مريم🤍

‏عفى الله عنك ياحلم رسمته بالطريق وتاه ‏وانا في داخلي فوضى وحزن وأوجاع مختلط

‏تطيح أغلى مشاريه الهوَى، وأطرِّي المعوَاد: ‏لو إنها ما تزَّعلني عيونك؟ كيف ترضيني! ‏أنا لولا جروحك ما خذيت من السكوت ضْمَاد ‏ولا مدّيت لك كف الوصال.. وذابت يديني! ‏ما بَين أخاف صوتك وأرتمي له: بارَت الأضداد ‏طلبتك لا تخلّي لي خيار — ولا تخليني

على كثر الشتات اللي يمـر ويربك افكاري ‏لقيتك ظـلي الثابت معي دايم على الهقوة ‏يا وجـهٍ كل ما ضاقت علي و شانت اقداري ‏ذكرته و انجلى ضيقي و صارت عبرتي غنـوة ‏" تخيرتك " و لو غيرك وجوده عندي اجباري ‏اعرف ان الحياة بدون وصلك ما هي بـ حلوة .

‏شتان بين الواقع اللي نعيشه ‏واحلامنا اللي مثلنا ما تجرّا ‏الحلم من صدرك لحد الدريشه ‏والضيق من حد الدريشه وبرا

‏يا عذاب اللي هقاويه و أحلامـه كبار ‏يحسب الدنيا تراعي شعور الطيبين ‏– فهد قطنان

‏صباح الخير، قرأت أقتباس إلى الآن أفكر بعمقه: " كلنا نعرف كيف نمارس الحنيَّة في الأوقات العادية، لكنَّ ثوب الحنان الحقيقي يظهر في من يرتديه وقت الخصام " حقيقي بكل ما تعنيه الكلمة.

‏عفى الله عن كلامٍ في حنايا الصدر ماينقال ‏تركته لـ الزمن لو هو ثقيل و جمرته حيّه

‏عليه اللوم ودموع الهقاوي والسلام الحار ‏ كثر ما كان في صدري حكي قاسي ولا قلته ‏بيفقدني وياكله الندم وبتوجعه الأفكار ‏وأنا جعل اللّٰه يقطعني إذا في يوم واصلته ‏عزاي إني عطيته فوق حَقّه والزمان أطوار ‏تركته للغياب اللي يصحيه إن تجاهلته

‏عموماً ‏عسى صبحٍ نوى كسرك ‏يموت ‏وما طلع به شمس ‏و عسى ‏من هو نوى جرحك ‏يموت الحظ ما طاعه

‏عفى الله عن كلامٍ في حنايا الصدر ماينقال ‏تركته لـ الزمن لو هو ثقيل و جمرته حيّه ‏وعفى الله عن همومٍ ما تخلي مستريح البال ‏يعيش أيام عمره في صفا ذهن و صفا نيّه ‏وعفى الله عن هواجيسٍ توقف بي على الاطلال ‏تعيد الذكريات اللي مع الأيام منسيّه

‏الحنيه المرغوبه مثل اللي قال : ‏لا تسكتين وعندك الدمع عاده ‏ابكي وضميني وبـ أنال حتفي :) ‏والله حرام الكحل فوق الوساده ‏طيّب — وكفّيني وصدري وكتفي ؟

‏نداءات فجريه : "تعال إسهر معيّ ودي تسولف لي حنين تلقى بيبان صدري من الشوق .. مشرّعه"

‏مامرتني الذكرى القديمة مرور كرام ‏احس بوجعها ينتشر داخل اعماقي ‏ياحلم الحياه أنا بدونك بدون أحلام ‏يا ويلك من الله كيف تصبر على فراقي ‏كرهت الظروف وسالفة للظروف أحكام ‏أقدر ظروفك وأنت ماتقدر أشواقي ‏يجيني على شوفك مشاعر وله وهيّام ‏وأنا فيك والله مدري ويش انا لاقي ‏- حزمي بن سعد

‏« الخاطر اللي يلحقه في تالي الأيام جور ‏يحتاج له عزله عن العالم وصبرٍ يسعفه »

‏مشاريه العيون أبلغ رواية ما لها عنوان ‏دخيلك لا تمعّنت بعيوني ، صد لا تقرا ‏- صالح البرازي

‏مرّ في بالي شريط فيه من عمري مواري ‏ يشبه احلام السنين وعثرة اليأس الأخيره ‏مو غريب إنّ السكون يجول في سكة نهاري ‏ الغريب ان الصخب في ليلي احداثه كثيره ‏بين صدفة جابها العمر ووداع ب اختياري ‏ ما عرف قلبي يطيع الواقع أو يرضي ضميره

‏يا حلو عذوبة سعد بن لويبه يوم قال / ‏« تضحك الدنيا بوجهي لا شفتك تضحكين ‏ كني املك مال قارون — يوم املك رضاك ‏انتي لي مصدر سعاده , و نعمه , و اكسجين ‏جعلني ما افقد وجودك ولا اعتاض بـ غلاك »

‏«عرفت اكتب شعوري ما عرفت ابكيه ‏أثر جرح الهوى مبلي من ضماده! ‏من يعالج جروح القلب؟ من يشفيه؟ ‏حسبت الشعر بيفيده ولااااا فاده»

‏خذانا الحلم في غفله ورجّعنا الزمان أغراب ‏وعلى الله كل ماتطري علي وأذكر ليالينا ‏يجوز إن الليالي ما تخلّينا نعود أحباب ‏و لكن الأكيد إن الليالي .. ماتنسينا ‏نوف العثمان

‏«أن مالت النفس، وغصون السواقي تميل ‏وش يمنع اللي عيونه مولفات السواد؟ ‏ ‏كل الليالي الجميلة قابلة للرحيل ‏الأنفس المظلمة رهينة الأعتياد!» ‏- صالح بن حمد