Oromic Mindset 🧠

1. Digirii baay'isuun invastimantii dogoggoraati 2. Obsa kan bartu rakkoo sitti dhufeeni! 3. Karaan qaxxaamura milkaa'uuf yaadan karaatti nama mura 4. Addunyaan kun warra fedhii qofaa qabaniif osoo hin taane warra fedhii qaban hojii irra oolchaniif bakka laatti! 5. Namni bu'aa yaada isaati. Maal yaadaa jirta? Yaadni akka sanyiiti. Sanyiin ni faca'a; Kan faca'e ni biqila! 6. Bu'aan ati har'a argatte hojii fi gatii kaleessa kaffalteeni. Bu'aa addaa yoo barbaadde immoo hojii addaa fi gatii addaa kennuun sirraa eegama! 7. Qabaachuunis dhabuunis kennaa miti. Carraaqqiidha! 8. Sadarkaa barnootaa guddaa irra ga'uun jireenya guddaa akka jiraattuuf wabii siif hin ta'u! Murtee fi gocha jireenya guddaaf kennitedha malee! 9. Siistema maallaqa siif fidu yoo hin ijaarre umurii kee guutuu maallaqaaf hojjechuukeedha! 10. Biizii waanti jedhamu yeroon waan dhibeef miti. Yeroo itti fayyadamuu dhabuu fi kalaanderiin hojjechuu wallaaluudha! 11. Hojiin ati amma hojjechaa jirtu yoo itti fufte kallattii itti deemaa jirtu tilmaamuun salphaadha! Akka si gammachiisu dhaabbadhuu itti yaadi! 12. Digirii qabaachuun jireenyakee irratti digirii hojjette jechuu miti. 13. Kan namni si miidhu caalaa kan ati of miitutu caala. Biyya nagaa oolaa!

Qophiin dhangaa bizinasaa keenya haala addaan gaggeeffamuun goolabame! liinkii: https://t.me/DhangaaBizinasaa Maatii ta'uun barnoota achirraan darbu hordofaa! Telegram: t.me/keba41

https://t.me/DhangaaBizinasaa

https://t.me/DhangaaBizinasaa

"Hafuu irra barfachuu wayya!" — Imalli kee kan tures gara olka'iinsa guddaa si geessa! ⏳🚀🦁 "Michoonni koo maatii ijaarrataniiru... daldala isaanii jalqabaniiru... ani garuu amma illee jalqaba irran jira!" jechuun yaaduun si dhiphisee beekaa? Dhugaa guddaa tokko haa ilaallu: Kan barfachuu danda'u nama imala irra jiru qofa! Konkolaataan dhaabbate yookaan namni imala isaa dhiise matumaa hin barfatu. Barfachuun kee amma illee dorgommii jireenyaa keessa akka jirtu, kaayyoo kee bira ga'uuf akka tattaaffattu fi bakka geessu akka qabdu agarsiisa. Namoonni hedduun ofii isaanii namoota biro waliin walbira qabanii, "Ani duubatti hafeera" jechuun abdii kutatu. Garuu dogoggorri guddaan jireenya keessatti barfachuu miti; yeroon darbeera jedhanii guutummaan guutuutti dhiisuu dha. Har'a yaada kana ilaalcha haaraa xiinsammuu irraa haa ilaallu. 1. Yeroon jireenya kee siif qofa (Your Own Time Zone) 🌍🕒 Namni kamiyyuu si hin dursine; atis nama kamiyyuu irraa hin turre. - Obamaan umurii waggaa 55tti hojii Pirezidaantummaa irra ba'e; Trump ammoo umurii waggaa 70tti Pirezidaantii ta'e. - Koloneel Saanders, hundeessaa KFC, milkaa'ina guddaa umurii waggaa 65tti argate. - Qorannoon saayinsii akka agarsiisutti, namni hundi yeroo uumamaa fi hawaasummaa mataa isaa qaba. Yeroo nama biraatiin of hin madaaliin. 2. "Late Bloomer" (Nama yeroo booda daraaru) 🌸💎 Qorannoon xiinsammuu "Late Bloomer" jechuun namoota milkaa'inni isaanii yeroo booda mul'atu ibsa. Dhugaan saayinsii: Milkaa'inni yeroo booda dhufu bilchinaan kan deeggarame dha. Milkaa'ina yeroo dargaggummaa argatte yoo sirnaan hin bulchiin salphaatti dhabuu dandeessa. Garuu yeroo boodaa milkaa'uun kee muuxannoo fi qormaata hedduu irraa waan baratteef milkaa'ina kee sirnaan bulchuu si dandeessisa. 3. "Sunk Cost Fallacy" (Kiisa yeroo darbee keessatti kufuu) 🧠❌ Sammuun keenya yeroo darbe irratti yoo xiyyeeffatee, har'a jalqabuuf akka hin murteessine nu godha. "Amma hanga kanaatti homaa waan hin hojjenneef, amma jalqabuun maal na fayyada?" jechuun yaaduun gowwoomsaa sammuu keenyaati. Furmaata: Kaleessi darbeera; boruun hin dhufne; har'i garuu harka kee keessa jira. Yoo tarkaanfii dhibba irraa duubatti haftellee, har'a tarkaanfii tokko fudhachuun jalqabuun, jalqabuu dhiisuu caalaa bu'aa guddaa qaba. "Yeroo gaariin muka dhaabuuf waggaa 20 dura ture; yeroo gaariin itti aanu garuu har'a dha!" Ergaan kun waan nu barsiisu: Dhiisuu irra barfachuu wayya! Har'a wanti tokko illee harka kee keessa yoo hin jiraanne, jalqabuun kee mataan isaa injifannoo kee isa jalqabaa dha. Namummaan kee kaleessa ture har'a humna haaraan akka ka'u eeyyamiif. Ati hoo, "duubatti hafeera" jechuun waan dhiifte keessaa, har'a irraa eegalee jalqabuuf kan murteessite maal fa'a? Dhangaa bizinasa kana irraa galtee of guddisuu fi carraa bizinasaa argachuu ni dandeessa! Fedhii yoo qabaatte sagantichaaf "#Dhangaa!" jedhii barreessi! Yookaan user name fi link gadiin lixii na dubbisi! #MindsetShift #Focus #Yaada #Xiyyeeffannoo #DhiisuuIrraBarfachuuWayya Telegram Group: https://t.me/DhangaaBizinasaa Telegram channel: https://t.me/oromicmindset Facebook: https://www.facebook.com/keba.likisa.9 Personal Telegram: 👇 t.me/keba41 t.me/keba41 t.me/keba41 Bilbila dhuunfaa: 0912645484

Dhangaa Bizinasaa keenya Torbanii! Har'a galgala leenjisaa addaa affeerree jirra! Leenjiin dhangaa bizinasaa kuni hundumaaf kan barbaachisudha! Sa'atii: 2:00-3:10tti (Galgala) Telegram live chat! Leenjisaa: KAASUU JAAMBOO (Leenjisaa personal Development professionally) Gaggeessaa Waltajjii: Kabaa Likkiisa a Liinkii gadii kana share gochuun hiriyyoota jaallattaniif qoodaa! Liinkii dhangaa Bizinasaa: https://t.me/DhangaaBizinasaa Odeeffannoo dabalataaf Bilbila: 0912645484 Telegram: t.me/keba41

Dubbiiwwan Ogummaa Dhiironni Beekuu Qaban: 1. Jecha kee irratti nama amanamaa ta’i. Yeroo hunda waan dubbattu hojii keetiin mirkaneessi. 2. Maallaqni nama kabajamaa si hin godhu. Naamusa gaarii fi garaa qulqulluu qabaachuun nama kabajamaa si godha. 3. Intala osoo hin taane, dubartii filadhu. 4. Of hin tuuliin. Nama lafa irra dhaabbatu ta’i. Nama hundaaf kabajaa qabaadhu. 5. Gonkumaa namni biraa akka ati dhiphattu arguun gammaduuf carraa hin kenniin. 6. Mormii kee aariidhaan osoo hin taane, loojikiidhaan mo’i. Yeroo tokko tokko, “walii hin galle” jechuunis ni danda’ama. 7. Yeroon daangeffamaadha. Yeroo kee hin balleessiin. 8. Ati ofuma keetiif dhaabbachuu qabda. Namni hundi si gargaaruuf hin dhufu. Ofiin of danda’i. 9. Aarii fi haaloon akka si liqimsan gonkumaa hin eeyyamiin. 10. Dhiifama godhiitii gadhiisi. Warra kaaniif dhiifama godhi. Ofiifis dhiifama godhi. 11. Namoota si caalaa beekumsa qaban waliin yeroo dabarsi. Isaan irraa ni baratta. 12. Intala loojikii hin qabne, saala ishee akka gaachanaatti fayyadamtu waliin falmii hin seeniin. Ishee dhabuu dandeessa! 13. Oduu namaa keessa hin galiin. Nama tokko illee duuba isaa hin hamatiin. 14. Namoonni jaamaa miti. Namni tokko tuuta guutuu gowwoomsuu ykn to’achuu hin danda’u. Dhugaa dubbadhu. 15. Maatiin kee hiriyootni kee, jaalallee kee, bashannana halkan dheeraa fi hojii waajjiraa keessatti yeroo dabalataa hojjechuu caalaa barbaachisoodha. Yoo maxxansa gatii qabu kana guutummaatti dubbiste, “100%” jechuun comment irratti barreessi. t.me/keba41

Hiyyoomuun cubbuu miti... Abjuu dhabuun garuu balaa guddaadha. ✍️🙏 Namoonni tokko tokko hiyyummaa akka abaarsaatti ilaalu. Nama qarshii hin qabne akka nama mo'ameetti ilaalu. Kiisa duwwaa jireenya duwwaa wajjin wal fakkeessu. Garuu jireenyi dhugaa guddaa tokko nu barsiisa: Hiyyoomuun haala qabeenyaati; abjuu dhabuun garuu hiyyummaa lubbuu ti. Namni har'a homaa qabaachuu dhiisuu danda'a. Kiisiin isaa duwwaa ta'uu danda'a. Jireenya ulfaataa keessa jiraachuu danda'a. Garuu yoo keessa isaa abjuun guddaan jiraate... boruun isaa jira. Abdiin isaa jira. Kallattiin isaa jira. Guddinni isaa jira. Hiyyummaa dhugaan garuu kana miti. Hiyyummaan balaa qabu yeroo namni jiraachuu itti fufu, garuu abjuu qabaachuu dhiisuudha. Yeroo hafuura baafachuu itti fufu, garuu hawwii qabaachuu dhiisuudha. Yeroo jiraachaa deemu, garuu fuuldura ilaalu dhiisuudha. Namni abjuu hin qabne akka doonii bishaan irra yaa'uutti fakkaata. Bishaan irra jira; garuu iddoo ga'u hin qabu. Danbaliin bakka fedhetti isa geessa. Bubbeen bakka fedhetti isa oofa. Sababni isaas kaayyoon isa qajeelchu hin jiru. Qonnaan bulaan tokko sanyii yeroo facaasu har'a qofa hin ilaalu. Boruu ilaala. Barataan tokko kitaaba yeroo banu har'a qofa hin ilaalu. Fuuldura jireenya isaa ilaala. Namni tokko abjuu yoo qabaate, har'a harka duwwaa ta'ullee boruu isaa guutuu argu danda'a. Namoonni gurguddoon hedduun harka duwwaadhaan jalqaban. Garuu sammuu duwwaadhaan hin jalqabne. Qarshii hin qaban turan; abjuu garuu qabu turan. Deggersa hin qaban turan; mul'ata garuu qabu turan. Namoonni isaan hin amanne; isaan garuu ofitti amananii turan. Amantiin sunis seenaa uume. Yeroo tokko tokko jireenyi qabeenya kee irraa si mulquu danda'a. Hojii kee dhabuu dandeessa. Qabeenya kee dhabuu dandeessa. Garuu hamma abjuu kee hin dhabneetti, deebi'anii jalqabuun ni danda'ama. Sababni isaas abjuun bu'uura fuuldura ijaaramuuti. Garuu yeroo namni abjuu isaa dhabu, ofii isaa dhaba. Abdii isaa dhaba. Sababa itti qabsaawu dhaba. Yeroo sana hiyyummaa dhugaan jalqaba. Kanaaf har'a kiisni kee duwwaa yoo ta'e hin sodaatiin. Haalli kee ulfaataa yoo ta'e abdii hin kutatin. Harki kee duwwaa ta'uun balaa miti. Balaan guddaan sammuun kee abjuu irraa duwwaa ta'uu isaati. Sababni isaas... Namni hiyyeessa ta'ee jalqabe boru dureessa ta'uu danda'a; namni abjuu hin qabne garuu har'as ta'e borus bakka jirutti hafa. Telegram Group: https://t.me/DhangaaBizinasaa Telegram channel: https://t.me/oromicmindset Facebook: https://www.facebook.com/keba.likisa.9 Personal Telegram: 👇 t.me/keba41 t.me/keba41 t.me/keba41 Bilbila dhuunfaa: 0912645484

SEERA 7 DHIIROTAAF: 1. HAMAA TA’I, GARUU OF TO’ADHU. Nama homaa hin sodaachifne ni tuffatu. Dhiira humna qabu, garuu of to’achuu danda’u — ni kabaju. 2. HUMNA IJAARI, SABABA HIN IJAARIIN. Hiyyeessaa? — Yeroo itti godhi/ Sirreessi Dadhabaadhaa? — Leenji’i. Karaa dhabdee? — Baradhu. Hin boo’iin. Of fooyyessi! 3. GATIIN KEE GUYYAA GUYYAAN ARGAMA. Namni tokko illee dandeettii ati qabdu qofaaf hin yaadu. Bu’aa ati argamsiistu malee si hin kabaju. 4. MIIRA KEE TO’ADHU, YOOKAAN INNI JIREENYA KEE TO’ATA. Aarii, hinaaffaa, sodaa — isaan mo’adhu. Yoo isaan si mo’an, giddu-galeessa taatee hafta. 5. DUUKA HIN BU’IIN — OFITTI HARKISI. Maallaqa, dubartoota, kabaja — nama ergama isaa irratti xiyyeeffatu bira dhufu. 6. AMMA DHIITAMI — BOODA MO’ADHU. Naamusni har’a si dhukkubsa. Gaabbiin garuu bara dheeraaf si dhukkubsa. 7. QAJEELFAMA JIREENYAA KEESSAAN BULI. Amanamummaa. Humna. Kabaja. Waan tokkoof illee yoo hin kaane, waan hundumaaf kufuu dandeessa. QABSOO! QABSOO! QABSOO! 🔥 BARA KANA — MO’ACHUUF! 🏆 AMMA HOJJADHU. AMMA MO’ADHU!! t.me/keba41

📌 Ergaan kun namoota biroottillee akka ga’uuf Share godhiitii isaan biraan ga’i! ✈️🌍 Telegram Group: https://t.me/DhangaaBizinasaa Telegram channel: https://t.me/oromicmindset Facebook: https://www.facebook.com/keba.likisa.9 Personal Telegram: 👇 t.me/keba41 t.me/keba41 t.me/keba41

🛑 #Mana Barumsaa Keessatti Barachuu kan Hin Dandeenye, Garuu Milkaa’ina Keenyaafii Jireenya Keenyaaf Ijoo Kan Ta’an Dhugaa fi Iccitiiwwan Gurguddoo 7n! 🧠✨ “Milkaa’inni bakka ga’umsa tokkoo miti; bu’aa eenyummaa guyyaa guyyaan ijaarruufi ilaalcha gaarii (Attitude) guyyaa guyyaan mul’ifnuuti.” Dandeettii keessa keenya jiru baasnee akka itti fayyadamnuu fi daangaa yaada keenyaa akka jijjiirru kan nu gargaaran dhugaa jireenyaa gurguddoo 7 kana ilaali👇 💡 Qajeelfamoota Jireenyaa Gurguddoo 7n (7 Life Principles) 1. Waamicha Onnee Keetii Hordofi (Following The Heart) 🧭 👉 “Iccitiin jireenyaa yeroo torba yoo kufteyyuu, yeroo saddeettaffaa ka’uu dha.” Yeroo gara galma keenyaatti deemnu gufuuwwan (Obstacles) jiraachuun waan hin oolle ta’us, yeroo kufnu hundatti caalaatti jabaachuun ka’uun bu’uura milkaa’ina keenyaati. 2. Sodaa Mo’achuu (Overcoming Fear) 🦅 👉 “Sodaan kee mana hidhaa si daangessuu fi daangaa murtaa’e keessatti si hidhudha.” Yeroo sodaa kee xiqqeessitu, humna (Power) caalaa argatta; jireenya kees guutummaatti jiraachuu jalqabda. Sodaa fuula dura dhaabbachuun bilisummaa (Freedom) dha. 3. Naannoo Mijataa Keetii Ba’i (Get Off The Couch / Comfort Zone) 🛋️ 👉 “Dandeettii kee guddisuu fi eeguuf, yeroo hunda ofumaan haala rakkisaa ykn ‘si sodaachisuu danda’u’ keessa of galchi.” Waggaa tokko booda yeroo ammaa illee jiraachuu kee yoo argite, sodaan sun gowwoomsaa sammuu kee (Illusion) qofa akka ture hubatta. Wantoonni ajaa’ibsiisoon kan uumaman naannoo mijataa (Comfort Zone) ala jiru. 4. Sadarkaa Fedhiiwwanii (Hierarchy of Needs) 🔺 👉 Jireenya guutuu jiraachuuf sadarkaa sadarkaan gara olitti of ijaaruu qabna. Firijii keenya keessatti nyaanni nyaatamu hin jirre taanaan (Basic Needs), waa’ee jaalalaa fi hariiroo yaaduun hiika hin qabu. Yoo bu’uura gadi jiru sirriitti hin jabeessine, gara fiixee milkaa’inaa (Self-Actualization) ol ba’uuf yaaluun jireenya keenya jeequu danda’a. 5. Dandeettiiwwan Haaraa Saffisaan Barachuu (Meta-Learning) 🧠 👉 “Caaseffamaa fi ilaalcha sirrii qabaachuun yoo geggeeffamne, damee kamiyyuu keessatti ji’a jaha ykn isaa gadi keessatti sadarkaa addunyaa irra ga’uu dandeenya.” Yeroo guddannu barachuu dhaabuu hin qabnu. Karaa sirrii yoo hordofne, dandeettiiwwan haaraa (New Skills) saffisaan horachuu dandeenya. 6. Jijjiirama Xixiqqaa fi Itti Fufiinsa Qabu (The Slight Edge) 📈 👉 Bu’aawwan gurguddoon halkan tokkotti hin dhufan; hojiiwwan xixiqqaa, sirrii fi gaarii guyyaa guyyaan goonu itti fufiinsaan (Consistency) raawwachuu irraa dhufu. Amala gaarii kufaatii keessaa gara jireenya fooya’aatti nu fidu yeroo hunda yoo shaakalle, yeroo deemnu saffisa guddaadhaan gara milkaa’ina guddaatti nu ceesisu. 7. Balbala Carraa Rukutuu (Take Your Turn) 🚪 👉 “Walquunnamtiin (Interaction) kamiyyuu fi yeroon ati carraa kee itti argattu hundi carraa guddaa (Opportunity) dha.” Carraan callisee ofumaan hin dhufu; yeroo kee eeguun, ija jabinaan tarkaanfii fudhachuu qabda. Waan hunda dursee shallagee guutummaatti mirkaneeffadhee jalqaba jettee yaaddoo keessa galuu mannaa, ija jabina salphaa kan beekumsa dhabuu irraa maddu fayyadamuun jalqabdu carraa guddaa dha. Jireenyi gabaabaa dha; carraa keenya ija jabinaan haa fayyadamnu! 🔥 Iccitii Dabalataa: Mallattoolee Namoota Baay’ee Beekamoo fi Gamna (Intelligent People) Namoonni hojii fi jireenya guyyaa guyyaa keessatti bilchaatoo yookaan gamna ta’an👇: 🌿 Nama hundaaf — hojjetaa qulqullinaa irraa jalqabee — kabaja walqixa kennu. 🌿 Haasawa duubaa (Gossip) fi siyaasa waajjiraa (Office Politics) irraa guutummaatti fagaachuu. 🌿 Guddinaan abjootu, garuu xiyyeeffannoo isaanii hojii adeemsa guyyaa guyyaa (Process) irratti godhu; sababni isaas adeemsa irratti xiyyeeffachuun bu’aa barbaadan akka isaanitti fidu ni beeku. 🌿 Yeroo hunda gad of qaboo (Humble) fi wantoota haaraa barachuuf qophii dha. 💬 Gaaffii Guyyaa Har’aa: Qajeelfamoota jireenyaa 7 kana keessaa, yeroo ammaa kan si caalaa tuqeefi hojiirra oolchuu barbaadde isa kami? Yaada kee comment keessatti naaf qoodi! 👇✨