ပကဖ အသံ

မွန်-ကရင် ရှိ စစ်စခန်း (၂) ခု ကို ပကဖ နဲ့ KNLA ပူးပေါင်းတိုက်ခိုက် ……………………. မွန်ပြည်နယ်နဲ့ ကရင်ပြည်နယ်တွေအတွင်းက အကြမ်းဖက် စစ်ကောင်စီတပ်ရဲ့ စစ်စခန်း ၂ ခုကို ဇန်နဝါရီလ ၁၁ ရက်နေ့မှာ မွန်ပြည်နယ် ပကဖ တိုက်ခိုက်ရေးအဖွဲ့နဲ့ KNLA တပ်ရင်း (၁၆) တို့ ပူးပေါင်းပြီး (၁၂၀) မမ ဒရုန်း ဗုံးသီးတွေနဲ့ ကြဲချ တိုက်ခိုက်ခဲ့ပါတယ်။ ဇန်နဝါရီလ ၁၁ ရက်နေ့ နံနက် ၀၅:၀၀ နာရီ ခန့်မှာ မွန်ပြည်နယ် ၊ ကျိုက်မရောမြို့နယ် အတွင်းမှာရှိတဲ့ ချောင်းနှစ်ခွ စစ်ကောင်စီတပ်စခန်း၊ နံနက် ၀၈:၄၀ နာရီခန့်မှာတော့ ကရင်ပြည်နယ် ကြာအင်းဆိပ်ကြီးမြို့နယ် အတွင်းမှာရှိတဲ့ ဇီးဖြူကုန်း စစ်ကောင်စီတပ်စခန်းတွေကို (၁၂၀) မမ ဒရုန်းဗုံးသီးတွေ နဲ့ ကြဲချတိုက်ခိုက်ခဲ့ပါတယ်။ မြန်မာနိုင်ငံတောင်ပိုင်း ဒေသမှာ အမျိုးသားညီညွတ်ရေးအစိုးရ၊ ပကဖ တိုက်ခိုက်ရေးအဖွဲ့တွေ နဲ့ ကရင်အမျိုးသားအစည်းအရုံး လက်အောက်ခံတပ်တွေ ပူးပေါင်းပြီး အကြမ်းဖက် စစ်တပ်ကို အရှိန်မြှင့် တိုက်ခိုက်နေတာတွေ့ရှိရပါတယ်။ ပုံ - မွန်ပြည်နယ် ပကဖ တိုက်ခိုက်ရေးအဖွဲ့ Facebook Link - https://www.facebook.com/profile.php?id=61556759138761&mibextid=sCpJLy

ဒီပဲယင်းမြို့၊ လွတ်မြောက်တနေရာတွင် စုံညီပွဲနဲ့ ပညာရည်ချွန်ဆုပေးပွဲကျင်းပ —-------------------- စစ်ကိုင်းတိုင်းဒေသကြီး၊ရွှေဘိုခရိုင်၊ဒီပဲယင်းမြို့နယ်၊လွတ်မြောက်တစ်နေရာတွင် ဇန်နဝါရီလ ၁၃ ရက်နေ့က ၂၀၂၄-၂၀၂၅ ပညာသင်နှစ်အတွက် ပညာရေးစုံညီပွဲတော်နဲ့ ပညာရည်ချွန်ဆုပေးပွဲကျင်းပပြုလုပ်ခဲ့တယ်လို့သိရပါတယ်။ ဒီဆုပေးပွဲမှာ ၊ရွှေဘိုခရိုင် ပကဖ ထုတ်လုပ်ရေးတာဝန်ခံ နဲ့ ဒီပဲယင်းမြို့နယ် ပကဖ တိုက်နယ်(၂) က တာဝန်ရှိသူတွေ တက်ရောက်ခဲ့ကြပါတယ်။ Facebook Link - https://www.facebook.com/profile.php?id=61556759138761&mibextid=sCpJLy

ပုသိမ်-မုံရွာကားလမ်းအပိုင်း ယာဥ်သွားယာဥ်လာများအား ရှောင်တခင်စစ်ဆေး —--------------- အထက်မင်းလှမြို့နယ် ပုသိမ်-မုံရွာကားလမ်းတွင် ယာဥ်သွားယာဥ်လာများကို စစ်ဆေးခြင်းနဲ့ လမ်းပိုင်းလုံခြုံရေးလုပ်ငန်းတွေကို ဇန်နဝါရီလ ၁၂ရက်နေ့က လုပ်ဆောင်ခဲ့တယ်လို့ အထက်မင်းလှမြို့နယ် ပြည်သူ့ကာကွယ်ရေးအဖွဲ့က ထုတ်ပြန်ထားပါတယ်။ လမ်းပိုင်းစစ်ဆေးစဉ်အတွင်းမှာလဲ ခရီးသွားမိဘပြည်သူတွေဟာ ပကဖတပ်ဖွဲ့ဝင်တွေရဲ့ လုံခြုံရေးနဲ့ စစ်ဆေးရေးလုပ်ငန်းတွေမှာ တက်ကြွစွာ ပူးပေါင်းပါဝင်ဆောင်ရွက်ပေးခဲ့တာအတွက် ကျေးဇူးတင်ဂုဏ်ယူဝမ်းမြောက်ပါကြောင်းကိုလဲ ထုတ်ပြန်ချက်မှာ ဖော်ပြထားပါတယ်။ တော်လှန်ရေးတပ်ဖွဲ့တွေဟာ မဟာဗျူဟာလမ်းမကြီးတွေဖြစ်ကြတဲ့ မန္တလေး-ရွှေဘို-မြစ်ကြီးနားကားလမ်း/ ရထားလမ်း၊ မန္တလေး-မတ္တရာ-သပိတ်ကျင်း-ဗန်းမော်လမ်း၊ မန္တလေး-လားရှိုး-မူဆယ်လမ်း၊ ပုသိမ်-မုံရွာလမ်း၊ ရန်ကုန်-မော်လမြိုင်-သံဖြူဇရပ်-‌ရေး-ထားဝယ်-မြိတ်-ကော့သောင်းလမ်း၊ ပဲခူး-သထုံ-ဘားအံ-မြဝတီလမ်း၊ မုံရွာ-ကလေး-တမူးလမ်း၊ မင်းဘူး-အမ်း-စစ်တွေလမ်း၊ ပြည်-ပန်းတောင်း-တောင်ကုတ်လမ်းတွေရဲ့ အဓိက နေရာအစိတ်အပိုင်းတွေကို စိုးမိုးထိန်းချုပ်ထားနိုင်နေပြီလို့ အမျိုးသားညီညွတ်ရေးအစိုးရ ကာကွယ်ရေးဝန်ကြီးဌာနရဲ့ ဇန်နဝါရီလ ၄ရက်နေ့က ထုတ်ပြန်ခဲ့တဲ့ ၂၀၂၄ ခုနှစ် စစ်ရေးဖြစ်ပေါ်တိုးတက်မှုအခြေအနေ အစီရင်ခံစာမှာ ဖော်ပြထားပါတယ်။ အစီရင်ခံစာရဲ့ ဖော်ပြချက်အတိုင်းပဲ လမ်းမကြီးတွေမှာ ကာကွယ်ရေးတပ်ဖွဲ့တွေရဲ့ နယ်မြေစိုးမိုးမှု ဖြစ်ပေါ်တိုးတက်နေမှုတွေကို မိဘပြည်သူတွေပါ မျက်မြင် တွေ့နေကြရတာဖြစ်ပါတယ်။ Facebook Link - https://www.facebook.com/profile.php?id=61556759138761&mibextid=sCpJLy

ကောလင်းခရိုင် ပကဖ တိုက်ခိုက်ရေးအဖွဲ့ ပုံရိပ်များ..... ဓာတ်ပုံတွေကို ကောလင်းခရိုင် ပကဖ Page မှ ပြန်လည်ကူးယူဖော်ပြအပ်ပါတယ်။ Facebook Link - https://www.facebook.com/profile.php?id=61556759138761&mibextid=sCpJLy