Samarqand viloyati Iqtisodiyot va moliya bosh boshqarmasi

📢 E’LON: KICHIK VA O‘RTA TADBIRKORLIK SUBYEKTLARI ISHLAB CHIQARISH UNUMDORLIGI VA RESURS SAMARADORLIGI DIAGNOSTIKASIGA TAKLIF ETILADI 🟥 Iqtisodiyot va moliya vazirligi Germaniya xalqaro hamkorlik jamiyati (GIZ) hamda “INTEGRATION” kompaniyasi bilan hamkorlikda mahalliy korxonalar unumdorligini oshirishga qaratilgan pilot loyihani yo‘lga qo‘ymoqda. 🏭 Agar korxonangizda ishlab chiqarish samaradorligini oshirish, yo‘qotishlar va resurslar sarfini kamaytirish hamda mahsulot tannarxini pasaytirish zarur bo‘lsa, loyihada ishtirok etish uchun ariza topshiring. Pilot loyiha doirasida korxonangizdaunumdorlik diagnostikasi bepul o‘tkaziladi. 🌐 Nima uchun bu loyiha muhim? 📘 Hozirda texnologiyalarning jadal yangilanishi, ichki va tashqi bozorlarda raqobatning tobora kuchayib borishi sharoitida hamda O‘zbekistonning Jahon savdo tashkilotiga a’zo bo‘lish jarayoni ham yakuniy bosqichga kirganligini inobatga olib ishlab chiqarish hajmini oshirish va yangi quvvatlarni ishga tushirishning o‘zi yetarli emas. 📈 Korxona bozorda o‘z o‘rnini mustahkamlashi uchun tannarxni pasaytirish, mahsulot sifatini yaxshilash hamda resurslardan oqilona foydalanishga ham alohida e’tibor qaratishi kerak. 🔎 Diagnostika qanday o‘tkaziladi va korxona qanday natija oladi? Mahalliy va xorijiy ekspertlar korxonalarga tashrif buyurib, ishlab chiqarish jarayonlari, xomashyo, energiya va resurslar sarfi, chiqindilar, ish jarayonidagi uzilishlar hamda nuqsonlarni o‘rganadi. Tahlillar Birlashgan Millatlar Tashkilotining Sanoatni rivojlantirish tashkiloti (UNIDO) tomonidan ishlab chiqilgan RECP - resurs tejamkor va toza ishlab chiqarish yondashuvi hamda Lean Six Sigma uslubiyatlari asosida olib boriladi. Audit yakunida: ✔️ vaqt va mablag‘ yo‘qotishiga sabab bo‘layotgan muammolar aniqlanadi; ✔️ xomashyo, energiya va resurslarni tejash imkoniyatlari baholanadi; ✔️ tannarxni pasaytirish va mahsulot sifatini oshirish bo‘yicha amaliy yechimlar ishlab chiqiladi; ✔️ korxona uchun ustuvor amaliy yechimlar to‘plami tayyorlanadi. Ushbu tavsiyalar korxonaning ichki bozorda import mahsulotlari bilan raqobatlashish, xalqaro standartlar va sertifikatlashtirish talablariga tayyorlanish hamda tashqi bozorlarga chiqish salohiyatini oshirishga xizmat qiladi. 📝 Loyihada ishtirok etish uchun quyidagi havola orqali ariza topshiring: ➡️ Bu havola orqali ro‘yxatdan o‘ting. ⏳ Arizalarni qabul qilish muddati: 2026 yil 1 oktyabr ☎️ Bog‘lanish uchun: +998 90 997 87 53

Joriy yilning 11-avgust kuni Samarqand Davlat Texnika universiteti faollar zalida viloyat Iqtisodiyot va moliya bosh boshqarmasi, Makroiqtisodiy va hududiy tadqiqotlar instituti hamda Germaniya xalqaro hamkorlik jamiyati (GIZ) bilan hamkorlikda "Ishlab chiqarish va xizmat ko‘rsatish sohalarida mehnat unumdorligini oshirish, ishlab chiqarish samaradorligini yuksaltirish hamda zamonaviy boshqaruv usullari, "Kayzen" amaliyotini joriy qilish" mavzusida seminar-trening o‘tkazildi. Seminar-treningda Germaniya xalqaro hamkorlik jamiyati (GIZ) eksperti Atanas Kochov tomonidan O‘zbekistonda sanoat korxonalarini dekarbonizatsiya qilish va "yashil" biznesni rivojlantirish hamda korxonalarda mehnat unumdorligini oshirish, ishlab chiqarish samaradorligini yuksaltirish hamda zamonaviy boshqaruv usullari joriy qilish bo‘yicha "Kayzen" amaliyotining afzalliklari haqida tushunchalar berildi. 👉 Kanalga ulanish

1️⃣2️⃣3️⃣4️⃣ 📊 Soliqlar — taraqqiyotga investitsiya, iqtisodiy shaffoflik esa barqaror rivojlanish omili ✔️To‘langan soliqlar ta’lim, sog‘liqni saqlash, pensiya ta’minoti, infratuzilma va boshqa muhim ijtimoiy yo‘nalishlarni moliyalashtirishga xizmat qiladi. 2025-yilda 2024-yilga nisbatan: ➡️ ta’lim xarajatlari — 17 foizga; ➡️ sog‘liqni saqlash xarajatlari — 19 foizga; ➡️ pensiya ta’minoti xarajatlari — 24 foizga; ➡️ madaniyat va sport xarajatlari — 29 foizga; ➡️ aholini uy-joy bilan ta’minlash xarajatlari — 34 foizga oshgan. 📉 O‘zbekistonda kuzatilmaydigan iqtisodiyot ulushi 2017-yildagi 45,6 foizdan 2025-yilda 26,9 foizgacha kamaydi. 🔗 Batafsil: https://openbudget.uz/tax-statics-module #Soliqlar #OchiqBudjet #IqtisodiyShaffoflik #RasmiyIqtisodiyot Telegram | Facebook | Instagram | Youtube | Х

Viloyat hokimligida xalq deputatlari viloyat Kengashining 34-sessiyasi o‘z ishini boshladi Samarkand.uz|Facebook|Instagram|YouTube|X