نُصب..

نستنى في ليالي الشتاء بشغف، نكون مروحة من محاضراتي وثاني يوم عطلتي، يكونوا كلهم راقدين، ونطيب لازانيا ونفتح على مسلسل معبي ضحك ودراما، ياااااااه أمتى بيجي الشتاء يا ناس 😭😭😭😭😭💘

''اللي يخليك تراجي، مايبيش يجي''

حفيدتنا الأولى في العيلة 💘😔 طالعة لخالتها فلتوزة 😔💘💘

خلينا نتلاقوا كل يوم، وفي أماكن مختلفة زي: محطات القِطار، في تقاطع شوارع الميدان، الأماكن اللي مافيهمش ناس، في كوب شاهي، في أماكن غير ملموسة، وفي الخيال، في باخرة مهاجرة لليونان، قدام الذكريات اللي حبّيناها، ومرات حتى في عمان، في أول مكان قتلي فيه نحبّك، وفي المكان اللي توحشتني فيه، بين خطوط يدي ويدك، وفي حُضن الأيام -اللي تجمعنا- في عيوني، وقلبك في بقايا الليل ندسك، معمل تحاليل، في غرفة العمليات، وكثرة الحكايات حصان في إسطبل الملوك، قدام بحر السرايا الحمراء، في يدك قُرطاس دخان، ترانشكوت لونه غريب، ياه! كيف نركز في هالتفاصيل؟ في يوم من أيام الشتي في كون مليان بكل شيء أصيّل، السيارة جنبي، وفي داخلها سلسال منك هدية، طولك الطويل جدًّا، في المقابل طولي المتواضع، شالي الأسود، ونظرتي وكيف نشوفلّك، في نظرك طلبي غريب.. إن ناخذ توبك الأحمر، والأماكن قاعدة ما كملتش، في نفس الأماكن نعاودوا.. كل شيء من جديد، بين نحبّك وفي مشاعر حبّ مليانة ليك، وكأن كل الجمل المذكورة تختصر في كل الطرق والأوقات المهدورة، وباش كل طريق منهم تخليني نوصل فيك، وكل وقت لازم ما يكون معاك وليك، كونك محطة وقوف وعودة وحياة وبداية ونهاية، في كل كلمة منهم كنت أنت الأساس اللي حاذف من حياتي كل الناس. -تحت لحظات مختلفة، من ضمنها شعور وحشتي ليك- ليالي آب الحزينة في يوم كنت مريضة فيه واجد.. ١:٣٥ ص. - نُصب ( بعد غياب )

💘

معقول تنساني بالساهل! أنا تعبان! مش مرتاح زي زمان!

The best thing 💘

الحمدلله 💘

"ربّما لمْ أُشفَ بالكامِل، لكنَّني تعلَّمتُ كيفَ أُضِيء."

Channel photo updated

أنا إنسانة ما نضيفش في أيّ حد على الانستا، لأنها مملكتي الخاصة، بيكوز ندير في ريبوستات ولايكات وستوريات على حاجات تخصني لشخصي أنا يعني شخصيتي، فـ ما نحبش من يكلمني على الانستا أخطى من الناس اللي نتابع فيهم ويتابعوا فيا، لأن باقيهم نعتبر فيهم دُخلاء، وحـ نتعامل بطريقة مش حلوة، وخاصة للناس اللي تخش بطريقة غبية على أساس تحسابني شخص ثاني ولما نقول لا تقولي أمالا منو! ما دخلكش من نكون دامني طلعت مش الشخص المطلوب! نتقبل كل شيء إلا الأسئلة الغبية اللي توضح مدى غباء الشخص في فتح حديث بالطريقة هذه! اهو التيلي مرة مرة نفتح في صارحني تبي تقولي شيء قوليه عليه أما تقعدي من مكان لمكان ما نحبش.. مساحتي الخاصة في التيلي بديت انقص فيها لأن فوق من نفسي قاعدة ما نبيش نتخلى على التيلي لأن البرنامج هذا نحبّه لأسباب خاصة، ونقاوم في الفتور اللي صايرلي في الكتابة اللي أساسًا بديت معاش نتقبل فيها، فقدت حاسة الشعور اللي يخليني نكتب، حتى على الفيس شبه مختفية لأن بديت نشوف في حاجات ادرهلي في كبدي من البشر، وتصنعات، وعلى العموم لما كانت قنواتي توصل لل2000 و3لاف مشتركين كانت نُصب حلوة في عيونكم وأنتِ واوز وتهبلي لكن توا بنطلع ما عنديش ذوق في الكلام. 😘 المهم حالكم باهي!

مِش ديما النهايَات سعيدة ولا اللحظة اللي نستنُو فيها بالسّاعة والدقيقة - حلوة - زي ما نتصوّروا فيها .. مش ديما الوقت اللي نراجوه يجي، أحيانًا الراحة اللي نسعولها مش حتعوضنا على تعب السعي .. مِش ديما الأقدار اللي نحبوها حتحبنا وتأنس حياتنا ولا الأحداث اللي فينا لهفة ليها، حتصيرلنا.. وأخيرًا .. أي حاجة تستناها تمشي عالبطيء، جرب تنسى تستنى، ربما تجيك ركض. ٤ . حزيران -

من أحلى البنات اللي نعرفهم، تصويرًا وكلامًا وكل شيء فيها عبارة عن ذوق وحاجة هلبا حلوة. 💘 نحب كتاباتها وتوا تصويرها اللي يجلط فيا من جماله 💘

https://t.me/U_Octo

أيام مستحيل تتصدق إن الواحد عاشها، والحمدلله على ما أعطانا الله، ولا إله إلا الله، ربي يشفيلي أمي ويحفظهالي وما يوريني فيها بأس، ويحفظ كل الأمهات من كل سوء.

أدعوا لأمي بالشفاء

اللهم ربّ الناس أذهب البأس واشفي أنت الشافي لا شافي إلا أنت

Fact: ما تختارش حد، خليهم هما يختاروك..