Savdo-sanoat palatasi

❕Бизнес унутган қўрқув: тугаган “маска шоу”лар ва эркин ишлаш бахти. ❕“Нол”дан давлат мукофотигача – чемпион тадбиркорлар қандай кўтарилди?   ❕Президентга берилган ваъда: ёш миллионер сўзининг устидан қандай чиқди? ❕ Ўзбек пахтачилигида тарихий натижа: ўртача ҳосилдорлик 50 центнер, даромад эса... Барчаси 🖥🖥🖥 телеканалининг "Таҳлилнома" | 21:00 дастурида! Ўтказиб юборманг! 🕊Telegram 📱Instagram 📱Facebook 📺 Youtube

🖥🖥🖥 Ўзбекистон Республикаси Президентининг Фармони ва Фармойиши билан тақдирланган тадбиркорлар ҳақида очерклар 🕊Telegram 📱Instagram 📱Facebook 📺Youtube

Тошкентдаги йирик брендлар асосчилари мукофотланди 👍 Тадбиркорлар куни муносабати билан Тошкент шаҳрида мамлакатимиз иқтисодий тараққиётига, янги иш ўринлари яратишга, экспорт салоҳиятини оширишга ва замонавий хизматларни ривожлантиришга муносиб ҳисса қўшиб келаётган 39 нафар тадбиркор давлат мукофотлари билан тақдирланди. Тадбиркорларга «Дўстлик» ордени, «Соғлом турмуш» медали, «Келажак бунёдкори» медали, «Шуҳрат» медали ҳамда «Фаол тадбиркор» кўкрак нишони топширилди. 🚕 🍕 Мукофотланганлар орасида «YandexGo UB», «Dodo Pizza Tashkent», «Sofizar», «TasnifGroup», «Ahmad Oltin Jo‘ja» каби оммалашган брендлар асосчилари ва раҳбарлари ҳам бор. Батафсил видеода. 🕊Telegram 📱Instagram 📱Facebook 📺Youtube

🖥🖥🖥 Тадбиркорлар меҳнати - давлат эътирофида 🕊Telegram 📱Instagram 📱Facebook 📺Youtube

Қувончли лаҳзалар, юксак эътироф! 🥰 «Фаол тадбиркор» кўкрак нишони билан тақдирланган қашқадарёлик тадбиркор Дилфуза Рахмонова ўз қувончи ва таассуротлари билан ўртоқлашди. 🕊Telegram 📱Instagram 📱Facebook 📺Youtube

Ирода ва меҳнат ғалабаси: “Фаол тадбиркор”га муносиб инсон 🍋 Баъзан инсоннинг имкониятлари унинг жисмоний ҳолати билан эмас, балки орзу-интилишлари, меҳнатсеварлиги ва ҳаётга бўлган ишончи билан ўлчанади. Учқўрғон туманидаги “Citrus city” МЧЖ директори Носиржон Бекмуратовнинг ҳаёт йўли бунинг яққол исботидир. Асли касби ўқитувчилик бўлган Носиржон ака қарийб 20 йил давомида касбий таълим соҳасида фаолият юритди. Бироқ у доимо ердан унумли фойдаланиш, замонавий боғдорчиликни ривожлантириш орқали янги иш ўринлари яратишни мақсад қилди. 🪴 Аввал хонадон томорқасидаги 30 сотих майдонда лимон парваришлаган бўлса, 2020 йилда самарасиз боғлар ўрнида 1,5 гектар майдонда лимонария ташкил этиб, “Citrus city” корхонасига асос солди. Қатъият ва изланишлар натижасида бугунги кунда иссиқхона майдони 8 гектарга етди. Корхонада 50 нафар фуқаро доимий иш билан таъминланган бўлса, мавсумий ишлар даврида 200 нафарга яқин аҳоли даромад манбаига эга бўлмоқда. Бу эса тадбиркорликнинг нафақат шахсий манфаат, балки ижтимоий масъулият эканини кўрсатади. Уч йил аввал юз берган нохуш воқеа туфайли унинг соғлигида жиддий муаммолар пайдо бўлди, ҳаракатланиш имкониятлари чекланди. Аммо бу ҳолат унинг мақсадлари ва ҳаётга бўлган муҳаббатини сусайтирмади. Аксинча, у янада катта режалар сари интилишда давом этди. Бугун Носиржон Бекмуратовнинг навбатдаги мақсади — 100 тоннали музлатгичли омбор ташкил этиш, маҳсулотларни сақлаш имкониятларини кенгайтириш ва маҳаллий лимонни халқаро бозорларга экспорт қилишдир. 🥰 Унинг кўп йиллик самарали меҳнати, тадбиркорликни ривожлантириш, янги иш ўринлари яратиш ва мамлакат иқтисодиётига қўшаётган муносиб ҳиссаси юксак баҳоланиб, Ўзбекистон Республикаси Президентининг Фармойишига мувофиқ “Фаол тадбиркор” кўкрак нишони билан тақдирланди. Бу мукофот фақат бир инсоннинг эмас, балки меҳнат, сабр-тоқат ва қатъиятнинг эътирофидир. 🕊Telegram 📱Instagram 📱Facebook 📺Youtube

Prezident Shavkat Mirziyoyev tomonidan “O‘zbekiston Respublikasi Prezidenti Administratsiyasi to‘g‘risida”gi Konstitutsiyaviy qonun imzolandi. Administratsiya Prezident faoliyati va Konstitutsiyaviy vakolatlarini tashkiliy, huquqiy va tahliliy jihatdan ta’minlovchi yagona konstitutsiyaviy institut hisoblansa-da, davlat organlari bilan munosabatlarda uning faoliyatini qonun bilan tartibga solish bo‘yicha huquqiy bo‘shliq mavjud edi. Endilikda yangi qonun bilan ushbu masalalar tartibga solindi. Prezidentning farmon, qaror, farmoyish va topshiriqlari ijrosini tashkil etishda Administratsiyaning amaldagi vakolatlari doirasidagi faoliyati qonun bilan tartibga solinishi Prezidentlik institutining huquqiy asoslarini kuchaytiradi. Xalqaro amaliyotda Prezident faoliyatini ta’minlovchi institutning huquqiy maqomi qonun darajasida belgilanishi Prezidentlik boshqaruvining institutsional standarti hisoblanadi. Qonun 4 ta bob va 34 ta moddadan iborat bo‘lib, Administratsiyaning amaldagi vakolatlari doirasida Prezident faoliyatini ta’minlashning konstitutsiyaviy mexanizmlari qonunda huquqiy jihatdan rasmiylashtirildi. Xususan: – Administratsiya O‘zbekiston Respublikasi Prezidentining vakolatlari amalga oshirilishini tashkiliy, huquqiy, tahliliy jihatdan ta’minlaydigan davlat organi sifatida belgilandi; – Administratsiyani Prezident shakllantiradi, Prezident belgilagan asosiy yo‘nalishlarda faoliyat yuritadi, Prezidentga bo‘ysunadi va hisobdor bo‘ladi. Administratsiyaning asosiy vazifalari belgilandi: – O‘zbekiston Respublikasi Prezidentining konstitutsiyaviy vakolatlarini amalga oshirilishini tashkiliy, huquqiy va tahliliy ta’minlash; – Prezidentning farmon, qaror va farmoyishlari loyihalarini hamda topshiriqlarini tayyorlash, ularning ijrosini tashkil etish, nazoratini olib borish hamda ularni amalga oshirishga ko‘maklashish; – Prezidentning mamlakatni ijtimoiy-iqtisodiy va ijtimoiy-siyosiy rivojlantirishga oid yangi tashabbuslarini ishlab chiqish; – aholi va tadbirkorlar bilan ochiq va to‘g‘ridan to‘g‘ri muloqotlarni tashkil etish va ularni qiynayotgan masalalarga yechimlarni ishlab chiqish; – qonunlarni imzoga yoki qaytarishga tayyorlash; – Prezidentning Oliy Majlisga murojaatnomasini tashkil etish; – Prezidentga bevosita bo‘ysunuvchi (hisobdor) davlat organlari va tashkilotlari faoliyatini muvofiqlashtirish va boshqalar. Shuningdek, qonunda Administratsiya rahbarining huquqiy maqomi va vazifalari, Administratsiyaning mansabdor va boshqaruv shaxslarini lavozimga tayinlash hamda ozod etishga oid normalar belgilangan, Prezident huzuridagi Xavfsizlik kengashi faoliyatini tashkil etishning qonuniy asoslari yaratilgan. Administratsiya Prezident faoliyatini tashkil etish doirasida parlament, Hukumat, vazirlik va idoralar, mahalliy hokimliklar, sud hokimiyati va sudyalar hamjamiyati organlari bilan hamkorlik qiladi. Administratsiya Prezidentga bevosita bo‘ysunuvchi davlat organlari faoliyatini muvofiqlashtiradi, ularni takomillashtirish bo‘yicha takliflar tayyorlaydi va Prezidentga kiritadi. Administratsiya xodimlari uchun ularga yuklatilgan vazifalarni bajarishda ijtimoiy, iqtisodiy va huquqiy himoya choralari nazarda tutilmoqda. Prezident Administratsiyasi to‘g‘risida Konstitutsiyaviy qonunning qabul qilinishi Yangi O‘zbekistonda inson qadrini ulug‘lash, xalqimiz farovonligini yuksaltirish, davlat organlarini xalqqa xizmat qiladigan, ochiq va hisobdor tizimga aylantirish, mamlakatimizning xalqaro maydondagi nufuzini mustahkamlash borasida amalga oshirilayotgan islohotlarni yangi bosqichga ko‘tarishga xizmat qiladi. Facebook|Instagram|X

🖥🖥🖥 Ўзбекистон Республикаси Президенти «Тадбиркорлар куни муносабати билан соҳа вакилларидан бир гуруҳини мукофотлаш тўғрисида» ги Фармон ва ««Фаол тадбиркор» кўкрак нишони билан тақдирлаш тўғрисида» ги Фармойишни имзолади 🕊Telegram 📱Instagram 📱Facebook 📺Youtube

Лицензия олмасдан, 3 ой давомида тадбиркорлик билан шуғулланиш учун имконият яратилмоқда Қонун (ЎРҚ–1164-сон, 13.08.2026 й.) билан айрим қонун ҳужжатларига ўзгартириш ва қўшимчалар киритилди.   Қонун билан лицензияни ёки рухсат этиш хусусиятига эга ҳужжатни “Бизнесга лицензиясиз кириш” махсус режими доирасида олишнинг ўзига хос хусусиятлари белгиланди.   ◾️Режим доирасида талабгор фаолиятини махсус электрон тизим ёки ЯИДХП орқали ваколатли органга бепул хабар берган ҳолда, лицензия ёки рухсат этиш хусусиятига эга ҳужжат олмасдан амалга ошириши мумкин.   🚫 Режимнинг амал қилиш муддати 3 ой бўлиб, ушбу муддат давомида талабгор муайян фаолиятни (ҳаракатни) лицензиясиз ёки рухсат этиш хусусиятига эга ҳужжатсиз амалга оширганлик учун жавобгарликка тортилмайди.   Талабгор “Бизнесга лицензиясиз кириш” махсус режимининг амал қилиш муддати давомида:   ◾️ ўз фаолиятини лицензия ёки рухсат бериш талабларига ва шартларига мувофиқлаштириш чораларини кўради;   ◾️ тегишли лицензияни ёки рухсат этиш хусусиятига эга ҳужжатни белгиланган тартибда олади ёхуд мазкур фаолиятни (ҳаракатларни) тугатади. 🕊Telegram 📱Instagram 📱Facebook 📺Youtube

🖥🖥 Тадбиркорлар билан очиқ мулоқотга тайёргарликнинг бориши кўриб чиқилди 🕊Telegram 📱Instagram 📱Facebook 📺Youtube

O‘zbekiston Respublikasi Prezidentining “«Faol tadbirkor» ko‘krak nishoni bilan taqdirlash to‘g‘risida”gi Farmoyishi — Распоряжение Президента Республики Узбекистан «О награждении нагрудным знаком "Фаол тадбиркор"» Prezident.uz|Facebook|Instagram|YouTube|X

O‘zbekiston Respublikasi Prezidentining “«Faol tadbirkor» ko‘krak nishoni bilan taqdirlash to‘g‘risida”gi Farmoyishi — Распоряжение Президента Республики Узбекистан «О награждении нагрудным знаком "Фаол тадбиркор"» Prezident.uz|Facebook|Instagram|YouTube|X