Termiz shahridagi Prezident maktabi

#SAT #Termiz_shahridagi_Prezident_maktabi 📣Termiz shahridagi Prezident maktabida sentabr oyi uchun SAT imtihoniga roʻyxatdan oʻtish boshlandi. 📆Imtihon sanasi: 2026-yil 12-sentabr 📃Imtihon turi: Digital 🔗Roʻyxatdan oʻtish: 🌐 Bu yerda 📌Manzil: Termiz shahridagi Prezident maktabi 📌Ro‘yxatdan o‘tishning soʻnggi muddati 1-sentabr bo‘lgani uchun nomzodlarga imkon qadar tezroq ro‘yxatdan o‘tishlarini maslahat beramiz. 📎Ma’lumot uchun, SAT sertifikati xalqaro miqyosda tan olingan bo‘lib, dunyoning nufuzli universitetlariga o‘qishga kirish va grantlar yutib olishning asosiy mezonlaridan biri hisoblanadi.Bundan tashqari, xalqaro SAT sertifikatiga ega bo‘lgan matematika fani o‘qituvchilariga oylik ustama to‘lanishi belgilangan. Ma'lumot o‘rnida, xalqaro SAT imtihoni Termiz shahridagi Prezident maktabida 2023-yil avgust oyidan beri o‘tkazilib kelinmoqda. Termiz shahridagi Prezident maktabining ijtimoiy tarmoqdagi sahifalari: Telegram | Instagram | Facebook | YouTube

XORAZMDA YANGI O‘QUV YILIGA TAYYORGARLIK JARAYONLARI O‘RGANILDI 🎓 Ixtisoslashtirilgan ta’lim muassasalari agentligi direktori Sevara Shakirova Xorazm viloyatidagi Prezident, ijod va ixtisoslashtirilgan maktablarning 2026–2027-o‘quv yiliga tayyorgarlik holati bilan tanishdi. ✅ Tashrif davomida o‘quvchilar uchun yaratilgan sharoitlar, ta’lim jarayonini samarali tashkil etish, shuningdek, Urganch shahrida yangidan tashkil etilayotgan muhandislik maktabi faoliyatini yo‘lga qo‘yish bo‘yicha ishlar ko‘zdan kechirildi. ✅ Davlat dasturi doirasida qurilish-ta’mirlash ishlari olib borilayotgan maktablardagi jarayonlar ham o‘rganilib, mavjud muammolarni bartaraf etish va ishlarni o‘z vaqtida yakunlash yuzasidan mas’ullarga tegishli ko‘rsatmalar berildi. Shuningdek, pedagoglar bilan ochiq muloqot o‘tkazilib, ularning takliflari tinglandi hamda ta’lim sifatini oshirish va o‘quvchilar uchun yanada qulay sharoitlar yaratish masalalari muhokama qilindi. Bizni kuzating 💻web 🌐Telegram ▶️YouTube 🌐Instagram 🌐Facebook ⚙️Portal ✨Direktor

#YagonaVatan35 🎓 Ixtisoslashtirilgan ta’lim muassasalari agentligi tashabbusi bilan Mustaqillikning 35 yilligi munosabati bilan “Yagona Vatan, yagona xalq bo‘lib, yangi hayot va kelajak yaratamiz!” shiori ostida “Yangi O‘zbekistonning iqtidorli farzandiman” ijodiy chellenji e’lon qilinadi. Chellenj quyidagi yo‘nalishlarda bo‘lib o‘tadi: ✅ #YagonaVatan35 chellenji — o‘quvchilarning Vatan haqidagi fikrlari, tabriklari va ezgu tilaklari; ✅ “Mustaqillik menga nima berdi?” mavzusida 30–60 soniyalik videorolik; ✅ “Bir bayroq – bir yurak” fleshmobi; ✅ O‘quvchilar ijrosida Vatan haqidagi she’r yoki vatanparvarlik qo‘shig‘i; ✅ Mustaqillik aks etgan binolar va manzillarda rasmga tushish; ✅ “Mening maktabim – Yangi O‘zbekiston kelajagi” mavzusida ijodiy videorolik; ✅ Prezident, ijod, ixtisoslashtirilgan va sport maktablari yutuqlarini aks ettiruvchi motivatsion video; ✅ O‘qituvchi, ota-ona va bitiruvchilarning Mustaqillik haqidagi samimiy fikrlari jamlangan videorolik; ✅ Davlat ramzlariga hurmat, Vatanga sadoqat va milliy qadriyatlarni targ‘ib qiluvchi kreativ videolar. Qatnashish uchun: ⚪️ O‘zingiz tanlagan yo‘nalishda ijodiy ish tayyorlang. ⚪️ Ishingizni Telegram yoki Instagram sahifangizga joylang. ⚪️ Postga #YagonaVatan35 heshtegini qo‘ying. Eng muhimi — ijodingizni namoyon eting va “Yangi O‘zbekistonning iqtidorli farzandiman!” degan g‘oyani o‘z uslubingizda ifodalang! 🏆 Eng faol va kreativ ishtirokchilarning ijodiy ishlari e’tirof etilib, munosib taqdirlanadi. Bizni kuzating 💻web 🌐Telegram ▶️YouTube 🌐Instagram 🌐Facebook ⚙️Portal ✨Direktor

#bizning_shunday_oʻquvchilarimiz_bor #YangiUzbekistonUniversiteti 🤩Termiz shahridagi Prezident maktabining 5 nafar iqtidorli bitiruvchilari Yangi O‘zbekiston universitetining 6 yillik “Tibbiyot Doktori” (Doctor of Medicine) dasturiga 100% GRANT asosida o‘qishga qabul qilindilar: 📝Ushbu ta’lim dasturi Germaniyaning eng nufuzli va peshqadam tibbiyot maskanlaridan biri — Stern reytingiga ko‘ra mamlakatda 2-o‘rinni egallab turgan Freiburg universiteti klinikasi, shuningdek, dunyoga mashhur TUM (Myunxen texnika universiteti) hamda Heidelberg universiteti kabi nufuzli universitetlar bilan yaqin hamkorlikda yo‘lga qo‘yilgan. Talabalar Yevropa standartlariga to‘liq javob beruvchi zamonaviy simulyatsion markazlar hamda so‘nggi texnologiyalar bilan jihozlangan laboratoriyalarda chuqurlashtirilgan klinik tayyorgarlikdan o‘tadilar. 💫Bo‘lajak shifokorlarimizga kelgusi o‘qishlarida ulkan zafarlar tilaymiz! Termiz shahridagi Prezident maktabining ijtimoiy tarmoqdagi sahifalari: Telegram | Instagram | Facebook | YouTube

#bizning_shunday_oʻquvchilarimiz_bor ⚡️PREZIDENT MAKTABIDAN OSIYONING NUFUZLI OLIYGOHIGACHA 🤩 Termiz shahridagi Prezident maktabi bitiruvchisi Jumayev Zuxriddin Ikromjon o'g'li Malayziyaning eng nufuzli oliygohi – Utara universitetining xalqaro biznes boshqaruv yo‘nalishiga o‘qishga qabul qilindi. 📝Universiti Utara Malaysia (UUM) - Malayziyaning nufuzli oliygohlaridan biri bo'lib, 1984-yilda tashkil etilgan. U asosan menejment, biznes, iqtisodiyot, axborot texnologiyalari va aloqa kabi sohalarda kuchli ta'lim va ilmiy izlanishlar olib borishga yo‘naltirilgan. UUM mintaqaviy va xalqaro miqyosda yetakchi mutaxassislarni yetishtirishga qaratilgan. 💫Zuxriddin endilikda ana shu ilm-fan markazida xalqaro biznes sohasida chuqur bilim olib, kelajakda mamlakatimiz  tadbirkorlik sohasi ravnaqiga munosib hissa qo‘shishiga tilakdoshmiz! Termiz shahridagi Prezident maktabining ijtimoiy tarmoqdagi sahifalari: Telegram | Instagram | Facebook | YouTube

#Vatanim_uchun_olimpiadachiman 🇺🇿 «Vatanim uchun olimpiadachiman» — challenge! Agar siz olimpiadachi o‘quvchi, olimpiadaga qiziqadigan yosh, olimpiadachi farzandning ota-onasi yoki olimpiada ustozi bo‘lsangiz, ushbu challenge aynan siz uchun! ✅ 30–90 soniyalik ijodiy video tayyorlang va «Vatanim uchun olimpiadachiman» mavzusida o‘z hikoyangizni ulashing. ✅ Videoni Instagram sahifangizga joylashtiring, #Vatanim_uchun_olimpiadachiman xeshtegidan foydalaning hamda Fan olimpiadalari markazini belgilang yoki izohlarda havolasini qoldiring. ✅ Eng kreativ va ta’sirli 10 ta video saralab olinadi. G‘oliblar xalqaro fan olimpiadalariga tayyorgarlik uchun maxsus kitoblar to‘plami bilan taqdirlanadi. ✅ Challenge 29-avgustga qadar davom etadi. Bizni kuzating 💻web 🌐Telegram ▶️YouTube 🌐Instagram 🌐Facebook ⚙️Portal ✨Direktor

#Vakant #Prezident_maktabi 🏫 Termiz shahridagi Prezident maktabi jamoasiga malakali va tashabbuskor pedagoglarni taklif etadi! 📚 Quyidagi fanlar bo'yicha vakant o'rinlarini e'lon qiladi: 🔹 Huquq fani o'qituvchisi 🔹 Texnologiya fani o'qituvchisi ✅ Nomzodlarga qo'yiladigan talablar: ➡️Birinchi hamda oliy toifa; ➡️Kamida 3 yillik pedagogik ish tajribasi; 🌟 Agar siz zamonaviy ta'lim muhitida faoliyat yuritish, iqtidorli o'quvchilar bilan ishlash va professional jamoaning bir qismi bo'lishni istasangiz, biz sizni kutamiz! 📌Nomzodlar joriy yilning 12-avgust sanasiga qadar soʻralgan maʼlumotlarni quyidagi manzilga yuborishlaringiz so'raladi: @Aziza1114 Telegram | Instagram | Facebook | YouTube