ንጋት ኮርፖሬት | NIGAT CORPORATE

ግዮን ፕላስቲክ ፋብሪካ ዕቅድ አፈፃፀሙን ገመገመ የግዮን ፕላስቲክ ውጤቶች ኃ/የተ/የግ ማህበር ስራአስኪያጆችና ሱፐርቨይዘሮች የኩባንያው የ2026አ.ኤ.አ የ6 ወር ዕቅድ አፈፃፀማቸውንና የቀጣይ ስድስት ወር ዕቅድ ላይ የሚወያዩ እንደሆነ የኩባንያው ሥራአስኪያጅ አቶ ዩሃንስ እሸቴ ገልፀዋል፡፡ ኃላፊው የእንኳን መጣችሁ መልዕክት ካስተላለፉ በኋላ እያንዳንዱ ክፍል የነበረውን የሥራ አፈፃፀም አቅርበው ተገምግሟል፡፡ በግምገማው መሰረት ያለው አፈፃፀማቸው ከታዬ በኋላ ለእያንዳንዱ የሥራ ዘርፍ በቀጣይ ስድስት ወራት ትኩረት ሊሰጡባቸው እና በዕቅዳቸው መካተት የሚገባቸውን ተግባራት ተለይተው አቅጣጫ ተሰጥቶባቸዋል፡፡

ማዕድ ምግብ ኮምፕሌክስ የሙከራ ምርት ማምረት ጀመረ ማዕድ ምግብ ኮምፕሌክስ በደብረማርቆስ ከተማ ግንባታው እየተፋጠነ የሚገኝ ኩባንያ ሲሆን የተቋቋመውም በንጋትና በ3 ኩታ ገጠም ዞኖች በሚገኙ አርሶ አደሮች ነው፡፡ ይህ ፕሮጀክት የፓስታ፣ ማካሮኒ፣ ብስኩት እና የዱቄት ፋብሪካ የያዘ ትልቅ ፋብሪካ ሲሆን በአሁኑ ጊዜ የብስኩት ማምረቻ ፋብሪካው የማሽነሪ ተከላውን በማጠናቀቅ የሚከራ ምርት ማምረት ችሏል፡፡ በዚህም እንኳን ደስ አላችሁ እያልን ፋብሪካው በቀጣይ የፓስታና መኮረኒ እንዲሁም የዱቄት ፋብሪካው ተከላው ተጠናቆ ወደ ሙሉ ትግበራ እንደሚገባ እምነታችን የፀና ነው፡፡