Jimma City Communication

Wiirtuun Kenniinsa Tajaajilaa 1ffaa Magaalaa Jimmaa giddugala muuxxannoon irraa qoodamuudha. ******* Ittigaafatamaa Waajjira Paartii Badhaadhinaa Naannoo Kibba Lixa Itoophiyaa Obbo Fiqiree Amaan Wiirtuu Kenniinsa Tajaajilaa tokkoffaa (MESOB) Magaalaa Jimmaa daawwatan. Kantiibaan Bulchiinsa Magaalaa Jimmaa Obbo Xahaa Qamar, Wiirtuu Kenniinsa Tajaajilaa Tokkoffaan (MESOB) tajaajila qindaa'aa, qulqulluufi saffisaa ta'e hawaasaaf kennuuf barbaachisaa ta'uu himanii, MESOB Magaalaa Jimmaa ijaaruun haala ittiin hojiirra oolchuun danda'ame irratti ibsa kennaniifii jiru. Obbolummaa cimsuun hojii misoomaafi nageenyaa irrattis qindoominaan hojjechuun murteessaa ta'uu himaniiru. Obbo Fiqiree Amaan Magaalaan Jimmaa Wiirtuu Kenniinsa Tajaajilaa 1ffaa (MESOB) ariitiin fudhattee hojiirra oolchuunshee waan gaarii ta'uu kaasanii, Naannoo Kibba Lixa Itoophiyaattis MESOB magaalota afur irratti hojiirra oolfamaa jiraachuu dubbataniiru. MESOB babal'isuun rakkoo kenniinsa tajaajilaa furuun fayyadamummaa ummataa mirkaneessuu keessatti gahee guddaa qabaachuu eeraniiru.