O‘zbekiston texnik jihatdan tartibga solish agentligi | Rasmiy kanal

Jizzax viloyatida tizim tashkilotlari faoliyati o‘rganildi ✅ Texnik jihatdan tartibga solish agentligi direktori o‘rinbosari J. Shakarovning Jizzax viloyatiga xizmat safari davomida Agentlik tizimidagi tashkilotlarning hududiy filiallari faoliyati o‘rganildi. O‘rganishlar davomida filiallarning moddiy-texnik bazasi, sinov va o‘lchash laboratoriyalarining texnik imkoniyatlari hamda mavjud sharoitlar atroflicha tahlil qilindi. Shuningdek, aniqlangan muammo va kamchiliklarni bartaraf etish, laboratoriyalarni zamonaviy sinov va o‘lchash uskunalari bilan jihozlash, ko‘rsatilayotgan xizmatlar sifati va samaradorligini oshirish hamda sinov laboratoriyalarining akkreditatsiya doirasini kengaytirish bo‘yicha aniq takliflar ishlab chiqildi. ✅ Mazkur chora-tadbirlar texnik jihatdan tartibga solish sohasidagi xizmatlar sifatini yanada yaxshilash, laboratoriyalar salohiyatini mustahkamlash va tizim tashkilotlari faoliyati samaradorligini oshirishga xizmat qiladi. 🌐 standart.uz | 😎 Facebook | 😎 Instagram | 😎 YouTube

Texnopark va ilmiy markaz: hamkorlikning yangi yo‘nalishlari 💜 Texnik jihatdan tartibga solish agentligi direktori Akmal Jumanazarov Farg‘ona davlat texnika universitetida bo‘lib, universitet qoshida tashkil etilgan o‘quv, ilmiy-innovatsion laboratoriyalar hamda “Airoinjinering” texnoparki faoliyati bilan tanishdi. 💛 Universitet qoshida tashkil etilgan, o‘nga yaqin zamonaviy kimyo laboratoriyalarini birlashtirgan ilmiy markaz talabalarning nazariy bilimlarini amaliyot bilan mustahkamlash, ilmiy tadqiqotlarni rivojlantirish va innovatsion loyihalarni amalga oshirish uchun keng imkoniyatlar yaratmoqda. Laboratoriyalarda zamonaviy uskunalar bilan ta’minlangan ilmiy-tadqiqot yo‘nalishlari, talabalar va yosh tadqiqotchilar uchun yaratilgan sharoitlar hamda yangi ishlanmalar ustida olib borilayotgan ishlar haqida ma’lumot berildi. Shuningdek, “Airoinjinering” texnoparkida qishloq xo‘jaligiga ilg‘or texnologiyalarni joriy etish, ilmiy-tadqiqot ishlarini rivojlantirish va talaba-yoshlarning amaliy ko‘nikmalarini oshirishga qaratilgan loyihalar amalga oshirilayotgani qayd etildi. 💚 Texnoparkda yo‘lga qo‘yilayotgan elektron plata yig‘ish bo‘limi faoliyati ham taqdim etildi. Mazkur yo‘nalishda navigatsiya va boshqaruv elektron platalari, sanoat elektron modullari hamda zamonaviy monitoring tizimlarini ishlab chiqish, shuningdek, ishlab chiqarish jarayonlarini avtomatlashtirish rejalashtirilgan. ⭐️ Mazkur yo‘nalishlarda hamkorlikni rivojlantirish, ilmiy-innovatsion loyihalarni qo‘llab-quvvatlash hamda texnopark faoliyatini yanada takomillashtirish bo‘yicha kelishuvlarga erishildi. 🌐 standart.uz | 😎 Facebook | 😎 Instagram | 😎 YouTube

«Soxta axborotlarga qarshi immunitet» — bugungi kunning muhim talabi ✅ Bugungi tezkor axborot makonida rost va yolg‘on ma’lumotni ajratish, tekshirilmagan xabarlar ta’siriga tushmaslik hamda axborotni tanqidiy baholash muhim ahamiyat kasb etmoqda. ✅ Shu maqsadda Texnik jihatdan tartibga solish agentligi tizim tashkilotlarining Andijon viloyatidagi filiallari xodimlari ishtirokida «Jaholatga qarshi ma’rifat» loyihasi doirasida «Soxta axborotlarga qarshi immunitet» mavzusida ma’naviy-ma’rifiy tadbir o‘tkazildi. ✅ Tadbirga O‘zbekiston musulmonlari idorasi Ulamolar kengashi a’zosi, «Gumbaz» jome masjidi imom-xatibi Botirjon Tojiboyev taklif etildi. Uchrashuv davomida soxta axborotning inson tafakkuri va jamiyatga ta’siri, tekshirilmagan ma’lumotlarni tarqatishning salbiy oqibatlari hamda axborotga mas’uliyat bilan yondashish masalalari muhokama qilindi. Tadbirda Agentlik direktorining maslahatchisi N. Mamadaliyeva so‘zga chiqib, soxta axborotga qarshi eng kuchli himoya — bilim, tanqidiy fikrlash va axborotni tekshirish madaniyati ekanini ta’kidladi. ✅ Tadbir ochiq muloqot ruhida o‘tkazilib, ishtirokchilar o‘zlarini qiziqtirgan savollarga javob oldilar. Jaholatga qarshi — ma’rifat. Soxta axborotga qarshi — bilim va tafakkur! 🌐 standart.uz | 😎 Facebook | 😎 Instagram | 😎 YouTube