Shokirjonov news

Автомобил йўллари бўйича янги қоидалар: пулли йўл қуриш учун энди бепул муқобил йўл шарт Президент автомобил йўллари ҳақидаги қонуннинг янги таҳририни имзолади. Ҳужжат пулли йўллар, таъмирлаш харажатлари, пиёдалар хавфсизлиги ва йўл қурилишига янги талабларни белгилади. Янги қонунга кўра, Ўзбекистонда автомобил йўллари умумий фойдаланишдаги, шаҳар ва аҳоли пунктларидаги ички йўллар ҳамда хўжалик йўлларига бўлинади. Умумий фойдаланишдаги йўллар халқаро, давлат ва маҳаллий аҳамиятдаги йўлларга ажратилади. Пулли йўл қуриш ёки мавжуд йўлни пулли қилиш учун энг муҳим шарт — бепул ва яроқли ҳолатдаги муқобил йўл бўлиши. Пулли йўлларда юқори тезлик ва хизмат сифати таъминланиши шарт. Тарифни оператор белгилайди, аммо у белгиланган максимал миқдордан ошмаслиги керак. Тўлов автомобил тури, кун вақти ёки мавсумга қараб фарқланиши мумкин. Айрим транспорт воситалари пул тўлашдан озод қилинади: масалан тез ёрдам, ёнғин-қутқарув ва авария хизматлари. Фавқулодда ёки ҳарбий ҳолатда эса барча транспорт воситалари учун тўлов ундирилиши тўхтатилади. Агар бепул муқобил йўлдан фойдаланиш имконсиз бўлиб қолса, пулли йўлда ҳам тўлов вақтинча бекор қилинади. Йўл соҳасида очиқлик талаби ҳам кучайтирилади. Қайси йўлда таъмир ёки қурилиш олиб борилаётгани, ишларни ким бажараётгани ва қанча маблағ сарфланаётгани ҳақидаги маълумотлар жамоатчиликка очиқ бўлиши керак. Йўлларга ажратилган маблағларни бошқа мақсадларга сарфлаш ҳам чекланади. Йўлларни лойиҳалашда пиёдалар хавфсизлиги, ногиронлар учун тўсиқсиз муҳит, замонавий йўлбўйи инфратузилмаси ва экологик талаблар ҳисобга олинади. Шунингдек, йўл қуриладиган ҳудуд аҳолисининг фикри ўрганилиши шарт. Қурилиш ва реконструкция лойиҳалари хавфсизлик ҳамда экологик экспертизадан ўтказилади. Пулли автомобил йўлларига оид нормалар уч ойдан кейин амал қила бошлайди. Шу вақт ичида ҳукумат пулли йўллардан фойдаланиш қоидалари ва тўловни ҳисоблаш методикасини ишлаб чиқиши зарур бўлади. ➡️ @shokirjonov

Блэкаутга сабабчи дейилган қўшни давлат — Тожикистонми? 14 август куни Тожикистон, Қозоғистон, Қирғизистон ва Ўзбекистоннинг айрим ҳудудларида электр таъминотида жиддий узилишлар қайд этилди. Ҳодисанинг аниқ сабаби ҳозирча маълум эмас. Тожикистонда тахминан соат 15:00 да Душанбе, Хўжанд, Кўлоб, Ваҳдат, Норак, Ҳисор ва бошқа ҳудудларда электр ўчган. Энергетика вазирлиги тиклаш ишлари кучайтирилган тартибда олиб борилаётганини билдирди. Вазирлик Норак ГЭСида авария бўлгани ҳақидаги хабарларни рад этди. Сабабларни аниқлаш учун идоралараро ишчи гуруҳ тузилди. Қозоғистонда эса соат 14:38 да 500 kV кучланишдаги учта магистрал электр узатиш линияси авариявий тарзда ўчган. Бунинг ортидан Алмати ва Алмати вилоятининг айрим ҳудудларида электр таъминоти узилган, тахминан 300 МW юклама тармоқдан ажратилган. Қирғизистон пойтахти Бишкекда ҳам қисқа муддатли узилишлар қайд этилди. Ўзбекистонда, хусусан, Сурхондарё вилоятининг катта қисми ва айрим бошқа ҳудудларда электр таъминотида узилишлар кузатилди. Ўзбекистон Энергетика вазирлиги бунга қўшни давлат энергетика тизимидаги авария сабаб бўлганини билдирди. Аммо қайси давлатда дастлабки носозлик юзага келгани ҳозирча айтилмаган. Шунинг учун ҳодисани ягона минтақавий авария деб қатъий айтишга ҳали эрта, аммо Марказий Осиё энергетика тизимларининг ўзаро боғлиқлиги бу эҳтимолни жиддий кўрсатмоқда. ➡️ @shokirjonov

Сурхондарёнинг 9 та туманида “блэкаут” Сурхондарё вилоятининг 9 та туманида электр энергияси таъминотида узилиш кузатилмоқда. Шу жумладан, Қумқўрғон туманида ҳам ток ўчган. Маълумотларга кўра, тақсимловчи нимстанцияда катта носозликлар юзага келган. Ҳозирча…

Россияда ва бошқа давлатларда ишлаётган ўзбекистонлик мигрантлар қанча? Марказий банк Миграция агентлиги маълумотларига таяниб, хорижда тахминан 1,4 млн нафар фуқаромиз меҳнат қилаётганини маълум қилди. Уларнинг 834,2 минг нафари Россияда, 84,4 минг нафари Қозоғистонда, 72,1 минг нафари Туркияда, 46,4 минг нафари Жанубий Кореяда, 258 минг нафари Европа давлатларида, 97,7 минг нафари бошқа мамлакатларда экан. Қизиғи, бундан атиги тўрт ой аввал Миграция агентлиги хорижда меҳнат қилаётган ўзбекистонликлар сонини 1,2 млн нафар деб кўрсатган. 2025 йилда эса агентлик 1,34 млн нафардан зиёд фуқаро хорижда ишлаётганини билдирган. Ўша маълумотда Россиядаги мигрантлар сони 600 минг атрофида экани айтилган. Янги рақамларда нафақат умумий сони, балки география ҳам жиддий ўзгарган. Россияда ишлаётганлар сони 834 мингга етган. Жами мигрантлар орасидаги хотин-қизлар сони эса 398,9 минг нафарни ташкил этмоқда. Яъни хорижда ишлаётган қарийб ҳар уч меҳнат мигрантдан бири яқини аёл. ➡️ @shokirjonov

Сурхондарёнинг 9 та туманида “блэкаут” Сурхондарё вилоятининг 9 та туманида электр энергияси таъминотида узилиш кузатилмоқда. Шу жумладан, Қумқўрғон туманида ҳам ток ўчган. Маълумотларга кўра, тақсимловчи нимстанцияда катта носозликлар юзага келган. Ҳозирча электр энергияси қачон қайта тикланиши маълум қилинмаган. Вилоят ҳокимлиги ахборот хизматига кўра, қўшни мамлакатнинг энергетика тизимида юз берган авария Марказий Осиё энергетика тизимига таъсир кўрсатган. Натижада, Сурхондарёда электр таъминотида узилиш кузатилган. Ҳозирги вақтда энергетиклар томонидан электр таъминоти босқичма-босқич тикланмоқда. Қўшимча маълумот бериларкан. ➡️ @shokirjonov

Криштиану Роналдунинг тўйи қанақа ўтди экан, кимлар борди экан, деб сўраб ётганларга...

Икки кундан бери маҳаллада (Самарқанд шаҳар, Ал-Бухорий МФЙ) тинчлик йўқ. Кеча тунги 23:50 дан, бугун 23:00 дан тўйдан келин-куёвни уйига олиб келиб, маҳаллада варанг қилиб колонкадан қўшиқ куйлаб, салют отилиб, ҳаммани безовта қилишмоқда. Аслида, маҳаллада тунги соат 23:00 дан кейин шовқин кўтариш мумкинмас, касаллар, қариялар, ёш болалар бор десак, "Одам умрида бир марта уйланади", "тўй қилганни, бировнинг хурсандчилик кунини кўролмаяпсизлар", деб тарафкашлик қилишяпти. Ман тушунаман, доира, довул билан бир муддат уйин кулги қилиб, келин-куёвни ўз уйига кузатиб қўйиш мумкин. Лекин мошний колонкалар билан бир соат минут гумбара-қарс қилиб ҳамманинг қулоғини қоматга келтириш... Тўйхонада ўйнаб-кулиб келишган шулар. Ҳозиргача ҳам ўйнаб кулишса бўларди. Йўқ, албатта буларнинг тўй қилганини ҳамма, маҳалланинг ит-мушугигача билиши, муҳими — эшитиши керак керак. Мусиқаям анавинақа шайтонбазмники. Участковой ҳам жим. Чунки давлат қуриб берган уйда эмас, бошқа маҳаллада туради. Қандайдир чора кўриш керак бунга ахир?! Токайгача?! Самарқанддан бошқа бирор шаҳарда йўқ бунақа аҳмоқчилик. P.S. Шуни ёзятувдим мусиқа тинди. Хайрият деб турсам, қаёғда! Куёвнинг ичиб олган жўралари "Доля воровская"ни чалдиришяпти. ➡️ @shokirjonov

Давлетов ўрнига Давлатов Президент Фармони билан Олим Давлатович Давлатов Ўзбекистон Республикаси Президентининг вакиллик органлари, нодавлат нотижорат ташкилотлар ва ёшлар масалалари бўйича маслаҳатчиси лавозимига тайинланди. Олим Давлатов 1976 йил Сурхондарё вилояти Сариосиё туманида туғилган. Алишер Навоий номидаги халқаро жамоат фонди директори лавозимида ишлаб келган. Маслаҳатчи лавозимида ишлаб келган Русланбек Қуролтаевич Давлетов лавозимидан озод этилди. ➡️ @shokirjonov

Узундаги ўша ишкомли маҳалла... ➡️ @shokirjonov

Imlo xatolardan pul ishlash mumkin, buni bilarmidingiz? Atrofimizdagi reklama, peshlavha yoki e’lonlarda xato yozilgan so‘zlarni uchratib turamiz. Endi ularni tuzatishga o‘zimiz ham yordam bera olamiz. Buning uchun «Sof til» loyihasining maxsus botiga xato yozilgan joy haqida xabar yuborish kifoya. Hozirgacha 300 ta murojaat kelib tushgan va ular bo‘yicha tegishli tashkilotlar bilan ish olib borilmoqda. Ha aytgancha, har oy eng faol foydalanuvchilar pul mukofoti bilan taqdirlanadi. Botga murojaat yuborish tartibini esa rolikdan bilib olishingiz mumkin. ➡️ @shokirjonov

Зоминлик 80 ёшли онахон парашютдан сакрабди. Мен сакролмасам керак, масалан... ➡️ @shokirjonov

Бугун Қуёшнинг тўлиқ тутилиши рўй берар экан. Асосан, Гренландия ва Исландияда, шунингдек, Испания шимолида кузатилади. Ғарбий Европа давлатларида кечки пайт қисман тутилишни кўриш мумкин. Айтишларича, Исландияда ҳотеллар нархи кескин ошиб кетибди... ➡️ @shokirjonov

Мустақиллик байрами муносабати билан ўзбекистонликлар кетма-кет 4 кунгача дам олади Мустақиллик байрами арафасида дам олиш кунлари бўйича тартиб аввалдан белгиланган. Президентнинг ПФ–257-сон фармонига мувофиқ, 2026 йилда 31 август (душанба) барча ходимлар учун, иш ҳафтасининг туридан қатъи назар, қўшимча ишланмайдиган кун этиб белгиланган. Шу тариқа, ҳафтасига 5 кун ишловчилар 29 август (шанба), 30 август (якшанба), 31 август (душанба) ва 1 сентябр (сешанба) кунлари кетма-кет 4 кун дам олади. Ҳафтасига 6 кун ишловчилар эса 30 август (якшанба), 31 август (душанба) ва 1 сентябр (сешанба) кунлари кетма-кет 3 кун дам олади. 2-сентябрдан мактаблар очилади. ➡️ @shokirjonov

Ўзбекистонда катта ёшдагиларнинг 64 фоизи ортиқча вазнга эга Ўзбекистонда 2024 йилда 18 ёшдан катта аҳолининг 64 фоизи ортиқча вазн ёки семириш тоифасига кирган. Бу кўрсаткич бўйича Ўзбекистон МДҲ давлатлари орасида биринчи ўринда турибди. Our World in Data маълумотларига кўра, кўрсаткич Жаҳон соғлиқни сақлаш ташкилотининг Global Health Observatory маълумотлари асосида ҳисобланган. Бу ерда ортиқча вазн деганда тана вазни индекси (BMI) 25 ва ундан юқори бўлган катталар назарда тутилади. Ўзбекистонда семиришнинг ўзи, яъни BMI 30 ва ундан юқори бўлганлар улуши эса 30 фоиз атрофида. МДҲда Ўзбекистондан кейин Туркманистон ва Тожикистонда кўрсаткич 58 фоиз, Қозоғистон ва Россияда 56 фоиз, Қирғизистонда эса 56 фоизни ташкил этган. Дунё бўйича катталарнинг ўртача 43 фоизи ортиқча вазнли ҳисобланади. Демак, Ўзбекистондаги кўрсаткич жаҳон ўртачасидан қарийб 1,5 баравар юқори. Муаммо фақат ташқи кўриниш билан боғлиқ эмас. ЖССТ ортиқча вазн ва семириш юрак-қон томир касалликлари, диабет ва айрим турдаги саратон хавфини оширишини таъкидлайди. Дунёда ҳам вазият ёмонлашмоқда: 2022 йилда 18 ёшдан катта 2,5 млрд киши ортиқча вазнли бўлган, уларнинг 890 миллиондан ортиғи семириш билан яшаган. Бироқ рақамлар бир нарсани аниқ кўрсатмоқда: Ўзбекистонда ортиқча вазн энди фақат шахсий муаммо эмас, жамоат саломатлиги масаласига айланиб бормоқда. Камҳаракатлик, овқатланиш одатлари ва турмуш тарзи ўзгариши билан боғлиқ бу тенденцияга эътибор берилмаса, унинг соғлиқни сақлаш тизимига таъсири ҳам тобора катталашиши мумкин. Менга ҳам тааллуқли. ➡️ @shokirjonov

Бугун Gazeta онлайн нашри 18 ёшни қаршилади. Газета ўз ўқувчилари, шунингдек, халқаро ташкилотлар, элчихоналар, идоралар, бизнес, жамоатчилик ва маданият соҳалари вакиллари қутловларини келтирибди. Эътирофларни ўқиб чиқинг эринмасдан. Жамоа бекорга бунчалик мақталмаяпти. 👉 https://www.gazeta.uz/uz/2026/08/11/18th-anniversary/ Жамоанинг кейинги фаолиятига муваффақиятлар, эл этирофи бардавом бўлсин! ➡️ @shokirjonov