BSMI.UZ | Rasmiy kanali

Buxoroda an'anaviy Ibn Sino o'qishlari xalqaro ilmiy-amaliy anjumani bo'lib o'tdi! Abu Ali Ibn Sino nomidagi Buxoro davlat tibbiyot instituti axborot xizmati      ✈️Telegram ✅ Facebook 📹You tube 🔍www.bsmi.uz

Buxoroda an'anaviy Ibn Sino o'qishlari xalqaro ilmiy-amaliy anjumani bo'lib o'tdi! Abu Ali Ibn Sino nomidagi Buxoro davlat tibbiyot instituti axborot xizmati      ✈️Telegram ✅ Facebook 📹You tube 🔍www.bsmi.uz

Talabalik muborak bo‘lsin, aziz yoshlar! Aziz yoshlar, qadrli talabalar! Bugun hayotingizdagi eng quvonchli va unutilmas kunlardan biri — talabalik maqomiga ega bo‘lgan kuningiz. Qalbingizdagi ezgu orzular, katta maqsadlar va ilmga bo‘lgan ishtiyoq sizni Abu Ali ibn Sino nomidagi Buxoro davlat tibbiyot institutiga yetakladi. Barchangizni ushbu unutilmas kun bilan chin qalbimdan muborakbod etaman! Tibbiyot — inson hayoti va salomatligi bilan bog‘liq, nihoyatda sharafli va ulug‘ kasb. Shifokor bo‘lish — nafaqat chuqur bilimga ega bo‘lish, balki inson taqdiriga daxldor mas’uliyatni zimmasiga olish demakdir. Shu bois siz tanlagan yo‘l katta fidoyilik, sabr-toqat va doimiy izlanishni talab qiladi. Talabalik yillari siz uchun ana shu ulug‘ kasbga tayyorgarlik davri bo‘ladi. Yaxshi o‘qing, bilim olishga intiling, ustozlaringiz tajribasidan unumli foydalaning. Zamonaviy tibbiyot jadal rivojlanayotgan bugungi davrda xorijiy tillarni mukammal o‘zlashtirishga ham alohida e’tibor qarating. Chunki chet tillarini bilish sizga dunyo tibbiyotidagi eng yangi ilmiy yutuqlar, zamonaviy davolash usullari va ilg‘or tajribalarni o‘rganish uchun keng imkoniyat yaratadi. Ilm yo‘lida hech qachon izlanishdan to‘xtamang. Bugungi kichik izlanishingiz ertaga katta kashfiyotga, bugungi mehnatingiz esa kelajakdagi ulkan yutuqlarga zamin bo‘lishi mumkin. Sizlardan nafaqat yaxshi mutaxassis, balki o‘z kasbiga sadoqatli, xalqiga xizmat qiladigan, zamonaviy bilim va ko‘nikmalarga ega malakali tibbiyot kadrlari bo‘lib yetishishingizni kutamiz. Institutimiz siz uchun shunchaki ta’lim maskani emas, balki bilim, ilm-fan, amaliyot va katta imkoniyatlar sari boshlovchi maskandir. Bu yerda o‘z iste’dodingizni namoyon etishingiz, ilmiy izlanishlar olib borishingiz, xalqaro loyihalar va ilmiy anjumanlarda ishtirok etishingiz uchun barcha imkoniyatlardan unumli foydalanishingizga ishonaman. Bugun siz yangi va mas’uliyatli hayot bosqichiga qadam qo‘ydingiz. Bu yo‘lda sizga bilimga chanqoqlik, mehnatsevarlik, izlanish, intilish va o‘zingizga bo‘lgan ishonch hamroh bo‘lsin. Har biringizdan katta natijalar kutamiz. O‘z oldingizga ulkan maqsadlar qo‘ying, vaqtingizni qadrlang, ustozlaringizni hurmat qiling va imkoniyatlardan unumli foydalaning. Sizlarni Mustaqilligimizning 35 yilligi hamda yangi o‘quv yilining boshlanishi bilan samimiy muborakbod etaman! Talabalik maqomingiz muborak bo‘lsin! Ilm yo‘lingiz yorug‘, qadamingiz qutlug‘, kelajagingiz buyuk bo‘lsin! Hurmat bilan, Shuhrat Teshayev Abu Ali ibn Sino nomidagi Buxoro davlat tibbiyot instituti rektori

#vazir_tabrigi Aziz yoshlar! 2026/2027-o‘quv yili uchun oliy ta’lim muassasalariga yakuniy tanlov natijalari — mandat e’lon qilindi. Avvalo, talabalikka tavsiya etilgan barcha yoshlarni ushbu quvonchli kun bilan chin qalbimdan muborakbod etaman! Bugun sizlar hayotingizdagi eng muhim va unutilmas kunlardan birini boshdan kechirmoqdasiz. Sizning bu natijangiz ortida yillar davomidagi izlanish, mehnat, ustozlaringizning sabog‘i va ota-onangizning ishonchi turibdi. Bu yutuq — nafaqat sizning, balki sizni qo‘llab-quvvatlagan oilangiz va ustozlaringizning ham quvonchidir. Endi oldingizda yangi, yanada mas’uliyatli bosqich — talabalik davri turibdi. Oliy ta’lim dargohida sizlarni yangi bilimlar, yangi do‘stlar, yangi imkoniyatlar va katta maqsadlar kutmoqda. Tanlagan yo‘nalishingizni chuqur egallab, zamonaviy bilim va ko‘nikmalarni o‘zlashtirishingiz, kelajakda mamlakatimiz rivojiga munosib hissa qo‘shadigan malakali mutaxassis bo‘lib yetishishingizga ishonaman. Shu bilan birga, talabalikka tavsiya etilmagan yoshlarimiz uchun ham imkoniyatlar eshigi ochiq. Yurtimizning barcha hududlarida faoliyat yuritayotgan texnikumlarda ta’lim olish va zamonaviy kasb egallash imkoniyati mavjud. Barcha yangi talabalarni yana bir bor samimiy muborakbod etaman! Sizlarga mustahkam sog‘liq, katta marralar, ilm yo‘lida muvaffaqiyat va yorqin kelajak tilayman! Talabalik baxti muborak bo‘lsin! Qo‘ng‘irotboy Sharipov, Oliy ta’lim, fan va innovatsiyalar vaziri Facebook | Instagram | YouTube | Telegram

Bugun, 15-avgust kuni Buxoro shahrida “Abu Ali ibn Sino: zamonaviy tibbiyot va xalq tabobati – innovatsiyalar va investitsiyalar” mavzusidagi XIV Xalqaro Ibn Sino o‘qishlari o‘tkazilmoqda.

AKADEMIKLAR BUXORO DAVLAT TIBBIYOT INSTITUTINING MUHIM MARKAZLARI FAOLIYATI BILAN TANISHDILAR Buxoroga tashrif buyurgan O‘zbekiston Respublikasi Fanlar akademiyasining taniqli akademiklari uchun Abu Ali ibn Sino nomidagi Buxoro davlat tibbiyot institutining ilmiy, ta’limiy va amaliy salohiyatini namoyish etish maqsadida institutning muhim obyektlari bo‘ylab tanishtiruv tashrifi tashkil etildi. Institut rektori, professor Shuhrat Teshayev boshchiligida akademiklar institutning muzeyi, Axborot-resurs markazi, Xalq tabobati laboratoriyasi, klinikasi hamda boshqa muhim markaz va bo‘limlar faoliyati bilan yaqindan tanishtirildi. Tashrif davomida mehmonlarga institutning ko‘p yillik tarixi, ta’lim va ilmiy-tadqiqot yo‘nalishlari, zamonaviy tibbiy ta’lim infratuzilmasi, professor-o‘qituvchilar va talabalar uchun yaratilgan shart-sharoitlar haqida batafsil ma’lumot berildi. Akademiklar institut muzeyida Buxoro tibbiyot ta’limining shakllanish va rivojlanish tarixi, buyuk alloma Abu Ali ibn Sinoning ilmiy merosi hamda institutning bugungi taraqqiyot bosqichlari bilan tanishdilar. Axborot-resurs markazida zamonaviy ta’lim va ilmiy faoliyat uchun yaratilgan imkoniyatlar, elektron resurslar va talabalarning mustaqil ta’lim olishi uchun yaratilgan sharoitlar namoyish etildi. Shuningdek, Xalq tabobati laboratoriyasi faoliyati, dorivor o‘simliklarni o‘rganish, xalq tabobati an’analarini zamonaviy ilmiy yondashuvlar bilan uyg‘unlashtirish borasidagi ishlar haqida ma’lumot berildi. Institut klinikasida esa aholiga ko‘rsatilayotgan zamonaviy tibbiy xizmatlar, ilg‘or diagnostika va davolash usullari, tibbiy ta’lim va amaliyotning uzviy integratsiyasi bo‘yicha amalga oshirilayotgan ishlar bilan tanishildi. Samimiy muloqotlar davomida ilm-fan, ta’lim va tibbiyot amaliyotini yanada rivojlantirish, ilmiy ishlanmalarni amaliyotga joriy etish, akademik hamjamiyat va oliy ta’lim muassasalari o‘rtasidagi hamkorlikni mustahkamlash masalalari yuzasidan fikr almashildi. Tashrif yakunida akademiklar tomonidan institutda yaratilgan zamonaviy sharoitlar, ilmiy salohiyat va tibbiy ta’limni rivojlantirish borasidagi sa’y-harakatlarga yuqori baho berildi. Abu Ali Ibn Sino nomidagi Buxoro davlat tibbiyot instituti axborot xizmati      ✈️Telegram ✅ Facebook 📹You tube 🔍www.bsmi.uz