Mikrofon ko‘targan ayol

Ўша — мени ҳеч ким соғинмаган шом Авто бекатида вайрона турдим. Бошимни кўтариб боқдим бир замон — Қаршимда бир йигит, бир қизни кўрдим. Йигитнинг пальтоси... Йўқ, ёдимда йўқ... Аниқ, кўм-кўк эди қизнинг пальтоси. Белларини қучган белбоғи ҳам кўк, Ҳатто кўм-кўк эди тўртта тугмаси. Йигитнинг кўзлари... Эслай олмайман... Ошкор жаранглатиб пинҳон ўйини, Қизнинг кўзларида ёқарди гулхан, Эркалик ва ишқнинг маъсум қуюни... Йигитнинг юзида... Билмайман нима... Аммо қизнинг юзи қаршимда аён: Уни кўмган эди гулгун шафаққа Муҳаббат — энг мовий, покиза осмон... Қор бўлса ёғарди, қизнинг бошидан Қумуш тангаларни аямай сочиб. Шамол титар эди кўзи, қошига Манглайига тушган бир тутам сочин. Йигит... Йигит билан қанча ишим бор! Аммо қиз йигитни шундай суярди — Ки, гоҳ термиларди ҳазин, беозор, Гоҳ ҳўлларин маҳкам ушлаб қўярди. Тошкентдай шаҳарда, балки дунёда Ягона — ҳаммадан гўзал эди қиз. Чиқмаса ҳам телба орзум рўёбга, Бўзлаб қаршисига чўкким келди тиз! Йигит... Аммо нега сени ўйлайман, Ҳозир ҳам ҳавасдан музлайди этим... ...Мен қорли бекатда вайрон турган шом, Сен мендан, ҳаммадан бахтиёр эдинг. Шеърни кино қилиб юборадиган, юракни қиймалаб юборадиган, ўқисанг “воҳ” дедириб юборадиган Ўзбекистон халқ шоири Усмон Азим таваллуд топган кун бугун! Шоиримизнинг умрлари узоқ бўлсин.

Men uchun ham Gazeta.uz mamlakatimizdagi eng yaxshi axboriy-tahliliy sayt. Tahririyat jamoasining axborot yetkazish tili, uslubi, saytning interfeysi, sarlavhalarni tanlashiga qadar xalqaro standartlar sezilib turadi. Gazeta.uz ning kuchli ijodiy jamoasini tug'ilgan kun bilan tabriklayman! Sifatli jurnalistika uchun rahmat. https://t.me/lazizhamidov/3793

#Davra_podcast | 09.8.2026 mtrk.uz | Instagram | Youtube | Facebook | Telegram | X (twitter)

Hozir kanallarimni kuzatib, Oliy Sud xabarlariga ko’zim tushdi va ulashgim keldi. Bugun Ekspomarkazda Oliy Sud sudyalari sayyor qabul o’tkazayotgan ekan. Yaxshi ish qilishibdi. Sudga ishi tushgan odamlarning birinchi istagi - “meni eshitishsin” deydi. Albatta, bitta kunlik qabul barcha muammolarni hal qilmaydi. Lekin bu — tizim o’zini fuqaroga yaqinlashmoqchi ekanini ko’rsatibdi. Va bu tendentsiya davom etishi kerak.

Ari aerodinamika qonunlariga ko’ra ucholmasligi kerak. Chunki, tanasi va qanotlari mutanosib emas, qanotlari kichik. Lekin asalari bu fizik qonunni bilmaydi va uchadi! “Imkonsiz” degan gap yolg’onligini sumochimiz Mahmud Irmuhammedov AQShda isbotlabdi. Raqibi devdek, Mahmud tatamiga chiqqanda tomoshabinlar ehtimol kulgandir ham. Iroda bo’lsa, filni yiqitish mumkinligi bu. Tabriklayman, botir!

Азизлар, ҳозир шундай вазиятдаманки, эмоционал ҳалинчакда учяпман. Мана шу қоравойгина, жиддийгина, кам гапириб, кам куладиган, аммо дунёнинг муаммоларини ўйлаб юриб, ота-онасидан-да кўпроқ нарсани биладиган ажойиб ўғлимиз Ислом Қурбонов Ал Беруний номидаги мактабга аниқ фанлар йўналишига 40-бўлиб ўқишга тавсия этилди. Тасаввур қиляпсизми, ўғлим энг кучли болаларнинг танловида қатнашиб (ўтолмаган болалар ҳам кучли) шулар орасида қабул қилинди. Бунинг учун ўғлимни ўқитган “Алгоритм” ўқув маркази, Субҳонбек Сайфиддинов, Жаҳонгир ва бошқа устозларига чексиз оилавий миннатдорлигимизни билдирамиз. Ўғлим, сенга раҳмат! Меҳнатларинг учун раҳмат! Юзимизни ёруғ қилганинг учун раҳмат! Халқимизга, ватанимизга фойдали инсон бўлиб вояга ет!

Ўзбекистон Хитойда ўзининг “Самарқанд 2028” сунъий йўлдошини учирди(ми?) Бу хабар билан боғлиқ жуда кўп саволлар туғилди. Мавзу менга доим қизиқ бўлгани учун кўпчилик тилидаги саволларга Муҳиддин Ибрагимов “Ўзкосмос” агентлиги директор ўринбосаридан жавоб олишга уриндим. У бугун эрталаб Хитойда сунъий йўлдош учирилишига гувоҳ бўлган. - Ўзбекистоннинг бу лойиҳада иштироки қай даражада? Ракета устида фақат Хитой байроғи тургани ва бу Ўзбекистон сунъий йўлдоши деб эълон қилингани турли фикрларни келтириб чиқаряпти. Агентлигимиз аввалдан сунъий йўлдош Хитойнинг Star Vision компанияси томонидан тўлиқ йиғилганини таъкидлаб келади. Биз бу сунъий йўлдошга жойлаштириладиган сунъий йўлдош модулини яратишда қатнашяпмиз. Айнан шу модулни яратишдаги иштирокимиз учун сунъий йўлдошнинг номини бизга беришди. 2028 йилда Ўзбекистонда Халқаро Астронавтика Конгресси бўлиб ўтиши муносабати билан “Самарқанд 2028” деб номладик. Хитойда бугун ушбу сунъий йўлдош учирилди, биринчи сигналлар олинди. Ва мен ишонч билан айта оламанки, ушбу сунъий йўлдош ичида суратларни қайта ишлайдиган сунъий интеллект модулини биз ишлаб чиққанмиз. - Икки ўртада шартнома йўқ, демак, Ўзбекистон бунинг учун ҳеч қандай пул тўламаган деган фикрларга қандай жавоб берасиз? - Ўзбекистон ҳақиқатан ҳам Хитойнинг ушбу компаниясига молиявий инвестиция қилмаган. Бизнинг компания билан келишувимиз илмий инвестиция эвазига қурилган. Яъни, биз лойиҳага пул билан эмас, технология билан киряпмиз. Star Vision билан шартномамизда икки томон айнан қайси вазифаларни бажариши аниқ белгиланган ва Ўзбекистон ҳам шартномада қонуний мажбуриятлар олган. Шунинг учун Ўзбекистон ҳам, Хитой томони ҳам буни қўшма лойиҳа деб айтяпти. - Cунъий интеллект модулини ҳам бошқа мамлакат яратиб берган деган гаплар бор? - Бу модулни яратиш устида бизнинг жамоамиз 1 йил меҳнат қилди. Бу оддий бўлмаган, жиддий иш. Мен барча қизиққанларни ушбу модулни ишлаб чиқишда иштирок этган ўзимизнинг мутахассисларимиз билан гаплашиш учун “Ўзкосмос” офисига таклиф қиламан. - Биз модулни ўзимиз яратганимиз билан, агар база Хитойда бўлса, мустақил датани олиш имкони бўладими? - Тўғридан тўғри маълумот олишда ҳеч қандай муаммо йўқ. Ўзбекистонга антенна қўйиш мумкин, лекин бу эффектив эмас. Шу вақтгача сунъий йўлдош маълумотлари хориждан олиб келинарди. Бу “Самарқанд 2028” нинг алоҳида жиҳати шуки, сунъий йўлдошдаги сунъий интеллект модулининг асосий иши ва афзаллиги — спутникнинг бортидаёқ маълумотларни қайта ишлашдан иборат. Одатда бундай катталикдаги спутникларда бу тарздаги кўп функцияли модул қўйилмаган. Мана шуни Ўзбекистон жамоаси қила олгани биз учун фахр. P.S. Фактлардан келиб чиқиб айтаман, бу ичида Ўзбекистоннинг илк сунъий модули мавжуд бўлган Хитойнинг сунъий йўлдоши. Худди Мерседес ичида ўзбек кетаётгандек. Ўша ўзбек хориж автомобилидан фойдаланиб бизга хизмат қилиб берса бўлди. Қолган информациялар билан аввалги постимда танишишингиз мумкин.

Ozarbayjon Prezidenti Ilhom Aliyev bilan Shushadagi mediaforumdan keyingi qisqa suhbatim. Rayban ko’zoynagimni yoqish esdan chiqqani uchun yozib ololmagandim. Jurnalist Shuhrat Shokirjonov tasodifan facebookda ko’rib qolib jo’natdilar. Tashakkur!

Xitoy qidiruv tizimi "Samarqand-2028" haqidagi xabarni qanday taqdim etyapti? https://baijiahao.baidu.com/s?id=1872653507501582586 Mana bu yerdagi maqoladan bizga tegishli joyini tarjima qilib beraman: "...Xitoyning Oliy Fan-texnika mukofoti sohibi, ikki akademiya akademigi Li Deren (李德仁). "Ular — dunyodagi eng yetakchi tijorat giperspektral yo'ldoshlari. Yo'ldosh endi shunchaki piksellarni qayd etuvchi kamera emas, balki ko'rgan narsasini tushunishni boshlagan tizim." Bu safar uchirilgan ikki yo'ldosh zavoddan chiqqan paytidanoq xalqaro buyurtmalarga ega edi. Bittasi — "Samarqand-2028" deb nomlangan, O'zbekiston kosmik agentligi Diweiêr bilan hamkorlikda, mamlakatning paxta sanoatini ekishdan hosil yig'ishtirishgacha bo'lgan butun jarayonini maxsus kuzatib boradi, to'liq monitoring qiladi. Ikkinchisi — "Lampung-1" (楠榜一号) deb nomlangan, Indoneziyaning Lampung provinsiyasiga tegishli yo'ldosh bo'lib, u yerdagi qishloq xo'jaligi monitoringi va falokatlardan ogohlantirish uchun mas'ul. Bu ikki yo'ldosh shuningdek, "Global raqamli savdo AI yulduzlar guruhi"ning birinchi yo'ldoshlari hisoblanadi. Reja bo'yicha, ular butun dunyo bo'ylab Yerni kuzatish xizmatlarini taqdim etadi, ehtiyoji bo'lgan davlatlarga masofadan zondlash ma'lumotlari va aqlli tahlil imkoniyatlarini olishga yordam beradi. Bu ma'lumotlar keyinchalik chegaralararo savdoni raqamlashtirish, shuningdek, global miqyosda ma'lumot almashish va aylanishi uchun ham foydalanilishi mumkin. Shu bilan birga, bu ikki yo'ldoshning muvaffaqiyatli uchirilishi "Kosmik Sim hisoblash yulduzlar guruhi"ning tarmoq qurishni boshlaganini anglatadi. Reja bo'yicha, bu yulduzlar guruhi 1000 dan ortiq kosmik agentlarni joylashtiradi va butun dunyoni qamrab oluvchi kosmik hisoblash infratuzilmasini quradi. To'liq yulduzlar guruhi rejasi va ming yo'ldoshli tarmoq qurish yo'l xaritasi 2026-yil sentyabr oyida rasman e'lon qilinishi rejalashtirilgan."

🚀 “Samarkand-2028” orbitaga kuzatildi! Tarix bu. Bugun, 5-avgust kuni ertalab Xitoyning Haiyan Sharqiy kosmodromidan Yer sirtini masofadan zondlashga mo‘ljallangan “Samarkand-2028” sun’iy yo‘ldoshi muvaffaqiyatli orbitaga uchirildi. Sun’iy yo‘ldosh zamonaviy giperspektral kuzatuv tizimi hamda “O‘zbekkosmos” mutaxassislari tomonidan ishlab chiqilgan sun’iy intellekt moduli bilan jihozlangan. U orqali olinadigan ma’lumotlar qishloq xo‘jaligi, suv resurslarini boshqarish, ekologiya, favqulodda vaziyatlarni monitoring qilish, shaharsozlik va boshqa muhim yo‘nalishlarda qo‘llaniladi. “Samarkand-2028” missiyasi O‘zbekiston va Xitoy o‘rtasidagi ilmiy-texnologik hamkorlikning yana bir muhim natijasi bo‘lib, mamlakatimizning kosmik salohiyatini yangi bosqichga olib chiqadi. Bu nafaqat navbatdagi sun’iy yo‘ldosh, balki O‘zbekistonning kosmik texnologiyalar, sun’iy intellekt va masofadan zondlash sohasidagi imkoniyatlari tobora kengayib borayotganining yorqin ifodasidir. Manba

Parkentda xorijdan kelgan yosh vatandoshlar ishtirokida fleshmob o‘tkazildi Toshkent viloyatining Parkent tumanida xorijda istiqomat qilayotgan yosh vatandoshlar ishtirokida O‘zbekiston Respublikasi Davlat bayrog‘iga bag‘ishlangan fleshmob bo‘lib o‘tdi. Mazkur tadbir “Milliy tiklanish” demokratik partiyasi hamda “Vatandosh” jamoat fondi hamkorligida amalga oshirilayotgan “ANOR” loyihasi doirasida tashkil etildi. Aksiya davomida turli davlatlardan tashrif buyurgan yoshlar katta hajmdagi Davlat bayrog‘ini ko‘targan holda Parkent tumani ko‘chalari bo‘ylab yurish qildi. Tashkilotchilarga ko‘ra, bunday shakldagi tadbir xorijdagi yosh vatandoshlar ishtirokida birinchi marta o‘tkazilmoqda. Tadbirdan ko‘zlangan asosiy maqsad — dunyoning turli mamlakatlarida yashayotgan yoshlarni umumiy milliy qadriyatlar atrofida birlashtirish hamda ularning tarixiy vatani bilan aloqalarini mustahkamlashdan iborat. Ma’lumot o‘rnida, “ANOR” loyihasi xorijdagi yosh vatandoshlarni qo‘llab-quvvatlash va ularni O‘zbekistondagi ijtimoiy-madaniy jarayonlarga jalb etishga qaratilgan. 😎 Bizga obuna bo‘ling: @vatandosh_net Veb-sayt | Facebook | Instagram | Youtube

Formula 1 H2O jahon chempionatining Qirg’iziston gran-pri ochilish marosimida O’zbekiston, Tojikiston, Qozog’iston, Qirg’iz Respublikasi Prezidentlari ishtirok etdi. Sharhimni ko’ring.

Eng yaxshi natijalarni quyidagi pilotlar qayd etdi: 🥇 Erik Stark (BAA jamoasi) — 1-o‘rin 🥈 Shaun Torrente (BAA jamoasi) — 2-o‘rin 🥉 Stefan Arand (BAA jamoasi) — 3-o‘rin Shunday qilib, ertangi asosiy poygani Erik Stark pole-pozitsiyadan boshlaydi. Saralash natijalari bo‘yicha BAA jamoasi ustunlikni qo‘lga kiritdi va kuchli uchlikni deyarli to‘liq egalladi. 🌊 F1H2O jahon chempionatining Issiqko‘l bosqichi ilk bor Qirg‘izistonda o‘tkazilmoqda va Markaziy Osiyo uchun tarixiy voqea sifatida e’tirof etilmoqda. Ertangi asosiy poygada aynan shu pilotlar g‘alaba uchun kurash olib boradi.