليتا في اصعب ظروفها قلت لي امي الا امشي لي امها وامي في الاول رفضت بس ما ركزت معاها دخلت لبست عبايتي ومشيت اعزي من الشارع لغايه ما وصلت لقيت سعاد جثه في نص الحوش وامها بتقول لي اعمامها استرو بتي وبتبكي بكا شديد انا لمن شفت سعاد بكيت قدرتي باعلي صوت حسيت نفسي احرق علا والمعاها والمديره القديمه والمدرسه وامها تشيل وتقول لي اختك ماتت ياحليل اختك غدرو بيها بتي ماتت بي حسرتها علي نفسها كميه الوجع الجوا ام سعاد قطع قلبي وررجعت البيت بعد سترو سعاد ودفنوها قلت لي امي انا ما دايره اتزوج وقفو اي شيء امي قالت لي انتي مجنونه تقولي دايره تعرسي وتاني تجي تقولي ماعاوزه انتي ما واعيه بعد كده بوعيك بالسوط قلت ليها يمه انا في نار موت سعاد قتل اي حاجه جواي وصفيه مختفيه وين يمه واخر كلاما لي قالت عاوزه تنتقم من النااس الغدرو بيها هي وسعاد قالت لي تاني دايره ترجعي لي للكلامات دي نحنا نعمل شنو وراجلك عزم لي عرسو اهلو في كل الولايات وعندو اخواتو جو من بره تجي الليله تقولي ما عاوزه قلت ليها ما عاوزه الف بت تتمنا شهاب امي مشت نادت لي ابوي ابوي بقا اترجا فيني قال لي استريني يا بتي الناس اقولو عليك شنو قلت ليهو قول الناي ما بهمني انا ما بخلي حق سعاد قال لي سعاد وكلتك محامي وسعاد ماتت ي بتي بي سرها ليه انتي تخربي حياتك ابوي كلامو كان حار اول مره يعاملني كده لدرجه انور طبلني في الغرفه وقال لي امي ما تشتغلو بيها البسالك منها قولي ليهو نايمه والعرس ما بوقفو دخلت الغرفه وكنت تعبانه نفسيا قعدت جنب الباب في الارض وكل ما اتزكر سعاد وصفيه ابكي حسيت روحي انانيه بدل اختار اعالج المشكله واخد حق صاحباتي اخترت اني استر نفسي وابعد من جوطه القصص دي رغم اني الوحيده الحصل لي صديقات عمري غصبا عنهم تلفوني كان بضرب شهاب شكلو سمع خبر الوفاه رديت عليهو وكنت زهجانه وببكي قال لي نوسه انا الوحيد الحاسي بيك وعارف انتي قدر شنو تعبانه من جواك لانك ما وقفتي مع صاحباتك بس يا نوسه انتي زوله عاقله ماحكايه تقيفي معاهم نوسه الحاصل دا ما طبيعي لا بقدر عليهو انا لا انتي خصوصا البنات الضحايا في فتره مراهقه ودي اصعب فتره يعني حتي لو قدرنا نصل ونعرف المعاهم منو واتكلمنا معاها ما ح تشتغل بكلامنا وح تحس انو نحنا العاوزين نضرها ما هم وفكره انو ننقذ البنات دي فكره ما سليمه نحنا لازم نفكر كيف نوقع الناس المشاركين في الكلام دا ونعرف الحقيقه قلت ليهو حتي صفيه اختفت قال لي كيف قلت ليهو اخر مره صفيه جات وقالت لي لازم تعمل حاجه وتاخد حقها وحق غيرها ومن لحظتها لا جاتني لا شفتها قال لي كيف الكلام دا قلت ليهو ما عارفه والله وقال لي سعاد ماتت كيف قلت ليهو ما عارفه برضو موتها مبهم امها قالت استروها بس شهاب بقا استغفر قال لي ما عارف بس انا مضايق اكتر منك وكرهت حاجه اسمها بنات لدرجه اني مانفسي الد بنات اقعو ضحايا جنس دا قلت ليهو م تقول كده نحنا بس لو جبنا بنات نصارحهم عديل انا شخصيا لشفتو دا من صغيره بفهمن اي شي لا بدس لا بخجل الواحده تكبر وعندها الف تحزير من صحبه السوء والاولاد عموما والحب وقصصو لانو نهايتو هلاك قال لي ربنا يسترنا دنيا واخره ويستر زريتنا قلت ليهو انت عليك بالدعوات وانا علي بالتربيه والدعاء وان شاء الله بناتنا ما بتجيهم عوجه قال لي ان شاءالله واها هسي حسيتي نفسك كيف حسيت انو اهلي كلموهو قلت ليهو انت ابوي قال ليك حاجه قال لي لا والله انا جيتكم ولقيت امك ورتني بالحاصل وماحبيت ازعجك قلت اتفاهم معاك بالتلفون وعشان خاطري حاولي افرحي وعيشي لحظات زواجك انا لو علي اوقف لمن ترتاحي بس الناس الجو من بره ديل ح يزعلو يا نوسه ما تحرجيني معاهم انا اخترتك من ضمن اختيارات كتيره م نفسي اتخزل قلت ليهو حاضر يا شهاب انا بس انفعلتا قال لي معزوره دي صحبتك وعارفه انها انظلمت قلت ليهو الحمد لله ربنا يظهر الحقيقه ويجمع بي صفيه قال لي نوسه احتمال صفيه كويسه بس ما عاوزه تجيك قلت ليهو صفيه مستحيل تعرف انو عرسي قرب وما تجي الا حاصل عليها شي قال لي طيب المساء بمشي عليهم بحكم انو ابوها كان عيان وبعزمهم لمناسبتي وبسال من صفيه قلت ليهو تمام قفلت منو وحسيت براحه شويه مشيت صليت بقيت ادعي انو صفيه تكون كويسه وماجاتا حاجه ودموعي نهاي ما وقفت نومتا نومه طويله ما صحيت الا تاني يوم الصباح قومتا لقيت النسوان اعملو في الفطير وامي ولا

شي وماقصر مني جاب لي شيله وشنطه ودهب مافي بت جابوهن ليها قبل كده وكنت مبسوطه واهلي رغم انهم نفسهم اني اتعلم بس فرحو لي شديد لاحظت لزهير اخوي بقا مراغب اخواني وخايف عليهم فهمت انو فهم الحاصل في الحله مرت الايام وانا بجهز في اجمل ايام عمري وشهاب جهز بيتو وح يسوقني معاهو طوالي وكنت مبسوطه قال لي اول شي ح اعملو انزلك مدرسه خاصه تمتحني ثالث ثانوي فرحت شديد وقال لي ح اساعدك في قرايتك كنت مبسوطه شديد وما زعلانه اني خليت التعليم عشان اعرس حسيت الزواج رحمه من الحاصل في المدرسه ومرت الايام والاسابيع وصفيه مافي منها خبر وقلبي مقطوع عليها شديد في لخمه التجهيزات الحله حصلت فيها حادث هزاها شديد وكان خبر شين علي لقو سعاد مشنوقه والشرطه جات وبدت التساؤلات سعاد انتحرت ولا بفعل فاعل وورا القصه بتاعتها شنو وصفيه مختفيه وين ……..يتبع

رحموها ابوي انا جاتني فوبيا انا خايفه علي شرفي ربنا عالم بي بحب التعليم قدر شنو بس ما عندنا قدره عشان امشي مدرسه تانيه ابوي وامي وزهير مخلوعين قلت ليهم الدمرت البنات ديل وصلت لي ولدكم الليله شرب سجاره ياعالم بكره يعمل شنو وكنت بتكلم بي انهيار لدرجه بقيت اتكلم بره من راسي وكلمه علا من خشمي ما طلعت وكلامي بقا كتير وكتير شديد وامي تقول لي اسكتي كفايه وتكورك فيني وانا شغاله اتكلم شهاب بقا محتاار قال ليهم خلوها تتكلم نوسه دي كاتمه كلام سنين والبحصل دا كلام خطير ما برضي ربنا وانا حاولت ادخل في الموضوع بس للان ما لاقي طرف خيط عشان اعرف البنات ديل الوراهم منو وقصتهم مع المدرسع دي شنو امي وابوي بقو يتحسرو علي شهاب قال ليهم خلوها ترتاح شويه وما تتناقشو في الموضوع دا ولو علي انا جاهز بكره بتزوج بس اتزوجها كيف ونفسيتها تعبانه نوسه حقانيه وعامله لي الف حساب لو ما انا كانت قدرت تصل لي الناس ديل بس محترماني انا وعشان كده انا لازم اعرف الحقيقه قلت ليهو عاوز تعرف الحقيقه الراجل المع ناس علا الليله كان مع المدير شهاب حسا رده فعلي اني انخزلتا لاني كنت شايفه المدير الح ينقذ المدرسه من الحصل فيها. ًًً. ً قال لي تمام وطلع انا حالتي النفسيه كانت سيئة بالذات شفت صاحبتي نهت حياتا بي يدها ومافي زول راضي يسمع ليها المدير بدل يعرف الحاصل طردها حسيت بخزلان ما بعدو خزلان استغفرتا وصليت ومشيت اعتزرت لي ابوي وامي رغم اعتزاري ليهم بس حسيتهم شايلين الهم بالذات لمن قلت ليهم زهير ماشي في الطريق مشيت منهم لقيت زهير سرحان ودموعو في طرف عينو قلت ليهو زهير انا اسفه بس انت ما عاوز تفهم الحاصل قال لي نوسه انا تعبان اكتر منك ولو مفتكره حالي عاجبني تكوني ظلمتيني انا بموت في اليوم الف مره وانا بغلط قلت ليهو طيب ليه يا زهير عاين لي ابوي دا منتظرنا نريحو قال لي انا غلطت وح اصلح غلطي بس بقيت خايف عليك وعلي بنات الحله عموما انا مافاهم الحاصل قلت ليهو الحاصل من سنين بس انا ما اتكلمتا قال لي نوسه احكي لي محتاج افهم وح احكي ليك اي شي قلت ليهو احكي لي انت اول قال لي انا قصتي بدت من المدرسه لمن اتلمين علي شله بشربو سجاير وشويه شويه حسيتهم عاوزين يدخلو عالم الحب والقصص ما عارف بس علا دي بتعرف واحد في اصحابي وهو العرفنا عليها ولمن عرفت اني اخوك بقت مهتمه بي ما حبا فيني عاوزاني ادمن اكتر انا لمن شفت شهاب وصاحبو دقانا هنا انا وعيت انو نحنا في خطر ولازم نلحق نفسنا الولد في اثناء ما بجلد فينا كان بقول لينا شوفي ابواتكم تعبانين فيكم قدر شنو وحسيتو موجهه الكلام علي والشي الحسسني انهم اليوم داك ما قاعدين بمزاجهم وانو وراهم حاجه بالغلط سمعت علا بتتكلم مع واحده قالت ليها لازم نمسك علي شهاب حاجه عشان ما يمسكنا انا في اللحظه ديك فهمت انو شهاب بفتش لحقيقه فكرت اني اساعدو بس انا مابعرف عنهم شي غير البحر البقعدو فيهو دا وانا والله من يوم امي اتكلمت معاي وعدتها وعد رجال اني تاني ما ادخل سجاره في خشمي ومن اليوم داك حارس البيت وكل ما اصحابي ينادوني بقول ليهم ما ماشي قلت ليهو شفت يا زهير كان ح تضرر اكتر لو واصلتا بس الحمد لله انك رجعت لصوابك قال لي وانتي قلت ليهو انا قررت عرس بس قال لي اقول ليك حاجه انا معاك اصلا كده كده مدرستكم دي سمعتا اتشوهت وكل يوم جديد بت منكم تباري ناس علا وانا والله مرات بسرح بقول لو نوسه اختي قدرو جابوها هنا انا بكون شعوري شنو قلت ليها انا لو ما قدرت عليهم كان اكون هسي فضيحتي بجلاجل قال لي الحمدلله كلام زهير طمني كنت خايفه عليهو بس الحمد لله رجع لي صوابو عديت كم يوم وقالو النتيجه بي احتفال قلت ليهم لو جوني هنا ما بطلع استلمها صفيه جات تشوفني مالي حكيت ليها انو انا نفسيا تعبتا ووصلت لمرحله صعبه بسبب انو شفت الراجل في المدرسه حسيت انو بتاجر فينا وخوفت علي نفسي قالت لي ليك حق بس شهاب ما وصل لحاجه قلت ليها ما عارفه قالت لي اسمعيني انا كده كده حياتي ادمرت وقررت اعرف القصه دي براي وعاوزه ارجع لي علا قلت ليها صفيه ما تتهوري المره الاولي ربنا سترك والحمل نزل المره الجايه فضيحتك ح تبقا بجلاجل قالت لي ما تخافي انا فهمت ليهم ما بشرب اي شي اتناقشتا معاها رفضت وفاتت مني رجعت تاني للاكتئاب بس استغفرتا شهاب قال لي نوسه انا اتكلمت مع المدير وقال انو الزول دا متبرع اتبرع ليهم بي كولر وكراسي وكنب قلت ليهو وتقول لي تمي قرايتك الزول دا الليله اتبرع ببقا تاني اجينا كل مره بمزاجو قال لي نوسه انا خلاص قررت وكلمت اهلي ح نجيكم بكره نشوف ح نعمل شنو وقبل شهر ح نتم العرس قلت ليهو تمام تاني يوم اهل شهاب جو واتكلمو مع ناس امي وحددو العرس بعد شهر وقالو ح يجيبو حاجات الحبسه بكره وفعلا جابوهن وبديت اتجهز للعرس وبنات جيرانا حبسوني بس كنت فاقده صفيه وليها زمن ما جاتني قلقت عليها بس ما بقدر اطلع وشهاب اتقرب مني اكتر وحبيتو اكتر وهو كمان كانت بينا علاقه جميله وشهاب حنين شديد عوضني عن اي

#أرهقني_الفجور21 ‏#نوسه_حمد صفيه قالت لي خطيبها انهم لازم ينفصلو وما وضحت ليهو اي شي قالت لي طالما ربنا سترني ما بفضح روحي ومهما كان كلامي لي لكن يا نوسه ما معروف الظروف احتمال بعدين يمسكا لي قلت ليها حرام عليك خطيبك متمسك بيك وقال لو جاتك حاجه بحرق الحله بالفيها وعلا وشلتها قالت لي ح يتهور وح ابقا سيره في خشم الناس وانا الله عالم بي ما واعيه لاي شي. مرت الامتحانات علي خير ف يوم طالعين من المدرسه صفيه لمحت ليها راجل من غير استئذان من المدير دخلت مسكتو من قمصيو وقالت ليهو انت عملت فيني شنو وبقن تكورك والمدير عاوز يسكتها بس كانت مندفعه شديد حاولت امسكها رمتني بعيد بقدره قادر فكوها منو وطلعونا بره المدرسه والمدير قفل عليهو الباب والناس في راسها الف سؤال دا منو ومالو مع صفيه وصفيه كان نفسها قايم قلت ليها صفيه قولي بسم الله دا منو قالت لي دا الدمرنا كلنا وانا ما بخليهو قالت لي دا الراجل المع ناس علا وبقينا منتظرين لغايه المدرسه ما قفلوها وشكلو طلع بالبوابه التانيه والناس اتهمو صفيه بالجنون وعادت السمعه السيئه لطالبات المدرسه والكل بتكلم عن الولدن والجنن بس مافيهم زول سأل نفسو سؤال واحد منو ورا الكلام دا وليه الحله لسه صامته ومتكتمه علي الحاجه دي هل دا خوفا علي سمعه الحله ولا انهم ما فاضيين عشان يعرفو الحاصل شنو شخصيا بطني طمت رجعنا البيت انا وصفيه وكل واحده فينا جواها الف كلام بس من غير اجابات اول ما دخلت امي قالت لي المدرسه فيها شنو قلت ليها ماعارفه كنت في الامتحان حست بي م عاوزه اتكلم كررت لي السؤال الف مره بزهج قلت ليها ياخ ماعارفه ارحمونا زهير سمعني اتكلم مع امي بصوت عالي جا طاير فيني اداني كف قلت ليهو الكف دا تستاهلو انت ورديتو ليهو وامي بقت تكورك لغايه ما نحنا خوفنا عليها وانا دخلت غرفتي حسيت انو ما عندي رحمه حتي لي امي كنت مكتئبه وزعلانه من كل زول في الحله وساكت علي البحصل دا ح يسكتو متين لغايه ما اولادهم كلهم يكونو بتاعين شراب ولا بناتهم كلهم يحملو بالحرام فايده التعليم شنو لو المدرسه زاتها فيها فساد المدير علاقتو شنو مع الراجل دا وبقيت علي اخري طلعت قلت لي امي ما عايزه اكمل تعليمي عاوزه اتزوج قالت لي سجمي يابت انتي ما واعيه قلت ليها لا واعيه وعشان ما تبقو في فضايح تانيه عرسو لي قالت لي فضايح شنو في زول لمسك قلت ليها ما بنتظر لمن يلمسوني يمه انا قررت وما عاوزه قرايه امي اكتر واحده عارفه اني بحب القرايه قدر شنو وحلمي ابقا دكتوره بسهوله اتخلا عن المدرسه اكيد في حاجه غلط قلت ليها يمه انتو ما عارفين حاجه ساي المدرسه فيها بنات مستهدفات البنات الشاطرات والمتفوقات بوصلوهم لطريق كعب ومن غير رضاهم عشان ما تقولي لي انتي بتمشي معاهم ليه ابوي جا لقاني اتكلم امي قالت ليهو بتك جنت يا موسي تعال اسمعها وكل منك شبكتها في الخطوبه ابوي قال لي الغاليه مالا زعلانه قلت ليهو بنبره حاده مازعلانه ياخ خلوني في حالي لو عاوزين تعرسو لي خلاص لو ما عاوزين لا مدرسه لا طلعه ما عاوزه ابوي حسا انو الموضوع كبير وقدر ما سالوني خشمي ما فتحتو اقول شنو واحكي شنو الكلام دا ما بتصدق دخلت قفلت الغرفه علي يوم كامل ما طلعتا وحسيت نفسي قاسيه عليهم بس قساوه الدنيا العلي مافي زول حاسي بيها شهاب اتصل علي قال لي نوسه كلام ابوك دا صاح خلاص نتم العرس قلت ليهو اي قال لي والقرايه قلت ليهو ما تجيب لي سيرتها لانو بطني طمت منها وكرهانه الدنيا بسببها وكنت ببكي كاني دخلت في حاله هستريه شهاب حسا بي ما طبيعيه قفل الخط ودقايق لقيتو قدامي واول مره احس امي رحبت بيهو واظنها قالت ليهو شوفا مالا شهاب قال لي البتعملي فيهو دا غلط كبير ناس امك ذنبهم شنو عشان تعامليهم كده قلت ليهو شكو ليك قال لي خليك من شكو لي وانا والله لو ما واثق منك ما اقيف الوقفه دي جنبك قلت ليهو شهاب الخلاصه عاوز تتزوجني ولا اديك تلفونك دا وكل واحد يروح لحال سبيلو قال لي نوسه عارفه انو انا منتظرك تمتحني واتم العرس قلت ليهو ياخ ما دايره اقرا خلوني في حالي ابوي سمع صوتي عالي جا دمعتو في عينو وقعد لي في الارض قال لي ما تخزليني قلت ليهو بقت علي انا هدا ولدك خزلك ومباري البنات الما كويسات حسيت ابوي انحرج قدام شهاب قال ليهو بتي دي ما شديده قلت ليهو لا شديده يا ابوي عشان ما ندسدس شهاب عارف اي شي وهو الكلمني بفساد اخوي ولو خليتو ح يعمل مصيبه اكبر انا وريتك وانا لو ما عرستو لي ما تلومني اذا جيتك في يوم حامل ابوي بقا ما شايف لمن وقع وامي جات تكورك فيني قالت لي انتي منو انتي مابتي الربيتا انتي دايره تقتلي ابوك شهاب قال ليها دا ما وقت عتاب وكتب لي زهير حاجات قال ليهو سريع تجيبهم من الصيدلية واسعف ابوي لمن وعا ابوي دموعو في عينو جيت جنبو قلت ليهو انا اسفه يا ابوي بس انتو ما عارفين العلي انا عايشه في مدرسه بصارع الفساد صراع صاحباتي واحده فيهم ولدت في الشارع وجنت ولسه الناس ساكته صفيه الكانت بتفتش عشان تنقذ غيرها ما

صفيه انا الليل كلو ادعي ليك قلت انتي ما عندك ذنب غرضك كان تكشفيهم بس هم قادرين قالت لي نوسه انا اسفه عشان م حسيت بيك انخلعتي قلت ليها انا الخبر دا ما جديد علي وصراحه فرحت انوو اجهضتي بدل حملك يظهر وتجيك نفسيات زي سعاد قالت لي نوسه هلا هلا علي الجد والجد هلاهلا عليهو اقسم بالله لو ما دمرتهم ما برتاح قلت ليها لا لا يا صفيه الموضوع دا ادخلو فيهو ناس شهاب وشلتو ووصاني اني ما اعمل اي شي عشاني انا اسمعي كلامي خليهم بجيبو ليك حقك انتي وغيرك قالت لي مستحيل اخلي علا لانها دمرت حياتي قلت ليها معليش ياصفيه والحمد لله ربنا شاف حالك والحمل ما ظهر وهسي مدام وعيتي خلينا نطلع من هنا ما اجي زول من الحله تبقا لينا فضيحه قالت لي تمام وكانت تعبانه شديد الدكتور ادانا العلاجات ومشينا وديتا بيتهم قالت لي طبعا انا ح اطلق قلت ليها ليه قالت لي مستحيل اغشو وما بقدر احكي خليني اصحصح بعد يومين بجيكم اتصل ليهو لانو خطيبي صعب لو عرف الحقيقه امكن يقتل علا والمعاها من غير ما نصل لنتيجه قلت ليها طيب اتريسي قالت لي ما في طريقه انا لا هو لا غيرو ما ح اعرس ودا اخر قرار عندي حسيتا انكسرت والكسر الجواها كبير ما حاجه ساهله انك تفقدي شرفك غصبا عنك علا جنت عليهم قلت ليها شهاب قال نكلم اهل سعاد نوديها لطبيب نفسي هو بعرفو قال عاوز سعاد تحكي للدكتور احتمال تكون كانت واعيه لمن مشو البيت وهو عاوز يعرف الراجل الورا شله البنات وموفر ليهم اي شي دا منو قالت لي انا والله ما بتزكر اسمو بس شكلو لو لاقاني والله بعرفو ولا بتغالط فيهو قلت ليها ان شاء الله نصل ليهو مرت الايام وخلاص نحنا نزلنا امتحانات وصفيه اصرت قالت لي خطيبا ما عاوزاك وزعل منها شديد وسمعها كلام فارغ بس قالت لي من حقو انا اتفرغت تماما لقرايتي حتي تلفوني قفلتو من شهاب والامتحانات جاتنا حلوه وصفيه كانت مجتهده اكتر مني في يوم ونحنا طالعين صفيه لمحت ليها راجل مع المدير ولا اتفاهمت معاي دخلت من غير استئذان المكتب ومسكت الراجل من قميصو وشكلو هو جلابي لمن بهناك وبقت تبكي وتقول ليهو عملتو لي شنو انتو. انا طوالي عرفت انو دا الراجل البنفتش ليهو والله يستر صفيه اتهورت شديد نشوف البحصل الحلقه الجايه

مشيت عشان انوم بس انوم كيف وهموم الدنيا في راسي ما فكرت امسك التلفون حاولت انوم بس منظر صفيه وهي بتقول لي تعالي لي كل يوم ما داير يفارق خيالي قلبي مقطوع عليها اتكلم واوريها بس خايفاها تدخل في نفسيات زي سعاد لانو الحاجه دي ما ساهله كمان لو كلمت العاقد عليها يمكن يتهور ويقتل ليهو زول اعمل شنو وكانت دموعي سايله سيل شهاب اتصل علي رديت عليهو والعبره كانت خانقاني وانا ما صدقت انو اتصل وهو بقا شغال لي نوسه بسم الله نوسه فشنو احكي لي في زول لمسك في زول قال ليك حاجه وانا ما قادره اتكلم بس ببكي وكاتمه صوتي قال لي نوسه اجيكم لو ما عايزه تتكلمي انا بجي والله ما هاين علي اخليك تبكي كده قطعتي قلبي كدي احكي لي نوسه طمني قلبي قلت ليهو شهاب انا مضايقه قال لي فشنو يا نوسه انا جنبك ما تخافي لو في زول خوفك ما تستلمي انا جنبك قلت ليهو المشكله ما انا قال لي طيب شنو قلت ليهو صفيه يا شهاب قال لي مالا صفيه الحصل ليها شنو قلت ليهو الليله تعبت علي في الشارع وديناها الدكتور وطلعت حامل شهاب بقا يتعوذ قال لي نوسه انتي جاده قلت ليهو جاده والله وانا ما قدرت اكلمها وفهمت الدكتور انها متزوجه خوفتا يحصل ليها زي ما حصل لسعاد قال لي سعاد منو قلت ليهو الحضر ولادتا ابوك قال لي اي الحكيتي لي بيها مالا قلت ليهو دخلت في حاله نفسيه اهلا متحسرين عليها وببكو عليها بي دمعتها قال لي نوسه ما تخلوها البت دي لو نفسنت اكتر ممكن تجن خلاص هو البقا بقا قلت ليهو انا خلاص بقيت مافيني حيل خبر صفيه قتلني وانتهي مني قال لي نوسه انا جنبك بس عاوز منك كلام اسمعيني علا دي لو قالت ليك اخوك ميت تعالي الحقي ما تمشي نهاي والايام دي ما تطلعي غير للمدرسه انا والله عاوز أعرف الراجل وبيتو وتاني ماعليك قلت ليهو صفيه كانت ما واعيه عشان تحكي لينا قال لي لكن سعاد ممكن نقدر نصل معاها لشي قلت ليهو سعاد ما واعيه هسي قال لي لا انا بفهمك تعملي شنو تقنعي امها توديها لدكتور نفسي الشغال في المستشفى والزول دا لو قدرو مشو ليهو ح نجمع معلومات كتيره ومنها صاحبت تتعافا وح اتكلم مع المدير يرجعها المدرسه قلت ليهو طيب ح احاول طيب صفيه ممكن تديني ليها حبوب اجهاض اعملن ليها في عصير قال لي نوسه دا كلام شنو انا حالف قسم استحاله اغلط بالشكل دا والفي بطنها روح ناهيك عن الطريقه الجا بيها بس ربنا حرم قتل الروح انا بفكر في حل اصل بيهو لي خطيبا ونشوف لينا صرفه قلت ليهو طيب الله يهونا بس لسه بحزر فيك اوعك يا نوسه تخزليني انا بعمل في الكلام دا عشان احميك واحمي غيرك من البنات طالما قدرو عملو حاجه علي صفيه معناتا اي بت ح يعملو معاها نفس العملو مع صفيه وسعاد قلت ليهو الحمد لله بس لكن البنات ديل اتمكنن شديد وعلا البتحلف تقرل تابت بتغلط قدام عيونك قال لي علا ما تركّزي معاها بس خلي بالك من نفسك قلت ليهو حاضر قال لي اخليك تنومي عشان ترتاحي قلت ليهو تمام نومتا وصحيت مشيت المدرسه نهايه اليوم مشيت لي صفيه لقيتا وشها واقع ولمن رابطه راسها وبطنها قلت ليها مالك قالت لي مغص ح يقتلني وصداع روحي ح تطلع وكانت تعبانه شديد لمن خوفتا منها واقنعتها مشينا للدكتور وشكت ليهو اعراضها قال لي وديها بهناك قسم النساء والولاده قالت لي لا ما ماشه اعالجني هنا قال ليها ماف طريقه يا استاذه انتي عندك مبادي اجهاض انا قربتا ازغرت بس صفيه قالت ليهو شنو شنو قال ليها السمعتيهو وطلع بقت تكورك وتقول لي انا حامل يا نوسه لدرجه انو قفلت ليها خشمها قلت ليها صفيه احمدي الله انو داير ينزل من فوق واستحملي وخليك واعيه انتي واثقه من نفسك ما عملتي الحاجه دي بي ارادتك بس حسبي الله ونعم الوكيل من علا ربنا انتقم منها وسكتها وديتا مكان الولاده لقينا لينا دايه شكلها صعبه قالت لي متزوجه ولا بالحرام قلت ليها كيف بالحرام اتقي الله متزوجه وهسي لو. دايره القسيمه بمش اجيبها ليك بس هي ما متحننه عشان بتقرا قالت لي تمام دخليها وصفيه تعبت اكتر واكتر ركبت ليها درب وحسيت صفيه روحها طلعت عديل بعد ساعتين صراع مع الالم صفيه عملو ليها عمليه الاجهاض علي قدر ما هي مخلوعه انا مبسوطه انو الجنين طلع وما انفضحت بعد طلعوها من الغرفه كانت بتهضرب وبتقول في احداث اليوم المشت فيهو لي علا الناس كلهم محتارين هي تقول فشنو وتتحسبن علي علا قلت ليهم علا دي ضرتها وطلبت منهم يفوقوها قلت عشان ما تقول كلام اكتر وفعلا ادوها حقنه لمن صحصحت قلت ليها حمد لله علي السلامه قالت لي نوسه انتي ليه فرحانه لي كده معقوله تكوني شمتانه فيني وانتي الوحيده الطلعتي من الشله الوسخه دي قلت ليها الله يسامحك يا صفيه انا عمري ما شمت فيك انا لمن عرفت انك حامل اقسم بالله الدنيا مسخت لي مشيت البيت نوم ما نومتا لدرجه انو قلت لي شهاب تدينا حاجه تنزل ليها الفي بطنها قالت لي انتي عارفه من متين قلت ليها الدكتور دا زاتو هو الفحص ليك لمن وقعتي علي في الشارع وقلت ليهو انك عاقدين عليك مفتكره انو بالساهل اعملو ليك العمليه دي دي جريمه والله يا

#أرهقني_الفجور20 #نوسه_حمد خبر حمل صفيه نزل علي زي الصاقعه واتاثرت ليها شديد كان غرضها تمنع الفساد الحاصل بس وقعت فيهو غصبا عنها جيت راجعه الاولاد قالو لي اها ان شاء الله الفحوصات نظيفه قلت ليهم شكلها ملاريا وبديت اتصنع ابتسامه وبي وراها الف وجع بس صفيه بتعرفني كويس قالت لي نوسه فشنو قلت ليها مافي شي وبقيت اضحك قلت ليها انتي ما بتعايني لنفسك ملاريتك عاليه لمن وقعتك حسيتا اطمنت من جواي ما مرتاحه عشان كذبت عليها وطلعنا وديناها البيت وطول الطريق هي تستفرغ دخلت معاها البيت قلت لي امها صفيه وقعت شكلها عندها ملاريا اديها الادويه دي وخليها تاخد راحتها ما تجي المدرسه صفيه قالت لي نوسه تعالي لي كل يوم قلت ليها ان شالله ويارب تطلعني من بيتهم اول ما عتبت عتبه بابهم فكيتا بكيه وكنت بتوجع من جواي ونفسي اكورك باعلي صوت ليها حق سعاد تدخل في الحاله الدخلت فيها دي اتاكدت تماما انو حصل لسعاد زي الحصل لصفيه لانو لو بي ارادتها ما ح تدخل في حاله نفسيه مشيت البيت في الشارع لاقاني زهير اخوي وعامل حركات اولاد الشوارع القميص مرجعو لي ورا ولابس في يدو حاجات والاولاد المعاهو اصيع منو لمن شافني جايه صلح قميصو ومشيتو وقلع الفي يدو وانا ما اتكلمت معاهو اول ما دخلنا البيت امي شكلها مافي قلت ليهو زهير دا شنو البتعمل فيهو دا قال لي شنو يا زوله هوي خليك في حالك قلت ليهو بقيت يا زوله زهير انت من متين كده وانا ما مزعلني الا انك ممثل لي ابوي المسكنه وانت برا البيت زي الصايع قال لي ايوا دي امور الجنا دا قلت ليهو ياتو جنا وانت قاصد شنو قال لي خطيبك قلت ليهو خطيبي الدخلو في الموضوع شنو انا حاجه شفتها بي عيني زهير اثبت لي كلام شهاب صاح بقيت افتش في جيوبو وهو بلاوي فيني لمن طلعت يدي طلعت السجاير والولاعه وفي لحظتي دي امي جات داخله لمن شافت السجاير في يدي لمن وقعت وامي عندها السكري اخواني الصغار جرو جابو ابوي زهير جدع الحاجات في راس البيت وانا بقيت في امي واسعفناها المستشفى وهنا اتاكدت تماما انو لو حصل اي شيء امي ح تموت شعورها ما زي شعور اي ام لمن تعرف مصايب اولادها وعرفت انو التربيه براها ما ليها اثر الشارع مرات بزرع فيك حاجات مافي بالك واصحاب السوء ليهم دور كبير في تغيير اصحابهم بالذات في فتره المراهقه وامي كان عندها حق لمن تقول لي البت الاسمها علا دي ما بهضمها وما تباريها امي كانت صاح وانا كنت غلط بي برائتي علا الما قدرت تطبقو فيني طبقتو في اخوي بس جاتني لحظه وختيت في قلبي يقين انو زهير ح يتراجع من الهو فيهو بس ما بي الساهل لازم نحنا نستحمل ونشجعو ابوي بقا يسال فيني امكم مالها قلنا ليهو ما عارفنها بعد ادوها دربات صحصحت وقالت لي ابوي سوق نسيبه وامشو البيت لي اولادي الصغار وخلو معاي زهير حسيت امي عاوزه تتكلم مع زهير ابوي طبعا بحب امي شديد قال ليها انا ما بفوتك شبر يرجعو هم وانا بقعد جنبك لمن تبقي كويسه والبيت بدونك ما بندخل لي امي دمعتا في عينا قالت ليهو معليش يا موسي بس امشو خلوني انا طوالي قلت ليهو ابوي ارح ممكن ابوي زاتو حسا في حاجه قال ليها طيب يا غاليه ديل قروش لو احتجتو. لي حاجه امي بقت توصف لي في الاكل وقالت لي ما اوصيك قلت ليها حاضر يمه مشينا انا وابوي بعد غديتو ونومتا اخواني ابوي قال لي نوسه انتي بتي الما بتكذب وريني امكم مالا غلبني ارد قال لي عليك الله يا بتي ما تدسي مني انتو عندكم زول غيري تشكو ليهو انا لاحظت لي اخوك ما قادر اعاين في عين امك وامك من صحت ما نزلت عينا من عليهو قلت ليهو ابوي انا كنت بتناقش مع زهير عشان لقيت في جيبو سجاير وامي شافت السجاير وقعت طوالي ابوي حسيتو هما شديد قال لي ما استبعدتا حاجه زي دي في يوم من الايام وزهير ولد صغير وح يكون في واحد من اصحابو بشرب وهم في طور زي دا بشوفو انو شراب السجاير رجاله بس عمرها الرجاله ما كانت بشرب السجاير اقرب ليكم مثل انا من قومتا لا لقيت جنبي اب ولا ام وعتني ولا زول قال لي دا عيب ودا صاح الفتره الاتعلمتا فيها كانت كافيه تعلمني الصاح من الغلط والحاجه الحلوه التعليم كان مجان هسي في زمنكم دا التعليم بي قروش انا بتعب وبشقا عشان اوفر ليكم احتياجاتكم زهير ما عاين لي انا وحسيتو متحسر علي ولدو قال لي لو علي السجاير هينه لي الكلام البنسمعو في الحله المخدرات بقت تتباع فيها عادي بلقا ليهو ود حرام يديها ليهو وتاني كان ضاقا ما بخليها ممكن يسرق عديل عشان يجيبا انا خلاص ضهري انقصا قلت ليهو ابوي زهير غلط لكن عيونو كانت بتقول انو ندمان اشد الندم ومتاكده ح يتراجع ماتفكر لي الدرجه دي قال لي الله يهونا انا ما بي يدي شي غير ادعي ليكم واوعيكم وانا ماقصرت منكم مفهمكم الصاح والغلط بس الحمد لله قلت ليهو غلطه وح تتصلح يا ابوي صدقني قال لي ربنا كريم بنتناقش كده امي جات هي وزهير وطبعا زهير خجلان مني شديد وشكلو امي اتكلمت معاهو جا متغير قلت لي امي حمد لله ع السلامة ما تشوفي شر وجهزت ليها الاكل واستاذنت منهم

اولاد من الحله ما بعرفهم ساعدوني في شيلك لغايه ما جينا هنا المستشفي الدكتور ناداني قال لي تعالي صفيه قالت ليهو انا مالي ما اتكلم معاها مشيت وراهو وقال لي صاحبتك دي متزوجه انا هنا طوالي عرفت صفيه مالا بقيت اتمتم اتزكرت انو صفيه عاقدين عليها قلت ليهو ما متزوجه بس عاقدين عليها قال لي يلا صاحبتك دي حامل خلي العاقد عليها يتسرع يعمل العرس قبل بطنها تكبر ونحنا عندنا عيب قبل اتمام مراسم الزواج النهائيه والشهره يحصل كده وخليها تاخد الفايتمينات دي ضروريه قلت ليهو تمام مشيت بقدره قادر الغرفه الفيها صفيه والاولاد يا حليلهم قالو لي ملاريا صاح قلت ليهم لي وبقيت محتاره اكلم صفيه ولا اسكت انتو رايكم شنو ……….يتبع

وقالت ليك ارح معاي ما تمشي ياخ صحبي دا شرب معاهم الشيشه طشا شبكه رغم انو الشيشه ما بتعمل كده وهو متعود عليها بس شكلها مخلوطه بي حاجه اوعك يا نوسه تباريها وفي الشارع ما تقيفي معاها اياك يا نوسه انا راجل لو عملت اي شي راجل وانتي ممكن عادي تخليني لو ما عجبتك بس لو لا قدر الله عملو فيك حاجه تبقا ليك فضيحه مدي العمر وتاني براك بي ارادتك بتمشي ليهم لانو كده كده حياتك باظت نوسه انا والله خايف عليك قلت ليهو ما تخاف يا شهاب باذن الله ما بمشي معاها وما عندي فيها شغله وح اكلمها عديل اقول ليها ابعدي مني قال لي بس مظبوط وانا اخليك تنومي بكره امشي مدرستك عادي انا بجي بالنيابة عن ولي امرك قلت ليهو تمام ابوي لو عرف القصص دي احتمال انجلط عديل قال لي ما تخافي باذن الله محلوله قلت ليهو تمام ودعتو وقفلتا نومتا صحيت جهزت المدرسه وزمان ما كنت بشتغل بي زهير بس حسيت نفسي عاوزه اقرب منو طبعا زهير اخوي اصغر مني بي سنه عمرو بكون ١٥ لقيتو يلبس ويتشاكلو في حاجه هو واخواني لمن دخلت حسيتو ارتبك ودسا مني حاجه تقريبا يا ولاعه يا كبريت عرفت انو خلاص بدا يشرب سجاير ما حاولت اتعمق معاهو في الكلام قلت ليهم ما تتشاكلو وطلعتا وقلبي مقطوع لقيت امي واقفه لينا بالشاي وابوي مطلع لينا قروش الفطور منظرهم قطع قلبي لدرجه انو غلبني اشرب الشاي اول ما دخلت المدرسه المدير قال لي وين ولي امرك قلت ليهو جاي قال لي انتظري بره ما تدخلي الفصل مشيت لقيت صفيه زاتا منتظره بره وبقيت احكي ليها في الحاصل وطبعا صفيه بقت تخاف منهم قالت لي نوسه ما تسمعي كلام شهاب الحقي اخوك والله اشربوهو حاجه الناس ديل ما شفتيهم انا شفتهم قلت ليها انتي مفتكره زهير ح يسمع كلامي بالعكس هو في مرحله عامل فيها انو كبير وممكن اعمل اي شي ومافي زول يسالو لكن شويه شويه ح اقرب منو ما ح اخلي لي علا والغيرها قالت لي بس وريتك ما تطنشي قلت ليها كويس لمن جا شهاب المدير ناداني وقال ليهو البنات ديل رغم انهن متفوقات بس دايما بجيبو لي مشاكل كبيره وانا فصلتهم عشان اتهمو بت وقالو انها كانت زي الدفعه الاترفدت شهاب طلع تلفونو ووراهو صورتها قال ليهو دي والصوره البت كانت تشرب فيها في شيشه المدير بقا يتعوذ وقال لي امشي الفصل وخلي زميلتك تدخل معاك عرف انو نحنا ما غلطانين والقلنا فيها صاح خليت شهاب اتناقش معاهو ومشيت والحلوه انو شهاب قبل كده اتناقش معاهو في حته البنات دي صفيه قالت لي حصل شنو قلت ليها المدير كان شايفنا نحنا غلطانين بس لحسن حظنا البت يوم مشا شهاب كانت معاهم وصورها ووراها للمدير المدير قال لي امشي لي فصلك وبقا اتناقش مع شهاب قالت لي الحمد لله انو المدير قدر يتفهم الموضوع دا لانو البت دي ممكن عادي تسوق بنات معاها ويحصل فيهم الحصل لي سعاد وصحي ي نوسه سعاد بعد فصلوها الحصل عليها شنو قلت ليها والله ما عارفه رايك شنو نمشي ليها نهايه اليوم قلت ليها تمام اليوم الدراسي خلص ومشينا لي ناس سعاد لقينا امها معاها نسوان سلمنا عليها وقلنا ليها نحنا زميلات سعاد وجينا نطمن عليها قالت لينا سعاد يا حليل بتي الشاطره يا حليل بتي الكنت بفخر بيها وبقت ماشه قدامنا ونحنا وراها وكل ثانيه تتحسر علي بتها قالت ليها صاحباتك جو يسلمو عليك سعاد بقت تكورك وتقول ليها انا ما عندي صاحبات انا م دايره اشوف زول وكانت خاته كراساتها جنبها حسيتها زي العندها حاله نفسيه وامها تقول ليها يابتي استهدي بالله البتعملي فيهو دا ما حل قالت لينا صحي انتو صاحبتها منو قلت ليها انا نوسه ودي صفيه قالت لينا في بنات. صاحبتهم الفتره الاخيره دي دمرو بتي وفيهم واحده كل يوم تجي تقول ليها ارح بيتي معاي قلت ليها يا خالتي والله ما سعاد براها الاتضررت البنات ديل كانو ممثلين فيها انهم صديقات ومافيهم عيب وتحت تحت اكتشفنا عنهم بلاوي قالت لي انتو بتعرفوهم لو بتعرفوهم ما تجيبو اسمهم ابو سعاد حالف اقتلهم نحنا خوفنا وغيرنا الكلام وسعاد تعاين لينا عين حرقه كانو نحنا سبب في الحصل ليها قلت ليها سعاد انا متفهمه الانتي فيهو بس انا نا عايزاك تصلي للمرحله دي عشان ما تندمي اطلعي من الانتي فيهو دا ان شاءالله ربنا بكون في عونك وساعدينا نحنا معاك انتي ما براك الفي المدرسه الحصل ليك الحصل بس عاوزنك تورينا الحصل شنو واللمسك منو سعاد من قلت ليها كده اتجننت علي ودفرتنا بره الغرفه لمن وقعنا وخوفنا منها عديل حالتها النفسيه محتاجه دكتور والحصل ليها اكبر دليل انو غصبا عنها طلعنا دموعنا في عينا لدرجه انو صفيه داخت علي في الشارع وما قدرت اسندها وبقيت اكورك لغايه ما جو شباب شالوها وودوها المستشفى وانا مشيت معاهم الدكتور بقا يسال فيني الحاصل عليها شنو قلت ليهو داخت علي ونحنا راجعين من المدرسه قال لي ح اديها درب والاولاد ما قصرو مشو جابو الحاجات من الصيدليه والدكتور عمل ليها فحوصات صفيه وعت وكانت بتقول لي حصل شنو وسعاد مالا قلت ليها مافي شي انتي بس دوختي رفعت راسها قالت لي ديل منو قلت ليها

#أرهقني_الفجور19 #نوسه_حمد شهاب قال لي نوسه انا عاوز اقول ليك كلام بس ما تزعلي قلت ليهو قول ما ح ازعل قال لي ولا ح تضايقي قلت ليهو شهاب وقعت قلبي احكي فشنو والحاصل شنوو قال لي زهير اخوك. قلت ليهو مالو ما تقول لي لقيتو معاهم قال لي دقيقه احكي ليك اتفقنا مشينا انا وصاحبي مكان بقعدو دا بعد ما قلنا لي علاء زهجانين والحله بقت ما زي زمان قال لينا ابشرو عازمكم سهره من امها قلنا ليهو سهره وفي الحله الا في النادي قال لينا نادي شنو لا سهره فيها بنات طوالي انا بديت اظهر ليهو اني فاسق والجو دا نافع معاي وقال لي معقوله اتغيرت يا شهاب قلت ليهو تقول شنو الزمن وشغلي ضاغط المهم قلنا ليهو تما بنجي عليك اتفقنا انا وصاحبي نمثل للنهايه انو عاوزين الجو دا اتجهزنا ومشينا الجنينه ولقينا ما شاء الله بنات اشكال وانواع واولاد من الحله وبره الحله ما عرفتهم كلهم بس ح اوريك صورهم قدرت اصورهم طبعا علا اول ما شافتني قالت لي انت خطيب نوسه غريبه جيت هنا قلت ليها جيت اشم هواء شويه وكانت بتعمل في حركات اتجاوزتها شديد لمن ما عبرتها غمزت لبت وطبعا انا بنظري متابعهم كلهم بت صغيره كده جات قعدت جنبي وبقت تتمايع وتضحك انجبرتا اندمجتا معاها وادتني رقمها وقالت لي كل مره تجي قلت ليها ان شاء الله المهم دورو الشيشه وانا اعتزرت قلت ليهم عندي التهاب وسدري كعب المهم عملو القهوه واخر ونسه فجاه شفتا زهير اخوك معاهو ولد صغير علا قامت مسكت زهير من يدو وقالت ليهو شوف خطيب اختك معانا زهير انخلع وما اتكلم معاي طلع طوالي صاحبي دمو حار لحقو ومن بعيد هو والولد اداهم الاتنين كل واحد كف وكان بكورك فيهم لمن قومنا حجزناهو وكان مضايق شديد وبقا جايط فيهم قال ليهم كيف تخلو اولاد صغار زي ديل ي داب في عمر المراهقه يقعدو معاكم عاوزين تفسدو اخلاقهم وانا اشيل واغمز ليهو قال لي عاجبك كده بنات صغار وصايعات وقليلات ادب وبقا جايط شكلو الشيشه فيها حاجه خلتو اقول اي شي وعلاء قال لي جايبو معاك ليه ودا بعمل لينا موضوع انا بقيت شغال اهدي فيهو قلت ليهو نحنا مالنا ومالهم اي زول حر في نفسو وهو لسه شغال يكورك قلت ليهم خلوهو شكلو الشيشه دي اثرت معاهو طلعت منهم خوفت يقول كلام اكتر علاء قال لي الزول دا ضامنو قلت ليهم ضامنو شديد ما تركزو معاهو وطلعت منهم وبقيت فيهو هو انتظرتو لمن مفعول الحاجه الشربها دي راحت قلت ليهو كنت ح توقعنا وهو زاتو انخلع من الحكيتو ليهو بس الموضوع عدا علي خير وما شكو فينا كتير واتفقت معاهو انو تاني لو مشا معاي يتحجج بي اي شي وما يدخل حاجه في خشمو. قلت ليهو زهير اخوي شرب معاهم قال لي م عارف بس اخوك في طور مراهقه شكلو دي علا استدرجتو انا طبعا خلاص الدنيا ضاقت بي حسيت انو دا هم ونزل فوق دماغنا وبقيت ساكته شهاب قال لي نوسه استهدي بالله وخليك فاهمه انو شهاب ولد ما زيكم بالكلام ممكن يبعد من الغلط حسيت نفسي ابكي ودموعي بقت سايله شهاب حسا بي قال لي اسمعيني بي امكاني اني ما اكلمك واقول انو هو ولد وحر بس عشان انا شايف ابوكم تعب فيكم قدر شنو ونفسي زهير يكبر ويبقا سند لي ابوهو موش يضيع من ضمن الشباب ديل وما اكذب عليك يا نوسه فيهم شباب مدمنين عديل بتعاطو حاجات تانيه انا طبيب وبفهم الواحد من عيونو وعلا دي اول ما شفتها عرفتها انها ما تمام بس عمري ما فكرت انك تكوني زيها لاني بفهم وبعرف قلت ليهو انا خايفه علي ابوي قال لي نوسه ما تهمي زهير اخوك بالكتير لو غلط بكون شرب سجاير قلت ليهو حتي لو سجاير ابوي ما برضا قال لي نوسه انتي مفتكره الاولاد ديل بكونو زي ما اهلهم عاوزين لا لا ي نوسه الواحد من يصل سن معين بجيهو احساس اني راجل وخلاص ممكن اعمل اي شي وماف زول بسالني انا كنت كده شربت سجاير وحبيت وباريت اولاد م كويسين بس الدنيا ادتني دروس انو الحاجه الغلط مافيها راحه نهااااي الزول بكون ما مرتاح وشويه شويه بحس انو البعمل فيهو دا غلط وانتي هسي لو قلتي اي كلام لزهير ح يعتبرني ما راجل واني بنقل الكلام احتمال ما يحترمني تاني وانا ما عاوز الحاجه دي انا قلت ليك عشان تكوني قريبه منو احتمال يحكي ليك واحتمال يا نوسه زهير دا ما معاهم زاتو بس لكن انا شفتو هناك وبسببهم صاحبي كان عاوز يوقعنا وما نقدر نصل لحل للبنات ديل قلت ليهو تمام ربنا يهون زهير اخوي انا بقدر عليهو زهير بحترم ابوي شديد صدقني حتي لو غلط احتمال اكون شرب سجاير بس لكن يعمل البعملو دا الله اعلم لكن برضو الاحتياط واجب انا ح اجيهو بفوق واحكي ليهو الحاصل في المدرسه انا متاكده ح يخاف شديد قال لي تمام وانا زاتي لو شفتو معاهم ما ح اخليهو يدمر وعلا تدمرو قلت ليهو طبعا ما حكيت ليك علا جاتني تاني يوم الصباح قالت لي خطيبك خاين وصايع وورتني صور ليك انا لمن انخلعتا قالت لي اتوقعتها ترمي فيني البت عشان تقول فيني حاجه بس انا مافارق معاي شي غيرك قلت ليهو قالت لي لو عاوزه تشوفي خطيبك ارح معاي قال لي نوسه اسمعيني لو لا قدر الله جابت ليك صور لي ابوك

اولاد من الحله ما بعرفهم ساعدوني في شيلك لغايه ما جينا هنا المستشفي الدكتور ناداني قال لي تعالي صفيه قالت ليهو انا مالي ما اتكلم معاها مشيت وراهو وقال لي صاحبتك دي متزوجه انا هنا طوالي عرفت صفيه مالا بقيت اتمتم اتزكرت انو صفيه عاقدين عليها قلت ليهو ما متزوجه بس عاقدين عليها قال لي يلا صاحبتك دي حامل خلي العاقد عليها يتسرع يعمل العرس قبل بطنها تكبر ونحنا عندنا عيب قبل اتمام مراسم الزواج النهائيه والشهره يحصل كده وخليها تاخد الفايتمينات دي ضروريه قلت ليهو تمام مشيت بقدره قادر الغرفه الفيها صفيه والاولاد يا حليلهم قالو لي ملاريا صاح قلت ليهم لي وبقيت محتاره اكلم صفيه ولا اسكت انتو رايكم شنو ……….يتبع