🌐 𝐒𝐢𝐫𝐝𝐚𝐫𝐲𝐨𝐧𝐢𝐧𝐠 𝐚𝐲𝐨𝐥𝐢

Milliy libos — qadriyat va nafislik timsoli 🇺🇿 Bugun Sirdaryo viloyati Oila va xotin-qizlar tizimida faoliyat yuritayotgan xotin-qizlar hamda xodimlar “Milliy liboslar kuni” munosabati bilan milliy kiyimlarda ishtirok etib, xalqimizning boy merosi va qadriyatlariga bo‘lgan yuksak hurmatini namoyon etdilar. Milliy liboslarimiz xalqimizning tarixi, nafis didi va ko‘p asrlik an’analarini o‘zida mujassam etgan bebaho merosdir. Atlas va adraslarning jozibasi, milliy naqsh va bezaklarning betakrorligi o‘zbekona nafosat va go‘zallikni yanada yorqin namoyon etadi. Milliy kiyimlarni asrab-avaylash, targ‘ib qilish va kelajak avlodga yetkazish — milliy o‘zligimizni qadrlashning muhim ifodasidir. Milliy libos — millatimiz ko‘rki, qadriyatlarimiz ifodasi va o‘zligimiz timsolidir! 🇺🇿

Boyovut tumani Boboyurt mahallasida O‘zbekiston Respublikasi Mustaqilligining 35 yilligi munosabati bilan “Milliy liboslar kuni” tadbiri o‘tkazildi. Tadbirning asosiy maqsadi — milliy qadriyatlarimizni, urf-odat va an’analarimizni asrab-avaylash, yosh avlod qalbida Vatanga muhabbat va milliy o‘zlikni anglash tuyg‘ularini yanada mustahkamlashdan iborat bo‘ldi. Tadbir davomida mahalla faollari, xotin-qizlar va 12-sonli MMTT hodimlari milliy liboslarda ishtirok etib, o‘zbek xalqining betakror milliy kiyimlari, atlas va adras liboslarini namoyish etdilar. Shuningdek, tadbirda milliy liboslarning tarixi va ahamiyati haqida fikrlar bildirilib, xalqimizning boy madaniy merosini kelajak avlodga yetkazish, zarurligi ta’kidlandi. Ko‘tarinki ruhda o‘tgan “Milliy liboslar kuni” tadbiri ishtirokchilarga bayramona kayfiyat ulashib, milliy qadriyatlarimizga bo‘lgan hurmat va e’tiborni yanada oshirdi. Mustaqilligimizning 35 yilligi muborak bo‘lsin! Milliy liboslarimiz — milliy g‘ururimiz va bebaho merosimizdir!

Milliy liboslar — milliy o‘zligimiz ifodasi Sirdaryo viloyati Oila va xotin-qizlar boshqarmasida “Milliy liboslar kuni” munosabati bilan oqila ayollar ishtirokida kiyinish odobi va milliy liboslar mavzusida davra suhbati o‘tkazildi. Suhbat davomida milliy kiyimlarning jamiyatimizdagi o‘rni, turli hududlarga xos kiyinish an’analari, libos tanlashda did va andishaga e’tibor berish kabi masalalar yuzasidan fikr almashildi. Shuningdek, zamonaviy kiyinish bilan milliy ruhni uyg‘unlashtirish, qadimiy kiyinish an’analarini bugungi kun talablariga mos ravishda davom ettirish borasida takliflar bildirildi. Tadbirda oqila ayollar o‘z qarashlari va hayotiy tajribalari bilan o‘rtoqlashib, milliy kiyimlarni kundalik hayotda keng targ‘ib etish, ularning mazmun-mohiyatini yosh avlodga yetkazish zarurligini ta’kidladilar. Milliy libos — o‘zligimizni namoyon etuvchi, avlodlar davomiyligini aks ettiruvchi bebaho merosdir.