Китоб – илм манбаи

Оила қуриш арафасидаги ёшлар учун “Тўйдан кейин кеч” номли китобим нашр қилинди. Бу китобда оила қуришга доир барча зарур мавзуларни келтиришга ҳаракат қилдик. Хусусан, бўйдоқликда нималарга эътибор қилишдан бошлаб тўйдан кейинги ҳаёт мавзусигача тадрижий равишда тўхталдик. Китоб ҳажми 224 бет бўлиб, Туркияда босилди.

Мана шу китобда ишлатилган диний атамаларга имло луғатга қарагандек фойдаланиш мумкин. Хусусан, сийратга алоқадор жой номлари, исмлар борасида алоҳида изланганман.

To'g'ri yozilgan so'zlar sonini toping. )

Агар у тилчи бўлса, танловингни кўрсатиб қўяди! #Табассум Расм @Tahrirchi дан олинди @Kitaabun

Наманган халқи жуда меҳмондўст, мулойим ва очиққкўнгил кишилар деб биламан. Водийнинг ҳар бир шаҳрига меҳримиз бўлакча. Ҳар гал борганда кўзларимиз ортда бўлиб қайтади. Наманганда ҳурматли аҳли илмлар, дўстларимиз, ўқувчиларимиз кўп. Одатда тезда бориб-қайтганимиз сабабли кўпинча кўриша олмай қоламиз. Тадбирлар бўлмаса, борганимизни билдирмай ҳам қўя қоламиз. Дарвоқе, Наманганда кўп тадбирлар ўтказганмиз. Бир неча бор турли марказларда, кутубхонада меҳмон бўлганмиз. Шу кунларда яна Наманганда тадбир ўтказишни ўйлаяпмиз. Кўришамизми?

Камина йигирмадан ошиқ китоблар муаллифиман. Шу билан бирга, таҳрир ва тасҳиҳ борасида 15 йиллик тажрибага эгаман. Мендан "Қандай муҳаррирсан?" деб сўрашса, "Шайх Муҳаммад Содиқ ҳазратларига саволларни таҳрирлаб берганман" деб жавоб қиламан. Тасҳиҳ борасида эса ҳазратнинг китобларидаги имловий хатоларни тузатганим — "Ҳилолнашр"даги уч йиллик меҳнат фаолиятим бунга ҳужжат бўлади. Китобларим 250 мингга яқин нусхада нашр қилинган. "Тарбиячи" нашриётининг асосчиси ва раҳбариман. Қуйидаги телеграм саҳифада ёзиш ва таҳрирга доир билим ва тажрибаларимни бепул улашиб боряпман. Сизга бу қизиқ бўлса, кириб ўрганинг, саволларингизга жавоб олинг: 👉 @Qalamahli

Сен кимни ёловчи деяпсан?! #Имло #табассум @Kitaabun

"Олдига келганни емоқ ҳайвоннинг иши, оғзига келганни демоқ нодоннинг иши" деган ҳикматли гап бўларди. "Ўйлаганимни ёзаман" номли профилни кўриб эсимга тушиб қолди. Мана шундай бўлиб қолмаслик учун эса китоб ўқиш керак, азизлар! #Китоб @kitaabun

Ибн Жамоа китобларни жойлаш борасида қуйидаги одобларни зикр қилади: Агар китоблар орасида Мусҳафи шариф (Қуръон) бўлса, уни ҳаммасидан юқорига қўйиш вожибдир... Кейин соф ҳадис китоблари (масалан, «Саҳиҳи Муслим»), кейин Қуръон тафсири, сўнг ҳадис шарҳи, сўнг ақида, сўнг усулул-фиқҳ, сўнг фиқҳ, сўнг наҳв ва сарф, сўнг шеърият ва ундан кейин аруз илмига оид китоблар қўйилади. Агар бир соҳага оид иккита китоб тенг келиб қолса, ичида оят ёки ҳадис кўпроқ бўлгани юқорига қўйилади. Агар бунда ҳам тенг бўлса, муаллифи улуғроғи, агар бунда ҳам тенг бўлса, ёзилганига кўп вақт бўлгани (қадимийроғи) ва олимлар ҳамда солиҳлар қўлида кўп бўлган (машҳурроқ) китоб юқорига қўйилади. Агар бунда ҳам тенг келса, энг ишончли ва тўғри (нусха) бўлгани устун қўйилади. #Китобхонга_эслатма

Баъзи таржимонлар асл матнга илоҳий манбадек қарайди. Сўзларни айнан таржима қилмаслик, ўзбек тилига ёки илмий ҳақиқатга яқинлаштириб ўхшаш маъно беришдан чўчийди. Мен бундай қилмайман. Зарур бўлса, ҳаволада изоҳ бериб бўлса ҳам ўзгартириш тарафдориман. #Таржима_тажрибалари @Kitaabun

"Розалар билан чарчамаяпсизми?" — деб ёзибди биров. Мени Розалар чарчатмаяпти, раҳмат. Чунки бирорта бундай исмли кишини танимайман... ❌ роза ✅ рўза #Имло @Kitaabun

📖Nega samolyotda biznikilar uxlaydi, yevropaliklar esa o‘qiydi? Samolyotda uchganingizda yevropalik yo‘lovchilarning deyarli har biri qo‘liga kitob, jurnal yoki elektron rider oladi. Bizning yurtdoshlarimizda esa bu manzara kamdan-kam uchraydi. Buning bir necha sabablari bor va ularni bugun ko’rib chiqamiz. Birinchidan, g‘arb jamiyatida o‘qish – hordiq chiqarish vositasi. Bolalikdan kitob ko‘ngilochar narsa sifatida singdiriladi. Bizda esa mutolaa uzoq vaqt davomida faqat "imtihon topshirish", "diplom olish" yoki "vazifa bajarish" bilan bog‘lanib kelgan. Natijada inson samolyotga dam olish uchun chiqqanda, tabiiyki, o‘zini "ishlatishni" (o‘qishni) xohlamaydi. Ikkinchidan yevropaliklar individualistik jamiyatda yashaydi. Kitob ular uchun atrofdagilar bilan muloqot qilmaslik, o‘zining shaxsiy hududini himoya qilish va begonalardan "himoyalanish" vositasi hisoblanadi. Bizning odamlarimiz esa ekstravertroq biz uchun yonimizdagi odam bilan tanishish, suhbatlashish yoki shunchaki atrofdagilarni kuzatish kitobdan ko‘ra jonliroq va qiziqroq tuyuladi. Uchinchidan, rivojlangan davlatlar kitobxonlik bosqichini bosib o‘tib, keyin raqamli dunyoga kirishgan. Bizda esa xalq endigina erkin kitobxonlikka o‘tayotgan bir paytda internet va ijtimoiy tarmoqlar (Reels, TikTok) kirib kelgan. Natijada miyamiz kitobdan olinadigan murakkab zavqdan ko‘ra, smartfondan keladigan "oson dofamin"ni afzal ko’radi. Yana bir sababi esa g‘arblik yo‘lovchi uchun samolyotdagi 3-4 soat o‘z intellektual kapitaliga investitsiya kiritish uchun "tashqi dunyodan uzilgan" ideal vaqt. Bizda esa vaqt tushunchasiga ko‘pincha investitsiya qilinadigan aktiv emas, shunchaki o‘tkazilishi kerak bo‘lgan resurs sifatida qaraladi.

Бирор бир сўзнинг тўғри ёзилиши қандай бўлишини билмасангиз, шунчаки google.com га сўзни билганча ёзиб, ёнига имло деб ёзсангиз, кифоя. Гугл сизга у сўзнинг тўғри ёзилишини тақдим қилади. Бу кўпроқ imlo.uz сайтининг маълумоти бўлади. #имло #лайфҳак @Kitaabun