Кимчи ва рамён

Корея метроси ўз овозидан айрилди. Корейслар орасида ҳам, Кореяга сафар қилган чет элликлар орасида ҳам асосан, метродаги сухандон овози билан машҳур бўлган дубляж актрисаси Канг Хи Сон 66 ёшида оламдан ўтибди. Унинг ширин ва ёқимли овози 1996 йилдан буён метродаги йўл кўрсатувчи сухандон овози сифатида янграб келди. Канг Хи Сон телевидения ва радиода турли фильм ва мультфильмларга ҳам овоз берган гўзал овоз соҳибаси эди. Унинг овози миллионлаб инсонлар қулоғи остида яна узоқ йиллар ўчмаса керак. Каналга уланиш: @kimchiramyon #김치와라면

Ижтимоий тармоқларда Anna's House диний хайрия ташкилоти руҳонийси Vincenzo Bordo томонидан жойланган видео кенг муҳокамаларга сабаб бўлди. Видеода руҳоний қайнатилган гуруч устига торт бўлагини қўйиб истеъмол қилаётгани акс этган. Оддий кўринган бу ҳолат айрим интернет фойдаланувчилари, айниқса корейс жамияти вакиллари томонидан салбий қабул қилинди. Изоҳларда “Гуруч устида торт? Бу ахир итнинг овқати эмас-ку”, “Ким бундай қилиб овқат ейиши мумкин?” каби танқидий фикрлар кўплаб ёзилди. Айримлар буни ғайриоддий ва маданий жиҳатдан тушунарсиз одат сифатида баҳолаган бўлса, бошқалар ҳар кимнинг шахсий диди ва овқатланиш услубини ҳурмат қилиш кераклигини таъкидлади. Шу тариқа, қисқа видео ижтимоий тармоқларда қизғин баҳс ва турли муносабатларни келтириб чиқарди. @kimchiramyon

Мадхиямиз айтилаётган пайти  кўзимга  ёш келди. 😢 Кейин  эса  футболчиларимиз кўзидаги хавотир аралаш ожизликни  кўриб,  кўзимга  яна  ёш келди...😢 Охирги  натижани кўриб  кўзимга яна ёш келди...😢 Нимага  кўзимга ёш келаверяпди деб эътибор бериб  қарасам,  хотин  сомса  пишираман деб олдига бир дунё  пиёзни тўкволиб, пиёз  тўғраб ўтирибди... Кейинги  ўйинда  йиғламаслик учун  пиёз  аралашмайдиган  овқат пиширтираман...😢 Канал манзили: @kimchiramyon

ЖЧ-2026 трибунасида мексикалик Улисес Берналь жанубий кореялик блогерга нисбатан «қисиқ кўз» ишорасини қилиб, интернетда машҳур бўлган эди. Аммо машҳурлик эмас, муаммолар ичида қолди. Орадан кўп ўтмай, Берналь геодезист муҳандислар уюшмасидаги президентлик курсиси билан хайрлашди. Жаҳон чемпионати учун олдиндан олинган чипталар ҳам  бекор қилинди. Энди у мундиал ўйинларини стадиондан эмас, телевизор қаршисида кўришга мажбур. Бир сониялик ҳазил деб қилинган ишора баъзан бир неча йиллик меҳнат билан эришилган лавозимдан қимматга тушaди. Берналь кейинчалик омма олдида узр сўради. Лекин бу бефойда эди. У стадион трибунасидан эмас, ижтимоий тармоқлардаги муҳокамалар марказидан жой олди. Хулоса: стадионда ноўрин ишора қилиб ўз дарвозангизга гол уриб қўйманг. ⚽😄 Каналга уланиш: @kimchiramyon

Кореялик машҳур блогер Ким Сон Тхе яна бир хайрли иши билан одамлар меҳрини қозонди. У касал қизини шифохонага олиб бориш учун транспортга муҳтож бўлган 24 ёшли отага ўз автомашинасини совға қилди. Мазкур автомашинанинг бозор нархи тахминан 5 миллион 500 минг вон, яъни қарийб 3600 АҚШ долларини ташкил этади. Ёш ота анча вақтдан бери машина сотиб олиш учун маблағ йиғиб келаётган бўлса-да, молиявий имконияти чеклангани сабабли мақсадига ета олмаган эди. Ким Сон Тхе эса машинани бепул бермасдан, корейс халқидаги ирим-анъаналарга мувофиқ, рамзий равишда 2500 вон, яъни, тахминан 1 доллар 50 цент қабул қилди. Блогернинг саховати бу билан чекланмайди. У яқинда Чунгжу шифохонасига 100 миллион вон, яъни, тахминан 66 минг доллар миқдорида хайрия қилди. Бундай эзгу ишлар инсонпарварлик ва меҳр-оқибатнинг ёрқин намунаси сифатида кўпчиликка ибрат бўлмоқда. Каналга уланиш бепул ва ихтиёрий: @kimchiramyon

Италияда расмий ташриф билан юрган Жанубий Корея президенти Ли Же Мёнгга у яшаб турган меҳмонхона томонидан совға беришди. Футбол бўйича жаҳон чемпионатининг илк ўйинида корейслар Чехияни 2:1 ҳисобида енгди. Меҳмонхона эса Жанубий Корея президентига торт туҳфа қилди. Ғалаба қозониш ва торт олиш ёқимли! @kimchiramyon

Шоли экаётган Жанубий Корея президенти Ли Же Мёнг. @kimchiramyon

Корейслар ўзига хос иримчи халқ. Масалан, тўйлари яқин қолган келин-куёвларнинг таъзия маросимига боришлари  уларнинг оиласи бузилишига олиб келади, деб ишонишади. Шунинг учун тўйи яқин одамлар марҳумни кўмиш маросимларига боришдан тийилишади. Бу корейсларнинг тарихда узоқ вақт шаманизм таъсирида бўлганлиги билан изоҳланса керак. Чунки шаманизмда  таъзия маросими бўлаётган жойда инсонга салбий таъсир қиладиган энергия бўлади, деб ишонилади. @kimchiramyon

Мексикаликлар жуда меҳмондўст бўлади. Кореялик журналистнинг реакциясига гап йўқ.😁 @kimchiramyon

Qurbon Hayiti muborak!

Albatta, dunyoda eng yaxshi madaniyat - navbatga turish madaniyatidir! Video muallifi:"Bizdayam navbatga turish madaniyati yõlga qõyilsa zõr bõlardi", deyapti. Madaniyat yõlga qõyilmaydi, balki tarbiya orqali tug'iladi. Kanalga ulanishingiz uchun esa navbatga turish shartmas: @kimchiramyon

Ramazon Hayiti muborak!

Байрам муборак, азиз аёллар!

Жанубий Корея ташқи ишлар вазирлиги Россиянинг Сеулдаги элчихонаси деворига осилган улкан баннер бўйича норозилик ва ташвишини билдириб ўтди. Баннерда эски совет услубида:"Победа будет за нами" деб ёзилган. Канал манзили: @kimchiramyon

Жанубий Корея собиқ президенти Юн Сок Ёл умрбод озодликдан маҳрум этилди Сеул шаҳридаги суд Жанубий Кореянинг собиқ президенти Юн Сок Ёлни ҳарбий ҳолат жорий этилгани бўйича иш доирасида умрбод озодликдан маҳрум қилди. Суд уни исёнга раҳбарлик қилишда айбдор деб топди. Айблов томони унга нисбатан ўлим жазосини сўраган эди, аммо суд якуний қарор сифатида умрбод қамоқ жазосини тайинлади. Канал манзили: @kimchiramyon

Рамазон муборак, дўстлар!

Халқаро сўзлашувда “Потёмкин қишлоқлари” деган ибора бор. Қашшоқликни яширишга қаратилган сохталик - "Потёмкин қишлоқлари" дейилади. 1783 йил Россия қироличаси Екатерина II мамлакат жанубига сафар қилган. Сафар давомида унга князь Потёмкин ҳамроҳлик қилади.…

Халқаро сўзлашувда “Потёмкин қишлоқлари” деган ибора бор. Қашшоқликни яширишга қаратилган сохталик - "Потёмкин қишлоқлари" дейилади. 1783 йил Россия қироличаси Екатерина II мамлакат жанубига сафар қилган. Сафар давомида унга князь Потёмкин ҳамроҳлик қилади. Йўлда қироличанинг кўзи ўтлаб юрган семиз молларга, хирмонга уюлган тўла қопларга, хурсандчилик қилиб ўйнаётган кўплаб деҳқонларга тушади. Буларни кўриб, фуқаролар тўқ ва бахтли яшаётганидан қироличанинг кўнгли тўлади. Аслида эса булар ҳаммаси Потёмкин уюштирган томоша эди. Қопларда буғдой ўрнига қум тўлдирилган эди. Рақсга тушаётган одамлар ва қорамоллар эса ҳар сафар қиролича юрадиган йўлларга кўчириб турилган. Шундан буён "Потёмкин қишлоқлари" ибораси, қашшоқликни яширишга қаратилган сохталикка нисбатан ишлатилиб келади. Бу расмда ҳам “Потёмкин қишлоқлари” иборасига мос тушадиган манзара бор. Ким Жонг Уннинг орқасидаги уйлар ҳақиқий эмас, шунчаки чизилган уйлар. Сохталикнинг яққол намунаси. Каналимиз сохта эмас: @kimchiramyon

Шимолий Корея раҳбари Ким Жонг Ун қандайдир бир объект очилиш маросимида. Эътиборни тортадиган иккита манзара бор. Биринчиси - жаноб Кимнинг "патинкаси" лой бўлиб қолган. Иккинчисини сиз топинг-чи? Канал манзили: @kimchiramyon