Myanmar Focus - MF
Статистикаပြည်တွင်းပြည်ပသတင်းများ နှင့် နည်းပညာဗဟုသုတများဖျော်ဖြေရေးအစီစဥ်များကိုလွှင့်တင်ပေးပါမည်။
- Последний пост
- 7 авг.
- Последнее чтение
- 15 авг.
- Постов за неделю
- 0
- Всего постов
- 30
- Тип
- открытый
- Язык
- my
- Категория
- Новости и СМИ (по похожим)
- В каталоге с
- 13 авг.
- 1/24сутки в ленте
- 188
- 1/48двое суток
- 215
- 1/72трое суток
- 232
Оценка по просмотрам недавних постов: пост набирает почти всё за первые сутки.
Посты
နိုင်ငံတော်အစိုးရ အနေဖြင့် နယ်စပ်ဒေသများအား ပြည်မဒေသများနှင့် အကြားအလပ်မရှိ ဖွံ့ဖြိုးတိုးတက်ရေးနှင့် စဉ်ဆက်မပြတ်ဖွံ့ဖြိုးတိုးတက်မှုအား ဆောင်ကြဉ်းရန် မဟာဗျူဟာများချမှတ် အကောင်အထည်ဖော် လျက်ရှိသည်။ ရွေးကောက်ခံအစိုးရသစ်၏ စိတ်ရင်းစေတနာ မှန်ကန်စွာဖြင့် ငြိမ်းချမ်းရေးဖိတ်ခေါ်မှုအပေါ် နွေးထွေးစွာလက်ကမ်းသော အဖွဲ့ပေါင်းများစွာ ရှိနေကြပါသည်။ ၂၀၂၆ ခုနှစ် ဇွန်လ ၁၇ ရက်တွင် လည်း အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှု ညှိနှိုင်းရေးကော်မတီဥက္ကဋ္ဌ ဦးဆောင်သော ကိုယ်စားလှယ်အဖွဲ့သည် ရှမ်းပြည်နယ် မိုင်းလားနှင့် ပန်ဆန်းမြို့တို့သို့ သွားရောက်၍ အမျိုးသားဒီမိုကရက်တစ်မဟာမိတ် အဖွဲ့(NDAA)၏ အဆင့်မြင့်ခေါင်းဆောင်များ၊ ဇွန်လ ၁၈ ရက်တွင် “ဝ” ပြည်သွေးစည်းညီညွတ်ရေးပါတီ (UWSP)၏ အဆင့်မြင့်ခေါင်းဆောင်များနှင့် ရင်းနှီးနွေးထွေးစွာ တွေ့ဆုံဆွေးနွေးခဲ့ကြသည်။ #MYANMAR #PEACE
- 🇲🇲 We stand with Agent of Myanmar 🇲🇲 - A Light For Justice
လက်ရှိမြန်မာနိုင်ငံရဲ့ ရွေးကောက်ခံအစိုးရသစ်လက်ထက်မှာ မြန်မာနိုင်ငံဟာ တာဝန်ခံမှု၊ တာဝန်သိမှုနဲ့အတူ ကုလသမဂ္ဂနဲ့ ဘက်စုံပူးပေါင်းဆောင်ရွက်မှုတွေကို တိုးမြှင့်လုပ်ဆောင်သွားဖို့ စိတ်ဆန္ဒအပြည့်ရှိနေပါတယ်။ ကုလသမဂ္ဂအနေနဲ့လည်း မြန်မာနိုင်ငံရဲ့ တည်ငြိမ်ရေး၊ လုံခြုံရေး၊ ငြိမ်းချမ်းရေး၊ ဖွံ့ဖြိုးတိုးတက်ရေးနဲ့ ဒီမိုကရေစီလမ်းကြောင်း ခိုင်မာအားကောင်းစေရေးအတွက် မဆုတ်မနစ် ကြိုးပမ်းမှုတွေကို အသိအမှတ်မပြုလို့မရပါဘူး။ 🇲🇲🇲🇲🇲🇲🇲🇲🇲🇲 A Light For Justice
လိင်ပိုင်းဆိုင်ရာပြစ်မှုစွပ်စွဲချက်နှင့်ပတ်သက်၍ ICCရှေ့နေကာရင်ခန်းရာထူးဖယ်ရှားခံရ နိုင်ငံတကာ ရာဇဝတ်တရားရုံး (ICC) အဖွဲဝင်နိုင်ငံများက ရှေ့နေ ကာရင်ခန်းကို ရာထူးမှ ဖယ်ရှားရန် မဲပေးဆုံးဖြတ်ခဲ့ကြပါတယ်။ အဆိုပါ ဆုံးဖြတ်ချက်ကို ၂၀၂၆ ဇူလိုင် ၂၄ ရက်နေ့က ကုလသမဂ္ဂဌာနချုပ်မှာ ကျင်းပခဲ့တဲ့ အထူးအစည်းအဝေးအတွင်း ပြုလုပ်ခဲ့ခြင်းဖြစ်ပါတယ်။ အဖွဲဝင် ၁၂၅ နိုင်ငံအနက် ၈၂ နိုင်ငံက ဗြိတိန်နိုင်ငံသားရှေ့နေကို ရာထူးမှ ဖယ်ရှားရန် ထောက်ခံမဲပေးခဲ့ကြပါတယ်။ ယခု မဲပေးမှုဟာ ICC သမိုင်းတလျှောက် တာဝန်ထမ်းဆောင်ဆဲ ရှေ့နေတစ်ဦးကို ပထမဆုံးအကြိမ် ရာထူးမှ ဖယ်ရှားလိုက်တာ ဖြစ်ပါတယ်။ လိင်ပိုင်းဆိုင်ရာ မတော်မတရားပြုကျင့်မှု စွပ်စွဲချက်များနဲ့ ပတ်သက်ပြီး တရားရုံး စုံစမ်းစစ်ဆေးရေးအဖွဲက စုံစမ်းစစ်ဆေးခဲ့ပြီးနောက် ယခုကဲ့သို ရာထူးမှ ဖယ်ရှားခဲ့ခြင်းဖြစ်ပါတယ်။ #News
နိုင်ငံတကာရာဇဝတ်တရားရုံး(ICC) ကို "ဖျက်သိမ်းပစ်မယ်" လို အမေရိကန် နိုင်ငံခြားရေးဝန်ကြီး မာကို ရူဘီယို ကတိပြု နိုင်ငံတကာရာဇဝတ်တရားရုံး (International Criminal Court - ICC) ကို "ဖျက်သိမ်းပစ်မယ်" လို အမေရိကန် နိုင်ငံခြားရေးဝန်ကြီး မာကို ရူဘီယိုက တနင်္လာနေ့မှာ ကတိပြုပြောကြားလိုက်ပါတယ်။ ထရမ့်အစိုးရအနေနဲ့ အဲဒီကမ္ဘာ့အဖွဲအစည်းကြီးကို ဆန့်ကျင်တဲ့လှုပ်ရှားမှုတွေ အရှိန်မြှင့်လုပ်ဆောင်နေချိန်မှာ တခြားနိုင်ငံတွေအနေနဲ့လည်း ဒီလုပ်ရပ်မှာ ပူးပေါင်းပါဝင်ဖို သူက တိုက်တွန်းခဲ့ပါတယ်။ "ICC ဟာ ကျွန်တော်တိုနိုင်ငံကို ကျည်ဆန်တွေ၊ ဒုံးကျည်တွေနဲ့မဟုတ်ဘဲ နိုင်ငံတကာဥပဒေဆိုတဲ့ အင်အားနဲ့ စစ်ခင်းနေတယ်" လို ရူဘီယိုက ပြောပါတယ်။ #International News
ICJ ၏ ဘက်မလိုက်မှုနှင့် လွတ်လပ်မှု (Impartiality and Independence) ၁၉၆၂ ခုနှစ် ပရဲဝိဟဲဘုရားကျောင်း (Preah Vihear Temple) အမှုတွင် ICJ တရားရုံးသည် မည်သည့်နိုင်ငံရေးဖိအား သို့မဟုတ် ဘက်လိုက်မှုမျှမရှိဘဲ နှစ်ဖက်နိုင်ငံများ တင်သွင်းလာသည့် စာချုပ်များနှင့် မြေပုံသက်သေများကိုသာ အခြေခံ၍ တရားမျှတစွာ စီရင်ခဲ့ပါသည်။ တရားခွင်အတွင်း ကမ္ဘောဒီးယားနှင့် ထိုင်း နှစ်ဖက်စလုံးအား မိမိတို့၏ အထောက်အထားများနှင့် ချေပချက်များကို လွတ်လပ်စွာ တင်ပြပိုင်ခွင့်ကို အညီအမျှ ပေးအပ်ခဲ့သည်။ နောက်ဆုံးတွင် တရားရုံးသည် ပုဂ္ဂိုလ်ရေးအမြင်ကို အခြေမခံဘဲ "ဆိတ်ဆိတ်နေခြင်းသည် သဘောတူညီရာရောက်သည်" (Acquiescence) ဟူသော ကမ္ဘာလုံးဆိုင်ရာ ဥပဒေမူအတိုင်း တိကျစွာ ဆုံးဖြတ်ခြင်းဖြင့် ၎င်း၏ လွတ်လပ်မှုနှင့် မျှတမှုကို သက်သေပြခဲ့ပါသည်။ - 🇲🇲 We stand with Agent of Myanmar 🇲🇲 - ICJ .. 🇲🇲 နိုင်ပြီလေ - A Light For Justice
ရခိုင်ပြည်နယ် မြောက်ပိုင်းရှိဘင်္ဂါလီမွတ်ဆလင်များမှာ ဗြိတိသျှကိုလိုနီခေတ်မှစ၍ မြန်မာနိုင်ငံသို့ ဘင်္ဂလားနယ်မှဝင်ရောက်လာသူများ ဖြစ်တယ်။ ဂမ်ဘီယာအနေဖြင့် အမှုတွင် အဓိကအားပြု၍ ကိုးကားအသုံးပြု ထားသည့် ကုလသမဂ္ဂအချက်အလက် ရှာဖွေရေးအဖွဲ့ (Fact Finding Mission - FFM) ၏ အစီရင်ခံစာများနှင့် FFM က စုဆောင်းကောက်ယူထားသည့် ထွက်ဆိုချက်များသည် ICJ တရားရုံးက ထည့်သွင်းစဉ်းစားသင့်သည့် သက်သေအဆင့်အတန်းမရှိပါ။ မြန်မာနိုင်ငံ၏ ဦးဆောင်ရှေ့နေ Mr. Christopher Staker - 🇲🇲 We stand with Agent of Myanmar 🇲🇲 - ICJ .. 🇲🇲 နိုင်ပြီလေ - A Light For Justice
မြန်မာ့တပ်မတော်မှ ရှာဖွေကယ်ဆယ်ရေးလုပ်ငန်းများ ဆောင်ရွက်ပေးခဲ့ခြင်း တနင်္သာရီတိုင်းဒေသကြီး ကုလားကုတ်ကျွန်းအနီး မြန်မာ့ပင်လယ်ပြင်တွင် ရေဝင်နစ်မြုပ်နေသည့် MV ATK Nyein ကုန်တင်ရေယာဉ်မှ အမှုထမ်း ၁၂ ဦးကို တပ်မတော်(ရေ)က အောင်မြင်စွာ ရှာဖွေကယ်ဆယ်ခဲ့ပြီး ကျန်းမာ ရေး စောင့်ရှောက်မှုနှင့် လိုအပ်သောအကူအညီများပေးအပ်ကာ ၂၀၂၆ ဇူလိုင်လ ၉ ရက်တွင် မော်လမြိုင်မြို့ရှိ သက်ဆိုင်ရာတာဝန်ရှိသူများထံ စနစ်တကျ လွှဲပြောင်းပေးအပ်ခဲ့။ - 🇲🇲 We stand with Agent of Myanmar 🇲🇲 - ICJ .. 🇲🇲 နိုင်ပြီလေ - A Light For Justice
ဂမ်ဘီယာရဲ့ စွပ်စွဲချက်တွေဟာ မြန်မာနိုင်ငံကို ဆန့်ကျင်တဲ့လူတစ်ဦးချင်းရဲ့ ပုဂ္ဂလိက အမြင်တွေနဲ့ တစ်ဖက်သတ်ပြောစကားတွေကို အခြေခံထားတာဖြစ်တယ်။ မြေပြင်ကို ကွင်းဆင်းစစ်ဆေးထားခြင်းမရှိ၊ ခိုင်လုံမှုမရှိ၊ အထောက်အထားမဲ့တွေဖြစ်နေတယ်။ အချို့အချက်အလက်တွေဟာ လုပ်ကြံဖန်တီးချက်တွေဖြစ်နေတယ်။ မြန်မာဘက်က မွတ်ဆလင်တွေကို ဖျက်ဆီးတယ်၊ ဘင်္ဂါလီတွေကို ဖျက်ဆီးတယ်ဆိုရင် ယခုအချိန်ထိ ရခိုင်ပြည်နယ်မှာ ဘာကြောင့် မွတ်ဆလင်တွေရှိနေသေးသလဲ၊ ဘာကြောင့် သူတို့တွေအကြောက်အလန့်မရှိ မြန်မာနိုင်ငံမှာ နေထိုင်ရဲကြပါသလဲ၊၊ ကြောက်စရာကောင်းတယ်ဆိုတဲ့ ဒီလိုနိုင်ငံထဲဘာကြောင့် အတင်းဝင်ချင်နေကြရတာလဲ။ ထိုအချက်များက ရခိုင်ပြည်နယ်မှာ Genocide ဖြစ်စဉ် လုံးဝမရှိခဲ့ဘူးဆိုတဲ့ သက်သေသာဓကတွေပါပဲ။ - 🇲🇲 We stand with Agent of Myanmar 🇲🇲 - ICJ .. 🇲🇲 နိုင်ပြီလေ - A Light For Justice
- 🇲🇲 We stand with Agent of Myanmar 🇲🇲 - ICJ .. 🇲🇲 နိုင်ပြီလေ - A Light For Justice
အမေရိကန်စာရေးဆရာ Mr. Rick Heizman ၏ EXPOSING the FALSE INCRIMINATION of GENOCIDE သုသေသနစာအုပ်မှ ARSA အကြမ်းဖက်အဖွဲ့အကြောင်း ၄။ ဒေသခံမွတ်စလင်ကျေးရွာသားများကို ၎င်းတို့၏အကြမ်းဖက်လုပ်ငန်းများတွင် မဖြစ်မနေပါဝင်လာ စေရန် ခြိမ်းခြောက်ခြင်း၊ အကျပ်ကိုင်ခြင်းနှင့် အတင်းအဓမ္မအင်အားစုဆောင်းခြင်းများ ပြုလုပ်ခဲ့ကြ သည်။ ၅။ ကမ္ဘာ့မီဒီယာများနှင့် နိုင်ငံတကာအသိုင်းအဝိုင်းတွင် မြန်မာ့လုံခြုံရေးတပ်ဖွဲ့ဝင်များအပေါ် အထင်အမြင်လွဲမှားမှုစေရန် ARSA အဖွဲ့ကျူးလွန်ခဲ့သည့် မီးရှို့မှုနှင့် သတ်ဖြတ်မှုမှတ်တမ်းများ ကို လိမ်လည်လှည့်ဖြားကာ ဖြန့်ချိခဲ့ကြသည်။ - 🇲🇲 We stand with Agent of Myanmar 🇲🇲 - ICJ .. 🇲🇲 နိုင်ပြီလေ - A Light For Justice
အမေရိကန်စာရေးဆရာ Mr. Rick Heizman ၏ EXPOSING the FALSE INCRIMINATION of GENOCIDE သုသေသနစာအုပ်မှ ARSA အကြမ်းဖက်အဖွဲ့အကြောင်း ၁။ ARSA အဖွဲ့သည် ၂၀၁၆ ခုနှစ်နှင့် ၂၀၁၇ ခုနှစ်များအတွင်း ရခိုင်ပြည်နယ်မြောက်ပိုင်းရှိ နယ်ခြားစောင့်ရဲကင်းစခန်းများနှင့် တပ်မတော်စခန်းများကို အင်အားအလုံးအရင်းဖြင့် စနစ်တကျ ကြိုတင်စီစဉ်ကာ တိုက်ခိုက်ခဲ့ကြသည်။ ၂။ ၎င်းတို့သည် နယ်မြေအတွင်းရှိ လူနည်းစု တိုင်းရင်းသားများ ဖြစ်ကြသည့် မြို၊ ဒိုင်းနက် စသည့် မျိုးနွယ်စုများနှင့် ဟိန္ဒူဘာသာဝင်များ နေထိုင်သောကျေးရွာသားများကို ရက်ရက်စက်စက် အစုလိုက် အပြုံလိုက် သတ်ဖြတ်ခြင်းနှင့် ဓားစာခံအဖြစ် ဖမ်းဆီးခြင်းများ လုပ်ဆောင်ခဲ့ကြသည်။ ၃။ ဒေသတွင်း တည်ငြိမ်မှုပျက်ပြားစေရန်နှင့် လူမျိုးစုများအကြား ကြောက်ရွံ့ထိတ်လန့်မှု ဖြစ်စေရန် အကျေးရွာမြောက်မြားစွာကို မီးရှို့ဖျက်ဆီးခြင်းနှင့် လုယက်သတ်ဖြတ်ခြင်းများ လုပ်ဆောင်ခဲ့ကြသည်။ - 🇲🇲 We stand with Agent of Myanmar 🇲🇲 - ICJ .. 🇲🇲 နိုင်ပြီလေ - A Light For Justice
ရာအိမ်မှူး ဦးကျော်တင်လှိုင်၏ ပြောကြားချက်များ ကျွန်တော်က ၂၀၁၀ ကနေ ရာအိမ်မှူးတာဝန်ကို ထမ်းဆောင် နေတာပါ။ ၂၀၁၂ ခုနှစ် ၆ လ ပိုင်းပဋိပက္ခကာလမှာ တပ်မတော်နဲ့ပြည်သူ့ရဲတပ်ဖွဲ့ဝင်တွေက ကျွန်တော်တို့ ရပ်ကွက်ကို ကာကွယ်ပေးခဲ့ပါတယ်။ အချိန်မီကာကွယ်ပေးခဲ့လို့ ကျွန်တော်တို့ရပ်ကွက်တစ်ခုပဲ ဘာမှမဖြစ်ခဲ့ပါဘူး။ ကျွန်တော်တို့ ရပ်ကွက်မှာ မီးရှို့မှုဖြစ်မှာစိုးလို့ ပြည်နယ်အစိုးရအဖွဲ့က တပ်မတော်နဲ့ပူးပေါင်းပြီး ကာကွယ်ပေးခဲ့ပါတယ်။ အခုအချိန်ထိကျွန်တော်တို့ရပ်ကွက် ဘာမှမဖြစ်ခဲ့ပါဘူး။ ကျွန်တော်တို့ကို အစိုးရအဖွဲ့က လစဉ်လတိုင်း ဆန်အိတ် ထောက်ပံ့ပေး ပါတယ်။ NGO တွေလည်း ခဏခဏကူညီပေးတာတွေရှိပါတယ်။ အစိုးရအဖွဲ့က ဖွင့်ပေးထားတဲ့ဆေးခန်းမှာ ဘာသာ ပေါင်းစုံလာပြီးတော့ ဆေးကုနေကြတယ်။ တစ်ယောက်နဲ့တစ်ယောက် ဘာပြဿနာမှမရှိပါဘူး။ အခုကတော့ လွတ်လွတ်လပ်လပ်ပါပဲ။ *** 🇲🇲 We stand with Agent of Myanmar 🇲🇲 - ICJ .. 🇲🇲 နိုင်ပြီလေ - A Light For Justice
မြန်မာနိုင်ငံ၏ ဦးဆောင်ရှေ့နေ Mr. Christopher Staker ချေပလျှောက်လဲချက် (၁၉-၁-၂၀၂၆ ရက်) မြန်မာနိုင်ငံသည် ၁၉၈၂ ခုနှစ်တွင် နိုင်ငံသားဖြစ်မှုဥပဒေအရ နိုင်ငံသားအမျိုးအစား သုံးမျိုးကို သတ်မှတ်ခဲ့ပြီး ၎င်းတို့ကို "နိုင်ငံသား" "ဧည့်နိုင်ငံသား"နှင့် "နိုင်ငံသားပြုခွင့်ရသူ"ဟု ခေါ်ဆိုပါကြောင်း၊ ဧည့်နိုင်ငံသား သို့မဟုတ် နိုင်ငံသားပြုခွင့်ရသူတစ်ဦးသည် "နိုင်ငံတော်ကောင်စီ က အခါအားလျော်စွာ သတ်မှတ်သော အခွင့်အရေးများမှ အပ.. [အပြည့်အဝ] နိုင်ငံသားတစ်ဦး၏ အခွင့်အရေးများကို" ခံစားခွင့်ရှိပါကြောင်း၊ ဧည့်နိုင်ငံသား သို့မဟုတ် နိုင်ငံသားပြုခွင့်ရသူ တစ်ဦးသည် ရွေးကောက်ပွဲများတွင် ဆန္ဒမဲပေးပိုင်ခွင့်ရှိသော်လည်း ကိုယ်စားလှယ်လောင်းအဖြစ် အရွေးချယ် ခံပိုင်ခွင့် မရှိပါကြောင်း၊ သို့သော်လည်း ၎င်းတို့သည် နိုင်ငံသားကဲ့သို့ပင် မြန်မာနိုင်ငံ၏ မည်သည့်နေရာတွင်မဆို နေထိုင်အလုပ်လုပ်ကိုင်နိုင်ပြီး မြန်မာနိုင်ငံကူးလက်မှတ် ရရှိပိုင်ခွင့်ရှိ ပါကြောင်း၊ ဤဥပဒေပါ မည်သည့်အချက်မျှ ရခိုင်ပြည်နယ် မြောက် ပိုင်းရှိ ဘင်္ဂါလီများအပေါ်သာ သီးသန့်သက်ရောက်ခြင်းမရှိပါကြောင်း။ *** 🇲🇲 We stand with Agent of Myanmar 🇲🇲 - ICJ .. 🇲🇲 နိုင်ပြီလေ - A Light For Justice
အငြိမ်းစားသံအမတ်ကြီး ဦးဝင်းလွင်၏ပြောကြားချက် *** ဂမ်ဘီယာနှင့် မြန်မာနိုင်ငံတို၏အမှုကိစ္စနှင့် ပတ်သက်၍ ကျွမ်းကျင်ပညာရှင်များ၏ ပြောကြားချက်များများမှ... *** 🇲🇲 We stand with Agent of Myanmar 🇲🇲 - ICJ .. 🇲🇲 နိုင်ပြီလေ - A Light For Justice
နယ်သာလန်ရှိ ICJ တရားရုံးတွင် မြန်မာနိုင်ငံ၏ရှေ့နေ Sam Blom-Cooper ချေပလျှောက်လဲချက် - 🇲🇲 We stand with Agent of Myanmar 🇲🇲 - ICJ .. 🇲🇲 နိုင်ပြီလေ - A Light For Justice
ICJ သည် ကမ္ဘာတစ်ဝှမ်းရှိ နိုင်ငံများအကြား အဓိကတရားမျှတမှု၊ နိုင်ငံတကာဥပဒေ၏ အခြေခံစည်းမျဉ်းများနှင့် နိုင်ငံများအကြား ပဋိပက္ခများကိုဖြေရှင်းရာတွင် အရေးပါသောတရားမျှတမှုအရှိဆုံးနှင့် ဘက်လိုက်မှုကင်းသော အဖွဲအစည်းတစ်ခုဖြစ်ပါသည်။ မြန်မာနိုင်ငံအပေါ် ဂမ်ဘီယာနိုင်ငံမှစွဲချက်များသည် ဒုက္ခသည်စခန်းများ၏ အထောက်အထားမဲ့ ပုဂ္ဂိုလ်ရေးထွက်ဆိုချက်များနှင့် သမိုင်းအစဉ်အလာမရှိခဲ့သည့်အရာများအား ပုံဖော်ထားမှုများဖြစ်ပြီး ICJ ရှိသမာသမတ်ရှိသော တရားသူကြီးများ၏ ဆုံးဖြတ်ချက်များသည် မြန်မာနိုင်ငံအတွက် တရားမျှတမှုများကိုသာ ယူဆောင်လာလိမ့်မည် ဖြစ်ကြောင်းလေ့လာသုံးသပ်ရပါသည်။ မြန်မာပြည်သူလူထုတစ်ရပ်လုံးက ဂုဏ်သရေရှိပြီးတရားမျှတသည့် တရားသူကြီးအပေါင်းတိုအား အထူးလေးစားဂုဏ်ပြုအပ်ပါကြောင်းလေးစားစွာဖော်ပြအပ်ပါသည်။ ICJ 🇲🇲 A Light For Justice
အပြည်ပြည်ဆိုင်ရာတရားရုံး(ICJ)တွင် မြန်မာနိုင်ငံ၏ အမှန်တရားနှင့် တရားမျှတမှုအတွက် ခုခံချေပခြင်းနှင့်စပ်လျဉ်း၍ အဖွဲ့အစည်းအသီးသီးက သဘောထားထုတ်ပြန်ချက်များ ပြည်ထောင်စုသမ္မတမြန်မာနိုင်ငံတော်၊ နိုင်ငံတော်သမ္မတရုံးဝန်ကြီးဌာန၊ ပြည်ထောင်စုဝန်ကြီး ဦးကိုကိုလှိုင်နှင့် ဥပဒေရေးရာဝန်ကြီးနှင့် ပြည်ထောင်စုရှေ့နေချုပ် ဒေါက်တာသီတာဦးတို့ ဦးဆောင်သည့် မြန်မာကိုယ်စားလှယ်အဖွဲ့သည် ၂၀၂၆ ခုနှစ်၊ ဇန်နဝါရီလ (၁၂) ရက်နေ့မှ ဇန်နဝါရီလ (၂၉) ရက်နေ့အထိ နယ်သာလန်နိုင်ငံ၊ သည်ဟိတ်ဂ်မြို့ရှိ အပြည်ပြည်ဆိုင်ရာတရားရုံး (International Court of Justice-ICJ)သို့ သွားရောက်၍ ဂမ်ဘီယာနိုင်ငံ၏ စွပ်စွဲချက်များအား ဥပဒေနှင့်အညီ ဖြေရှင်းဆောင်ရွက်နေခြင်းနှင့်စပ်လျဉ်း၍ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ၊ NDNF ထာဝရငြိမ်းချမ်းရေးကွန်ယက်/ အထက်မြန်မာပြည်သာသနာပြုအဖွဲ့ချုပ်၊ ဗုဒ္ဓဘာသာကလျာဏယုဝအသင်း YMBA(ဗဟို) ၊ မြန်မာနိုင်ငံလုံးဆိုင်ရာ MSME Cluster ဖိနပ်လုပ်ငန်းရှင်များ ဗဟို အဖွဲ့ချုပ်၊ ရန်ကုန်တိုင်းဒေသကြီး သာသနာနုဂ္ဂဟအသင်း၊ မြန်မာ-အိန္ဒိယ ချစ်ကြည်ရေးအသင်း (MIFA)၊ ညီညွတ်ရေး နှင့်ဖွံ့ဖြိုးတိုးတက်ရေးပါတီ၊ မြန်မာနိုင်ငံလုံးဆိုင်ရာ အစ္စလာမ်ဘာသာရေးအဖွဲ့ ကြီး၊ မြန်မာနိုင်ငံ ခရစ်ယာန်အသင်းတော်များကောင်စီ၊ သနန္တန ဓမ္မပါလ က(ဟိန္ဒူ)အဖွဲ့ချုပ်၊ မြန်မာ နိုင်ငံလုံးဆိုင်ရာ ဟိန္ဒူဘာသာရေးဗဟိုအဖွဲ့ချုပ်၊ ပိန္နဲကုန်းအာရ်ကာနီ ဂျာ မေဗလီကြီး၊ မြန်မာ-ထိုင်းချစ်ကြည်ရေးအသင်း၊ မြန်မာနိုင်ငံဧဝံဂေလိခရစ်ယာန်မဟာမိတ်အဖွဲ့ချုပ်၊ မျိုးဆက်သစ်ဝံသာနုပါတီ၊ တိုင်းရင်းသားစည်းလုံးညီညွတ်ရေးပါတီ၊ မြန်မာ-ထိုင်း ချစ်ကြည်ရေးအသင်း၊ မြန်မာနိုင်ငံဧဝံဂေလိ ခရစ်ယာန်မဟာမိတ်အဖွဲ့ချုပ်၊ မျိုးဆက်သစ်ဝံသာနုပါတီ၊ တိုင်းရင်းသား စည်းလုံးညီညွတ်ရေးပါတီ၊ ရခိုင်တိုင်းရင်းသားများပါတီ(RNP)၊ ခမီအမျိုးသားဖွံ့ဖြိုးတိုးတက်ရေးပါတီ၊ ခေတ်သစ်ပြည်သူ့ပါတီ၊ အမျိုးသားဒီမိုကရေစီပါတီသစ်ပါတီနှင့် ရခိုင်ပြည်နယ်အမျိုးသားအင်အားစုပါတီတို့က သဘောထားထုတ်ပြန်ကြေညာချက်များ ထုတ်ပြန်ခဲ့ပါသည်။ **** 🇲🇲 We stand with Agent of Myanmar 🇲🇲 * ICJ 🇲🇲 * A Light For Justice
ပါမောက္ခနယူတန်ရဲ့ အစီရင်ခံစာဟာ မြန်မာနိုင်ငံအပေါ် စွဲချက်တင်ထားပေမယ့် အချက်အလက်အမှားတွေကို အခြေခံထားပြီး နည်းစနစ်အမှားတွေသုံးထားတယ်။ Methodologyအမှားတွေနဲ့ ပြန်လည်စိစစ်ခြင်းမရှိဘဲ အစီရင်ခံထားပါတယ်။ အဆိုးဆုံးကတော့ ပညာရှင်ပီသစွာသမာသမတ်ကျမှုမရှိဘဲ ပညာရှင်တစ်ဦးရဲ့နယ်ပယ်ကိုကျော်လွန်ပြီး တရားရုံးရဲ့ဆုံးဖြတ်ချက်ကို လွှမ်းမိုးဖို့ကြိုးပမ်းထားပါတယ်။ Methodology အမှားဆိုတာကို ဥပမာအနေနဲ့ပြရရင် - ဓားထိုးခံရလို လူသေဆုံးမှုဖြစ်ရပ်မှာ ရင်ခွဲစစ်ဆေးချက်ပေးရတဲ့ ဆရာဝန်လိုမျိုးပေါ့။ ဆရာဝန်သည် “သေဆုံးသူ၏ခန္ဓာတွင် ဓားချက်ဘယ်နှစ်ချက်တွေ့ရှိသည်။ ဘယ်ရင်အုံရှိ ဓားဒဏ်ရာကြောင့်သေဆုံးခဲ့သည်။” ဆိုပြီး မှတ်ချက်ပေးရပါတယ်။ ဒီလိုမှာမဟုတ်ဘဲ ဆရာဝန်က သူ့ကျွမ်းကျင်ပညာရပ်ကို ကျော်လွန်ပြီး “ထိုဓားဒဏ်ရာသည် သေဆုံးစေရန်ရည်ရွယ်ချက်ရှိရှိဖြင့် ထိုးသွင်းခြင်းဖြစ်ပြီး ထိုတရားခံကို ထောင်ဒဏ်ချပစ်ရမည်။” ဆိုပြီး မှတ်ချက်ပေးခဲ့ရင် ဒါနည်းစနစ်အမှားဖြစ်ပါတယ်။ အဲ့ဒီမှတ်ချက်မျိုးက ဆရာဝန် အလုပ်မဟုတ်၊ တရားရုံးရဲ့ တာဝန်သာ ဖြစ်ပြီးတော့ တရားရုံးကို လွှမ်းမိုးပြီး မထီမဲ့မြင်ပြုခြင်းဖြစ်ပါတယ်။ 🇲🇲 We stand with Agent of Myanmar 🇲🇲 * ICJ 🇲🇲 * A Light For Justice
ဘင်္ဂလားဒေ့ရှ် သိဖို့ မြန်မာနိုင်ငံသည် နိုင်ငံသားဖြစ်မှုဆိုင်ရာ ဥပဒေများနှင့်အညီ လုပ်ငန်းစဉ်များကို ပွင့်လင်းမြင်သာစွာ ဆောင်ရွက်လျက်ရှိပါသည်။ လက်ရှိတွင် နိုင်ငံသားလက်မှတ် (၃) မျိုးအနက်မှ တစ်မျိုးမျိုး ရရှိထားသူ ၂ သိန်းခန့် နိုင်ငံအနှံ့နေထိုင်ပြီး ၎င်းတို့အနက်မှ ၁၅၀,၀၀၀ ကျော်သည် မကြာသေးမီက ကျင်းပပြီးစီးခဲ့သည့် အထွေထွေ ရွေးကောက်ပွဲတွင် တရားဝင်မဲပေးခွင့် ရရှိခဲ့ကြောင်း အတည်ပြုပါသည်။ လူမျိုး၊ ဘာသာမခွဲခြားဘဲ နိုင်ငံသား ခံယူမှုလမ်းကြောင်း (NVC) မှတစ်ဆင့် ဥပဒေနှင့်အညီ စိစစ်ခံယူနိုင်ရန် အခွင့်အလမ်းများ ဆက်လက်ရှိပါသည်။ 🇲🇲 We stand with Agent of Myanmar 🇲🇲 ICJ .. 🇲🇲 A Light For Justice