កែ សួន សុភាព ( KE SUON SOPHEAB) Cambodia

ខ្ញុំបាទ ព្រមទាំងក្រុមគ្រួសារ​ សូមគោរពជូនពរ សម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា ក្នុងឱកាសដ៏មង្គលថ្លៃថ្លា នៃថ្ងៃចម្រើនជន្មាយុគម្រប់ ៧២ឆ្នាំ ឈានចូល ៧៣ឆ្នាំ សូម​សម្តេចកិត្តិសង្គហបណ្ឌិត​ មានសុខភាពល្អបរិបូរណ៍ កម្លាំងមាំមួន ប្រាជ្ញាវាងវៃ ជន្មាយុយឺនយូរ ដើម្បីបន្តដឹកនាំចូលរួមចំណែកអភិវឌ្ឍប្រទេសជាតិ ឱ្យកាន់តែរីកចម្រើនថ្កុំថ្កើងរុងរឿងជានិច្ចនិរន្តរ៍តរៀងទៅ។ ក្នុងឱកាសដ៏វិសេសវិសាលនេះដែរ ខ្ញុំបាទ សូមបួងសួងដល់គុណបុណ្យព្រះរតនត្រ័យ វត្ថុស័ក្តិសិទ្ធិទាំងឡាយក្នុងលោក សូមជួយប្រោះព្រំប្រសិទ្ធពរ បវរសួស្តី ជ័យមង្គល វិបុលសុខមហាប្រសើរគ្រប់ប្រការ និងពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ ជូនសម្តេចកិត្តិសង្គហបណ្ឌិត​ ព្រមទាំងបុត្រា-បុត្រី ចៅប្រុស ចៅស្រី កុំបីឃ្លៀងឃ្លាតឡើយ៕

សូមអបអរសាទរ ទិវាយុវជនអន្តរជាតិ៕( International Youth Day ) ១២ សីហា ២០២៦

សេចក្តីជូនដំណឹង ស្តីពី “ការផ្តល់ជូនអាហារូបករណ៍ ជូនដល់សមាជិក សមាជិកាស.ស.យ.ក. ខេត្តបន្ទាយមានជ័យ សិក្សានៅសាកលវិទ្យាស្ថាន ខេអាយអាយស៊ី (KIIC) សាខាខេត្តបន្ទាយមានជ័យ សម្រាប់ឆ្នាំសិក្សា២០២៦-២០២៧” ......................... ដោយមានការយកចិត្តទុកដាក់ពីសំណាក់លោក កែ សួន សុភាព ប្រធានសហភាពសហព័ន្ធយុវជនកម្ពុជា ខេត្តបន្ទាយមានជ័យ និងលោកស្រី ព្រហ្ម រដ្ឋា ព្រមទាំងមានកិច្ចសហការជាមួយសាកលវិទ្យាស្ថាន ខេអាអាយស៊ី (KIIC) សាខាខេត្តបន្ទាយមានជ័យ បានផ្តល់អាហារូបករណ៍រួមមាន៖ ១.ថ្នាក់បរិញ្ញាបត្រ - ១០០% រយៈពេល ៤ឆ្នាំ ចំនួន ៥កន្លែង - ៥០% រយៈពេល ៤ឆ្នាំ ចំនួន ១០កន្លែង - ចំពោះជំនាញព័ត៌មានវិទ្យា ៥០% រយៈពេល ៤ឆ្នាំ ចំនួន ៥កន្លែង - ៣០% រយៈពេល ៤ឆ្នាំ មិនកំណត់ចំនួន ២.ថ្នាក់បរិញ្ញាបត្ររង - ១០០% រយៈពេល ២ឆ្នាំ ចំនួន ៥កន្លែង - ៥០% រយៈពេល ២ឆ្នាំ ចំនួន ១០កន្លែង - ចំពោះជំនាញព័ត៌មានវិទ្យា ៥០% រយៈពេល ២ឆ្នាំ ចំនួន ៥កន្លែង - ៣០% រយៈពេល ២ឆ្នាំ មិនកំណត់ចំនួន ជូនដល់សមាជិក សមាជិកាស.ស.យ.ក. ខេត្តបន្ទាយមានជ័យ សម្រាប់ឆ្នាំសិក្សា ២០២៦-២០២៧។ សមាជិក សមាជិកាស.ស.យ.ក. ខេត្តបន្ទាយមានជ័យ ដែលមានបំណងបន្ដការសិក្សាថ្នាក់ឧត្តមសិក្សា អាចដាក់ពាក្យស្នើសុំអាហារូបករណ៍មកក្រុមការងារលេខាធិការដ្ឋានស.ស.យ.ក. ខេត្តបន្ទាយមានជ័យ ឬទាក់ទងតាមទូរស័ព្ទលេខ៖ 090/ 095323 324៕

សូមជូនពរដល់ប្អូនៗ ក្មួយៗ សិស្សានុសិស្សថ្នាក់ទី១២ ទាំងអស់ ដែលត្រូវប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) ឆ្នាំសិក្សា២០២៥-២០២៦ នាពេលខាងមុខនេះ សូមប្រឡងជាប់ និងទទួលបាននិទ្ទេសល្អគ្រប់ៗគ្នា។ សម័យប្រឡង៖ ១០​ សីហា ២០២៦