BuxDPI • БухГПИ • BukhSPI

#vazir_tabrigi Aziz yoshlar! 2026/2027-o‘quv yili uchun oliy ta’lim muassasalariga yakuniy tanlov natijalari — mandat e’lon qilindi. Avvalo, talabalikka tavsiya etilgan barcha yoshlarni ushbu quvonchli kun bilan chin qalbimdan muborakbod etaman! Bugun sizlar hayotingizdagi eng muhim va unutilmas kunlardan birini boshdan kechirmoqdasiz. Sizning bu natijangiz ortida yillar davomidagi izlanish, mehnat, ustozlaringizning sabog‘i va ota-onangizning ishonchi turibdi. Bu yutuq — nafaqat sizning, balki sizni qo‘llab-quvvatlagan oilangiz va ustozlaringizning ham quvonchidir. Endi oldingizda yangi, yanada mas’uliyatli bosqich — talabalik davri turibdi. Oliy ta’lim dargohida sizlarni yangi bilimlar, yangi do‘stlar, yangi imkoniyatlar va katta maqsadlar kutmoqda. Tanlagan yo‘nalishingizni chuqur egallab, zamonaviy bilim va ko‘nikmalarni o‘zlashtirishingiz, kelajakda mamlakatimiz rivojiga munosib hissa qo‘shadigan malakali mutaxassis bo‘lib yetishishingizga ishonaman. Shu bilan birga, talabalikka tavsiya etilmagan yoshlarimiz uchun ham imkoniyatlar eshigi ochiq. Yurtimizning barcha hududlarida faoliyat yuritayotgan texnikumlarda ta’lim olish va zamonaviy kasb egallash imkoniyati mavjud. Barcha yangi talabalarni yana bir bor samimiy muborakbod etaman! Sizlarga mustahkam sog‘liq, katta marralar, ilm yo‘lida muvaffaqiyat va yorqin kelajak tilayman! Talabalik baxti muborak bo‘lsin! Qo‘ng‘irotboy Sharipov, Oliy ta’lim, fan va innovatsiyalar vaziri Facebook | Instagram | YouTube | Telegram

Ilmiy va innovatsion hamkorlik yangi bosqichda 👍 Buxoro davlat pedagogika instituti hamda Alisher Navoiy nomidagi Toshkent davlat o‘zbek tili va adabiyoti universiteti o‘rtasida ilmiy-tadqiqot, ta’lim va innovatsion hamkorlik to‘g‘risida Memorandum imzolandi. Memorandum Buxoro davlat pedagogika instituti rektori Ma’murov Bahodir Baxshulloyevich hamda Alisher Navoiy nomidagi Toshkent davlat o‘zbek tili va adabiyoti universiteti rektori, akademik Sirojiddinov Shuhrat Samariddinovich tomonidan imzolandi. Mazkur kelishuv doirasida ilmiy-tadqiqot faoliyatini rivojlantirish, professor-o‘qituvchilar va tadqiqotchilar o‘rtasida tajriba almashish, ilmiy-amaliy tadbirlarni hamkorlikda tashkil etish, ta’lim sifatini oshirish hamda innovatsion loyihalarni amalga oshirish bo‘yicha hamkorlikni yo‘lga qo‘yish ko‘zda tutilgan. Shuningdek, tomonlar o‘zaro ilmiy loyihalarni qo‘llab-quvvatlash, yosh tadqiqotchilar uchun yangi imkoniyatlar yaratish va ilg‘or tajribalarni ta’lim jarayoniga tatbiq etishga alohida e’tibor qaratadilar. Mazkur Memorandum ikki oliy ta’lim muassasasi o‘rtasidagi ilmiy, ta’limiy va innovatsion hamkorlikni yangi bosqichga olib chiqishda muhim qadam bo‘lib xizmat qiladi. ✅ Ijtimoiy tarmoqlardagi sahifalarimiz: 📱 Telegram |🌐 Veb-sayt |📱 Facebook | 📱 Instagram | 📱 You tube