Актуалқа ҚЗ

⚡️"Тарлан Астана" Астанада LRT атауын өзгерту туралы шешім қабылданды. Енді ол «Тарлан Астана» деп аталады. Жаңа атау Астана қалалық мәслихатының отырысында мақұлданды. Барлық аялдамалардағы брендинг жаңадан өзгеретін болды. Мәслихаттың отырысы үшін өте маңызды сұрақ болса керек... #Tarlan50km/h

⚡️Астана әкімдігінің мәліметінше, LRT қызметін алғашқы тәулікте 100 мыңға жуық адам пайдаланған. Бір күндегі табыс шамамен 20 миллион теңгені құрапты. Ал енді қызық есеп. LRT жобасының жалпы құны шамамен 1,8 миллиард доллар немесе қазіргі бағаммен 936 миллиард теңге болған. Тағы бір 128 жыл шыдасақ, шығын өзін ақтайтын болады. Топырлап кіріп сындырып қойып жүрмесек әрине...😇

⚡️Тарихи кадр. 12 мамыр. Астана LRT және блогерлер.

😂“Әділет” партиясының съезінен кейін…

⚡️Айбек Дәдебай жаңадан құрылған «Әділет» партиясының басшысы болды Партияның саяси кеңес құрамы да бекітілді 👌

⚡️Футбол Федерациясы дауға қалды «Саке», «Мошенники», «Патруль», «Бажа» сериалдарының продюсері Акылбек Досжан Футбол Федерациясына шағымын айтуда. ҚФФ пен Ақылбек Досжан еліміздегі футбол сапасын арттыру мақсатында матчтарды жоғары сапада, көп камерамен түсіруді жөн көреді. Ақылбек Досжан өз міндетіне кірісіп, сапалы түсірілім ұйымдастырады. Нәтижесі: ҚФФ 5 ай бойы қызмет ақысын төлемей келе жатыр. «Вот почему не горят фонари!?» Футбол саласындағы “көкелерді” ескеретін болсақ, Ақылбек Досжанның ашық жанайхайы - ерлікке келеді…

Байкелер "Текст примерный, можно свой" режимін қосып жатыр... Астана қаласында өткен Аймақтық экологиялық саммитте Қырғызстан Президенті су мәселесіне байланысты мәлімдеме жасады. Қырғызстанда Президент сайлауы келе жатыр. Threads желісіндегі боттар дайындық үстінде.

Жараның бетін бояғанша, жараның өзін емдемейміз бе? Желіде шу шығарып, қоқысты тазартқанына мәз. Қоқыстың бәрін әкімшілікте отырған әкім шашқандай. Көне тастарға, аспан астындағы мұражай экспонаттарына өздерінің пайдасы жоқ аттары мен туған жылдарын жазып, қоқысты тастап жүрген қоғам өкілдері барда - әлеуметтік желудегі шудың пайдасы жоқ. Өкініштісі, мәселе жәй ғана қоқыста емес…

Аңыз адам, даңқты тұлға, ақын Мұхтар Шаханов дүниеден озды. Мұхтар Шахановтың қайсар мінезі, өр рухы, әділет жолындағы табандылығы мен елдік мүдде алдындағы адалдығы жұрт жадында мәңгі сақталады. Иманы жолдас болсын!

Қазақстанда қос азаматтыққа заңмен тыйым салынған, ал қос партиялылыққа шектеу жоқ 😏 Ойларыңыз? 👇

⚡️Қазақстанда жаңа саяси партия пайда болды Қазақстанның саяси кеңістігінде жаңа ойыншы пайда болды — «Әділет» партиясын құру жөніндегі бастамашыл топ жасақталды. Оның құрамына халықаралық «Қазақ тілі» қоғамының президенті Рауан Кенжеханұлы, саясаттанушы Марат Шибұтов, Конституциялық комиссия мүшесі Карла Жаманқұлова, «Астана» халықаралық қаржы орталығының басқарушысы Ренат Бектұров, Allur Auto директорлар кеңесінің төрағасы Андрей Лаврентьев және басқа да тұлғалар енген. Саяси маусым енді ғана қыза бастағандай. Тамыз айында өтетін Құрылтай сайлауы қарсаңында жаңа партияның құрылуы таңғалдырмайтын сияқты ма? Қызығы, жаңа партия - ескі "Аманат" мүшелерінен құралған секілді.

⚡️Эминем мен Шакира Казахстанға келеді! Әлемдік музыка жұлдыздары Эминем мен Шакира Қазақстанда концерт өткізуге келісті. Концерт күні мен орны әлі талқыланып жатыр. Алматыдағы қоғамдық кеңес отырысында айтылған мәліметке сәйкес, олардың концерттері Орталық Азия турының бір бөлігі ретінде қарастырылуда. Өкінішке қарай, Алматы қаласының стадионы бұл шараға дайын емес екендігін мойындау қажет. Екіншіден, Қазақстанда ЛГБТ насихатына қарсы заң нормалары күшіне енгендіктен, шетелдік әртістердің репертуары қалай реттелетіні қызық. Кейбір халықаралық орындаушылардың ән мәтіндері мен сахналық образдарында қолданыстағы заңнамаға қайшы келуі мүмкін месседждер ашық байқалады. Осы жағдайда ұйымдастырушылар контентті алдын ала құқықтық және мәдени сүзгіден өткізе ме, әлде әлемдік шоу-индустрия стандарттары бұрынғыдай сақтала ма? Үшіншіден, бұл шараның билеттері сатылымға шыққан платформа неше минуттан кейін істен шығады екен? Күтеміз...

Астанада долларлық миллионер Роман Линейцев 15 тәулікке қамауға алынды Әлемге танымал Grand Mobile ойынының иесі, белгілі IT-кәсіпкер Роман Линейцев жол қозғалысы ережесін жүйелі түрде бұзғаны үшін жауапқа тартылды. Жыл басынан бері оның өзіне тиесілі 9 көлікте…

Астанада долларлық миллионер Роман Линейцев 15 тәулікке қамауға алынды Әлемге танымал Grand Mobile ойынының иесі, белгілі IT-кәсіпкер Роман Линейцев жол қозғалысы ережесін жүйелі түрде бұзғаны үшін жауапқа тартылды. Жыл басынан бері оның өзіне тиесілі 9 көлікте 50-ден астам құқықбұзушылық тіркелген. Соңғысы — сағатына 133 шақырым жылдамдықпен жүріп, бағдаршамның сары түсіне өтуі болған. Миллиондар тауып, салық төлеп, қоғамға пайда әкелу — әрине, құптарлық іс. Бірақ көлік жүргізу мәдениеті адамның санасынан басталады. Енді есейіп, жауапкершілікті сезінетін уақыт келген сияқты. Өйткені бір сәттік аңғалдық өз өміріңді ғана емес, өзгенің де тағдырын қауіпке тігуі мүмкін.

⚡️"Хан Шатыр" сатылымға қойылды! Кrisha.kz сайтында Астанадағы “Хан Шатыр” ғимаратының сатылатыны жөнінде жарнама пайда болды. Сатушы осы ғимараттың иесі ретінде жарнама жариялаған. Құны - 17 250 000 000 〒. Жарнамада былай делінген: “Нұрa ауданында орналасқан, жеке тұрған, еркін мақсаттағы ғимарат сатылады. Ғимараттың жалпы ауданы – 15 800 м², оның ішінде паркинг – 800 м². Сонымен қатар ашық автотұрақ бар, ғимараттың периметрі бойынша қоршау орнатуға мүмкіндік қарастырылған. Барлық сұрақтар кездесуде талқыланады. Қоңырауға жауап бермесем, хабарлама жазыңыз. Риелторлармен жұмыс істемеймін!” "Хан Шатыр" әкімшілігінен ресми ақпар күтеміз. "Торг есть? В залоге?" деп сұрамаңыздар🙌

Түркістан облысынан тек негативті жаңалықтар шығады деп ойладыңыздар ма? Егіс науқаныны жергілікті фауна "тұрғындарын" қырып салмас үшін, "Тасбақа қоры" еріктілер тобы тірлішік иелерін шелектеп жинап, жарақаты болса, емдеп, қауіпсіз жерге көшіріп алды. Нағыз құтқару операциясы 🙌 8 мыңға жуық тасбақа, жүздеген жылан, кесірткелер аман қалды. Жұма - дәл осындай жаңалықтармен аяқталу керек 🐢❤️

«Бұғазы кеңнің — тынысы кең»,-деп босына айтпаған 😮‍💨