سَفْسَطة | Safs6a

شيء مثير للشفقة أن يكون محتواك هو أنك تقعد ليل ونهار متابع شخص تاني بتقول إنه مبيفهمش وعبيط علشان تسجّلّه وتقعد تقصقص كلامه اللي أنت مش فاهمه وتحاول تعمل منه فيديوهات. لا أنت قرأت ولا أنت فهمت ولا حد يعرفك ولا بيحترمك علشان يسألك في مسألة أو حتى يهتم يسمع رأيك في حاجة أو إن حد ييجي يحضرلك يشوفك بتقول إيه. أنت مجرّد ردّة فعل لأنسان آخر، وجودك بيصنعه الآخر اللي بتكرهه. طب أنت مين من غيره؟ ولا حاجة. وبعد وقتك ومجهودك وخسارتك لوقتك دا كله اللي ضاع بدل ما تتعلّم فيه حاجة، بتبقى شايف إن الآخر هو اللي خسران وهو اللي محروق!!

قولت أقعد اتفرّج على نقاشاتي اللي قبل كدا أشوف إيه ممكن يتحسّن. قاعد بتفرّج على نقاشي مع علي أميري والتعليقات كلها استهزاء، من ضمن الإستهزاء التعليق دا. شايف إنها إساءة إني بفكّر وأنا بتكلّم، مش متعوّد يشوف حد بيفكّر ففاكرها سُبّة! 😃

سَفْسَطة | Safs6a pinned an audio file

حد يبعت لمغترب التسجيل دا ويقوله يبقى يخلّي باله بعد كدا من صياغته للي عايز يقوله.

https://youtu.be/VThJHSleHvU?si=M5cO9FUBxz5tWT5C المغترب قعد ٣ شهور يقرا ويدوّر ويفكّر ويسأل صحابه علشان يرد على فيديو كتبته في نص ساعة وأنا بتعشّى! المهم بعد ٣٠ دقيقة من الشخصنة والشتيمة والخطابة وعدم فِهم نقط قولتها في الفيديو، أجابته على السؤال الوحيد اللي في الفيديو، سؤال "أنت إيه مذهبك؟ ماذا تعتقد في الله؟ إيه طرحك في الأخلاق؟"، إنه مسلم! 🙂 أنا بعتذر مرة تانية إني ضيّعت وقتي ووقت الناس في الرد على المستوى دا. أنتم صح.

https://vt.tiktok.com/ZS4anSqdA/

نقاش ودّي مع الصديق فري عن النباتية 🌱

وبالمناسبة، معظم الناس المحترمين اللي مش بيسيئوا لمعتقداتكم وبيخلّوا بالهم على قد ما يقدروا من كلامهم، مش بيعملوا كدا علشان محترمينكم أو محترمين معتقداتكم أو شايفينها تُحترم من أي زاوية، ولكن الغالبية العظمى بتتعامل معاكم زي ما بتتعامل مع الأطفال؛ كله بيحاول يراضيكم علشان متصدّعهوش بالبكاء والنحيب والصعبانيّات. أنتم لو ناس بالغة عاقلة ولكم بئس نفسي ومشاعركم مش بالهشاشة دي؛ الناس كانت عاملتكم على الأساس دا. الناس عايزة تتناقش ومش عايزين صداع عيال؛ فبياخدوكم على قد عقولكم غير مكتملة النمو.

المشكلة الحقيقية إن الناس دي، اللي بتقعد تعيّط وتدبْدب في الأرض لو حد جاب سيرة حد من الشخصيات الدينية عندهم بدون ما يديّله كل الإحترام ويقوم يضرب تعظيم سلام، هم هم اللي بيقعدوا يسيئوا لمقدّسات المسيحيين واليهود وحتى لمقدّسات اللادينيين. (إيه دا، هم اللادينيين عندهم مقدّسات؟!) هي المقدّسات عندك إيه غير عبارة عن قيم ومعتقدات وشخصيّات أنت شايف إنهم مهمّين وفي درجة عالية جدًا عندك من التقدير ولازم يتم التعامل معاهم بإحترام؟ طب ما نفس الكلام عند اللاديني. هتقولي 'بس دي مش قداسة؟'، هقولك صح لو تقصد قداسة دينية أو إلهية، وساعتها القداسة دي هتكون في دماغك فقط. ولكن القداسة أعم واشمل من كدا. احتِرِم لو عايز تُحتَرَم، غير كدا؛ متقعدش تعيّط وتدبْدِب في الأرض لما حد ييجي يسيء لمعتقداتك التي تظن خطأً إنها مقدّسة. في النهاية اليوم أنتم اللي بتبيضوا على نقاش اللادينيين، غير كدا؛ فمحدش مُهتم أنتم شايفين تصرّفاتنا صح ولا غلط. محدش مستنّي حد بحِزمة المعتقدات بتاعتكم وبأخلاقكم الوِسخة في النقاش والخصومة علشان يقيّمه.

في قصة عبثية تعرّفك إننا داخلين خصومة مع ناس مغيّبين ودماغهم مش شغّالة كما ينبغي. في شخص من عندهم كل ما تيجي الفرصة؛ يقعد يشتكي إنه لما اشتكى في بث صديق ليا من كلام قاله أحد الحاضرين واعتبره إزدراء لمقدّساته، صديقي منع الكلام دا وقاله "أنا عملت كدا علشان أنت صديق وعلشان متضايقش، بس الشخص دا حُر". هل الشخص المشتكي شاف إن فعل صديقي دا كان جميل جدًا وإنه بيعكس احترام له؟ الإجابة لأ. هو شاف إن مش من حق حد يعمل أي حاجة هو شايفها إزدراء، وشاف إنه كان المفروض يمنع الكلام دا لأنه إهانة لمقدّساته. تخيّل معايا إن المسلم فاكر إن الناس المحترمة اللي مش بتشتم مقدّساته المفروض علشان يكونوا محترمين بجد يعملوا كدا بدافع إنهم عارفين إنها مقدّسات!! طب ما لو اللي قصادك شايفها مقدّسات فعلا؛ هيكون لاديني ولا ملحد ليه! 🙂

يُعد كتاب Philosophical Foundations for a Christian Worldview أحد أهم المراجع المعاصرة في الفلسفة التحليلية للدين واللاهوت المسيحي التحليلي. يمتاز بأنه لا يبدأ مباشرةً بالمسائل اللاهوتية، بل يؤسس لها من خلال عرض منظم لمباحث المنطق، ونظرية المعرفة، والميتافيزيقا، وفلسفة العقل، والأخلاق، ثم ينتقل إلى مناقشة أبرز القضايا اللاهوتية بأسلوب فلسفي تحليلي يعتمد على الحجاج والاستدلال. أضع بين أيديكم ترجمة الكتاب، وأتمنى أن تكون نافعة لكل مهتم بالفلسفة التحليلية وفلسفة الدين. 🌹

مفيش فرصة للاديني أسهل من المسلم اللي بيشتم بأوسخ الألفاظ ويخوض في أعراض الناس. دا تقوله "مستحيل اللي بتعمله دا يكون في دينك". فشل يجيب حاجة زي دي في دينه؛ بقى مفرقش كتير عن اللاديني اللي بيتهمه إنه مفيش مرجعية بتحكمه وإنه بيتّبع هواه. عِرِف يجيب حاجة واضحة ومتفق عليها في دينه بتشجّعه على كده؛ يبقى اثبت بنفسه مدى التدنّي الأخلاقي اللي بيدعو له دينه اللي بيقول عليه 'مصدر الأخلاق'.

*بعض العبثيات اللي بيقولوها متصدّرين المسلمين في النقاشات وهم مش فاهمين عواقبها لو صدقت* (الملحد/غير المسلم معندوش عقل) › النتيجة: • مينفعش يتحاسب لا دنيا ولا آخرة. • مينفعش تدخل معاه في نقاش. • الشخص اللي بيروح يناقش كائن بلا عقل فهو أقرب له من العاقل. • إن الإيمان/الإسلام بيسبق العقل والايمان/الإسلام بينتج عقل (!!!!) • انتقال أي حد للإسلام غير عقلاني. (طبعًا لو شدّيت الخط لورا هتكتشف إن دا يلزم كل اللي اسلموا)🙂 (مفيش قيم/صح وغلط بدون تشريع) › النتيجة: • إن كل الجرائم اللي اتعملت قبل التشريع مكنتش غلط، وكل الأفعال الخيرية مكنتش صح. (من ناحية أنطولوچية) • إن كل الجرائم اللي بتتعمل وهتتعمل أصحابها مينفعش يتلاموا عليها لو موصلّهمش التشريع زي اللي بيعمله النِتِن عادي. (من ناحية معرفية) • معضلة يوثيفرو. (من ناحية أنطولوچية) • مفيش مسلك لإثبات صدق دلالة المعجزة • مفيش مسلك لإثبات صفات الكمال للإله

بأمانة بنتعامل مع خصوم IQ شِبشِب بصباع! https://vt.tiktok.com/ZSXTDKKue/

https://vt.tiktok.com/ZSX7kUa9a/

المتطرّفين اللي على التيك توك مدلّسين درجة أولى! كل ما حد بسيط يكون عنده اعتراض على العبودية، يبتدوا معاه الرد بالطريقة دي: تخيّل حد جه هجم عليا بيحاربني عايز يقتلني، وانا انتصرت عليه وهو وقع في أيدي أسير، مش المفروض اقتله؟ بس من الرحمة الدين إني مبقتلوش، دا انا باخده وبحافظ على حياته..... إلى آخره. وبغض النظر عن إن حتى في الحالة دي اللي بيحصل بعد كده في الأسير أو الاسيرة بيكون مشبوه أخلاقيًا، ولكن الحقيقة إنهم بيتناقشوا مع الناس وكأن التاريخ الإسلامي كله كان صد لعدوان الآخر عليهم وكمان كأن كل دا حصل على أرض الجزيرة العربية ومحصلش حاجة خارجها! عيب في وشوشكم اللي متعرفش العيب لما تدافعوا عن دينكم ومعتقداتكم بالتدليس والكذب. لو مش مكسوفين من دينكم وتاريخكم؛ إطلعوا قولوا للعوام الحقيقة وإيه اللي حصل وإيه اللي عايزين تطبّقوه لو مسكتم الحكم. قال "أصل دا بيبقى جاي يعتدي عليا"!

تسمعهم بيقولوا: الملحد معندوش أخلاق، ولكن إحنا عندنا أخلاق. طب بذمّتك مش مكسوف وأنت مسمّي حِزمة الإنتهاكات اللي عندك دي أخلاق! أنا لو مكانك أقول معنديش أخلاق انضف.

https://vt.tiktok.com/ZSX1jh2T6/