XISMI-“Ma’naviy Hayot Ko‘zgusi

08.07 2026 yil Xorazm ixtisoslashtirilgan san’at maktab-internatda 2026/2027-o‘quv yili uchun 1-sinfga qabul imtihonlari belgilangan tartibda, oshkoralik va shaffoflik tamoyillari asosida o‘tkazildi. Qabul imtihonlarida hujjat topshirgan barcha talabgor o‘quvchilar to‘liq ishtirok etdi. Imtihon jarayoni amaldagi Nizom talablari asosida tashkil etilib, har bir talabgorning ijodiy ishlari qabul komissiyasi a’zolari tomonidan belgilangan baholash mezonlari asosida xolis va adolatli baholandi. Shuningdek, qabul jarayonining ochiqligi va shaffofligini ta’minlash maqsadida talabgorlarning ota-onalari imtihon jarayonini videokuzatuv kameralari orqali onlayn kuzatish imkoniyatiga ega bo‘ldilar. Ular farzandlarining ijodiy ishlarni bajarish jarayonini real vaqt rejimida kuzatib, imtihonlarning adolatli, oshkora va shaffof tarzda tashkil etilganiga guvoh bo‘ldilar. Yakuniy natijalarga ko‘ra, qabul komissiyasining qarori bilan belgilangan talablarga javob bergan talabgorlar maktab-internatning 1-sinfiga qabul qilinadi. Qabul jarayonining barcha bosqichlari amaldagi Nizom talablariga to‘liq rioya qilingan holda, ochiqlik, shaffoflik va xolislik tamoyillari asosida tashkil etildi.

Bugun, 2-iyul — O‘zbekiston Respublikasi Davlat gerbi qabul qilingan kun. Ushbu sana munosabati bilan Xorazm ixtisoslashtirilgan san’at maktab-internati o‘quvchilari Prezidentimiz tomonidan ilgari surilgan “ dolzarb 90 kun ” doirasida Davlat gerbi tasvirini chizib, Vatanimizga va uning muqaddas ramzlariga bo‘lgan yuksak hurmat va ehtiromlarini o‘z ijodiy ishlarida namoyon qildilar. Yosh rassomlarning ushbu ijodiy ishlari ularning vatanparvarlik tuyg‘usi, milliy qadriyatlarimiz va davlat ramzlariga bo‘lgan cheksiz hurmatini yaqqol ifodalaydi.