قصص واقعية ، 🌸 '

متين :- دخيل الخلقج وما خلاني اشوف غيرج أمامتي كلش احبج وربي اموت بيج وعليج أمامة :- بس وخر والله عيب عليك ابتعد من يمي ميت ضحك عليه وعلى الموقف صار بينا من دخل عمو أسير وراها گال متين :- بدلي ملابسج ولمي شعرج و حجابج لا تذبينه لا يدخلون الولد حبابه حچى هيج وطلع وسد الباب هو طلع واني بعد ما گدرت اوگف رجليه احسهن ماتن بقيت گاعدة وحتى ملابسي ما غيرتهن وين يلا گمت بدلت ولميت شعري حتى للعشاء من التموا ما طلعت اخر شي الساعه بالعشرة تقريباً اجت سلمى گال جدتي تاضي تريدج بسرعه تعالي لبست حجابي وطلعت اشوفها لگيتها گاعدة بغرفتها ويمها إسلام بأيده تليفونه اول ما دخلت گالت تاضي :- تعالي يعزيزتي تعالي حداي خلنا نسمع فريال شتريد من عندي من بعد هاي السنين الطويله يتبع......

إسلام :- يابة هلا وكل الهلا بمرت الشيخ لج شگد حقيرة ونذله وناكرت الجميل ما وگفت بعينج الكتله الحصلتها من وراج أمامة :- هلاو شلونك إسلام :- مشتاقلج بس اخاف من رجلج أمامة :- هههه اني هم مشتاقتلك والله ومتت عليك بس شلونها الكتله بشرفك إسلام :- ما توجع بس كسر بأيدي ورضوض بجسمي وكسر بخشمي _ ههههههه والله انقهرت عليك بس جنت مستاهلها شكو هيج تسوي بله اني جنت مو بعقلي انتَ شبيك _ ردت اللعب بس خوش لعبوا الاحزام عليه وروح جدي جر الاحزام من البنطرون وصلخني بيه صلخ _ تعيش وتاكل غيرها _ بس حقه عمي غير صايرة تموتين لج شو صايره كلش حلوة _ بدأت السخافه شعندك داخل هنا _ اريد اشوف عمي محتاجه بشغله _ ها تصالحتوا ما شآء الله _ مو كلش متصالحين _ الله يهدي النفوس بيكم يلا من رخصتك رحت الغرفتي لبست العباية الاسلامية و لفيت الشال عدل اجوا اهل الولد حنوها وبقى شوية وراحوا بس راحوا دخلوا اخوانها اثنينهم لابسين دشدايش ولافين غتر على رؤؤسهم منظرهم هيبه وياخذ الروح باسوها وتباركوا الها واخذوا وياها صور اني واگفة بالجهة البعيدة واباوع الهم شفت غزالة رفعت راسها توشوش العمو متين هو نزل راسه يستمع الها وراها رفع راسه يباوع بالوجوه شكله يدور على احد رجع يحچي وياها وهي تجاوبه لحد ما شافني أبتسم ونزل راسه صار ساعه يحجون عليه الظاهر بقى كل شويه يرفع راسه يباوعلي ويرجع ينزل لحد ما غزالة صاحت أمامة تعالي اخذي صوره ويانا انحرجت الكل اندار يباوعلي تقدمت عليهم وگفت يم عمو إياد والشال والعباية ما نازعتهم بعدني لابستهم اخذنا صورة وحده رجعت غزال وشوشت بــ إذان عمو إياد ضحك و گال بصوت عالي الكل سمعه يلا انه طالع وخلوا الشيخ ومرته يصورن ويا العروس متت من الخجل هو طلع وغزالة جرت الشال ورجعت تجر بالعباية أمامة :- شبيج غزالة عمو واگف الفستان مفضوح غزالة :- رجلج مو غريب نزعي ناخذ صورة حلوة متين :- لااا شتنزع انتِ الثانية مو ولد ينسخ الفلم مال الصور بقيت بصايتي اخذنا صورة ثانية وهو طلع بسرعه بقيت شويه يم البنات ونسيت الموضوع اضحك واسولف ومندمجه اخر شي طلعت اريد ابدل لان الناس بدأت تروح اريد اللبس الاوڤر خلصت الحفله وما لبسته فتحت باب غرفتي ودخلت لگيت گاعد ولازم تليفون يتفرج بيه شكله منتظرني تفاجأت شيسوي هنا أمامة :- هلاو هاي من شوكت هنا گام من مكانه وباوع للساعه اللي لابسها وگال متين :- ساعه وربع صار گاعد هنا أمامة :- محتاج شي متين :- اي _ شنو _ اشوف شلابسة لزمت العباية بـ أثنين إيديه قوي وباوعت اله مصدومة أمامة :- شنو تقدم عليه لزم إيدي يريد يوخرها من العباية رجعت جريتها منه ولزمت العباة اقوى سحب الشال من شعري وشمره بالگاع درت وجهي اباوع للشال بحركه مفاجأة وسريعه سحب العباية مني بقت إيد طالعه وإيد لابستها متين :- شلابسه ولج أمامة :- ملابس والله _ ملابيش وأديج طالعه شو اشوف وخري إيدج سحب الردن الثاني وگعت العباية بالگاع باوع الي من فوگ ليجوى وراها گال متين :- بالعافيه عليك شيخ متين اليوم مرتك سالفه صارت بحلگ العالم مصلخه وتفتر عليهم _ لا والله لابسه _ شلابسه عيني ست أمامة شو هاي الأيدين البيض الحلوات كلهن طالعات حچى هيج ومشى اصبعه على إيديه احس عيوني گامت تحرگني من الموقف الاني بيه دمي نشف رجع گال متين :- شوفي بعد انتِ لبستي هيج وانه انفضحت وما اگدر احچي شي السالفه طلعت من إيدي بس اگدر اخذ فصل تعويض على الموقف اللي حطتيني بيه ما جاوبت بس اباوع له منتظرته يگول شنو الفصل بعدني مركزه عليه شيريد يگول ما حسيت عليه غير تقرب مني وسحب راسي بيده من ورى وباسني قوي اريد اتحرك اريد اتنفس ماكو متت اصعب موقف واصعب لحظه تمر عليه بعدنا بهذا الموقف وانفتح الباب ودخل عمو أسير هو شافنا وهو لم القصر كله واگف بالباب ويصفگ ويصح متين باس أمامة كلوووش عروس وعريس كلووش گعدت بالگاع جسمي يرجف منا هو وموقفه هذا ومنا عمو أسير اللي فضحنا خطيه هو حار شلون يسكته جره ودخله للغرفه وسد الباب وعمو أسير مستمر بفعالتيه رجع باوع اله حجى وياه بتوسل متين :- حبيبي أسير مو هيج الموضوع بس صوتك فضحتنا أسير :- لا بستها بستها شفتك اني شفتك متين :- لا ما بستها باع نروح نشتري واخذك للالعاب وشتريد اجيبلك بس صوتك يا اخي فضحتنا أسير :- بس اني شفتكم متين :- اذا تحجي عاصي يكتل أمامة تقبل يكتلها _ لا ما اقبل _ عفيه بطل يلا اسكت بعد لا تصيح _ لا ما اصيح بس انتَ بستها _ بوسة السودة والمصخم يعمي طيرت المود كله التوبه واستغفر الله _ يله راح اللبس نعالي واتانيك يم السيارة تشتريلي موطه _ روح عمو أسير طلع يركض وهو باوع الي گاعده بالگاع ومغطيه وجهي بأيديه گعد مقابيلي سحب إيديه من وجهي بس باوعت اله ضحك بصوت عالي ورجع گال متين :- شفتي حظي حتى لو الله يهديج يطب علينا أسير أمامة :- بس اطلع عفيه متين :- لا خلينا نعيدها هذيج ما فهمت منها شي اجى أسير گمت من مكاني سريع رجع گام وراي يضحك سحبني عليه وباس راسي ويگول

ربع ردن واكيد نينه ماقبلت واعترضت وجابته فرح گوه عليها يصير لونه نيلي غامق لان نينه ذبت مني الأسود من تمرضت من رجعنا البغداد صح ما بقيت لابسته بس اكثر ايامي اللبس تراكات سود لو شي غامق حتى الفستان اللي أشتريه من فرح جان اسود واخذت بعد اوڤر اسود وبيه ضربات ذهبي اول ما وصلنا للبيت لگينا عمو إياد يتصل بس شافنا دخلنا گال هاي اجن اي والله شبيك هاي طبن للبيت قابل اجذب عليك دخلت للغرفه قست الملابس وفرح يمي باقيه تگول هاي الحذاء وي هذا وهذا الاكسسوار ويا هذا اخر شي گالت فرح :- باچر اجيج من الصبح نروح للصالون أمامة :- قابل عرسي شأسوي بالصالون فرح :- نحف شواربج غير اطول من شوارب عمج إياد أمامة :- لا تصيرين سخيفه ما عندي شوارب جاي احفهم كل ما يطلعون _ ههههه لا والله جديات احچي باجر نروح رتبي شعرج و خلي ترتب حواجبج _ الله كريم عود _ من الصبح اجيج مو تگولين _ ماشي اشوف نينه اول مره _ عليه نينه مالج شغل بيه يلا خل ارجع للبيت تأخرت _ الله وياج رجعت البيتهم وصدگ ثاني يوم من الصبح فوگ راسي اخذتني للصالون اللي يرحون اله رتبت شعري مدرج وحفتلي ورجعنا للبيت اباوع الشكلي تغيرت ١٨٠ درجه صرت وحده ثانيه صح ما سويت شي بس حفيت ورتبت شعري بس هواي اختلاف صار بيه ثاني يوم جهزنا نفسنا وطلعنا للسلف طول الوقت بالي مشغول واحس بنفسي متوتره لحد ما وصلنا خلص دمي من گد ما فكرت وانشغل بالي لگينا بنات عمو سند وعمه ابرار و سلمى بنت عمو عاصي وغزال كلهن متجمعات بنفس المكان منتظرتنا من بعد السلام والترحيب گمنا الغرفنا نرتاح ساعه او اكثر واندگ الباب عليه گمت فتحت لگيته هو باوعلي من فوگ ليجوهى وراها أبتسم وگال متين :- نور البيت يابة امامة :- منور بيكم شكراً متين :- شلونج أمامة :- الحمد لله متين :- امي تريد تشوفج _ ليش امك وين _ بغرفتها بس ما تگدر تطلع وتمشي وطلبت من يمي احچي وياج تريد تشوفج طبعاً اذا حابه تشوفيها واذا ما تحبين مو مشكلة _ لا ليش ما عندي شي وياها مهما صار تبقى مرة كبيرة وبنفس الوقت امك واجبي عليه احترمها _ فدوة درت وجهي من عنده رجع گال يلا نروح مشينا عليها للغرفه غزاله يمها اول ما دخلنا صارت عيوني عليها نايمه وصايرة عبالك مثل الطفل حيل ضعفانه ومتغيره حلگها مفتر و إيد من إيديها واگفة وحتى رجليها ما تگدر تمشي عليهن دخلت واني عيوني عليها متفاجأة حالتها صح اعرف بيها انجلطت بس ما توقعت الهذا السوء واصله گعدت يمها ما اعرف شنو احچي بس كلمات بقت تتردد على مسمعي الانسان مهما يطغى ومهما يجور و راح يجي اليوم اللي يتعاقب بيه وياخذ جزاته اذا مو بالدنيا بالاخرة بيبي فريدة جانت شاهد على ظلم فريال جانت ساكته واحتمال قابلة وهيج صارت حالتها لعد فريال شنو راح تكون نهايتها قطع تفكيري صوتها اللي ما مفهوم عبالك صوت إنسان ابكم باوعت الها مقهورة عليها وين جانت وين صارت فعلاً ما دايم غير وجهه الكريم جانت تحاول تحچي وياي بس ما افهم عليها وراها گامت تبچي غزاله مدت إيدها ومسحت دموعها ورجع عمو متين ربت على إيديها وگال متين :- كافي ارتاحي ارتاحي غزاله :- أمامة امي تگول الج هي ندمانه على كل شي صار و تريدج تبرينها الذمه وجاي تتوسلج تديرين بالج على ابو رسل وتتمنى تشوفكم بغرفه وحده گبل لا تموت ما جاوبت ما اعرف احچي بهيج موقف اضيع ويضيع كل رد اخذتني العاطفه على حالتها وبنفس الوقت كسرت خاطري غزاله جانت تمسح بدموع امها وتبچي متين :- يمه كافي تبچين مو زين عليج البچي أمامة ما زعلانه منج ولا ظال بـباله نست كل شي لا تفكرين بالموضوع مو هيج أمامة أمامة :- اي صح لا تفكرين بيبي كل شي نسيت وراحت هذيج الايام صار اشهر طويله عليهن الله يسامج ويسامحني غمضت عيونها وگعت دموعها بدون صوت رجعت غزاله باست إيدها وبچت ما تحملت اشوف المنظر گمت طلعت بوجهي الغرفه نينه حظنتها وبقيت ابچي خطيه تسأل شبيج ومنو وياج ما اجاوب گوه يلا فهمت الموضوع بيومها نمت بغرفه نينه من گد ما انقهرت بقيت بحظن نينه وابچي ثاني يوم صادفت الحنه مال غزال الكل مشغول ويحظر البنات يروح منا ويجن ما بين ما خلصن تنظيف رجعن بدلن ويمكيجن واني حالي من حالهن فتت الغرفتي لبست فستاني وطلعت الكاوية مالت فرح انطنياها اسوي شعري بيها كويت شعري وراها حطيت كحل ومسكارة وشوية مورد وحمرة ما اعرف امكيج هذا الطلع بأيدي لبست حذائي و رشيت عطر وطلعت الشال لازمته بأيدي الدنيا كلها جايه ما باقي احد ما معزوم رحت گعدت على جهه ما اعرف احد ولا احد يعرفني بس منو يدخل يسأل وين خطيبة الشيخ طاش الخبر بكل السلف الشيخ خاطب والرايح والراجع يريد يشوف خطيبته اخر شي غزالة من گد ما يجن يسألنها صاحتني گعدتني يمها التجي تسلم على غزاله تشوفني بطريقها فد مرة ساعة تقريباً ودزوا خبر راح يجون اهل الولد يحنون لبسن حجاباتجن اني الولد غريب وعيب من يمه گمت طلعت من الأستقبال اريد اللبس شي فوگ فستاني بعدني هسه طلعت صار بوجهي إسلام حطيت الشال فوگ راسي والنازل غطيت أيديه بيه

ما رديت بس احس صخنت يعني هسه راح يم الدكتورة واكيد عرف برسالتي صخم الله وجهج أمامه على هذا الموقف اللي حطيتي نفسج بيه بين ما تعشينا وكملنا للساعه بالعشرة يلا رجع اول ما دخل لگاني بس اني وعمو إياد بالصاله سلم وفات للأستقبال دقايق وطلع مبدل ملابسه وگف باب الأسقبال وصاح على عمو إياد راح يمه بالاستقبال واني گمت الغرفتي ما طلعت بعد غير الصبح على صوتهم يسولفون على خطبه غزاله لميت شعري ولبست الحجاب وطلعت صبحت عليهم ورحت للحمام غسلت وبوجهي للطرمه احيت اگعد بيها بس حارة ما تحملت رجعت دخلت گعدت على بايت الدرج وهو مستمرين يحچون بالموضوع اللي فهمته باجر خطبة غزال الواحد من اهل السلف يعرفون وابوه يصير صديق جدو مهران حسب كلامهم خوش ولد وعائلتهم عائله محترمه هم يحچون واني راسي موتني وعيوني تلبگني وبلاعيمي بيها بزه حتى اكل ما اشتهيت للعصر نينه گالت حظري روحج باجر نروح الخطبه غزاله ما جاوبتها مالي خلگ بلاعيمي تأذيتي وجسمي مكسر وبيه بروده لليل وبعد ما گدرت صخنت گمت دخلت الغرفتي وبعد ما طلعت ما اريد احد يعرف وتعالوا حيروا بيه بقيت بالغرفه ومتغطيه ساعه ساعتين ثلاثه بعد ما تحملت جسمي اشتعل نار وعيوني گبت احسهم يطلعون حروره وكل اعضامي توجعني گمت النينه لگيتها نايمه ما هان عليه اگعدها رجعت طلعت ملابس وفتت للحمام اريد الصخونه شويه تخف ماكو انوب گمت ارجف بالزايد طلعت اركض للغرفه مالتي اول ما دخلت للغرفه جريت الغطاء بعدني ما متغطيه وانفتح الباب ودخل جان طالع وشايفني اركض واجى وراي يشوف شبيه دخل وسد الباب وراه تقرب من يمي وسألني متين :- شبيج ليش تركضين أمامة :- باردة متين :- شنو مريضه شو اشوف حچى هيج وحط ايده على گصتي وراها گال متين :- مصخنه فد مرة من شوكت هيج حالتج ليش ما حچيتي أمامة :- باردة بس غطيني دا ارجف جاب البطانيه ولفاني بيها قوي ورجع طلع يدور على شي اشربه دقيقه ورجع جايب بندول انطاني حبايه ومي شربتها بس ما تغير شي وهو ماعندنا علاج غير البندول من شافني ما تحسنت گال گومي نروح للمستشفى ما قبلت اتحرك ميته من البرد والدنيا حارة تكتل بس اني من الصخونه احس بالبرد حاول وياي ما قبلت گام هو راح يجيب علاج الدنيا لليل وماكو صيدليه ولا دكتور مفتح ساعه ورجع گال متين :- ماكو احد مفتح گومي نروح للمستشفى أمامة :- ما اريد متين :- مو على كيفج شو گومي وياي گام للكنتور يدور على شي اللبسه ما يندل ملابسي ويستحي يدور بيه بس فتحه ورجع سده رجع طلع جاب عباية نينه ولگاها معلگه على المحجر لفلي الشال ولبسني العباية وطلعني گوه امشي مو صخونه تگول راح اموت لحد ما وصلنا للمستشفى انطوني ابرة وعلاج ورجعنا بالطريق نمت ما گعدت غير لمن حاول يشيلني مدخل السيارة بداخل البيت فزيت وجاةبته لا اني امشي ما رد عليه بس ساعدني انزل بوجهي للغرفه نمت واني لابسه العباية ما گعدت غير الظهر ما لگيتهم سألت نينه گالت _ راحوا للخطبة ضجت شلون يعوفني واني مريضة بس بنفس الوقت ما يگدر ما يروح هاي اخته وهو الشيخ ما يصير ما يحظر مشيتها حتى عيب گدام الناس وهي خطية تستاهل يوگف الها بهيج يوم هاي المرة من راح مرة وحدة حى وياي بس سألني شلون صرتي وهذا هو بعد لا طلبني ولا حاول يحچي وياي ولا حتى اجى بقى شهرين ما جاينه بهاي الشهرين كل اوضاعي تغيرت طول الوقت افكر بيه ليش هيج تغير عليه وليش ما عدت اهمه مثل قبل يجوز صدگ عنده شي وياه الدكتورة واحتمال راح يتزوجها والهذا السبب جاي يبتعد مني شوكت ما جالي بالبيت ما اطلع وحتى الباب ما افتحه باقيه بس افكر بيه وما عندي شغل وعمل غيره لحد ما خابرت غزاله گالت الخميس الحنه مالتها وتريدنا نجي وحلفت نينه الف امام ونبي تريدنا نحظر نينه گالت العمو إياد نريد نروح للحنه بس حجت اله وراه ساعه اتصل عمو متين عليها تاضي :- هلا يمه هلا بيك الله يساعدك _ الحمد لله بخير _ اي نريد نجي نحظر عرسها خطيه تريدنا وياها _ اي وياي چا شلون اعوفها لوحدها هي هم ضايجه ما طالعه _ يا چا شلون اجيبها غصباً عليها غير هي هم هاوية الجيه _ خوش ينطينك العافيه لاله لاله انه امشي وياها اي حگك حگك يلا يمه عودينه من نروح اخلي إياد يخابرك الله وياك ريتك سالم سدته من يمه واجتني گالت بدلي خلينا نروح نشتري ملابس للعرس عرفته هو طلب منها تاخذني تشتريلي لان الناس كلها راح تجي وبما انو اني مرته لازم اللبس شي يليق بيه أبتسمت مستهزءة مصدگ نفسه وهو حتى شلونج ما يگول عايفني وقف مثل ما گال لا اني للسماء ولا اني للگاع بوقتها اني جنت محتاجه اطلع وابدل وارتب لان من صدگت جنت تعبانه والتفكير موتني اتصلت بفرح تحظر نفسها تروح ويانا بدلنا وطلعنا مرينا على فرح اخذناها ويانا وآراي وعمو أسير بقوا يم عمو إياد مشينا على المحلات القريبه من يمنا وراها رحنا على الكاظميه ما بقينا شارع مافتتا بيه لحد ما كملنا تجهيز ورجعنا اخذت فستان للحنه

حچاها ودخل للصاله سلامه بارد وياي وشكله مزعوج مني بس اني ممسوية شي صح ما جنت اجاوبه والسبب اخجل لان وضعه حالياً يختلف عن وضعه سابقاً قبل ما جانت احس بخجل من احچي وياه هسه لا اخجل ومنحرجه منه وخصوصاً بسبب اخر لقاء صار بيناتنا كملت ترتيب الريوگ وشلت الصينيه ورحت للصاله گعدت بدون صوت تاضي :- هاي جيتك من السفر متين :- اي والله تاضي :- الله يساعدك يمه وينطيك العافيه متين :- الله يسلمج عمه من رخصتج اريد انام شويه تعبان تاضي :- اخذ راحتك يمه البيت بيتك شال تليفونه و جگايرة وراح للأستقبال اول ما راح اجيت اني بصف نينه واجي وياها بصوت ناصي لا يسمعني أمامة :- نينه هو ليش من اجيت گام تاضي :- تعبان يريد يرتاج ياهو مالتج انتِ أمامة :- ما اعرف بس احسه متضايق مني تاضي :- حگه چا شنهي تريدنا يغنيلج شو ضاله ما اريد وما اگدر مل الزلمه من التوسل ما جاوبتها انتطر آراي بين ما خلص اكل شلت الصينيه وغسلت المواعين بقيت افتر بالبيت ما اعرف شبيه متوتره وليش كل شويه عيوني تروح على الأستقبال اخر شي بدون ما احس على نفسي مشيت بهدوء وفتحت باب الأستقبال باوعت من ورى الباب شفته نايم بدون غطا وحاط مخده بين رجليه رجعت للغرفه مالت نينه جبت بطانية واجيت غطيته بهدوء لا يگعد بقيت واگفة واباوع اله صارت عيني على تليفونه يضوي بدون صوت مشيت عليه لگيته مسوي صامت ودكتورة لينا تتصل رفعت حاجبي ما عجبني الموضوع اتصلت اكثر من مرو وراها اجت رسالة بسرعة فتحتها كاتبة لينا :- دكتورنا العزيز الحمد لله على السلامه اذا تگدر تجي عازمينك على العشاء بيتنا مادامك بغداد رفعت راسي من التليفون وباوعت اله نايم بقيت ارجع بالرسائل اللي بينهم ماكو شي مهم بس سلام عادي و شغلات تخص الشغل بس رسالة وحدة من عندها ما اعرف من قريتها حسيت گلبي دگ قوي ليش شنو السبب ما اعرف جانت كاتبة لينا :- هواية مشتاقين دكتور دا احسب الساعات حتى اشوفك وهو راد عليها متين :- تشتاقلج العافية دكتورة اني اكثر والله بلكي هالايام اگدر اجي أمامة :- ما شآء الله اشتياقهم عبر بغداد وصل للعمارة اي عيني تشتاقلكم العافية اثنينكم رجعت كتب الها امامة :- اهلاً دكتورة اي وصلت بس تعبان اشكر حظرتج ما اگدر اجي تعبان ممنون منج كتبت هذا الكلام على اعصابي مجبورة ارد بهذا الأسلوب لأن هو مؤدب ومحترم زيادة عن اللزوم لازم اكتب مثل اسلوبه دزيتها وحذفت رسالتي ورسالتها والمكالمات وطلعت سريع من الأستقبال للعصر يلا گعد ولو ما عمو إياد يفوت عليه ويگعد هم ما يگعد كلش تعبان جان اجى يمنا نينه گامت رادت تحظر الغداء اله ما قبل گال جاي اطلع هو گال اطلع واني متت راح يروح يتعشى يمها بس لا عرف بيه حاذفه الرسائل شگد عيب هسه اني شعليه ليش اخلي نفسي بهذا الموقف شلون ابرر بله فات للحمام يسبح بس تأكدت من عنده دخل ركضت التليفونه اشوفه عرف بيه لو ما عرف دورته ماكو لا مكالمه ولا رساله خليت إيدي على گلبي واگول الحمد لله رجعت قفله وطلعت يم نينه وهو كمل سبح وبدل وطلع تاضي :- رايحه يم ام عمر اشوف عبود أمامة :- شبيه عبودي تاضي :- ماهو طيب صارله جم يوم ما تشوفينها ما جايه أمامة :- من اجيت لليوم مشايفته ولا مره اريد اروح وياج اشوفه تاضي :-لاله ماكو روحه عوفينا الله ساتر علينا رجلج ما يرضا و الوليد خاطب وبس ترحين هسه ويشوفج يرد ينقهر من يذكر شلون خطبج وما رضيتي أمامة :- لعد حتصل على فرح تجي يمي _ بكيفج انه راح اخذ اسير وآراي وياي اخذتهم وراحت واني اتصلت فرح عشر دقايق واجت گعدنا بالطرمه وأحي الها شلون هيج اتصلت الدكتورة و اني جاوبتها وشلون هيج تصرفت ضحكت وگالت فرح :- نگدر نگول مبروك اكو شعور او إحساس جديد بدأ ينزرع بداخلج امامة :- مو هيج بس اني هاي الدكتورة ما احبها لا اكثر ولا اقل فرح :- وليش متحبيها اشو حبابه وحلوة ومرتبه امامة :- اي صح بس ما اعرف ما حبيتها احسها تتموع فرح :- بس مو مثلج ترى انتِ تتموعين اكثر منها حلگج فاهي صيري مره معدله و صوتها عالي والكلمه تطلع درر من حلگها بشرفج صوتج وحچيج مال وحده رجلها شيخ _ هواي داخله بالجو بعد گولي شيخة السلف فد مره _ وليش متصيرين شيخة السلف قابل احسن منج الشيخات _ ههههه عزا لج دا اتخيل شكلي لابسه شيله ودشداشه سوده ام الزخمتين وگاعده بنص الصاله مال بيت جدو وانطي نصائح واحكام _ ههههههه عزا ههههه هاي شنو وشمعنى سودة وام الزخمتين _ مو هناك الكل يلبس ام الزخمتين بس اني لابسه تراك طويل _ ههههه بعد ميصير تلبسين تراك صرتي مرت الشيخ _ ههههه شگد تلحين _ وين تاضي _ اختج الصغيرة تاضي _ احبها اكثر منج _ راحت البيت خاله الهام _ تعاي ندخل جوى ترى حارة هنا گمنا دخلنا بالصاله بين ما اجت نينه راحت فرح يمها و كل شويه شامره كلمه ونينه معاركتها لحد المغرب رجعت البيتهم واني گمت اريد اسوي عشاء دخل عمو إياد جايب عشاء إياد :- لا تسوين جبت وياي أمامة :- عاشت ايدك عمو متين همات يتعشى ويانا آياد :- لا ما يجي معزوم يم جماعته

أمامة :- ما اعرف شنو احچي بصراحه هي غلطت بحق امك المرحومه هواية صح جانت مجبورة على عمايل فريال بس تگدر تحچي وتگول هيج سوت وهيج وتبري ذمتها هي بقت ساكته وما حچت متين :- صار عمر كامل عايش تحت جناحاها ما مرة دريت بيها هيج مسوية بوكت مرضج يلا درت من فضحنها وطلعن الحچي شأسوي فهميني اعوفها واصير نذل وانكر تعبها ورباها الي لو اروح الها وانكر اللي سوته بـ أمي _ ما اعرف _ قبل شوية خابرتني تبچي وتتوسل تريد تشوفني صوت بچيها حرگ روحي ما اگدر اسمعها تبچي _ صح موقفك صعب وصح هي شاركت ويا فريال اذا مو بالعمل بالسكوت مالتها بس ما قصرت بحقك وعوضتك عن خسارتك وانتَ بكيفك بعد ولا تنسى الام مو اللي تخلف الام الي تربي وتتعب وانتَ جاي تگول تعبت عليه وحسبتني ابنها ما جاوبني غمض عيونه بدون ما يرد ما اعرف شنو ارد بس ماكو كلام احچي موقفه صعب ما يگدر يعوفها وهي بهذا الحال تبقى امه ولا يگدر ينسى اللي سمعه وشلون جانت شاهد على عمايل فريال وسكتت صح ما يعرف فريال هي اللي حارگتها بس عرف فريال مسوية سحورة ومأذيتها راسه بحظني ومغمض عيونه بقى مدة على هذا الوضع وراها حسيت عليه نام نزلت راسي اباوع عليه وهاي اول مره اباوعله بنظره غير نظره العم ما اعرف ليش حسيت هيج يمكن لان ركزت بملامحه وبقيت مطوله بنظرتي اله بقيت على هذا الحال لحد ما حسيت على رجلي خدرت جريت مخده خليتها بصفي وشلت راسه من حظني خليته على المخده بسرعه فز وگام من مكانه طلع للصاله طلعت وراه صاح على عمو إياد ورجعوا دخلوا اثنينهم للأستقبال سألتني نينه عليه حچيت الها الموضوع بقت ساكت أمامة :- اشو ساكته تاضي :- ماكو شي احچي بيه من بعد كل العملته تظل الها حگ عليه _ حق شنو نينه ترى هي واختها وصلنا الهذا الحال _ حگ الربى والسهر من ماتت حسنه جان وصيلت لحم ها طوله بگد جف إيدي هي السهرت وهي الرضعت والوكلت والعلمت والكبرت مهما صار ومهما دار تظل تطلبه حگ التعب وانه ادري بيه ما ينكر تعبها ولا ينكر ارباها عبنه معدل _ خطيه شگد صعب موقفه شراح يسوي هسه _ الله اعلم احنا مالنا شغل هو وياها يحلون سالفتهم أمامة يمه خافن يردها للقصر موش تبوزمين بوجهه وتعاندين وياه ترى اللي بيه كافيه _ شنو يعني حترجع للقصر _ چا يعوفون امهم تحت رحمه الوادم وهو شيخ اللزوم يردها تظل تحت عينه ما دامها ماهي طيبه بعدنا گاعدين وطلعوا اثنينهم عمو إياد عيونه حمر وهو حالته ما تتفسر ما اعرف شلون حاله هسه بس موقفه صعب والله يساعده عليه متين :- عمه راجعين للسلف انه وإياد وباجر يرجع الكم إياد عينج عليهم وقفلوا البيبان زين تاضي :- الله وياكم يمه درب السلامه طلعوا شوية ورجع صاح عليه من باب المطبخ گمت طلع اشوفه لگيت بأيده تليفون اول ما اجيته انطانياه متين :- هذا التليفون خليه يمج اذا احتاجيتوا شي لو صار شي لا سامح الله دگيلي أمامة :- تمام متين :- عينج على نينتح واسير وآراي _ ان شآء الله _ مع السلامه _ الله وياك طلعوا راجعين للسلف واني ونينه بقينا بغداد بيومها انقهرت عليه وعلى عمو إياد ما يستاهلون هيج يصير بيهم ويتخلون بهذا الموقف وصعبه عليهم امهم تتمرض وما يرحون الها وگدام الناس لليل واتصل عليه جان الرقم مسجل بـ إسم رقمي الثاني انطيته النينه جاوبته سلم عليها وسألها علينا ورجع نهى الاتصال وياها ثاني يوم نفس الشي من اتصل نينه ترد عليه مر اسبوع محد بيهم راجع الي فهمنا بيبي فريدة مجلوطه وحالتها تعبانه فد نوب وجايبينها يمهم بالقصر بس باقيه مطلگه ممرجعها جدو على ذمته طول هذا الاسبوع ما حچيت وياه جنت اخجل منه والهذا السبب ما ارد عليه بس هو جان باله غير شي والهذا السبب بعد ما اجى علينا ولا حاول يطلب من نينه تنطيني التليفون رجع اجى عمو إياد ورجعنا من جديد بس احنا وفرح تروح وترجع علينا وخاله الهام نفس الشي مر الاسبوع والشهر والشهرين والثلاثه و ماكو جديد بـ أيامنا الهدوء والاستقرار جانو كفيلين يغيرون من شكلي ومن نفسيتي گمت اعتني بنفسي وارتب لأن گاعده وحدي وبدون دراسة وماكو شي يزعجني اخلص وقتي أهتمام بس مرات بالي يروح هناك يمهم بالقلعة واشتاق للأيام اللي عشتها وياهم صح تعبت وتأذيت بس اكو هواية مواقف حلوة بقت بالي خلصت السنه الدراسية وبأشرنا بالعطلة الصيفية والأمور تمام التمام عمو إياد ويانا ما تاركنا واذا يريد يروح للسلف يروح يومين ويرجع اما عن عمو متين ما اجى بعد ولا شفناه بس يتصل على نينه بين يوم ويوم وهسه سمعت بيه مسافر برى البلد عندهم مؤتمر هو ومجموعة دكاترة عراقيين من جميع الاختصاصات بقى عشر أيام برى العراق و رجع بوجهه البغداد وصل الصبح ساعه عشرة تقريباً جنت هسه گاعدة من النوم واگف احظر ريوگ الي والآراي اندگ الباب راح آراي يفتحه ثواني ودخل شايله وصل يمي ونزله ورجع باوعلي أبتسمت صار شگد ما شايفته وهاي المره وضعه احسن من اخر مره شفته بيها اخر مره اجى جان تعبان هسه لا احسن بهواي متين :- صباح الخير أمامة :- صباح النور الحمد لله على السلامه متين :- الله يسلمج

#قلعة_الشيوخ ( قلعة الشيخ مهران) #حلقه_٧٠_ وإني أحبك مقدار كون بما حوى ثم إني أحبك عمراً وما نهاية العمر الإ الفنى گالتلي غمض غمضت گالتلي سولفلي شگلت وعلى الواهس أنه انطيتها ما تدري لمن غمضت بس هي التمنيتها ............................................ أمامة :- ما ناوية شي والله بس شوية ابتعد دا ضايقني متين :- ليش دا اضايقج قابل انه انه مزعج أمامة :- لا مو هيج بس اختنگت _ شميني هسه تروح الخنگه _ شبيك عمو متين :- من عمه بعينج لا لا أسم الله عليهن الحلوات حصرتني البچيه شبيه هذا ناصب عليه يمكن واحس بوخت من الخجل رجع گال متين :- شوفي نتفق أتفاق واذا وافقتي عليه ما راح اخليج توگفين هاي الوگفه بعد واذا خالفتي لا احتمال تطول وگفتنا ويجوز تتطور اكثر رفعت إيدي على گصي امسح بيه احسها عرگت وكل جسمي يرجف من الموقف اللي اني بيه رجعت سألته واني دم ما باقيه بيه أمامة :- شنو متين :- ماكو عمو بعد واذا سمعت كلمه عمو من هذا الحلگ الحلو نخرب ما جاوبته رجع هو گال متين :- ها شگلتي أمامة :- موافقه _ عفيه بالحبابه هسه انه منو _ ها _ انه انه منو _ ابو رسل ضحك بصوت عالي ورجع ابتعد مني گعدت بالگاع رجليه ما تعيني بعد رجع هو گعد گبالي وگال متين :- يلا ابو رسل اهون من غيرها أمامة :- عفيه بس اريد اطلع متين :- ههههه ما تطلعين لازمج شنو بس گال هيج گمت من مكاني اركض الغرفتي دخلت وسديت الباب گلبي يدگ سريع وارجف خجل على خوف على توتر اجيت وگفت مقابيل المراية اباوع لـعيوني صح بيهن كحل بس حيل خفيف بدلت فستاني و اريد اطلع اغسل وجهي بس ما اگدر خاف اطلع واشوفه بقيت بالغرفه حابسه نفسي حتى عمو إياد من جاب عشاء وگعدوا يتعشون ما طلعت نينه سوتلي لفه ودزتها بأيد اراي ورى العشاء بساعه اجى آراي بأيده علاگه انطانياها گال من عمو دزاها الج ويگول خلِ تطلع تصلي اخذتها من عنده جايب استون و حلويات واكثر شي كاكو بيها طلعت كاكو واكلت احس سكري هابط زياده اليوم مسحت الصبغ من أضافري ورجعت دزيت آراي يشوفه وين راح آراي ورجع گال ماكو بالصاله گاعد بالاستقبال طلعت بسرعه للحمام غسلت وتوضيت ورجعت للغرفه صليت وفرشت الآراي ونمت بصفه الصبح من گعدت لگيته طالع وبس عمو إياد موجود صبحت عليه وبقيت اشتغل بالبيت اريد اخلص قبل لا يرجع خجلان من عنده ما اريد اشوفه واگفة اغسل بالطرمه وفتح الباب ودخل تفاجأت لا هاي شنو منين جاب المفتاح شگول عليج نينه اكيد هاي سوالفج تقرب من عندي بدون ما يحچي وياي اخذ الصونده من إيدي وخلاها على راسه نگع راسه وغسل وجهه وحتى ما نشف بقى ينگط مي ودخل للبيت شكله بيه شي يمكن ضغطه صاعد بقيت واگفه واباوع عليه وراها سمعت عمو إياد يگول _ يمعود وجهك ورم راح تنجلط شني السالفه ويرجع هو يجاوب ماكو شي سديت البوري ورحت دخلت شفته دخل للأستقبال وسد الباب وراه تاضي :- روح ليه يمه لا تخلي اخيك لوحده أياد :- ما دام گال ما بيه شي معناها ما راح يحچي حرت اعوفه وحده لو اروح ادخل يمه وسأله اخر شي گلت لا ما اروح خلِ اعوفه يرتاح خاف احرجه اذا رحت رجعت للطرمه مسحتها و فتت دخلت يم نينه واگفة تسوي عصير نومي بصرة اله بين ما كملته انطتيناه اخذه اله ما قبلت اروح بس رزلتتي وجبرتني اروح اخذت الگلاص منها ودخلت عليه لگيته شاد راسه بالشماغ مالته وحاط المخده وراه ظهره وساند راسه على الحايط ومدد رجليه بس شافني فتت فتح عيونه ورجع غمض أمامة :- عمو حچيتها وسكتت اتذكرت الاتفاق هو باوعلي ورجع غمض ما علق على الموضوع أمامة :- هذا العصير نينه سوته الك ما جاوبني ولا اخذه مني خليته بالگاع وگعدت قريب منه شبيه شنو صاير وياه رجعت حجيت بهدوء أمامة :- شنو صار شبيك متين :- رأسي يوجعني أمامة :- ليش هيج شصار _ ما صار بقيت گاعدة شوية وهو مغمض وباله مو يمي گمت وگفت اريد اطلع صاح عليه _ آمامتي وگفت اشوفه شيريد رحع گال متين :- تعالي حچى هيج وفتح إيديه عيوني طلعت من مكاني من الصدمه شيريد لا وفاتح إيديه هم بقيت واگفة بمكاني ما تحركت رجع سوالي بأيده تعالي نفس الحركه اللي يسونها للطفل من يردون يحظنوا أمامة :- وين اجي متين :- راسي موتني ابقي يمي بس انام سكتت ما رديت اجيت گعدت ما اعرف شلون فر نفسه وخلى راسه بحظني بقيت جامدة واحس جسمي تشنج شال إيدي وخلاها على راسه وگال متين :- عمري كله حاسبها أمي لليوم ما حطيت عيني بعينها احبها حتى اكثر من روحي وهي هم تحبني وكبرتني وربتني حالي من حال إياد وغزاله ما فرقتني عليهم وحتى جانت تعزني اكثر منهم تالي بين ليلة وضحها تطلع مسوية الامي سحورة تطلع هي جزء من موتت امي تطلع جزء من عذابي صح مو هي بس جانت مشاركة بسحورة فريال ورجعت شاركة بسحورة إبتهال وتوحيد الخاطر يضرنج يعني ضرتني مرتين مرة بأمي ومرة بيج متين :- خابرتني تبچي وتتوسل بس تريد احچي وياها واسامحها وغزاله خابرت گالت متخربطه ونايمه بالمستشفى أمامة شنو اسوية حاير شلون اعوفها بالمستشفى بايد العالم الغريبة ما اگدر گلبي ما ينطيني

حچى هيج وجر گلاص من وراي وراح بس طلع من المطبخ احس روحي طلعت هسه يلا جريت نفس فتحت البوري احس صخنت غسلت وجهي بعدني اغسل رجع دخل سديت البوري ومشيت لزمني من إيدي ومشى بيه للأستقبال ردت احچي سد حلگي بالايد الثانية دخلني وسد الباب ثبتني على الحايط وساد حلگي بأيده والايده الثانية مثبتها على الحايط منزل راسه عليه ويحچي متين :- شوفي ولج عقل ما باقي براسي ليش ما تصيرين ادمية منين متعلمه هالسوالف تلعبين بعصابي شنو اريد احچي ما اگدر ساد حلگي بس عيوني تتحرك رجع گال متين :- انه مو عمج انه رجلج وانتِ مرتي عجبج ما عجبج انه رجلج عجبج ما عحبج انتِ مرتي لو سمعتج گلتي عمو ما تلومين اله روحي وخر إيده من حلگي ورجع گال متين :- السوادين وطلعناها والسحورة وخرناها سالفه الاوي والاي بطليهن ترى هذني يجبرني على شي ما رايد اسوي صير حبابه احسلج أمامة :- هاي شبيك شنو هالتصرفات متين :- مستخف عندج اعتراض ما جاوبته شجاوب وهو هيج يحچي على نفسه نزلت راسي من يمه رجع گال متين :- امامتي الحلوة ام عيون حلوة من حطيتي كحل ما فكرتي بحال المسكين الواگف گبالج أمامة :- مسحتها والله _ هاي عيونج متروسه وفوگاها صايرة كل عين ها گبرها مو حرام عليج البيه كافيني رفعت إيدي اريد امسح عيوني رجع جر إيد باوع الها وأبتسم وباسها ويگول متين :- فستان ضيگ كحل بالعيون وايدين ورجلين يلمعن ومصبغات أسود اي يحلوة احچي شناوية يتبع.....

گمت للميز اخذ لون أسود وصبغت اضافر رجليه واضافر إيديه باوعت الهم وأبتسمت إيدي احلى من ايدها وحتى ابيض منها قابل بس الدكتورات ايديهن حلوات كل البنات ايديهن حلوة بس محد معتنيه بيهن فرح :- أمامة شرأيج بهذا الفستان اللبسه ورى ما تخلص الحفله أمامة :- بس اسود هذا _ عادي اللبس وياه طوگ واكسسوارات وحذاء جوزي _ كيفج بعد شوكت اشتريتيه _ صار عشر أيام اخذته وابد ما لبسته ضميته بالكنتور ع اساس اللبسه بالحنه مالت البنيه بس بعد ميرحون للبنية _ شو لبسي دا تشوف شلون يطلع عليج گامت تلبس بيه واني وگفت على المراية شلت الفرشه مال المكياج وبقيت امسح على وجهي بيها شوية شوية اخذني الواهس حطيت كحل وحمره گلت من اروح امسحهن فرح :- ضيگ ما اگدر اخذ راحتي بيه أمامة :- بالعكس يجنن _ لا من الزند مالتي ضيگ ما اگدر ارفع ايديه _ ضعفي فرح صايرة بس زنود وافخاذ _ ههههه ولج والله مدا اكل بس ليش جاي اتمدد ما اعرف _ هههه من الدجاج ، يلا نرجع للبيت هسه نينه تبقى تحچي عليه _ هاج اخذيه بعد الولد ميرجعه صار عشر ايام من اخذته _ شسوي بيه قابل عندنا عرس _ لبسي بمهر عمج هههههه _ مضحك _ هههههه شو جنج ضايجه _ على شنو ضايجه يلا ستعجلي _ ههههه والنبي ضايجه اعترفي عمري اعترفي _ لا تصيرين سخيفه مفهوم _ هههههه هاج الفستان حرامات يبقى بالكنتور وتشوفه امي وتشبعني رزايل _ تعرفين ما اخذ شي من احد _ ليش اني احد أمامة هيج صارت _ لا مو قصدي بس ما اخذ شي من اي شخص تعرفين بيه _ اشتريه عود _ بيش اخذتيه انتِ _ بـ 25 الف _ يلا راح انطيج عشرة عود _ ههههه لج مو هيج گالوها _ موزين حصلتي عشرة احسن من الماكو شالت الفستان ضمته بالعلاگه و اني اخذت كلينس مسحت وجهي وعيوني جاي نطلع من الغرفه واجت امها گالت عمج بالباب يريدج أمامة :- شوفي فرح اجوا وهسه يبقون يحجون عليه فرح :- لا ميحجون والله اني احچي وياه عمج إياد ام فرح :- لا هذا الشيخ جاي مو إياد فرح :- أمامة فرصة سعيدة تعرفت عليج أمامة :- هههه شوف النذله شلون باعتني ام فرح :- يلا يوم واگف بالباب عيب دا ينتظر لبست شالي ولزمت الفستان وطلعت لگيته بالباب فرح ودعتني من الباب ورجعت دخلت بدون ميباوعلي مشى گدامي بس مشينا من الباب رجع باوعلي من فوگ ليجوى رفع حاجبه ما عجبه الموضوع وراها گال متين :- شلون ترحين البيتهم أمامة :- ما عندهم احد وفرح صديقتي من زمان واهلها حبابين وهي يومية تجي علينا عادي اذا اروح الهم متين :- وهيج تطلعين بلا جواريب واضافرج مصبغه والرجلين تلمع والعيون متروسه كحل ما رديت بقيت ساكته واصلاً نسيت امسح الصبغ واني اصلي وحتى استون ما عندي والكحل مسحته وين شافه حكيت عيوني بالكلينس حك شلون عرف ما ادري بقينا ساكتيت لحد وصلنا للبيت اول ما دخلنا گال متين :- راح اروح عشر دقايق وارجع ما اوصيج هالمره طلعي بلا حجاب ما ةاوبته دخلت يم نينه اول ما شافتني گالت تاضي :- مو كتلج لا تتأخرين أمامة :- مصار ساعه من رحت تاضي :- هسه زين من سأل عليج وما لگاج _ هسه وين رايحه قابل هم بعد خوطتين _ وين راح _ ما اعرف نينه شوفي هذا الفستان اشتريته من فرح _ فستانيش _ هذا شوفي مشتريته للحفله وطلع ضيگ عليها _ بالعافيه بس شتسوين بيه _ راح ابدل بيه عصرية _ بلا بليسي خلني اشوفه دخلت للغرفه لبسته شلون حلو عليه ومرتب وطويل صار فيت عليه كلش حبيته رفعت شعري ليفوگ وطلعت النينه اشوفها تاضي :- يخبل أمامة :- هو اني اخبل تاضي :- اي والله تخبلين يريت ربي يخلي حظج مثل شكلج _ ما اظن _ گولي يا الله _ عادي ابقى لابسته لو ميصير لان اعمامي هنا _ ما بيه شي مستور ضلي لابسته بقيت لابسته وگاعده ربع ساعه واجى عمو متين اول ما دخل گمت اني من المكان وطلعت للمطبخ ماكو شي اسويه بس ما اگدر ابقى ويا بنفس المكان اخجل واتوتر بس دخلت للمطبخ اجى دخل وراي وگال متين :- ردتي تحچين شي البارحه أمامة :- اي متين :- شنو ردتي محتاجه شي أمامة :- بس اريد اسألك على مود الطلاگ مالتنا مو حتزوج بعد شكو رابطني وياك بسرعه تقدم عليه ارتبكت رجعت ليورى صار الكاونتر وراي رجع هو تقدم اكثر ونزل راسه ويحچي وياي هنا انخرطت مني العافيه من قربه متين :- منو گال ما مطلگج انه رفعت راسي اريد اجاوب ما اگدر متت بدمي عيونه بعيوني ونزل راسه عليه ويحچي متين :- شعندج مصبغه اضافرج شنو گطعتي الصلاة وانه ما ادري أمامة :- لا ما گاطعتها بس صبغت من فرح ونسيت امسحه وما عندي استون گلت من يأذن امسح بالنفط متين :- أمامة ما جاوبته نزلت راسي دمي نشف يربي دخيلك شبيه ارجف رجع گال متين :- أمامة أمامة :- ها عمو اخذ نفس طويل ورجع گال متين :- وعمى اللي يعميج

رفعت راسي باوعتله متفاجأة و رجعت سألته بستغراب أمامة :- يزوج ؟ أسير :- اي _ منو العروس _ هاي ام شعر اللي تغدت عندنا ما رديت شي بس وحتى الاكل ما كملته ضليت گاعده وافكر اذا يريد يزوج شكو عايفني على ذمته وضيع الي سنه دراسية شنو ذنبي هيج يصير بيه واني عود ممأذيته ليش هيج يأذيني انتظرت عمو اسير خلص اكل وگمت غسلت الماعون والگلاصات بعدني واگفه على السنك وفات من يمي بأيده سويجه يريد يطلع طلعت وراه وصحته وگف واندار يباوع الي أمامة :- اريد احچي وياك شوية متين :- مستعجل اريد اطلع محتاجه شي أمامة :- لا ما محتاجه روح بعدين نحچي عافني وراح بقيت واگفه بمكاني ليش هيج تغير عليه هو مو گال لا تحبيني بس ابقى نفس ما اني وما اتغير ولا أأذيج ساعه وعمو إياد راح جاب عشاء من برى وتعشوا هو ونينه عمو اسير وآراي اني ما اكلت و عمو متين مموجود بقيت انتظر انتظر ماكو ما رجع اخر شي نمت ومن گعدت ما لگيته سألت نينه عليه گالت طلع من الصبح عنده شغل وي الدكاترة اللي عزمهم بقيت اشتغل بالبيت و وسبحت آراي وسبحت رجعنا تغدينا وهو ماكو وراه الغدى اجت فرح طبعاً من اجيت البغداد لليوم هي يومية تجي يمي وبالايام اللي تمرضت بيها ما تركتني ابد بحيث تروح من يمنه بـ 11 بالليل لحد ما انام يلا تخابر على اهلها يجون ياخذونها فرح :- شلونج اليوم أمامة :- زينه ليش صار يومين ما اجيتي انتظرتج ماكو فرح :- طلعت وي أهلي سفرة للزوراء أمامة :- لعد ليش ما گلتي اروح وياج مختنگه فرح :- ما عبالي ترحين عادي الجمعه راح نروح مره ثانية روحي ويانا _ عمو متين هنا اخاف ميقبل _ شوكت اجى _ اول البارحه _ هم حجيتوا _ لا بس سلام هو اصلاً يراح يزوج بعد شكو نحچي _ عزااا لا أمامة شلون هيج _ شكو _ فكري عدل أمامة اذا تزوج بعد تنسينه طول العمر يعني يسحب نفسه منكم انتِ واخوج وعمج ونينتج وهيج تبقون محد الكم _ لعد يبقى بدون زواج الخاطرنا بعدين شعليه الزواج بينا اكيد ما يعوفنا وتبقى عينه علينا _ لا غلطانه شوفي لو متزوج قبل لا اهل القصر يعرفون بيه يريدج هنا اگول الج عادي يبقى يروح ويرجع عليكم وباله يظل يمكم بس من بعد ما اعترف وعقد عليج اكيد زوجته راح يصير عندها علم باللي صار بيناتكم الحياية مراح يضمن عليها هيج موضوع وهنا هي متقبل على روحاته ورجعاته وراح تصير مشاكل بينها وبينا واكيد هو ما مستعد يخرب بيته الخاطر حظرتج _ شوف الخيال وين راح _ والنبي دا احچي جد مره وحده خليج جديه وفكري عدل أمامة هو صح جبير بس ترى مو هذاك الكبر بالهواية فرق بينكم 15 سنه يعني كلش عادي واذا على نظرتج اله كـ عم انتِ تگدرين تغيرين هاي النظره وتطلعين من هاي الدائرة وتباوعين عليه من زاوية ثانية _ صعبه فرح صعبه والله ما اگدر مو شي سهل اللي ما عاش احساس راح يگول مثلج بس والله صعبه اني جنت اشوفه شي ثانية مكانته بگلبي تختلف عن مكانتي بگلبه هذا الشي ما اگدر اتقبله _ وتالي زين اذا تزوج راح تبقين على ذمته شنو _ اكيد لا هو اصلاً من البارحه اريد احچي وياه بهذا الموضوع بس ما جاي يتواجد بالبيت _ زين شفتي العروسه بصراحه يستاهل ست البنات انسان راقي وكامل والكمال لله _ لا ما شفتها بس اتوقع هاي دكتورة وياه اذا هي نفسها معناها شايفتها _ حلوة _ اي حلوة وحيل مرتبه _ على طاري الترتيب شوكت تترتبين وتلمين هاي الكفشه _ مالي خلگ _ شوكت يرجعون اعمامج _ ما اعرف _ ترحين وياية للبيت تشوفين شنو اشتريت ملابس الحفله زواج ابن عمي _ خاف نينه متقبل _ اني احچي وياها گمنا النينه لگينها گاعده تخيط بالمكناسة تلف وصله الايد مالتها حتى لا تنفتح نصين فرح :- تاضي الحلوة اللي احبها واموت عليها تاضي :- شعندجن من مصيبه گولن بلاية عيارة فرح :- ههههه شوف شلون تفهمينا شگد احبج _ شتريدين ولج _ اشتريت ملابس جديدة و شغلات مال بنات واريد أمامة تروح وياية دا انشوف شلون نرتب للحفله _ لاله يمه اعمامها ما يرضون _ هياته بيتنا شدعوه عاد مو هاي اني يوميه يمكم _ اخافن يزعلون _ لا ميزعلون اصلاً هذا إياد كيوت ويحبني _ لا يمه لا تگولين عليه كتكوت زحمه زلمه شگده وشكبرة تگولين عنه كتكوت أمامة :- هههههه نينه كيوت مو كتكوت فرح :- ههههه طارت الهيبه وربي أمامة :- نينه خلِ اروح والله ضايجه وهياته بيتهم مو بعيد ساعه ونرجع تاضي :- ساعه وردي گبل لا يردون _ ماشي ما اتأخر وداعتج رحت للغرفه لبست العباية الاسلامية مالتي وحتى السحاب ما سديته لان قريبين علينا شمرت الشال شلون مكان ولبست نعالي وطلعنا البيتهم طلعت ملابسها تقيس بيهم ونختار ونسق بيناتهم حتى الاكسسوارات اختارينا ويا الملابس گاعدة على جربايتها وهي تلبس وتنزع درت وجهي للميز شفت صبغ اضافر اكثر من لون اتذكرت الدكتورة شلون معتنيه بـ إديها ومصبغه اضافرها صار عندي فضول اشوف إيديه شلون تصير بالصبغ

بس حس عليه دار انطيته الجاي ورجعت دخلت للصاله گعدت بصف نينه بدون كلام خمس دقايق واجى دخل مشغول بالتليفون ويكتب بيه ما اعرف ليش ركزت وياه يمكن لان ما شارك بالكلام ولا حچى ويانا وكل تركزه جان بالتليفون لحد ما تعب وگام مستأذن دخل للأستقبال ينام وعمو إياد گام وراه واني ونينه كل وحده فاتت بغرفتها تنام ثاني يوم الصبح گعدتني نينه وتگول تاضي :- أمامة أمامة يلا يمه گومي راح تجي الوادم خلينا نكف شغلنا أمامة :- منو اللي يجي تاضي :- ربع متين جاين لينه _ شيسون جاين _ عندهم شغل يگول وراح يمرون يتغدون هنا گومي بساع گمت من فراشي مكسرة غسلت وشلت شعري ورحت للمطبخ حميت الجاي محد موجود بالبيت بس اني ونينه هم اثنينهم طالعين ربع ساعه وانفتح الباب ودخل بأيده مسواگ عافه على الكاونتر و گال _ وين عمتي _ جوى عافني وفات النينه شويه ورجع اجى هو وياها هو طلع وهي بقت تفتح بالعلاليگ وتگول تاضي :- جيبي المواعين الكبارة للتمن وطلعي هذا الطرشي بالكاسات الصغار وحظري صحون للفواكه يلا الوادم على جيه سويت مثل ما طلبت مني وهي طابخه تمن احمر والسمج دازه للفرن يشويه و اجوا الناس فاتوا للأستقبال حظرت الهم مي اجى عمو إياد اخذه من يمي ورجعت ارتب بالمواعين شوية وشفت بنيه تصير اصغر منه ما لابسه حجاب شعرها تمري لحد كتفها مفتوح ولابسه قاط رسمي طلعت من الأستقبال وعمو وياها اجت علينا للمطبخ لينا :- مرحبا تاضي :- هلا وكل الهلا يا مرحبا لينا :- شلونج خاله إن شآء الله بخير تاضي :- الخير يصيبج يبعد گلبي الحمد لله متين :- دكتورة لينا حبت تسلم عليج تاضي :- هلا بيها تفضلي يمه تفضلي غاد للهول دخلت الدكتورة ونينه وراها ، وعمو متين رجع للأستقبال رحت وراهن اباوع عليها اية من الحسن والجمال والنزاكه انوب بيضة ثلج وايديها تجنن ناعمه وحتى اظافرها حلوة ومصبغات بصبغ ماروني لابسه سنسله ام القلب وداير مدايرها شذر ازرگ مابيها شي يتعيب ثقافة احترام جمال ترتيب رفعت راسها باوعت الي وأبتسمت لينا :- منو هالحلوة تاضي :- هاي أمامة بنية اوليدي المرحوم لينا :- اهلاً وسهلاً أمامة :- اهلاً بيج لينا :- تعرفين خاله دكتور متين يحچي الي عنج دائماً وشگد جنت متمنيه اشوفج واتعرف عليه تاضي :- يحفظج الله يمه شنهي انتِ وياه متين بالمستشفى لينا :- لا اني هنا بغداد مو بميسان بس اعرفه من زمان من ايام التطبيق تاضي :- خير إن شآء الله اجى عمو اياد وگف بــباب المطبخ وصاح عليه جايب السمج رحت عليه اخذته من عنده ما اعرف شلون ارتب الموضوع ونينه يم البنيه بالصاله دخل عمو متين لگاني صافنه متين :- صبيتي أمامة :- ما اعرف شلون تردون التريب ونينه يم هاي جوى متين :- هاي منو _ هاي ما ادري شنو اسمها _ هاا دكتورة لينا قصدج ما جاوبته درت وجهي وهو دخل على نينه يصيحها سمعته يگول عمه نحتاج مساعدة بنت أبنج راح تخرب السمج تلاحگينا وراها اجاني صوت ضحكة الدكتورة بوقتها ضجت ضوجه متت شنو تضحك عليه احسن مني وتضحك عليه لا وهو فوگاها يحچي عليه گدامي شبيه ما اعرف شو اعرف احسن منها والله اجت نينه اخذت السمج و بقت تفتح بيه وتصب تمن وتخلي فوگاه السمج ولينا واگفه وياها تحظر بالكاسات مال الطرشي والروبه تخليهم بالصينيه اني من شفتها هيج تسوي رجعت وگفت على جهه و اباوع عليها اخذ الصينيه منها عمو إياد وراح للأستقبال وعمو متين باوع الي وگال متين :- وين اللبن أمامة :- ما ادري رفعت راسها تخلي گذلتها وراه اذنها وتگول لينا :- هياته اللبن على الكاونتر شالته انطته اله اخذه وراح خلصوا نقل المواعين ورجع اجى عليها يريدها تروح تتغدى يمهم رجعت گالت لا راح اتغدى بم خاله ام أسير ما تحملت اصبر احسها تتموع واني هيج شخصيات تنرفزني عفتهم ودخل للغرفه مالتنا صبت نينه الغدى بالصاله وگعدن سوى اجت صاحتني طلعت گعدت بعيد عن السفرة واباوع الها لينا :- تعالي حبيبتي تغدي أمامة :- بالعافية لينا :- شنو اي صف انتِ أمامة :- بالاعدادية وحالياً تاركه هاي السنه _ لا حرامات هيج تروح من عمرج سنه ليش تركتي _ ظروف _ السنه التجي شدي حيلج ورجعي تاضي :- اگلج خاله انتِ متزوجه يو لا لينا :- لا ممتزوجه ادور على ابن الحلال هههه تاضي :- الله يرزقج بـ ابن الحلال ان شآء الله لينا :- فدوة العينج خاله تسلمين عفتهن وگمت للمطبخ حظرت الجاي بين ما خلصوا غدى هي راحت يمهم واني صبيت الجاي ودزيته بأيد عمو إياد وانشغلت اغسل بالمواعين بين ما خلصت غسل راحوا و عمو متين راح وياهم رجعت اني لميت البيت والاستقبال وسبحت ودخلت الغرفتي للمغرب يلا طلعت لگيتهم گاعدين وعمو متين جان يحچي ويا نينه بس شافوني طلعت سكتوا ورجعت نينه گالت تاضي :- ما تتغدين شنهي صايمة الليلة أمامة :- ما اشتهي تاضي :- عندج علاج عزلت الج تمن وسمج روحي اكلي شوي رحت للمطبخ عفت الاكل اللي ضامته نينه الي وطلعت بتنجانه گليتها وسويت وياها جاي وگعدت وحدي بالمطبخ اكل اجى عمو اسير ياكل وياي ويگول أسير :- متين راح يعرس

_ الله يسلمج ، عمه إياد راح يرجعكم البيتكم ما ادري بيه جايبكم وياه _ يا عليش يردنا _ بيتكم احسن الكم خليكم بعيدين عن القلعة الخاطر راحتكم _ ونظل لوحدنا _ لا إياد يمكم شلون اعوفكم وحدكم _ اللي يريحك يمه _ ما يريحني غير راحتكم عمه ما اگدر اجي واحچي وياج تعبان فد نوب و على مود موضوع امامة گولي الها لا تبقى تفكر بيه بس افتح إيدي اجي عليكم واطلگها _ اسم الله الرحمن شنهي هذا الحچي لاله ما ارضى بيه انه _ هذا الصح قابل تبقى طول العمر هيج _ هسه انتَ ماهو طيب عود من ترتاح تعال لينه والله كريم _ الله كريم عينج عليهم وعلى أسير وإياد يمكم شنو تردون گولي اله _ ريتكم سالمين غانمين يعلي شانكم يكفيكم الشر _ الله يحفظج انطيني إياد رجعت انطت التليفون العمو إياد وباوعت عليه وتحسرت درت وجهي ما رديت وعمو إياد بقى يحچي وياه ورجع يجاوب - - صار صار الله كريم هذا هو فهمت فهمت لحد ما نهى الاتصال إيهاب گال اله إيهاب :- راح ترجع شني رجع عمو إياد جاوبه بس شنو روحه طالعه ومتضايق حيل إياد :- اي إيهاب :- ليش أياد :- امامة ما تريد الشيخ مو تدري هو مو گد المقام وما يعجبها الهذا السبب راح ترجع البغداد إيهاب سكت ما رد و نينه باوعت الي ما قابله واني متت بدمي وباقيه ساكته ما ارد مثل بلاع الموس لا اگدر احچي ولا اگدر اسكت لحد ما رجعنا للبيت محد بينا يحچي بس عمو إياد كل شوية و غالط على احد يا سيارة فايته من يمه غالط على اللي بيها لحد ما وصلنا فرغ اعصابه كلها بالعالم بس وصلنا للبيت دخلت للغرفه مالتنا و حطيت الي مخده ونمت من القهر بعد ما اگدر ابچي واحچي هذا حدي اللي عشته واللي شفته كافي عليه حتى ما گمت اگدر اعبر عن حزني كل شي بيه تعب خلص الايام هذا واليوم الثاني والثالث لحد ما مرت عشر أيام والوضع بيتنا هدوء ماكو اي مشاكل ولا اي قهر عمو اياد يمنا راح مرتين ورجع عمو متين يوميه يتصل بنينه من عمو إياد يسأل ويطمأن وحسب ما سمعت من عمو إياد حالته زينه وما متأذي هواي بس إيده و ضربه جوى عينه اسبوعين تقريباً اني ما شايفته ولا حاجيه وياه واليوم يلا اجى جان وقت ظهر عمو إياد طالع بيومها من الصبح ونينه وعمو اسير نايمين وآراي يلعب بـ اللعابه بالغرفه يمي سمعت الباب اندگ لبست حجابي وگمت افتحه عبالي عمو إياد اجى بس طلع هو بس شفته اتمنيت ما شايفته شصاير بحاله واحد ثاني مو هو ابد كل شي بيه متغير وضعفان وحتى مسمر من شفته ارتبكت وهو باوع الي ونزل راسه مني بسرعه ورجع گال متين :- شلونج أمامة :- الحمد لله انتَ شلونك الحمد لله على سلامتك _ الله يسلمج _ شلون صرت _ الحمد لله حچى هيج وتعداني وفات بايده مسواگ خلاها بالمطبخ نزع حذائه وفات للصاله ماكو احد بيها جر المخده طبگها وگعد عليها رحت جبت مي واجيت خليته مقابيله متين :- وين عمتي وأسير وآراي أمامة :- نينه وعمو أسير نايمين وآراي ديلعب بالغرفه ما جاوبني طلع موبايله وبقى يتصفح بيه رجعت اني حچيت وياه أمامة :- متغدي بدون ما يرفع راسه عليه جاوبني _ اي رجعت للمطبخ فتحت المسواك ما عايف شي ما جايبه واصلاً احنا ما محتاجين شي عمو إياد ممقصر ابد حتى الحلويات يوميه يجيبلي ويگولي اكلي منهم على مود سكرج بقيت ارتب بالمسواگ وجهي على الثلاجه وظهري على الباب خلصت ترتيب وگمت اول ما درت لگيته واگف باب الصاله ويباوع الي بس شافني بسرعه دار وجهه واجى يم الطباخ طلع الجداحه من جيبه وشغله بقى يفتح بالكاونتر ويسد ما ادري على شنو يدور سألته أمامة :- على شنو تدور محتاج شي متين :- وين القوري أمامة :- تريد جاي متين :- اي _ هسه اني اسويلك _ شكراً اني اسوي بس انطيني القوري اجيت طلعت القوري انطيته اله اخذه من يمي بدون ما يباوع الي فور جاي ورجع طلع للشارع فار الجاي وطفيته وهو ماكو رجعت طلعت وفتحت الباب اريد اشوفه وين راح لگيته فاتح بنيد السيارة وما اعرف شيسوي بيها بس شافني رفع حاجبه مستغرب طلعتي و اشرلي براسه بدون ما يحچي بمعنى شكو أمامة :- الجاي كمل متين :- طبي جوى فشلني بسرعه دخلت بوجهي الغرفة نينه گعدتها انطيتها خبر بجيته وراها رحت الغرفتي بعد ما طلعت منها لليل واسمعهم يحچون وصوت عمو إياد يتعارك ويا عمو أسير ما اعرف على شنو بقيت بمكاني و استحي من عنده اگوم اگعد يمهم وبنفس الوقت استحي من عنده ابقى گاعدة وحدي وما اروح يمهم اخر شي لبست حچابي وگمت طلعت بوجهي للمطبخ اريد احظر العشاء نينه گامت وياه حظرنا العشاء وجبناه بالصاله تعشينا وكملنا بدون اي صوت ومحد بينا فتح موضوع لميت السفرة ورحت سويت جاي بين ما يخدر الجاي وگفت اغسل مواعين فات هو من يمي التليفون على إذانه ويحچي بيه خلصت غسل واخذت الجاي وهو بعده بالطرمه يخابر صبيت اله بگلاص واخذته اله ورحت لگيته واگف بالحديقه ايد حاطها بجيبه والايد الثانية لازم بيها التليفون على إذانه اسمعه يگول متين :- يلا ماشي ماشي انه اتصرف _ اي هذا هو ادللي من عيوني _ هو انه بغداد باجر عود نقرر من نتشاوف

#قلعة_الشيوخ (قلعة الشيخ مهران) #حلقه_٦٩_ لشوكت ما نعترف لمن نحب الواحد وعيونه شگد سولفن بس الگلوب تعاند گلبي انه رابي على التعب بس گلبك انتَ البارد ............................................ امامة :- عمو إياد طلع يركض ونينه تركض وراه وتدعي بالصحه والسلامه عمو أسير سمع صوت نينه وعمو إياد تخبل علينا بالزايد نريد نسكته ماكو يبچي بصوت عالي ويضرب بنفسه قوي خايف جسمي يرجف اعصابي ترجف البيت انخبص ما نعرف شنو صاير بيه وشنو حالته خاله الهام اجت يمنا تحچي وي نينه وتهدي بيها ويرجعن يدعن اثنينهن اني ما نطقت ولا گدرت اعبر عم اللي بداخلي شعور صعب مستحيل يصير بيه شي واسامح نفسي اني السبب اليوم من اجى أذيته بالكلام وما تحمل يسمع اكثر وطلع مستعجل لا اكو تليفون ونتصل ونشوف حالته ولا نگدر نبقى ننتظر بدون ما نطمأن عليه نينه كل شويه تطلع الباب الشارع تباوع وترجع تدخل وتصيح احظر يبو الحسن احظر يا حاضر الشدادات صارت بــ 2 بالليل واحنا بعدنا ما نعرف شي عنه ولا حافظين رقم احد بيهم حتى نتصل عليهم من خاله عمو أسير وآراي ناموا واني ونينه گاعدين اخر شي نينه ما تحملت تسكت اكثر وگعدت تلوم بيه تاضي :- كله منج دستي بطن الزلمه وخليتيه ما يشوف دربه ولج عبالج من يصير بيه شي ترتاحين لا والله ما راح ترتاحين و روح ابوج و روح جدج يطبون عليج للبيت يفصخونج تفصخ حتى هذا البيت ياخذونه منج ويشمرونج بالشارع _ شنهي العمله وهيج تعملين بحاله چي حبج واحترمج وفضلج عليهم وما نام ليله يو ما اخذ حگج منهن ولج يركض بيج من صفحة الصفحة ومن مجان المجان وشتگولين وگال تم عليمن بعد ما راضيه عايزة شي ناقصة شي شهادة وعنده ثقافة وعنده حلا وعنده وفلوس وعنده بعد عليمن تتعايرين عليه انه اگلج عليمن تتعايرين تريدين واحد مدگدگ و ابو نسوان متين ما تردينه يو عماد هذا چا وموتي روحج عليه الليلة بس هذا لا تردين تخلصين منه حتى تضلين على حل شعرج تلعبين ما جاوبتها عفتها ترزل بيه على راحتها اريدها تطلع حرگتها شما تحچي حقها محترگ گلبها عليه وما يستاهل اللي يصير وياه بس مو بأيدي نفسيتي ما گاعد تتقبل هاي الفكرة بقيت يمها بنفس الغرفه وهي تطب وتطلع ما گعدت ولا نامت ولا ارتاحت عبالك ابنها حتى بچت ونعت هنا حسيت على نينة شلون خايف لا تفقد اخر سند النا بهاي الدنيا والهذا السبب حچت وياي هذا الحچي وما ارتاحت لان فعلاً اذا راح ننتهي مهما كانت العلاقه متوتره بيناتنا بس يبقى سند النا وخيمه نحتمي بيها من شر اهل القلعة اذن الصبح صلينا و نينه لبست عباتها وطلعت صحت عليها اشوفها وين رايحه حتى الدنيا ظلمه بعدهي رد عليه _ رايحه الابو الرضا طالبته منه بعد ما بيه ادفن اعزاز رايحه الابو طلبه وما ارد لحد ما يرد يگوم على رجليه نينه طلعت واني رجعت دخلت متت بچي لعد شگد تحبه لعد شگد مهم بالنسبه الها واني ما حاسه تمددت بمكاني وادموعي تنزل على خدي حقها تتخبل عليه نينه شنو قصورة ويانا من اول يوم اللي توفى بيه بابا لحد قبل كم ساعه هو شايلنا على راسه وقايم بكل واجباتنا وبالاخص اني ما ردت شي اذا ما لگيته يمي ما ضجت اذا ما لگيته فوگ راسي مشاركني ما حچى احد عليه اذا ما دافعلي شگد عبرلي وشگد تساهل وياي من عرف بموضوع عماد لو غير واحد يحطها بحلگ إعمامي ويفضحني بس هو بقى يسد بالسالفه ويتوسل بزوجة عماد حتى لا تحچي صح حبني والمفروض ما يصير هيج لان اني حاسبته عمي الي ومأمنه بيه بس هذا الشي مو بأيده وحتى من حبني وقرأ فاتحتي ما حچى واعترف ولا أذاني ولو ما إسلام يخبث وياه جان ما عرفت بيه وبقى كاتم بگلبه لحد الان بچيت بيومها كلش هواية بحيث راسي احسه صدع وعيوني ورمت حتى خشمي وحلگي ورمن تأنيب الضمير موتتي لحد ما تعبت وغفيت كم ساعه وسمعت إيهاب يحچي وياه نينه گمت من مكاني طلعت اركض لگيت نينه هسه جايه من الامام و إيهاب نفس الشي هسه جاي علينا إيهاب :- حظروا أنفسكم بين ما يجي عمي إياد ونطلع أمامة :- شلونه عمو إيهاب :- الحمد لله زين وحالته مستقره راح يطلع ما بيه شي أمامة :- الحمد لله حچيتها و غصيت بكلمتي فعلاً الحمد لله يستاهل الحمد ربي على كل مصيبه تصير ويرفعها من عندنا تاضي :- يلا لبسي بين ما يجي إياد ما جاوبت شي رجعت للحمام غسلت واني دموعي تنزل وياه المي ما رايده ارجع هناك بس مجبورة غصباً عني بدلنا وانتظرنا عمو إياد ساعه واجى علينا سلمنا عليه وتحمدنا اله على سلامة عمو متين وطلعنا وصلنا للعزيزية و دگ تليفون عمو إياد إياد :- ها ابو رسل إياد :- اي اجينا إياد :- اي وياي إياد :- شلون لا متين اكيد تشاقى _ يا اخي انه بالعزيزية ما بقى غير كم كيلو و اوصل للبيت شيرجعني _ لا تصيح هذا هو راجع راجع _ اي هاي يمي _ يلا خوش ميخالف ميخالف رجع شال التليفون وانطاه النينه عمو جان يريد يحچي وياها جانت گاعده بصفي وصوت التليفون عالي واسمع كلامه بوضوح متين :- الله يساعدج عمه تاضي :- هلا يبعد عمك الحمد لله على سلامتك

خلصت ثلاث اشهر وكم يوم فوگاهن وراها بدأت صحتي تتحسن ورجعت التزم بصلاتي واگوم اساعد نينه بالبيت ومرات اني اگوم اسوي الشغلات مالاتي اللي انطانياهن الشيخ بس هم مرات اتعب وتصير عندي نوبات انهيار ما يسيطرون عليه اله اخذ ابر مهدئ مشت الايام وضعي رجع طبيعي و اهل القصر بقوا على نفس الحطه اللي سمعته من نينه هي عارفه حالتي وحاجيه العمو مَتين واللي مأيد كلامها بيبي شيخة و هنا عمو مَتين باقي يدور الي على شيخ زين لان يخاف عليه من هاي السوالف لحد ما گاعد وما الگيني نينه تگول تخبل رسمي كسر البيت البيبان الغراض وحده وحده حقق وياهم واحد واحد حتى امه وهي راجعه گايله اله عوفها خل تولي زين وراحت الله يحبك هنا هو متخبل باقي يصيح عليها من شايفته شلون يصيح عليها راجعه غالطه ومفشره عليه نينه ما متحمله بسرعه گايله الها انتِ السويتي السحر وشردتيها مثل ما شردتني گبل بيبي فريدة ناكره سالفة السحر وباقيه تتهجم وتتوعد النينه راجعه نينه مطلع سوالف السحر القديم الشافتهن سونه هي و فريال هنا جدو رضوان مطردها وعمو مَتين لازم توحيد وحكاية وحده منا وحده منا ومطردهن ورى امه راجع رايح وراهن البيت فريال شنو الصار هناك وشنو الحديث الدار بينهم محد يعرف بيه غير مَتين وإياد و رضوان بحيث من رجعوا رايح مَتين على بيت إبتهال وجايبها براشدين معدلات وراجع متخبل منهم رسمي اللي فاهمته نينه على أساس فريدة من شافتهم گلبوا عليها وطردوها ناكره السحر وشامرته براس توحيد وإبتهال هن الماشيات بيه وجايباته وهن بدورهن ناكرات الموضوع وباقيات يصيحت فريدة مو احنا يعني صحبة الحقد والنفاق والسحر والشعوذة ما دامت والله كشفها وفلشها عمو سند كمل بيته وانتقل بيه وبيبي كفاية رجعت گعدت يم بنتها وبيبي نهاية من شافت الاحداث الصارت وشافت شلون انطردن صح هي ما مشاركتهن ولا مدخله بيهن بس راحت گعدت يم أبنها علاء ما گدرت تبقى بالقصر من بعد الخراب الصار محد بقى بالقصر غير بس جدو رضوان وغزاله وبيبي شيخة و عمو مَتين وإياد ورسل وعمو إياد جاب ملابسه واجى گعد يمنا صح راحت السنه عليه وعلى آراي بس رجعت صحتي احسن من قبل ورجعت بيت اهلي مرتاحه ومحترمه ماكو قهر ولا هم ولا حزن خلصت الايام عليه وخلص وياها كل التعب اللي عشته بهذيج الايام والاشهر لحد ما اجى بيوم عمو مَتين العصر لگاني گاعدة بالحديقة گعد يمي و گال مَتين :- شلونج أمامة :- الحمد لله مَتين :- يوجعج شي تحسين بشي إمامة :- لا الحمد لله ماكو شي احسن بهواي من قبل _ الحمد لله ، شوكت ناويه ترجعين _ وين ارجع _ البيتج _ هذا بيتي _ لا بيتج هناك يمي مو هنا گافي أمامة تعبت وتبهذلت شغلي والتزاماتي عايفهن وگاعد يمج ماكو شي يأذيج هناك بعد الكل طلع من القصر _ ليش عبالك بس هم يأذوني ترى أذيتك الي اكثر منهم كلهم _ شسويتلج شنو السويته وأذيتج بيه ما سويت غير حبيتج شنو سويت اكثر _ ما اريده منك تحبني الله يخليك اعتقتني لا اريد احب ولا اريد انحب كافي اللي راح من عمري وياكم حتى السنه الدراسية راحت عليه وعلى اخوي شتريد مني اكثر خلِ اگول الك شي وياريت تاخذه بعين الاعتبار ياريت من هاي الساعه وكل شي ينتهي يا اخي ما اريدك ولا احبك ولا افكر بيك وحتى ما عدت عم اللي مثل قبل ياريت يصير عندك احساس شوية وتعوفني اعيش باقي حياتي بسلام بعيد عنكم وعن عالمكم ما جاوبني گام طلع من البيت واني رجعت دخلت جوى اساعد بنينه بتحضير العشاء وعمو إياد يلعب وي آراي بالصاله ساعه تقريباً بين ما كملنا العشاء وتعشينه اتصلوا بعمو إياد رد عليهم وهو مبتسم بس سمع صوتهم وجه بهت وجسمه رجف گام وگف وگفه ويگول إياد :- يا مستشفى _ شلون وضعه _ اي اي قريب منكم جاي جاي سده منهم وهو متخبل ما يعرف وين يروح وين يرجع نينه تسأل بيه وهو مخبوص رجعت نينه تسأل واني افتر وراه واسأل اخر شي باوع علينا والدمعه بعينه ورجع گال إياد :- مَتين مسوي حادث وناقلينه للمستشفى ادعوا اله الولد اللي خابر يگول فاقد عمه اخوي راح يروح من عندي ، حچى هيج وطلع من البيت يركض يتبع.....

_ لعد لا تلومني لومنهن هن اني شعليه _ امي تطلگت وراحت يم اختها توحيد وحكاية وحتى كفاية طردتهن من البيت هذا كله الخاطر منو سويته مو الخاطرج تالي اگعد الصبح الگاج شاردة ومصخمه وجهي من الله يصخم وجهج على هاي الدگه _ طردتهن _ اي _ روحه بلا رجعه _ گومي من وجهي ما اريد اشوفج وجهج الماصخ گومي گمت من مكاني مقهورة وفرحانه بنفس الوقت شوكت طلگوها وطردوهن شو ما سمعت بس وين اسمع واني بنص عقل تمددت ردت انام حسيت بدوخه قويه ولعبان نفس گمت من مكاني للحمام اركض تقيأت ما اجى وراي ولا شافني لحد ما تعبت وحدي وطلعت لگيته واگف باب الحمام بس شافني طلعت گال لبسي نروح رديت واني ما باقي بيه حيل منتهيه گوه تطلع الكلمه مني امامة :- وين مَتين :- للأمام الكاظم نشوف احد هنا يفهمني موضوعج شنو _ وآراي _ نخليه يم بيت ام عمر _ نايم _ اشيله عود بس البسي مشيت للغرفه لبست العباية الاسلامية وعدلت شالي بين ما راح اخذ آراي يم خاله الهام ورجع عليه جايب تكسي سيارتة عند عمو إياد ما ادري وين اخذ إسلام بيها الله يعلم شسووا بحاله خطيه واخاف اسأل عنه طلعنا للأمام مو بعيد خمس دقايق نزلنا نمشي اني شفت المنارة واني انتهيت من البچي العالم كلها تباوعلي وهو حالته مو أحسن من حالتي دخلنا للأمام لزمني من إيدي قوي لان جنت ابچي و جسمي كله يرجف بقى يسأل ويستفسر لحد ما وصفوله سيد اخذنا ورحنا للسيد دگينا الباب طلعت النا بنيه شابه سلم عليها وسألها على السيد گالت تفضلوا جوى دخلنا غرفه صغيرة مفروشه ومتروسه قرآئين واعلام والقرآن مشتغل بيها بصوت هادئ ثواني واجى السيد عمو گام سلم عليه واني گاعد بالگاع ارجف خوف بقى يسأل بيه واني اجاوب بس شنو أسناني واحد يضرب بواحد حجيت اله كل شي صار وياي هو فتح القرآن وبقى يقرأ بيه رجع باوع العمو وگاله _ صبر يابة صبر الزرع ينبت بس يحتاج مي اسگي مي تحصل خضار ادري بيك تعبت وراح تتعب بعد بس اخذها مني ما راح يضعلك تعب كل شي تحصله وياه اضعاف اضعافه مَتين :- ما اريد لا خضار و لا زرع بس خلي تصير زينه عقلها شخط كل شوي برأي قبل شوية لگيتها واگف باب المطبخ تضحك وحدها تخبلت وخبلتني ياها أمامة :- صح هو ساعه اضحك فرحانه خلصت منهم وساعه انقهر على نينه مو بأيدي اللي جاي اتصرفه الشيخ :- و لا يفلح الساحر حيث أتى ، ما دام اكو رب ما يدوم السحر لو ظل سنين گام للميز مالته جان صغير طلع من عنده علاگه بيها اوراق بقى يكتب بقلم زعفران ويسأل على أسمي وأسم أمي ويرجع يكمل كتابه ساعه تقريباً كمل شغلاته والادعيه والآيات اللي كتبها وجابهن يفهمنا عليهن اني اباوع اله وابتسم هسه اني شبيه عود وصدگت واجيت الهاي السوالف ولا اسويهن بس اسويهن اتخبل من جديد عقلي جاي يضرب ويصورلي أشياء كلها غلط لحد ما كملنا وطلعنا رجعنا للأمام زرنا وطلعنا للبيت بس وصلني للبيت وراح هو يجيب آراي اجى لگاني شامره الادعيه السواهن السيد بالزباله حط إيده على راسه تعبان ورجع يگول مَتين :- ليش أمامة ليش وربي تعبت أمامة :- ما اريدهم بس اسويهم اموت مَتين :- انه الراح اموت والله لج عقلج ضارب ومحمد صاير بيج خيط عفته ودخلت للغرفه فرشت ونمت من گعدت لگيت نينه يم راسي اول ما شافتني فتحت عيوني دنگت عليه باستني بگصتي وگالت تاضي :- عزيزتي يمه ما اصدگ اشوف عيونج الحلوات گلت ضاعت مثل ما ضعت أنه گبل أمامة :- منو جابج تاضي :- إياد جابني گعدت واحچي وياها أمامة :- وين إسلام شسووا بيه تاضي :- شنهي الما مسوينه جاسرين إيديه ورجليه وطاگه مَتين بالحايط على راسه ما ادري فطر صار عنده ما ادري شنهي راسه مضبر بالشاش الابيض _ خطيه ليش هيج وياه راد بس يساعدني _ يستاهل عبنه نذل شلون يطاوعج وما يخبر احد ويطلع بيج بالليل الاظلم ما فكر بسمعت عمه بسمعتج بعدني ما راده حسيت غواش صار على عيوني وراها صارت عندي لعبان نفس قويه اباوع النينه شكلها مو مريح انقبض گلبي ورجعت ليورى هي گامت من يمي طلعت الظاهر فهمت وضعي اني ما جنت اعرف شنو اسوي وما اتذكر شنو احچي وتصرفاتي شلون جانت بس هم جانوا قلقين عليه والخوف والحذر ملازمهم على طول الوقت رجع للسيد مره ثانية جاب منه علاج وهنا المهمه صارت على نينه مشغله قرآن لليل نهار وتشغل الحرمل اللي انطاه الهم السيد وتبخرني بيه وترجع تسبحني وتغسلي بالماي اللي قرأ عليه الشيخ شهرين كاملات اني وضعي يبجي الصخر كل شوي قرار شكل وحاله شكل رجعت فرح تجي يمي واغلب وقتها تنصح بيه واني يطيب منا يطلع منا عايشه بنص عقل بدون ادراك كل اسبوع ياخذوني للأمام والعلاج مستمرين بيه والصلاة يجبروني اگوم اصلي لان من تأزمت حالتي تركتها و من يشغلون الحرمل لو يسبحوني اختنگ وابقى ابچي ما اريدهم لحد ما خلصن الشهرين وبدينا بشهر الثالث واحنا بعدنا بغداد عمو إياد باقي يمنا وعمو مَتين يروح ويرجع علينا

مَتين :- طبي يا بنت ابوج الما تغلطين ولا تنزلين راسه وراس اهلج بالطين طبي البيت ابوج الكل ظنه رباج عدل قبل لا تغمض عينه بس مع الأسف طلعتي بلا تربية بلعت ريگي ما اگدر ارد كلمته هاي جانت تكفي الف ضربه والف عقاب دخلت للبيت بوجهي للصاله اجيت ادخل للغرفه صاح عليه بصوت عالي _ اوگففففي وگفت بمكاني وباوعتله تقدم عليه رجعت ليورى وگف بمكانه وگال بنبرة مليانه قهر وخذلان مَتين :- انه من حبيتج حبيت أخلاقج حبيت تربيتج حبيت احترامج ما جنت ادري بيج بلا اخلاق وبلا تربية ما ادري بيج طايحه حظ الهاي الدرجه ، انه غلطت بحقج اي صح وحقج عليه انه نذل وحقير انه يابة حقج انه كلب ومراهق هم حققققج بس انه ما استاهل تحطين راسي بالطين أمامة :- ما اعرف شلون هيج صارت ما فكرت والله بس جنت اريد اخلص منك انتَ ونينه صعبه فكرة اتقبل حبك ونينه جنت اخاف منها احسها ناوية تأذيني مَتين :- گتلج لا تتقبلينها بس ما گتلج أكسريني هيج ادري ما متقبلتني لان لا اشعر ولا اعرف احچي غراميات بس الحب مو كلام غزال ولا بيت شعر الحب تضحيه وانه ضحيتلج هواي كلش هواي الحب مواقف وانه مواقفي تشهد على حبي انه حبيتج من عقل ناضج وگلب جبير حيل جبير حبيتج وجن الخلقج ما خلق غيرج هههه تدرين حتى عيوبج اشوفها صح وصح العلم اشوفه غلط لج اخ من بعد هذا كل هيج تسوين بيه حرام عليج انه ما استاهل تسوين بيه هيج لا والله ما أستاهل ما گدرت ارد شنو احچي ماكو كلام يبرر ولا اكو احد يفهم حالتي و الوضع الاني بيه نزلت راسي ابچي رجع عاط بصوت عالي فزيت مرعوبه منه مَتين :- روحيييي من وجهييي أمامممممة روحي ما اريد اشوفججج لج عسااني متت وخلصت من عارج الراح يبقى بصمه بگصتي طول العمر دخلت للغرفه وسديت الباب ميته بچي وهو بقى برى شوية وسمعت صوت تكسر وضربات بالبيبان خفت اگوم اطلع بس جان منهار تماماً صوت آراي يبچي خاف من التكسر والضرب وراها دخل عليه للغرفه يركض وسد الباب وراه شمر نفسه بحظني ويرجف ويبچي قوي واني ابچي وياه جنت اسمعه يغلط ويفشر على نفسه اول مره اسمعه يفشر وما يحسب الكلامه حساب جان ورى كل كلمه يحچيها يضرب شي ويعيط ويگول _ انعل ابوي الجابني اذا خليتج تعبين الباب بعد اذا ما عدت تربيتج من جديد هذا شاربي مو عليه _ مدرسة ماكو طلاگ ماكو طلعه وطبه ماكو اله اعوفج مثل الوقف والله ادب سزز لج انوب ما يهون عليه اضربج ما يهووون لج ما تهونين عليه ما تهونين يا كلبه يا حقيرة شلون افرغ گلبي بيج شلوون حچى هيج واندفر باب غرفتي فزيت وآراي فز وياي حظنته وابچي منهارة لحد ما تعبت وگلبي احسه راح يوگف آراي نام غطيته و گمت اشوفه وين راح ماكو صوته معقولة عافني وطلع فتحت الباب على كيف ومديت بس عيوني اباوع فزيت من شفته گاعد مقابيل باب الغرفه بس بالبنطرون والفانيله الداخليه وايده ملفوفه بالقميص مالته ردت ارجع ادخل صاح عليه مَتين :- تعااالي هناااا حطيت إيدي على گلبي شكله وگعدته ما يبشرن بخير واكيد محظر كلام يغسلني بيه غسل ويندمني اكثر من هذا الندم مشيت عليه وگفت اباوع اله رجع گال _ أگعدي ، گعدت بجهه الثانية گال _ لا هنا گبالي أگعدي گمت گعدت مقابيله طلع جكارة من الباكيت وشغلها ويباوعلي بدون كلام هو يباوع الي واني ما اگدر احط عيني بعينه ، عيونه كل شويه تروح الجهه من بعد صمت دام دقايق رجع گال مَتين :- انه اولي و طز بيه نينتج ما فكرتي بيها أمامة :- والله العظيم ما اعرف شصار بيه فجأة ما گمت اشوفكم واخاف منكم ومنظركم صار مرعب عمو صح اني غلطت بس انتَ هم غلطت بحقي مَتين :- شنو الغلط اللي غلطته بحقج أمامة :- طول الوقت اني مأمنه بيك وحاسبتك عمي الي تالي تطلع تفكر بيه هيج ليش ما حچيت لان تعرف بنفسك غلطان بعد شكو تلوم بيه مًتين :- غلطان لان حبيتج غلطان لان شفتج صح ما بيج غلط غلطان لان ما أذيتج بتصرف لو بكلمه غلطان لان اجيت وخطبتج من جدج غلطان بشنو غلطت وانه قاري فاتحتج ويا جدج بس بقيت محترمج و ما تجاوزت حدودي وياج أمامة :- شوكت قريت فاتحتي مَتين :- من زمان أمامة :- حتى جدو جان قابل بهاي المهزله يعني _ هاي مهزله مو بس شردتج ويا ابن عمج مو مهزله انه مقزز بس طلعتج بنصاص الليالي ويا ولد يحل عليج مو مقززه أمامة اذا انه نذل انتِ انذل مني واذا انه حقير انتِ احقر مني لج شلون ارجع وشلون اشوف وجهي للعالم ومرتي شارده مني تحسين بلي جاي احس بيه بعد ما اگدر احط عيني بعين اصغر واحد ليش هيج كسرتيني ليش _ ما اعرف شلون هيج سويت وحتى ما أنبني ضميري عليكم جان كل همي انهزم منكم لو باقيه هناك يمكن اجن ما اعرف شسولي هاي رسل نگعتني مي وبسرعه لعبت نفسي تذكر من تخربطت وبقيت ابچي من الزفرة هي ورى ما ذبت المي عليه هيج صار بحالي والله _ ادري مسوياتلج صخام لج ادري ونينتج تدري وحچت الي من اول ما شافت حالتج بس جنت ادور الج على شيخ زين يشوف حالج حتى بهاي اخاف عليج ما اريد اسلمج بأيد احد ويأذيج اكثر خميت العمارة فرع فرع ادور الج واحد بيه حظ ويخاف الله

_ شگد حقير صوجي اني أمنت بيك _ روحي نامي وراج صدمات عزيزتي راح تتفاجئين بوجهة الدكتور الجديد عفته وگمت ميته قهر على نفسي ما اكو احد يخاف ربه بيه بقيت بأيد الما يخافون الله جايبني عبالي يساعدني تالي يريد ينتقم من عمو مَتين زين ليش هيج يسوي هو عمو ممسويله شي معقوله لان ربطه بالشباك و ضربه وخلاه يعترف بزواجه من رشا صدگ شو رشا بعد ما رجعت معقولة طلگها والله ليش ما يطلگها هي هاي العائله كل شي يطلع منهم بعدين اني شدخلني برشا تطلگت ماتت انتحرت قابل خلصت همومي وگعدت افكر بهم رشا بقيت افتر بالبيت غرفه غرفه و زاوية زاوية وكل شويه ابوس حاجه وارجع ابچي لحد ما تعبت ونمت من گعدت لگيت إسلام رايح للاسواق جايب دجاجه مجمده وصمون واجبان وبيض أمامة :- بشرفك شلون ناكل هذا الدجاج إسلام :- ترى حلال أمامة :- ما اريده ما اكله تلعب نفسي منه _ لا تكلين ناكل بس انه وآراي انتِ اكلي جبن مال ناس مثقفين عفته يلغي وحده ورحت سويت جاي و حظرت بيض وجبن وهو گص الدجاجه و سلگها واجى گعد يمنا ياكل هم ياكلون واني احس عقلي مو تمام ما جاي اركز و اكو شغلات احس بيها مخربطه ما اگدر اجمع بيها بقينا بالبيت حتى تنظيف ما نظفت للعصر واندگ الباب اجت خاله الهام شايفه إسلام من رايح للأسواق وسألته گالها اجينا للبيت حظنتها ومتت بچي اني ابچي وهي تبچي وياي بقت تسأل بيه وارجع اجاوب وحچيت الها كل شي صار وياي حتى على ارقامهم شلون حظرهم عمو مَتين بقت يمي لحد ما خلص اذان المغرب وگامت راحت البيتها گالت راح اصلي وارجع بس راحت ثواني ورجع الباب اندگ توقعتها رجعت تگول الي شي فتحت الباب صار بوجهي عمو مَتين باوعلي من فوگ ليجوى ما اتذكر شكله ولا اگدر اركز بيه بس منظره جان مرعب وما يبشر بخير رجعت ليورة خايفه منه دخل هو وراه عمو إياد عافني وفات جوى وعمو إياد باوعلي وگال أياد :- صارن هواي أمامة كلش هواي ديري بالج من الحليم لو غضب أمامة :- عمو اني عافني ودخل ما خلاني اكمل ما دخلت وراهم بقيت بالطرمه وآراي طلع يركض وراه عمو إياد وصل يمي وگال إياد :- امشي گدامي أمامة :- وين _ امشي بدون صوت ما جاوبته مشينا اني وآراي لحد ما وصلنا البيت خاله الهام طلع عمو ابو عبدالله سلم علينا ويرحب بينا رجع عمو إياد گال اله بس أريد ام عمر شوية اجت خاله الهام لابسه محرم صلاتها سلمت عليه وترجع تباوعلي خايفه عليه منهم وراها عمو گال الها إياد :- الله يساعدج يمه بس اذا ما بيها زحمه أمامة تبقى يمكم ساعه وحده بين ما نرتب البيت الهام :- اكيد خاله يا هلا ساعه واليوم و كل الوقت مفتوح البيت الها فوتي ماما أمامة إياد :- امانة الله والرسول هي مريضة وممنوع تعوفينها تطلع وحدها جبتها بأيدي وارجع اخذها بأيدي لو انه لو شيخ مَتين غير احد لا تخلينها تروح وياه الهام :- بعيوني يوم لا يظل بالك عمو راح وهي دخلتني للبيت مالتهم وتسأل بيه شوكت اجوا وشصار ما ارد بس ابچي راح يموتنه اعرف بيهم جابوني هنا حتى لا اشوفهم شلون يضربونه گعدت بالاستقبال وجسمي كله يرجف حلگي يابس و دموعي تنزل جابت مي شربتني ورگضت جابت بقلاوة وكلتني لان حچيت الها على السكر من اجت قبل شوية عيوني ما بطلت بچي وهم ناس مسالمين ما يدخلون بـ أحد ما راحوا الإسلام بقوا بيتهم عبدالله ما شفته يمكن طالع ما يعرف بيه راجعه البغداد ساعة تقريباً وعمو إياد دگ الباب طلعت خاله الهام تشوفه شوية ورجعت گالت الهام :- اخذ أبن عمج بسيارتة بس شنو يسحل بيه سحل ماكو مكان ما عايفين بيه اثر كسر خاطري لج عيني موتين الولد موت أمامة :- هسه يموتوني مثله هو جان يعرف راح يتعاقب لان غلط السواه بس اني ما اعرف شلون هيج تصرف خاله فدوة لا تعوفيني الهام :- هذا حماج گال رجعيها بأيدج للبيت گومي اخذج للبيت واحچي ويا الشيخ _ لا خاله اخاف عفيه والله جسمي دا يرجف ابو عبدالله :- اني اروح وياكم لا تخافين بابا راح نحچي وياه وإذا أذاج نشتكي عليه بالمركز قابل تايهه الدنيا _ عمو فدوة لا تعوفني _ ما اعوفج بابا گومي وياي لزمت اخوي وطلعنا البيتنا جسمي كله يرجف اول ما طلعنا جان عمو مًتين واگف بـبابنا الظاهر منتظرنا بقى يباوع النا لحد ما وصلنا ابو عبدالله :- الله يساعدك شيخ مَتين :- يساعد بختك هلا ابو عمر ابو عبدالله :- شيخ البنية طفله ومريضه وكل الاحداث صارت عليها دفعه وحده وسبحان الما يغلط وانتَ إنسان مثقف واعي واكيد ما تظلم احد خلِ بالك مالها احد بهاي الدنيا غيرك ما جاوبه بس عيونه حمر وشكله انحرج من عرف بيهم عندهم خبر بالموضوع رجعت خاله الهام تحچي وياه وتتوسل بيه واني لازمه اخوي بأيد والايد الثانية لازمه خاله من ظهرها اخر شي هو گال الهم _ ما عندي شي وياها لا يظل بالكم ومشكورين ما قصرتوا ومن رخصتكم بس ندخل نحچي شوية بالبيت خطيه خاله راحت وهي عيونها عليه ولازمتها البچيه واني انتهيت وراهم رجعت اباوع عليه مقهور قهرة مني و عيون حمر وگوه مسيطر على اعصابه اول ما ابتعدوا بيت عمو ابو عبدالله من يمنا گال الي

#قلعة_الشيوخ ( قلعة الشيخ مهران) #حلقه_٦٨_ يا كل البگلبي وانتَ لو مابيه چا هسه انه خالي وكل شي ما عندي انتظرتك وانتظر وعيوني وكت الموت انطيهن الغيري ينتظر بعدي .................................... أمامة :- دخلت البغداد واني كل مكان بجسمي يرجف عليها هنا عشت هنا كبرت هنا لعبت هنا درست ليش هيج انكتب عليه ليش هيج ضيعت كل شي ، السيارة جانت تكسي صفرة وصلتنا لحد باب أهلي تحاسب وياه إسلام وراح وگفنا يم الباب اباوع للباب ودموعي تنزل وگلبي يدگ بكل سرعته ، إسلام باوعلي وگال إسلام :- المفتاح أمامة :- يا مفتاح إسلام :- مفتاح الباب يعني يا مفتاح أمامة :- ما عندي إسلام :- هلو عود صدگ لو ناصبه عليه _ اي والله نسيته _ وشلون نفوت للبيت عيني _ غير تذكرني _ اي حقج انه صوجي ما ذكرتج _ شلون ندخل هسه _ اوگفي اشوف حل هو انه مكتول مكتول ما بيها مجال تسلق على الباب وعبر عليه فتحه من جوى ودخلنا اني دخلت واني انهارت كل القوة اللي بيه وگعت بالگاع واعيط بكل صوتي وآراي گاعد يمي يبچي ساعه گامله گاعدة بالطرمه وابچي إسلام كسر كيلون الباب مال الصاله لان ما يگدر يدخل عكس باب الشارع گومني من الگاع و دخلنا للصاله بوجهي الغرفة بابا حتى الحايط بسته حتى الگاع دنگت عليها وبستها _ بعدهي ريحتك هنا بعدهي روحك الطيب هنا اخ يابة اخ يا صديقي تعال شوف حالتي شوف وين جنت وين صرت يابة گمت اغلط وگام ينغلط عليه بابا انذليت من بعدك انذليت منين اجيبك تاخذ حقي منين بقيت ربع ساعه وحدي وراها إسلام فتح الباب ودخل گعد بصفي وگال إسلام :- كافي رحمة للكائنات شوفي شكلج جنج بزون منتوله ايععع والخلقه أمامة :- كله من امك الله لا ينطيها إسلام :- وعمج شريف على أساس شو هي اجته من الله أمامة :- ممكن سؤال إسلام :- جواب بس اسألي بسرعه قبل لا يجون ورانا _ منو اللي يجي _ الشيخ و اخو اكيد _ ليش هم يعرفون بيك جايبني هنا _ لا ما يعرفون بس اليوم يلعگهم واحد واحد بالنخله لحد ما يعرف وين رحتي وبما انه ما موجود اكيد راح يعرفون بيه مشردج _ اذا اجوا يرجعوني _ لا بس احتمال يذبحونج ويشمرونج بالمجاري _ ياريت _ شنو السؤال اللي ردتي تسألينه _ ليش ما قبلت تتزوجني اذا انتَ هيج خايف عليه وتريد تساعدني وتحميني _ اولاً انتِ ما تحبيني وثانياً عمي يحبج ما اگدر اخذج وانه اعرف مشاعرة اتجاهج _ عفيه لا تذكرهم يمي مجرد ما اسمع طاريهم نفسي تلعب _ أمامة شني الموضوع وكلنج شربنج شي الحبايب ما معقولة حتى جدتي ام اسير كرهتيها بلا سبب _ ما ادري بس اني اكل وياهم نفس الاكل عادي مماكله شي ثاني _ طلبن منج شي _ لا ما طلبن _ موقف غريب تصرفنه سونه وياج _ ليش هيج تسأل _ شاك بيهن زاركاتج بسحر مطيرات عقلج وراح اگلج شي بلا تحجين امي تكتلني _ ههههه هو انتَ تخاف من امك على أساس _ انه اشگ حتى امي مشاركة بالسالفله لان صار جم يوم ريحة الحرمل تارسه بيتنا _ الله لا ينطيهن _ باعي نامي شوية وانه هم راح انام بين ما يفتح السوگ اروح اسوگ _ وين آراي _ نام بالغرفه ذيج گام إسلام من يمي واني گمت وراه غطيت آراي لگيت إسلام منزعه القمصله والحذاء ورجعت الغرفتنا دموعي تصب واني اشوف نفسي وين جنت وين صرت وشنو راح يصير من بعد ما يعرفون بيه انهزمت يجوز صدگ يموتوني رجعت افكر بكلام إسلام مال السحر واتذكر بالاحداث الصارت اخر شي اذكرت رسل من شمرت عليه المي فزيت من مكاني وطلعت اركض على إسلام لگيته نايم هزيته قوي فز مخروع ويگول إسلام :- اجى عمي مَتين مو أمامة :- لا ما اجى إسلام :- چا شبيج ولج راح نص عمري گلت الگفت أمامة :- اتذكرت _ شتذكرتي _ رسل اجت علينا بأيدها بطل مي رشته عليه وطلعت تركض وبساعتها اني لعبت نفسي وبقيت اشم الزفره _ مبروك عزيزتي لزكنج بسحر معدل خلنج تكرهين الشيخ و نينتج و تفكرين تشردين منهم بس انه شبيه الله مطيح حظي وتورطت وياج وراح اكلها تدري لو لزمني هسه شيسوي بيه والله خايف منه _ إسلام يمكن صحيح سحر لان اني بقيت اضوج من نينه وشكلها احسه متغير واخاف منها لا تأذيني وحتى عمو مَتين شكله صار بشع ومخيف وحتى صوته مرعب _ همزين فريال جدتي وتوحيد خالتي وأبتهال امي ما يسولي سحر لو ما ابنهن چا شگن حلگي بسحر معدل وخلني اتخبل بالشوارع _ يعني راح تخبل اني _ هو انتِ اصلاً متخبله اكو وحده عاقله تشرد من اهلها وفوگاها رجلها شيخ _ اسلام شو انتَ حقير _ هههههه فوگاها ولج _ اذا تعرف غلط ليش ما منعتني _ ردت اخلصج منهم وبنفس الوقت اشوف ردت فعل دكتورنا من بعد ما تشرد مرته منه _ زين هسه شراح يصير _ ننتظر كم ساعه بين ما يوصل _ واذا تعرف بيه راح يجي ليش هيج جبتنا هنا _ چا وين اخذج عيوني من كل عقلج افتر بيح بالشوارع ترى انه جايبج هنا وادري اول مكان راح يجي عليه هو هذا المكان بس هيج حبيت اللعب وياه _ يعني ما بيكم واحد شريف لا والله _ ههههه والله العظيم الخاطرج هم سويت هيج خلي الشيخ يأدبهن ويتوبهن منج لو ضاله هناك ما راح يسوي شي وياهن وهم نحرگ أعصابه شويه

لبسته بلوز وقمصله وجواريب ولبست الجنطه وطلعنا اني وياه امشي على كيف اخاف احد يشوفني لو يسمع صوتي لحد ما وصلنا للطرمه لگينا إسلام ينتظرنا بس شافنه اجى علينا شال الجنطه من يمه و گال إسلام :- كملتي أمامة :- اي يلا استعجل إسلام :- لبستي ملابس جوى القمصلة الدنيا باردة أمامة :- اي لبسته يلا استعجل لا احد يطلع إسلام :- السيارة بالباب يلا أمامة :- سيارة منو إسلام :- أجرتها لزم آراي من أيده والجنطه لابسها ويمشى گدامي واني امشي وراه ما عندي اي تأنيب للضمير ولا اي اهتمام كل همي اخلص منهم راح يموتوني اكرهم كلهم ، لحد ما وصلنا للباب الرئيسي السيارة طابگه بالباب صعدنا بيها ومشت بينا آراي نومته على رجلي و راسي سندته على الجام بدون احساس بدون تفكير بدون اي ردت فعل ما اتحكم بنفسي لا بتصرفاتي ولا بـ اي شي جان اكو شي بداخلي هو يقودني جنت مجرد دمية كل شي ما بأيدي حتى حركات ايديه ورجليه مو اني اللي اتحكم بيهم غمضت عيوني ونمت ما گعدت غير على صوت السايق وإسلام يسولفون بيناتهم جان اكو حادث صاير على الطريق ويحچون بيه بقيت اباوع للطريق وارجع اباوع الآراي ساعه تقريباً وشفت القوس ومكتوب عليه بغداد السلام ترحب بكم يتبع.....

إسلام :- شلون اخلصج أمامة الشي اللي بالج ما يصير تعرفين شنو أمامة :- الله يخليك بداعت جدو يمك بس خلصني منا ما اريدهم ومختنگه و لعبانه نفسي منهم ساعدني ارجع البيتنا _ عمي يذبج والله لا تشوفينه هيج عاقل وفاهم ترى هيج تصرف يطلعنه من دينه _ معليك بيه ياريت يذبحني واخلص _ راح اروح هسه لا يجي ويشوفني مالي خلگه _ واني _ ارجعلج عود ما اعوفج طلع واني بقيت وحدي اجت نينه اول ما دخلت ما شفت شكلها احس معانيها متغيرة وصايره وحده ثانية شكلها مرعب غمضت عيوني منها قوي ودرت وجهي وغطيت نفسي حتى وجهي غطيته تاضي :- أمامة يمه عزيزتي عليش دايره وجهج مني انه ياهو مالتي تعاقبيني تاضي :- أمامة ما احچي وياج ما ارد عليه وصوتها احسه ياكل بعصابي ليش هيج ما اعرف كل اللي اعرفه حاقده عليها وكارهتها ومقهورة منها ومحملتها ذنب گامت طلعت من يمي راحت على عمو أسير لان حايرة بيه وبيه ساعه يمي وساعه يمه سمعتهم گعدوا على العشاء وصوتهم يجي يمي بالغرفه گمت اخلي إيديه على إذاناتي قوي ما اريد اسمعهم ولا اريد اشوف احد بيهم لحد ما دخل عمو متين الطول طوله والصوت صوته بس الشكل مو شكله لا هذا واحد عبالك شيطان عيونه اذاناته كل شي بيه يخوفني بس دخلت وشفته بقيت اعيط بصوت عالي أمامة :- اطلعععع اطلععع مامااا ساعدووووني هو تقرب من يمي يريد بس يفهم شبيه واني كل ما يتقرب كل ما اتخبل اكثر لحد ما دخلوا على صوت عياطي وهو طلع رحت بالزاويه لميت نفسي وابچي حاولت نينه تتقرب مني ما خليتها بقيت اضرب بيها واعيط _ روحي مني روحي ما اريدج ما اريدج نينه جمدت بمكانها وبيبي شيخة اجت يمي جابت بطانية غطتني بيها وحظنتي قوي وتسمي بــ اسم الله رجعت غفيت واني گاعدة بالليل كلش فتحت عيوني شفته گاعد يم الباب غمضت عيوني قوي بس گال أمامة عطت ابچي خايفه منه حاول يتقرب من عندي تهسترت بقيت اشيل روحي وارگعها لحد ما الكل اجى مره ثانية على صوت عياطي ونفس الشي ما تقبلت نينه و بقيت اضرب بيها وراها غفيت واني گاعدة ليش هيج جاي يصير وياي وليش هذا حالي ما ادري كل اللي ادري بيه نينه منظرها مخيف وعندي احساس اتجاها تريد تقتلني وعمو متين جنت اشوفه شكل شيطان وكل شي بيه يخوف الصبح من گعدت گعدت مجنونه رسمي فتحت الباب وطلعت حتى حجاب ما لابسه ادور على إسلام تلاگت وياي غزاله رادت تحچي وياي ما سمعت الها ولا وگفت بوجهي البيت عمو عاصي دگيت الباب قوي عليهم طلعت ليان ليان :- بسم الله شبيج شكو أمامة :- إسلام إسلام اريد إسلام وينه ليان :- نايم طبي دخلت عليهم گبل على غرفه إسلام محد موجود بالبيت بس ليان اني امشي وهي تمشي وراي متفاجأة حالتي ومنظري فتحت الباب وفتت هزيته قوي فز مرعوب إسلام :- شكوو امامة :- يلا گوم اريد احچي وياك گوم إسلام :- شبيج منو وياج شنو هذا حالج _ بس گوم گوم راح يموتوني حچيتها وبچيت دخلت ليان لزمتني من إيدي وطلعتني للحمام غسلت وجهي ولمت شعري وتسأل بيه وأني ما اجاوب بس عيوني تجري اجى إسلام يمنا لزمني من إيدي وطلعني للحديقة رادت ليان تجي ويانا إسلام گال الها بس اشوفها شبيها لا تجين ما راح تحچي من تشوفج وگفنا بحديقتهم و بدأ يسأل إسلام :- شبيج أمامة شنو هذا حالج إمامة :- اريد ارجع البيت بابا هنا اموت هم راح يموتوني اني ادري بيهم إسلام :- منو هم بس على كيفج لا تبچين أمامة :- هم ثنينهم إسلام عفيه الله يخليك ما عندي غيرك اريد ارجع البيتنا ساعدني بس لا تگول لحد حباب ابوس إيدك بقى ساكت ما يرد بس يباوع عليه شوية وگال روحي هسه وبالليل من ينامون اجي اخذج من انعل حتى العادات والتقاليد هي خربانه خربانه طز بيهم وبعاداتهم رجعت للبيت اركض مثل المخبله حظرت ملابسي وملابس آراي بجنطه صغيره جنت اضم بملابسنا واحچي ويا نفسي أمامة :- اخذ اخوي وياي بس اعوفه يموت اي اي لازم اخذه وياي لازم ما اعوفه خلصت من تحظر الملابس وضميت الجنطه بالكنتور قفلت الخانه وضميت المفتاح بصدري اجت نينه عليه غطيت وجهي بالغتره ورجعت نمت بيومها ما طلعت ولا فتحت حلگي وحچيت ويا احد ومن دخل عمو متين رجعت النفس النقطه اعيط واختل بالزاوية من يمه وهو من يشوف حالتي يطلع ما اذكر شنو يحچون ولا شلون جان وضعهم كل اللي اذكره اني متخبله منهم لحد لليل اني لگمه وحده ما حاطه بحلگي ما استقبل احد ولا اريد احد لحد ما الكل راح والبيت صار هدوء ونينه وعمو مَتين بالاصل طلعوهم من يمي لان اذا شفت احد بيهم اتخيل وابقى حتى نفسي اضرب بيها اندگ باب غرفتي دگات خفيفه وراها اجاني صوت إسلام وهو يگول إسلام :- هذا انه امامة يلا حظري روحج السيارة بالباب بس سمعت صوته طفرت من مكاني لبست حجابي وعباية إسلامية واجيت اگعد بـ آراي فتح عيونه وما شبعان نوم بقى يبجي عباله يروح للمدرسة أمامة :- اسس صوتك لا يگعدون گوم نطلع بسرعه يلا آراي :- وين نروح أمامة :- البيتنا القديم يلا گوم