OBOD YOSHLARI

O‘zbekiston Respublikasi Prezidentining “Faol tadbirkor” ko‘krak nishoni bilan taqdirlash to‘g‘risidagi farmoniga muvofiq, mamlakatimiz iqtisodiyotini rivojlantirishga qo‘shgan munosib hissasi, samarali mehnati va faol tashabbuslari uchun bir guruh tadbirkorlar taqdirlandi. Taqdirlanganlar qatorida "Rivoj-98" kompaniyasi ta’sischisi Maxamadali Mamadaliyev mamlakatimiz taraqqiyotiga qo‘shib kelayotgan hissasi, samarali mehnati va faol tashabbuslari uchun “Faol tadbirkor” ko‘krak nishoni bilan taqdirlandi. Yoshlarning har qanday ezgu tashabbusini o‘z vaqtida qo‘llab-quvvatlab kelayotgan Maxamadali Mamadaliyev "Obod yoshlari" loyihalarining doimiy hamkori va ishonchli tayanchidir. Uning yosh avlod kelajagiga daxldorlik tuyg‘usi bilan yondashishi va tashabbuslarga befarq emasligi barchamizda iliq taassurot qoldiradi. Mukofot muborak bo‘lsin!

Bugun “Obod” mahallasiga Mahallalarda yoshlar bilan ishlash masalalarini muvofiqlashtirish bo‘yicha Respublika komissiyasi vakillari tashrif buyurishdi. Tashrif davomida komissiya a’zolari yoshlar bilan ishlash borasidagi faoliyatimiz, xususan, yoshlarning zamonaviy kasb-hunar va xorijiy tillarni o‘rganishlari uchun yaratilgan sharoitlar hamda o‘quv markazi faoliyati bilan yaqindan tanishdilar. Mahallada yoshlarning zamonaviy bilim va ko‘nikmalarni egallashlari uchun barcha zaruriy imkoniyatlar tizimli ravishda yo‘lga qo‘yilganligi ko‘zdan kechirildi. Shuningdek, uchrashuv doirasida Marg‘ilonsoy bo‘yida barpo etilishi rejalashtirilayotgan “Yoshlar ko‘chasi” loyihasi hamda kelgusidagi chora-tadbirlar rejasi atroflicha muhokama qilindi. Komissiya vakillari navbatdagi istiqbolli rejalarni hayotga tatbiq etish yuzasidan o‘z fikr-mulohazalarini bildirib, ularni qo‘llab-quvvatlashlarini ta’kidladilar. Mahallamiz yoshlari uchun yangi imkoniyatlar yaratish borasidagi ishlarimiz izchil davom ettiriladi.

Obod mahallasida yoshlar oqshomi bo‘lib o‘tdi Yoshlar oyligi doirasida Farg‘ona tumani Obod MFY hududida yoshlarning bo‘sh vaqtini mazmunli tashkil etish, ularning madaniy hordiq chiqarishlari uchun “Yoshlar oqshomi” gala-konsert dasturi tashkil etildi. Tadbirda mahalla yoshlari, nuroniylar va keng jamoatchilik vakillari ishtirok etib, konsert dasturidan ko‘tarinki kayfiyat oldilar. Oqshom davomida kuy-qo‘shiqlar, sahna chiqishlari hamda ijodiy dasturlar namoyish etilib, ishtirokchilarga unutilmas taassurotlar ulashdi. Bunday tadbirlar yoshlarning bo‘sh vaqtini mazmunli o‘tkazish, ularning iste’dod va qobiliyatlarini qo‘llab-quvvatlash hamda mahallalarda ijtimoiy faollikni oshirishga xizmat qilmoqda. 💭 Obod yoshlari telegram: https://t.me/obodyoshlari

Tantanali tadbir yakunida osmonni bayramona mushakbozlik (salyut) yog‘dusi charog‘on qildi. Ushbu go‘zal manzara yig‘ilganlarga unutilmas quvonch va o‘zgacha zavq bag‘ishlab, kechaga haqiqiy bayramona yakun yasadi. 💭 Obod yoshlari telegram: https://t.me/obodyoshlari