Odiljon Tojiyev

Mumbayda bo‘lib o‘tgan “BRICS WAVES Bazaar 2026” xalqaro forumida mamlakatimiz delegatsiyasi bilan birga qatnashdik. Forumning asosiy mavzusi jahon media makonida kechayotgan katta o‘zgarishlar, xususan, sun’iy intellekt va an’anaviy ijodkorlik uyg‘unligi, raqamli kontent formatlari hamda madaniyatlararo hamkorlik boʻldi. Albatta, globallashish kuchaygan vaqtda milliy o‘zligimizni, qadriyatlarimizni saqlab qolgan holda zamonaviy texnologiyalarni amaliyotga joriy etishimiz har qachongidan ham muhim. Tashrif doirasida o‘tkazilgan B2B uchrashuvlar va muzokaralar esa, kelgusidagi qo‘shma loyihalarimiz uchun mustahkam poydevor yaratadi. Oldimizga qo‘yilgan vazifa aniq: O‘zbekiston media-makonini xalqaro integratsiya jarayonlariga faol jalb etish, dunyodagi eng ilg‘or tajribalarni yurtimizga olib kirish hamda mahalliy ijodkorlarimiz va kontentimizni global bozorga olib chiqish. Bu boradagi tizimli ishlarimizni davom ettiramiz. Odiljon Tojiyev

Jahon chempionati ham yakuniga yetdi. Hammamiz ko‘rdik, bugungi futbol yashil maydondagi murakkab shaxmat o‘yiniga aylangan. Unda vaziyatni o‘qish, soniyalar ichida qaror qabul qilish, umuman, intellekt - hal qiluvchi kuch. Milliy terma jamoamiz yigitlari ham mana shu yo‘lni bosib o‘tishdi. Milliy terma jamoamiz yillar davomida shakllanib qolgan “mundialga chiqa olmaymiz” degan psixologik to‘siqni sindirdi. U yerda orttirilgan har bir tajriba esa, achchiq mag‘lubiyat bo‘ladimi yoki g‘alaba, kelajak avlod uchun maktab bo‘lib xizmat qiladi. Shu bilan birga, bu tarixiy jarayonni tom ma’noda uyimizgacha olib kirgan insonlar mehnatini ham e’tirof etishimiz kerak. Okean ortidagi katta vaqt tafovutiga qaramay, turnirning boshidan to oxirigacha, kerak bo‘lsa, kechasi bilan ishlagan telekanallar jamoasi, voqealar markazida boʻlgan jurnalistlarimiz bor. 40 million odamni bitta ekran qarshisida jipslashishida ularning ham o‘rni katta. Tarixning qiyin, shu bilan birga biz uchun kerak bo‘lgan sahifasi yopildi, lekin, eng asosiy jarayonlar endi boshlanyapti. Qiyin sinovdan birgalikda o‘tdik, endi qayerga qarab yurishni va qanday ishlashni ham bilamiz. Odiljon Tojiyev

🔺O‘zbekiston Milliy media assotsiatsiyasi va “O‘zmetkombinat” AJ o‘rtasida Anglashuv memorandumi imzolandi ⚫️Mamlakatimiz yirik sanoati hamda milliy axborot makoni o‘rtasidagi hamkorlikda muhim qadam qo‘yildi. O‘zbekiston Milliy media assotsiatsiyasi hamda “O‘zbekiston metallurgiya kombinati” AJ o‘rtasida keng qamrovli hamkorlikni yo‘lga qo‘yish maqsadida Anglashuv memorandumi imzolandi. ⚫️Mazkur strategik ahamiyatga ega hujjatni O‘zMMA Boshqaruv raisi Odiljon Tojiyev va “O‘zmetkombinat” AJ Boshqaruv raisi Bahodir Abdullayev imzoladilar. Instagram | Facebook | Linkedin | You tube | X |

🔺“O‘zbekiston metallurgiya kombinati” aksiyadorlik jamiyatida O‘zbekiston Milliy media assotsiatsiyasiga a’zo hamda hamkor ommaviy axborot vositalari vakillari ishtirokida keng qamrovli press-tur bo‘lib o‘tdi. ⚫️Tadbirning dastlabki manzili kombinat ishchi-xodimlarining mashaqqatli va sharafli mehnati ulug‘langan yodgorlik majmuasi bo‘ldi. Mazkur maskanda “O‘zmetkombinat” AJ Boshqaruv raisi Bahodir Abdullayev hamda O‘zMMA Boshqaruv raisi Odiljon Tojiyev boshchiligida jurnalistlarga kombinatning shonli tarixi va bugungi kunda mamlakat iqtisodiyotidagi muhim ahamiyati yuzasidan batafsil ma’lumot berildi. ⚫️Shundan so‘ng ishtirokchilar kombinatning yangi obyektlari faoliyati bilan tanishdilar. Xususan, 2026-yilda ishga tushirilgan “Sun’iy intellekt markazi” barcha ishlab chiqarish korxonalarini real vaqt rejimida kuzatish va chuqur tahlil qilishga mo‘ljallangan bo‘lib, mazkur loyiha kombinatning raqamlashtirish sari qo‘yayotgan eng muhim strategik qadamlaridan biri sifatida e’tirof etildi. Instagram | Facebook | Linkedin | You tube | X |