UzTest | Rasmiy kanal

Farg‘onada eksport salohiyatini oshirish va xalqaro standartlarni joriy etish bo‘yicha tizimli ishlar olib borilmoqda Joriy yilning 21-iyul kuni O‘zbekiston Respublikasi Prezidenti raisligida “Hudud va tarmoqlarda o‘sish sur’atlarini ta’minlash bo‘yicha joriy yilning birinchi yarmida erishilgan natijalar va yil yakunigacha amalga oshiriladigan ustuvor vazifalar” mavzusida videoselektor yig‘ilishi o‘tkazilgan edi. Mazkur yig‘ilishda berilgan topshiriqlar, xususan, eksport faoliyatini amalga oshirmayotgan maxsus iqtisodiy zonalar, 208 ta loyiha va milliy brendlar faoliyatini jonlantirish hamda ularning ijrosini samarali tashkil etish bugungi kunning dolzarb vazifalaridan biriga aylandi. Ushbu vazifalar ijrosini ta’minlash maqsadida Farg‘ona viloyatida eksport faoliyatini amalga oshirmayotgan korxonalar faoliyati tahlil qilinmoqda. Asosiy e’tibor mazkur korxonalar tomonidan ishlab chiqarilayotgan mahsulotlar uchun yangi xorijiy bozorlarni topish, ularning sifat ko‘rsatkichlarini oshirish, shuningdek, xalqaro standartlar va sertifikatlarni joriy etish masalalarini amaliy jihatdan o‘rganishga qaratilmoqda. Ayni paytda viloyatning shahar va tumanlari kesimida mas’ul tashkilotlar tomonidan manzilli chora-tadbirlar amalga oshirilmoqda. Xususan, Texnik jihatdan tartibga solish sohasida nazorat inspeksiyasining Farg‘ona bo‘limi, “UzTest” DM hamda “UzMMI”ning Farg‘ona va Qo‘qon filiallari mutaxassislari tomonidan tadbirkorlar bilan bevosita muloqot o‘tkazilmoqda. Jarayon davomida korxonalarga muvofiqlikni baholash tizimi, xalqaro sertifikatlarni, jumladan, ISO standartlarini olish tartibi tushuntirilmoqda. Shu bilan birga, hududiy korxonalarning eksport geografiyasini kengaytirish, mahsulotlarning xalqaro bozorlardagi raqobatbardoshligini oshirish va yangi hamkorlik aloqalarini yo‘lga qo‘yish bo‘yicha tizimli ishlar olib borilmoqda. ➡️  Telegram | Web-sayt | Instagram | Facebook | YouTube

Farg‘onada “INNOVATIVE APPAREL” korxonasiga ISO 9001 xalqaro standarti joriy etildi Farg‘ona viloyati Qo‘shtepa tumanida faoliyat olib borayotgan “INNOVATIVE APPAREL” mas’uliyati cheklangan jamiyatiga tashrif buyurilib, korxonaning to‘qimachilik mahsulotlari ishlab chiqarish jarayonlari va eksport salohiyati bilan yaqindan tanishildi. Ma’lumot o‘rnida, bugungi kunda mazkur korxona tomonidan tayyorlanayotgan mayka, futbolka, ustki va sport kiyimlari Rossiya, Qozog‘iston, Belarus hamda Shveysariya kabi davlatlarga 1 792,0 ming AQSh dollari miqdorida muvaffaqiyatli eksport qilib kelinmoqda. Tashrif davomida jamiyat vakili A.Azizov bilan muloqot o‘tkazilib, korxona rahbariyatiga muvofiqlikni baholash tizimi hamda davlatimiz tomonidan tadbirkorlar uchun yaratilayotgan yangi imkoniyatlar yuzasidan batafsil ma’lumot berildi. Xususan, O‘zbekiston Respublikasi Prezidentining 2025-yil 17-noyabrdagi “Yengil sanoatni qo‘llab-quvvatlash jamg‘armasi mablag‘lari hisobidan yengil sanoat korxonalariga taqdim qilinadigan moliyaviy yordam turlari to‘g‘risida”gi 729-sonli qarori hamda ushbu jamg‘arma hisobidan ajratiladigan imtiyoz va talablar tushuntirildi. Uchrashuvning amaliy natijasi sifatida korxonada mavjud zarurat o‘rganilib, ISO 9001 (Uz.SMT.04-0023-26004906/26) xalqaro standarti muvaffaqiyatli joriy etildi va tegishli tartibda sertifikatlashtirildi. Shuningdek, xarajatlarni qoplash maqsadida admin.adli.uz sayti orqali subsidiya olish uchun ariza berishda amaliy yordam ko‘rsatilmoqda. Tadbir yakunida korxona bilan metrologiya, standartlashtirish va sertifikatlashtirish sohalarida kelgusidagi hamkorlik aloqalarini doimiy tarzda olib borish bo‘yicha kelishuvlarga erishildi. ➡️  Telegram | Web-sayt | Instagram | Facebook | YouTube

🇺🇿O‘zbekiston Respublikasi Prezidentining 2026-yil 15-yanvardagi “Kitobxonlik madaniyatini rivojlantirish va aholi o‘rtasida kitob o‘qishga qiziqishni oshirish chora-tadbirlari to‘g‘risida”gi PQ–9-son qarori ijrosini ta’minlash maqsadida Agentlik tizimida xodimlarning kitobxonlik madaniyatini yuksaltirish, intellektual salohiyatini oshirish hamda mutolaaga bo‘lgan qiziqishini yanada kuchaytirishga qaratilgan “Eng yaxshi kitobxon” va “Eng ko‘p kitob o‘qigan xodim” tanlovlari o‘tkazilgan edi. Tanlov yakunlariga ko‘ra, tanlov g'oliblari e'lon qilindi. ✅Odinayev Mirjalol Xurram o‘g‘li - Raqamlashtirish va axborot xavfsizligini ta’minlash boshqarmasi bosh mutaxassisi - "Agentlikning eng yaxshi kitobxon xodimi" naminatsiyasi g‘olibi ✅Axmatxanova Nazokatxon Akromxonovna - O‘zbekiston milliy metrologiya instituti Geometrik va mexanik kattaliklarni o‘lchash bo‘limi mutaxassisi - "O‘zbekiston milliy metrologiya institutining eng yaxshi kitobxon xodimi" naminatsiyasi g‘olibi ✅Xojiyev Elshod Yoqub o‘g‘li - Mahsulotlarni eksport qilishga ko‘maklashish byurosi boshlig‘i, O‘zbekiston ilmiy-sinov va sifat nazorati "UzTEST markazining eng yaxshi kitobxon xodimi" nominatsiyasi g‘olibi 🏆Tanlovning mutlaq g‘olibi Abriyev Axror Abdujamil o‘g‘li - O‘zbekiston milliy metrologiya instituti Sirdaryo filali ish yurituvchisi - "Еng yaxshi kitobxon" tanlovi g‘olibi ✅Bundan tashqari xotin-qizlar o‘rtasida kitobxonlik madaniyatini yuksaltirish, intellektual salohiyatini oshirish hamda mutolaaga bo‘lgan qiziqishini yanada kuchaytirishga qaratilgan “Eng yaxshi kitobxon ayol” nominatsiyasi g‘olibi sifatida O‘zbekiston Milliy metrologiya instituti Jizzax filiali xodimi Ikromova Sitora Baxtiyor qizi e’tirof etildi. Gʻoliblar bir oylik ish xaqqi miqdorida rag‘batlantiriladi. 🌐  standart.uz | 😎Facebook | 😎Instagram | 😎YouTube

📣 Mustaqil izlanuvchilikga hujjatlar qabuli boshlandi 🎓 “Oʻzbekiston ilmiy-sinov va sifat nazorati markazi” davlat muassasasi qoshidagi 05.03.01 — Asboblar. O‘lchash va nazorat qilish usullari (tarmoqlar bo‘yicha) ixtisosligi bo‘yicha mustaqil izlanuvchi talabgorlari uchun hujjatlar qabuli boshlandi. 📆 Hujjat topshirish muddati: ⏳ 2026-yil 15-avgustga qadar 💻 Yagona elektron tizim orqali: http://daraja.ilmiy.uz 📝 Talab qilinadigan hujjatlar: ➖ Obyektivka ➖ Magistr diplomi ➖ Mehnat daftarchasi nusxasi ➖ Ilmiy ishlar ro‘yxati (kamida 1 ta ilmiy maqola va 2 ta konferensiya tezisi bo‘lishi shart) ➖ Ish joyidan tavsifnoma ➡️ Telegram | Web-sayt | Instagram | Facebook | YouTube

📢 Hurmatli yurtdoshlar, tashkilotlar vakillari va tadbirkorlar! O‘zbekiston Respublikasi Prezidentining 2026-yil 16-fevraldagi “Texnik jihatdan tartibga solish sohasidagi islohotlarni ilg‘or xalqaro amaliyot asosida jadallashtirish chora-tadbirlari to‘g‘risida”gi PF-25-son Farmoniga asosan, tashkiliy tuzilmada muhim o‘zgarishlar amalga oshirilmoqda. Unga ko‘ra, "O‘zbekiston ilmiy-sinov va sifat nazorati markazi" davlat muassasasi O‘zbekiston standartlar institutiga qo‘shib olinish orqali qayta tashkil etilmoqda. Shu munosabat bilan, joriy yilning 15-avgustidan boshlab xizmat ko‘rsatish tartibiga quyidagi o‘zgarishlar kiritiladi: ➖ Sertifikatlashtirish faoliyati to‘xtatiladi: Markaz tomonidan mahsulotlarni sertifikatlashtirish xizmatlarini ko‘rsatish to‘liq to‘xtatiladi. ➖ Sinov xizmatlari davom ettiriladi: Markazning laboratoriya-sinov xizmatlari hamda boshqa faoliyat yo‘nalishlari O‘zbekiston standartlar instituti tarkibida to‘liq hajmda o‘z ishini davom ettiradi. 📌 Kelgusi ish faoliyatingizda ushbu o‘zgarishlarni inobatga olishingizni so‘raymiz. ➡️  Telegram | Web-sayt | Instagram | Facebook | YouTube

“UzTest” DM va Jizzax politexnika instituti o‘rtasida ta’lim, ilm-fan va amaliyot integratsiyasi yo‘nalishida hamkorlik kengaymoqda Ta’lim, ilm-fan va amaliyot integratsiyasini rivojlantirish, ilmiy tadqiqotlarning amaliy ahamiyatini oshirish hamda soha uchun zarur bo‘lgan malakali mutaxassislar tayyorlash yo‘nalishida hamkorlikni mustahkamlash maqsadida Jizzax politexnika instituti vakillari “O‘zbekiston ilmiy-sinov va sifat nazorati markazi” davlat muassasasiga tashrif buyurdi. Tashrif davomida “UzTest” davlat muassasasining sinov laboratoriyalari faoliyati, mahsulot sifati va xavfsizligini ta’minlash yo‘nalishidagi ishlar, zamonaviy standartlarni joriy etish hamda sifat menejmenti tizimlarini takomillashtirish borasidagi tajribalar haqida ma’lumot berildi. Uchrashuvda oliy ta’lim va ishlab chiqarish o‘rtasidagi hamkorlikni yanada rivojlantirish masalalari muhokama qilindi. Xususan, magistrlik dissertatsiyalari mavzularini amaliy ehtiyojlardan kelib chiqib shakllantirish, magistrantlarning ilmiy izlanishlarini laboratoriya sharoitida sinovdan o‘tkazish hamda istiqbolli ishlanmalarni amaliyotga joriy etish bo‘yicha fikr almashildi. Shuningdek, yosh tadqiqotchilar uchun zamonaviy laboratoriya imkoniyatlaridan foydalanish, ilmiy loyihalarni qo‘llab-quvvatlash va soha mutaxassislari bilan tajriba almashish yo‘nalishlarida hamkorlik istiqbollari belgilab olindi. Mazkur tashrif “UzTest” DM va oliy ta’lim muassasalari o‘rtasidagi hamkorlikni mustahkamlash, ilmiy izlanishlarning amaliy samaradorligini oshirish hamda sifat va standartlashtirish sohasida zamonaviy bilimlarga ega mutaxassislar tayyorlashga xizmat qiladi. ➡️  Telegram | Web-sayt | Instagram | Facebook | YouTube