KASBI.UZ | RASMIY - Касби тумани ҳокимлиги

“Qishloq joylarni kompleks rivojlantirish” loyihasi doirasida uchrashuv o‘tkazildi Kasbi tumani hokimligida O‘zbekiston Respublikasi Prezidentining 2024-yil 28-martdagi PQ–141-son qarori ijrosi doirasida “Qishloq joylarni kompleks rivojlantirish” (2-bosqich) loyihasi bo‘yicha ishchi uchrashuv o‘tkazildi. Unda Kasbi tumani hokimi To'xtamurod Meyliyev, BMT Taraqqiyot dasturi (BMTTD) loyiha jamoasi vakillari, loyiha ishchi guruhi ishtirok etdi. Uchrashuvda loyihani tumanning Mug'lon va Do'stlik mahallalarida amalga oshirishning navbatdagi bosqichlari, hududlarning mavjud infratuzilmasi, aholining ehtiyoj va muammolarini o‘rganish masalalari muhokama qilindi. Shuningdek, loyihani samarali amalga oshirishda aholi fikr va takliflarini inobatga olish, mahallalarda manzilli uchrashuvlar tashkil etish hamda mavjud muammolarni o‘rganish bo‘yicha vazifalar belgilab olindi. Uchrashuv yakunida loyiha doirasidagi ishlarni o‘zaro hamkorlikda, belgilangan vazifalar asosida amalga oshirish yuzasidan kelishib olindi. Rasmiy sahifalarimiz : 📱Web-site | 📱Telegram | 📱YouTube | 🟥 Instagram | 📱Facebook | 📱 X

Xayr, bog‘cha — salom, maktab! Kasbi tumanining Mug‘lon mahallasida joylashgan 23-sonli davlat maktabgacha ta’lim tashkilotida tarbiyalanuvchilarning maktabgacha ta’lim bosqichini yakunlashiga bag‘ishlangan “Xayr, bog‘cha!” tadbiri bo‘lib o‘tdi. Bayramona tadbirda tarbiyalanuvchilar, ularning ota-onalari, pedagog va tarbiyachilar hamda jamoatchilik vakillari ishtirok etdi. Tadbir davomida bolajonlar tomonidan she’r, qo‘shiq va raqslar ijro etilib, sahna ko‘rinishlari namoyish etildi. Tarbiyalanuvchilarning bog‘chada olgan bilim va ko‘nikmalari, ijodiy qobiliyatlari hamda erishgan natijalari bayramona chiqishlarda o‘z ifodasini topdi. Ayniqsa, bog‘cha bilan xayrlashib, yangi hayot bosqichi — maktab ta’limiga qadam qo‘yayotgan bolalarning hayajonli chiqishlari tadbirga o‘zgacha ruh bag‘ishladi. Ta’kidlanganidek, maktabgacha ta’lim bolaning keyingi ta’lim bosqichiga tayyorgarligida muhim o‘rin tutadi. Bugungi kunda yurtimizda maktabgacha ta’lim tizimini rivojlantirish, bolalarni sifatli ta’lim va tarbiya bilan qamrab olish, ularning har tomonlama rivojlanishi uchun zarur sharoitlarni yaratishga alohida e’tibor qaratilmoqda. “Xayr, bog‘cha!” tadbiri yakunida tarbiyachilar tomonidan bitiruvchi tarbiyalanuvchilarga ezgu tilaklar bildirilib, ularning maktab hayotidagi ilk qadamlari omadli va muvaffaqiyatli bo‘lishi tilandi. Rasmiy sahifalarimiz : 📱Web-site | 📱Telegram | 📱YouTube | 🟥 Instagram | 📱Facebook | 📱 X

Bayram shukuhi: ehtiyojmand fuqarolarga bayram sovg‘alari topshirildi O‘zbekiston Respublikasi davlat mustaqilligining 35 yilligi munosabati bilan Qashqadaryo viloyati hokimi tashabbusi asosida Kasbi tumanida ijtimoiy himoyaga muhtoj, nogironligi bo‘lgan fuqarolar hamda ularning oila a’zolari ishtirokida uchrashuv tashkil etildi. Bayram arafasida tumanda istiqomat qilayotgan ehtiyojmand va nogironligi bo‘lgan fuqarolarga O‘zbekiston Respublikasi Prezidenti nomidan bayram sovg‘alari topshirildi. Prezident sovg‘alarini Qashqadaryo viloyati Xalq qabulxonasi mudiri o‘rinbosari Davlatmurod Ravshanov topshirib, viloyat rahbarining samimiy tabrik va ezgu tilaklarini yetkazdi. Uchrashuvda mamlakatimizda inson qadrini yuksaltirish, aholining ijtimoiy himoyaga muhtoj qatlamlarini har tomonlama qo‘llab-quvvatlash, ularning huquq va manfaatlarini ta’minlash, shuningdek, murojaat va muammolarini o‘z vaqtida o‘rganib, amaliy yordam ko‘rsatishga qaratilayotgan e’tibor haqida so‘z yuritildi. Samimiy muloqot ruhida o‘tgan uchrashuvda fuqarolarga ko‘rsatilayotgan g‘amxo‘rlik va e’tibor, bayram munosabati bilan bildirilgan ezgu tilaklar alohida mamnuniyat bilan qabul qilindi. O‘z navbatida, tadbir ishtirokchilari mamlakatimizda ijtimoiy himoyaga muhtoj insonlarga ko‘rsatilayotgan doimiy e’tibor uchun minnatdorlik bildirib, yurtimiz tinchligi va xalqimiz farovonligi yo‘lida ezgu tilaklarini izhor etdilar. Rasmiy sahifalarimiz : 📱Web-site | 📱Telegram | 📱YouTube | 🟥 Instagram | 📱Facebook | 📱 X

Prezident Shavkat Mirziyoyev sud-huquq islohotlarining natijalari va sohadagi ustuvor vazifalarni muhokama qilish yuzasidan sud tizimi rahbarlari bilan uchrashuv oʻtkazdi. Unda “Odil sudlov – 2030” strategiyasi ko‘rib chiqildi. — Президент Шавкат Мирзиёев провел встречу с руководителями судебной системы, посвященную результатам судебно-правовых реформ и приоритетным задачам в этой сфере. На ней была рассмотрена Стратегия «Правосудие – 2030». #Mirziyoyev #uchrashuv #sud #strategiya Prezident.uz|Facebook|Instagram|YouTube|X

O‘zbekiston Respublikasining “O‘zbekiston Respublikasi Prezidenti Administratsiyasi to‘g‘risida”gi Konstitutsiyaviy Qonuni Prezident.uz|Facebook|Instagram|YouTube|X