ILMIY BOʻLIM YANGILIKLARI ADCHTI

#sertifikat Kimlardan chet tili sertifikati talab qilinmaydi? Oliy ta’limdan keyingi ta’limga hujjat topshirishda ko‘pchilik chet tili sertifikati masalasida adashadi. Aslida ayrim toifadagi talabgorlar chet tili darajasini bilish to‘g‘risidagi sertifikatni taqdim etishdan ozod qilingan. Quyida ular huquqiy hujjatlar qabul qilingan sana bo‘yicha ketma-ket berildi: 1. Prezident davlat stipendiantlari Tayanch doktoranturaga hujjat topshirishda ulardan chet tili sertifikati talab qilinmaydi. Asos: VM-226, 13.10.2008-yil. 2. Mustaqil izlanuvchilar va stajyor-tadqiqotchilar Ushbu ta’lim shakllariga hujjat topshirishda chet tili sertifikati talab qilinmaydi. Asos: VM-304, 22.05.2017-yil. 3. Kimyo va biologiya mutaxassisligini a’lo baholar bilan tamomlagan magistrlar Ular tayanch doktoranturaga hujjat topshirishda chet tili sertifikatini taqdim etishdan ozod etiladi. Asos: PQ-4805, 12.08.2020-yil. 4. Ko‘rish, eshitish va nutqida nuqsoni bo‘lgan shaxslar Ushbu toifadagi talabgorlardan ham chet tili sertifikati talab qilinmaydi. Asos: PQ-407, 20.10.2022-yil. 5. Ta’lim dasturini xorijiy tilda yakunlagan talabalar 2026/2027 o‘quv yilidan boshlab ta’lim dasturini xorijiy tilda yakunlagan talabalar keyingi bosqichga hujjat topshirishda chet tili sertifikatini taqdim etishdan ozod etiladi. Asos: PF-58, 10.04.2026-yil. Hamma talabgordan ham chet tili sertifikati so‘ralmaydi. Lekin imtiyozdan foydalanish uchun talabgor o‘z toifasini tasdiqlovchi hujjatlarni to‘g‘ri ko‘rsatishi kerak. 👉 @ilmiy_darajali_kadrlar

Boltaboyeva Nargizaxon Maxammatjon qizining filologiya fanlari bo‘yicha falsafa doktori (PhD) dissertatsiya ishi himoyasi to‘g‘risida 🔻OʻzAning telegram kanallariga aʼzo boʻling O`zbekcha | Ўзбекча | Русская | Илм-фан | Тезкор

🟥🟥🟥 90 KUN 👍 Andijon davlat chet tillari institutida Zoom platformasi orqali “Startap loyihalarni shakllantirish va ularni samarali taqdim etish usullari” mavzusida navbatdagi onlayn seminar o‘tkazildi. 🔴Tadbirda ma’ruzachi Xoshimjonova Mohiraxon Luxmonjon qizi ishtirokchilarga zamonaviy startap ekotizimidagi eng muhim bosqichlar haqida batafsil ma’lumot berdi. Jumladan: ✔️Startap g‘oyasini shakllantirish va uni loyihaga aylantirish; ✔️Pitch deck tayyorlash jarayonida e’tibor qaratiladigan jihatlar; ✔️Investorlar uchun qiziqarli va ishonarli taqdimot qilish yo‘llari; ✔️Loyiha taqdimotida muvaffaqiyat kalitlari. 🔼Seminar davomida ishtirokchilar real misollar va amaliy tavsiyalar asosida o‘z bilimlarini boyitdilar. Yakuniy qismda esa savol-javob sessiyasi tashkil etilib, tinglovchilar o‘zlarini qiziqtirgan savollarga javob olishdi. 🕸Ijtimoiy tarmoqlarda bizni kuzatib boring: ✈️adchti.uz 📱Facebook 😎 Instagram 📱 Telegram

🟥🟥🟥 90 KUN 🎓 Andijon davlat chet tillari institutida talaba-yoshlarning milliy tariximiz, adabiyotimiz va ma’naviy merosimizga bo’lgan qiziqishini yanada oshirish maqsadida O‘zbekiston xalq shoiri Abdulla Oripovning “Sohibqiron” she’riy dramasi sahnalashtirildi. Asarda buyuk sarkarda va davlat arbobi Amir Temurning jasorati, donoligi hamda Vatan ravnaqi yo’lidagi xizmatlari badiiy ifoda orqali yoritildi. ➡️Sahna ko‘rinishi institut hududida ochiq osmon ostida tashkil etilib, tomoshabinlarga o‘zgacha badiiy va ma’naviy muhit yaratdi. Talabalar ijrosidagi obrazlar, sahna bezaklari hamda jonli ijro tadbirning mazmun va ta’sirchanligini yanada oshirdi. ✔️Mazkur madaniy-ma’rifiy tadbir yoshlar qalbida milliy qadriyatlar, tarixiy meros va vatanparvarlik tuyg‘ularini mustahkamlash, ularning badiiy-estetik didini yuksaltirish hamda teatr san’atiga bo‘lgan qiziqishini oshirishga xizmat qildi. 🕸Ijtimoiy tarmoqlarda bizni kuzatib boring: ✈️adchti.uz 📱Facebook 😎 Instagram 📱 Telegram

〰️〰️〰️〰️ 🎓 O'ZBEKISTON RESPUBLIKASI PREZIDENTI VA NOMLI DAVLAT STIPENDIYALARIGA TANLOVNING DASTLABKI BOSQICHI TASHKIL ETILDI 🏛 O‘zbekiston Respublikasi Prezidentining 2021-yil 9-sentabrdagi PF-6309-son Farmoni hamda Vazirlar Mahkamasining 2008-yil 13-oktabrdagi 226-son qarorida belgilangan vazifalar ijrosini ta’minlash maqsadida, 2026–2027-o‘quv yili uchun O‘zbekiston Respublikasi Prezidenti va nomli davlat stipendiyalariga talabgor talabalar o‘rtasida dastlabki saralash (suhbat) bosqichi tashkil etildi. Tanlovni tashkil etishdan avval institutning ilmiy ishlar va innovatsiyalar bo‘yicha prorektori M. Kurbanov talabgor talabalar bilan uchrashib, o‘z so‘zida O‘zbekiston Respublikasi Prezidenti va nomli davlat stipendiyalariga tanlovning maqsadi, uni tashkil etish tartibi haqida batafsil ma’lumot berdi. Shuningdek, talabgorlarga tanlov jarayonida muvaffaqiyat va omad tiladi. 📝 Suhbat jarayonida talabgorlarning O‘zbekiston tarixi hamda ikkinchi xorijiy til fanlari bo‘yicha bilim darajasi og‘zaki sinov shaklida baholandi. 🕸Ijtimoiy tarmoqlarda bizni kuzatib boring: ✈️adchti.uz 📱Facebook 😎 Instagram 📱 Telegram