URGANCH INNOVATSION UNIVERSITETI

⏳⏳⏳⏳ Bugun 15-avgust, haftaning shanba kuni. Ushbu kunda ro‘y bergan muhim voqealar bilan tanishing. #bayramlar 🇧🇾Belarus, 🇷🇺Rossiya, 🇺🇦Ukraina – Arxeologlar kuni. 🇨🇷Kosta-Rika – Onalar kuni. #muhim_voqealar 🔹1498 – Uchinchi safari paytida Xristofor Kolumb Grenadani kashf etdi. 🔹1835 – Aylanadigan barabanli kir yuvish mashinasi uchun patent olindi. 🔹1877 – “Alo” so‘zi birinchi marta ishlatildi. 🔹1914 – Panama kanalidan birinchi kema o‘tdi. 🔹1992 – Ozarbayjonda yangi valyuta – manat joriy etildi. #tavalludlar 🔹1769 – Napoleon I Bonapart – Fransiya imperatori. 🔹1771 – Valter Skott – shotland yozuvchisi. 🔹1884 – Avaz O‘tar – o‘zbek ma’rifatparvar shoiri. 🔹 1915 – Tursunxon Ja’farova – aktrisa, O‘zbekiston xalq artisti. Bizni kuzating: 📱Instagram | 📺YouTube | 🕊Telegram

#Qonunchilik_yangiliklari O‘zbekiston Respublikasi Prezidenti tomonidan “O‘zbekiston Respublikasi Prezidenti Administratsiyasi to‘g‘risida”gi Konstitutsiyaviy qonun imzolandi. Administratsiya Prezident faoliyati va Konstitutsiyaviy vakolatlarini tashkiliy, huquqiy va tahliliy jihatdan ta’minlovchi yagona konstitutsiyaviy institut hisoblansa-da, davlat organlari bilan munosabatlarda uning faoliyatini qonun bilan tartibga solish bo‘yicha huquqiy bo‘shliq mavjud edi. Endilikda yangi qonun bilan ushbu masalalar tartibga solindi. Prezidentning farmon, qaror, farmoyish va topshiriqlari ijrosini tashkil etishda Administratsiyaning amaldagi vakolatlari doirasidagi faoliyati qonun bilan tartibga solinishi Prezidentlik institutining huquqiy asoslarini kuchaytiradi. Xalqaro amaliyotda Prezident faoliyatini ta’minlovchi institutning huquqiy maqomi qonun darajasida belgilanishi Prezidentlik boshqaruvining institutsional standarti hisoblanadi. Qonun 4 ta bob va 34 ta moddadan iborat bo‘lib, Administratsiyaning amaldagi vakolatlari doirasida Prezident faoliyatini ta’minlashning konstitutsiyaviy mexanizmlari qonunda huquqiy jihatdan rasmiylashtirildi. Xususan: – Administratsiya O‘zbekiston Respublikasi Prezidentining vakolatlari amalga oshirilishini tashkiliy, huquqiy, tahliliy jihatdan ta’minlaydigan davlat organi sifatida belgilandi; – Administratsiyani Prezident shakllantiradi, Prezident belgilagan asosiy yo‘nalishlarda faoliyat yuritadi, Prezidentga bo‘ysunadi va hisobdor bo‘ladi. Administratsiyaning asosiy vazifalari belgilandi: – O‘zbekiston Respublikasi Prezidentining konstitutsiyaviy vakolatlarini amalga oshirilishini tashkiliy, huquqiy va tahliliy ta’minlash; – Prezidentning farmon, qaror va farmoyishlari loyihalarini hamda topshiriqlarini tayyorlash, ularning ijrosini tashkil etish, nazoratini olib borish hamda ularni amalga oshirishga ko‘maklashish; – Prezidentning mamlakatni ijtimoiy-iqtisodiy va ijtimoiy-siyosiy rivojlantirishga oid yangi tashabbuslarini ishlab chiqish; – aholi va tadbirkorlar bilan ochiq va to‘g‘ridan to‘g‘ri muloqotlarni tashkil etish va ularni qiynayotgan masalalarga yechimlarni ishlab chiqish; – qonunlarni imzoga yoki qaytarishga tayyorlash; – Prezidentning Oliy Majlisga murojaatnomasini tashkil etish; – Prezidentga bevosita bo‘ysunuvchi (hisobdor) davlat organlari va tashkilotlari faoliyatini muvofiqlashtirish va boshqalar. Shuningdek, qonunda Administratsiya rahbarining huquqiy maqomi va vazifalari, Administratsiyaning mansabdor va boshqaruv shaxslarini lavozimga tayinlash hamda ozod etishga oid normalar belgilangan, Prezident huzuridagi Xavfsizlik kengashi faoliyatini tashkil etishning qonuniy asoslari yaratilgan. Administratsiya Prezident faoliyatini tashkil etish doirasida parlament, Hukumat, vazirlik va idoralar, mahalliy hokimliklar, sud hokimiyati va sudyalar hamjamiyati organlari bilan hamkorlik qiladi. Administratsiya Prezidentga bevosita bo‘ysunuvchi davlat organlari faoliyatini muvofiqlashtiradi, ularni takomillashtirish bo‘yicha takliflar tayyorlaydi va Prezidentga kiritadi. Administratsiya xodimlari uchun ularga yuklatilgan vazifalarni bajarishda ijtimoiy, iqtisodiy va huquqiy himoya choralari nazarda tutilmoqda. Prezident Administratsiyasi to‘g‘risida Konstitutsiyaviy qonunning qabul qilinishi Yangi O‘zbekistonda inson qadrini ulug‘lash, xalqimiz farovonligini yuksaltirish, davlat organlarini xalqqa xizmat qiladigan, ochiq va hisobdor tizimga aylantirish, mamlakatimizning xalqaro maydondagi nufuzini mustahkamlash borasida amalga oshirilayotgan islohotlarni yangi bosqichga ko‘tarishga xizmat qiladi. Facebook | Instagram | YouTube | Telegram

🔹🔹🔹🔹 🤎 Juma – “Milliy liboslar” kuni. 🗣“Dolzarb 90 kun” loyihasi doirasidagi “Milliy liboslar kuni” milliy qadriyatlarimizni ulug‘lash, yoshlarni milliy an’analarimizga hurmat ruhida tarbiyalash hamda o‘zbekona kiyinish madaniyatini targ‘ib etish uchun muhim tashabbusdir. Oliy ta’lim tashkilotlaridagi bunday tadbirlar milliy merosimizning davomiyligini ta’minlashga va uni kelajak avlodlarga yetkazishga xizmat qiladi. • O‘zbekiston davlat san’at va madaniyat instituti⁠ • Toshkent to‘qimachilik va yengil sanoat instituti⁠ • Urganch davlat universiteti • Urganch innovatsion universiteti⁠ • Namangan davlat texnika universiteti⁠ • Xalqaro innovatsion universitet⁠ • Qarshi davlat texnika universiteti⁠ • Andijon davlat chet tillari instituti⁠ • Toshkent davlat o‘zbek tili va adabiyoti universiteti⁠ • Ajiniyoz nomidagi Nukus davlat pedagogika instituti⁠ • Xalqaro innovatsion universiteti⁠ • Urganch davlat pedagogika instituti⁠ • O‘zbekiston Milliy universiteti Jizzax filiali⁠ • Samarqand davlat universiteti⁠ • Jizzax politexnika instituti⁠ • Buxoro davlat universiteti⁠ • Navoiy davlat universiteti⁠ • Alfraganus universiteti⁠ • Urganch davlat tibbiyot instituti⁠ 🤎Milliy liboslarimizga nazar tashlar ekanmiz, ajdodlarimizning hayot tarzi, dunyoqarashi va go‘zallik haqidagi tasavvurlarini his qilamiz. Bugun esa ularni e’zozlash va zamonaviy hayotda targ‘ib etish milliy o‘zligimizni asrash, qadriyatlarimizni kelajak avlodga yetkazishning go‘zal bir ko‘rinishidir. Bizni kuzating: 📱Instagram | 📺YouTube | 🕊Telegram