ICRICH

BUYUK IPAK YO‘LI YO‘Q EDI. SOPOLLITEPADA ESA IPAK BOR EDI “Xalq soʻzi” gazetasi maʼlumotiga koʻra, olimlar Surxondaryo viloyatida joylashgan bronza davriga oid qadimgi dehqonlar manzilgohi — Sopollitepadan topilgan ashyolarni o'rgangan.   Oʻzbekiston Fanlar akademiyasi Antropologiya instituti mutaxassislari xalqaro tadqiqotchilar guruhi bilan hamkorlikda hududdan topilgan uchta qadimiy pilla parchasini tahlil qilgan.   Mikromorfologik va proteom tahlillari ushbu pilla qoldiqlari xonaki tut ipak qurtiga tegishli ekanini tasdiqlagan.   Radiouglerod tahlili esa topilmalar miloddan avvalgi 1940-1765-yillarga, yaʼni bundan qariyb 4 ming yil avvalgi davrga oid ekanini koʻrsatgan.   Arxeologlar xuddi shu madaniy qatlamdan tut daraxti qoldiqlarini ham aniqlagan. Maʼlumki, tut bargi ipak qurti uchun asosiy ozuqa hisoblanadi.   Olimlarning fikricha, pilla va tut daraxti qoldiqlarining bir joydan topilishi Sopollitepa aholisi bronza davridayoq ipak yetishtirish va unga ishlov berish texnologiyalaridan xabardor boʻlgan boʻlishi mumkinligini koʻrsatadi.   Topilmalar Markaziy Osiyoda ipak ishlab chiqarish texnologiyasining tarqalish tarixi haqidagi mavjud qarashlarga yangi maʼlumotlar qoʻshishi mumkin.   Shu bilan birga, kashfiyot Buyuk ipak yoʻlining shakllanishi bilan bogʻliq umumqabul qilingan sanani – miloddan avvalgi II asrni oʻzgartirmaydi. Biroq u ipak mahsulotlari va ularni ishlab chiqarishga oid bilimlar almashinuvi Buyuk ipak yoʻli shakllanishidan qariyb ikki ming yil avval boshlangan boʻlishi mumkinligini koʻrsatadi.   Tadqiqot natijalari Science Advances ilmiy jurnalida chop etilgan. #nomoddiymadaniymeros #sopollitepa #pilla #ipak icrich.uz|Telegram|Facebook|Instagram|X|YouTube

🎙 Sadoimizning gʻaflati va Uygʻonish daʼvati. Madaniyatshunoslik va nomoddiy madaniy meros ilmiy-tadqiqot instituti direktor oʻrinbosari, sanʼatshunos olima Iroda Dadajonova "Ziyolilar" podkastida. 🔘 Tez kunda... #IrodaDadajonova #ZiyolilarPodkasti #Madaniyatshunoslik #NomoddiyMadaniyMeros 🌍icrich.uz|🕊Telegram|📱Facebook|📱Instagram|🕊X|📺YouTube

Ilmiy muhokama: rejissura va qo‘g‘irchoq teatrida an’ana hamda zamonaviy tendensiyalar ⚡️ 17.00.01 – Teatr san’ati ixtisosligi bo‘yicha san’atshunoslik fanlari bo‘yicha falsafa doktori (PhD) ilmiy darajasiga talabgorlar Sadullayeva Kamola Olimovnaning “Bahodir Yo‘ldoshev rejissurasida an’ana va zamonaviy tendensiyalar” mavzusidagi hamda Xakimova Nigina Olimjon qizining “O‘zbek Milliy qo‘g‘irchoq teatri: an’analari va zamonaviy tendensiyalari” mavzusidagi dissertatsiya ishlari Yetakchi tashkilot – Madaniyatshunoslik va nomoddiy madaniy meros ilmiy-tadqiqot institutida ilmiy jamoatchilik ishtirokida atroflicha muhokama qilindi. 📝 Batafsil icrich.uz|Telegram|Facebook|Instagram|X|YouTube

XALQARO ILMIY SEMINAR ⚡️ 14-avgust kuni soat 11:00 da Madaniyatshunoslik va nomoddiy madaniy meros ilmiy-tadqiqot instituti tomonidan “Nomoddiy madaniy merosni tadqiq etish, muhofaza qilish va ICESCO Nomoddiy madaniy merosning Reprezentativ ro‘yxatiga nominatsiya taqdimnomalarini tayyorlashda Qozog‘iston tajribasi” mavzusida xalqaro onlayn ilmiy seminar tashkil etiladi. ▫️ Seminarda pedagogika fanlari nomzodi, professor, Qozog‘iston Respublikasi Nomoddiy madaniy merosni muhofaza qilish bo‘yicha Milliy qo‘mita a’zosi Janerke Shaygozova ishtirok etadi. ▫️Seminar davomida nomoddiy madaniy merosni tadqiq etish va muhofaza qilish, ICESCO NMM Reprezentativ ro‘yxatiga nominatsiya taqdimnomalarini tayyorlash tartibi hamda ushbu yo‘nalishda Qozog‘iston tajribasi haqida ma’lumot va amaliy tavsiyalar beriladi. Ushbu mavzuga qiziquvchilarni seminarga taklif etamiz. Zoom: https://us05web.zoom.us/j/88474745412?pwd=HmYxwZWCUO49R9Ln6BZoEMOVWLlHu5.1 icrich.uz|Telegram|Facebook|Instagram|X|YouTube

Hay-yaray!.. Suv kelsa — tegirmon yurar, degich Mardlarning davomchi zotimiz! Nomoddiy merosga tan qo'ygan Institut — bizning otimiz! Dimiqqan devorni yiqdik-ey, Sarg'aygan qog'ozni yoqdik-ey, Ilmga yangi suv burdik-ey, "TEGIRMON" gurungin qurdik-ey! #tezkunda #yangiloyiha icrich.uz|Telegram|Facebook|Instagram|X|YouTube