الشاعر ابو فاطمة الطائي

أبوذيـات للأربعين شاطي العلگمي ابدمعي ... كسرته او گلب الناگه من وني .... كسرته عَلَي فَيّ ابعباتك ما ........ كسرته ولا اتلگيتني او هلّيت بيّه... اجدامي الشوگ يبن امي ... يراهن اعله گبرك والمدامع دم ..... يراهن اعله متني آثآر لو گلبك .... يراهن نحيب الثكله چا تنحب عليه ... أعيوني امن البواچي اعليك ... مالان او گلب الحادي ابد يحسين ... ما لان اجيتك شاچيه امن احمول ... مالن وآنه امن الحبل توجعني أديه ... وحگك ما جرت لاحد ... محنّه نوم الليل من عيني .... محنّه اجيتك رايده أشبع ...... محنه لگيتك بل اگبور أشلون بيه ... مِعسره أوياي ابد ما شفت ... يسره ابيمنتي اتستر . او للشگف ... يسره مو بيدي بطيت اعليك ....... اسرى چنت بل شام تتفرج عليه ... أنا الما والد اوياها .... ولا امها الشمر حاديها وابسوطه .. ولمها آنه زينبك دگعد ........ ولمها أسويعه ارجوك خل نگعد سويه أبو فاطمة الطائي

من الأرشيف اعادة نشر اويلاه ياكربله اويلاه ياكربله _______ يحسين رد ذاك الضعن يحدي بحرايركم اضن زينب محنها ما گضن واليوم اجتّ امعلعله _______ بالاربعين الكم ترد نادت يهلنه من بعد يحسين ياضامي الچبد ماتنهض اتگلي هلا _______ رديت وعيوني نهر شبّعني افراگك قهر تدري اشلعب بيه الدهر يوميه اعيشن معضله _______ بعيوني هاي الخاويه جيت ارد ازورك ناويه واقره الزياره الناحيه يا ألف لام البسمله _______ مشتاگه الك جيت ابسعي اتسابق آنه اومدمعي يم گبرك ارد اقره نعي وانصب عزاء ابهالفله _______ يوميه احلم اوصلك هواي السوالف عندي الك اگعدلي اشمّك واسالك عن جسمك اومن غسله _______ من وسدك ذاري الترب واني ادري حاطوك الغرب عنك مشيت ابلا گلب والمثلي ابگلبه شله _______ مشّوني عنك بس جسد گلبي فلا عنك بعد أي واقسم بواحد احد الموت من عگبك حله _______ دليني چا وينه الكِفل نيران مو گلبي اشتعل مايدري ضعن أخته وصل معقوله ما يستقبله _______ عباس وينك يا بدر مايحجبك عني الگبر ماعاد بضلوعي صبر ياراعي خدري اوكافله _______ يالممتلي غيره اوفخر من يوم عفتك ع النهر كل لحظه بفراگك دهر للموت روحي اتوصّله _______ رديتلك هاذه المسه يا لوعتي الما تنّسه اگعد المتني والمسه وشوف السياط اشفاعله _______ ابو فاطمة الطائي

محله درب ابو الاحرار يوم الاربعينيه املاك او أنس لحسين كلها عاقده النيه محله درب ابو الاحرار  يوم الاربعينيه مشايه او حداها الشوگ ملهوفه لبو ارقيه محله درب ابو الاحرار يوم الاربعينيه وادم عدها خوش گلوب نبضتها حسينيه محله درب ابو الاحرار يوم الاربعينيه غير احسين ميريدون هيه الدنيا مگضيه محله درب ابو الاحرار يوم الاربعينيه تعنو والصدر محروگ بي اشواگ قدسيه محله درب ابو الاحرار يوم الاربعينيه الى مرقد عزيز الروح للمتروس حنيه محله درب ابو الاحرار يوم الاربعينيه ما همها شمس لا ضيم كل همها تعازيه محله درب ابو الاحرار يوم الاربعينيه تريد اتواسي المذبوح والما شارب اميه محله درب ابو الاحرار يوم الاربعينيه الداست فوگه عشر اخيول وامضيعه معانيه محله درب ابو الاحرار يوم الاربعينيه مشايه او تكحل العين واتداوي الجرح هيه محله درب ابو الاحرار يوم الاربعينيه مشايه الاجت لحسين فخر الكره الارضيه محله درب ابو الاحرار يوم الاربعينيه ابعطف الزهره مشمولين والرحمه الالهيه محله درب ابو الاحرار يوم الاربعينيه ابو فاطمة الطائي

ليك اجيت او دمعي هامل ظهري محني وجهي ذابل وينه گبرك يابو فاضل ________ يل نار افراگك حرگت لب احشاي يل ماخذ روحي او عمري وكل دنياي انا زينب جيت او جبت اوياي الماي عباس اعذرني ادري ابطيت اهواي مو بديه لا يروحي اعليه تشهد كل جروحي أسروني يابو فاضل ________ من يوم العفتك وآنه ابلايه انفاس بس جثه اوياهم أمشي امهبطه الراس مچتوفه او ترمي اعليه احجار الناس وانا فكري وگلبي يمك يل عباس وياك اسولف في خيالي يل عفتني او هاذه حالي گلبي شيب يابو فاضل ________ يل كافل زينب  زينب عدها اعتاب مو گتلي انتي اختي وختي اتضل تنهاب ما تدري ابمتني انطبعن جم اصواب گوم انظر وجهي الكلّه دم واتراب صوبوني         چم حجاره وجهي دمعه   او دم تجاره ما تجيني.       يا بو فاضل ________ چنت احسب صعني انت الــ تتلگاه وتداوي اجروحي او متني اتنشف ادماه او لعيونك انظر حتى الشام انساه تالي على گبرك انعه واويلاه چنت احسّب ايضمني صدرك تالي انعه. فوگ گبرك يا هظيمه يا بو فاضل ________ مشتاگه او جيتك تتعثر لجدام أيام افراگك چنهن مية عام اگعد شوف اختك بيها اشسوه الشام او لوما تعرفها حگك . ما تتلام مني باقي بس خيالي لاعشيره او لا دلالي كلها راحت يا بو فاضل ________ هاي اول مره انده ماكو اجواب لا انت الگاعد لاكو الگبرك باب چا منهو ايداوي گلبي البل هم ذاب يا نور عيوني الرايح مني او غاب يلي گطعو منه ادينه من يردنا للمدينه ما تگلي يا بو فاضل ________ أبو فاطمة الطائي

منّ الشام الكم جيت تتلگوني اتمنيت ___ مشتاگه اجيت الكربلا وعيوني من دم هامله محد تلگاني ابهلا او لحد ألي گام صار اربعين امتانيه وابروحي نار الحاميه والگه المنازل خاويه بس جمر الاخيام ناديت او دمعاتي دم أحمر تصب يخواني وين انتم ما شوف الدرب انا زينب جيتلكم من سبي الغرب حن النوگ مو حنيت تتلگوني اتمنيت ___ يحسين يا ضامي الچبد انشد عليك او ما ترد ترضاها گلبي ينمرد يا طيب الذات دليني انت ابيا كتر افتحلي باب امن الگبر ما عاد بضلوعي صبر. مات الصبر مات امفارگتك يبن امي عاشور او صفر ارد اشتم اجروحك واشتم النحر اگعدلي احچيلك عل هم والقهر من السوط اشگد ونيت تتلگوني اتمنيت ___ بدموع عيني اتوسلك اگعدلي اشمك واسالك من جهزك من غسلك يا بلسم الروح عريان عفتك عالثره واضلوع بيك امكسره والخيل فوگك عابره تعثر بالجروح يبن امي هاذه المي تارس كربلا هاك اشرب يل ضامي ريجك بلله دم وجهك دم نحرك اگعد غسله جبت الماي واتعنيت تتلگوني اتمنيت ___ مشتاگه الك جيت ابسعي اتسابق آنه او مدمعي يم نحرك ارد اقره نعي عن نار الاشواگ واقره عل عيون الگمر الصابتهن اسهام القدر وانكسر من عندي الظهر من صار الافراگ بالنيران هل وجيت تتلگوني اتمنيت ___ يحسين چا وينه الكفل نيران مو گلبي اشتعل مايدري ضعن اخته وصل ما شم الاحروگ عندي عتاب ومسأله مو يدري آنه امدلله يتركتي ليش الحرمله. ايوگفني بالسوگ عگب العز والهيبه امشي اعله الهزل انا زينب ترضوها انگاد ابحبل واعليه يتفرج الشامت والنذل ابكثره احجار انطگيت تتلگوني اتمنيت ___ يهل المروه والرحم محد يداويلي الألم انشد . ولا گلتو نعم عد عينچ ام عون عفتوني وآنه امحيره وكلكم غفيتو عل ثره ياذنب من عندي جره او عني ترحلون يل بيه اتكفلتو دگيتو الصدر ردولي . حاچوني فتحولي الگبر اخذوني . چا المن . واشيسوه العمر بس للنوح انا ضليت تتلگوني اتمنيت ___ ابو فاطمة الطائي

عودة زينب بعد السبي حسين اجيت امن اليسر ماتدري مشتاگه اشكثر _____ جيتك او ظهري انحنه امدوهنه او متمحّنه اتگول عايفتك سنه عليك ظهري منكسر احسين اجيت امن اليسر _______ جيت روحي امعلعله امن الشمر من حرمله يهل نمتو ابكربلا وآنه حالي ما يسر احسين اجيت امن اليسر _______ افراگكم فت مهجتي خله من دم دمعتي تسمعوني يخوتي ما تفكون الگبر احسين اجيت امن اليسر _______ جيتكم تعبانه اون خلص حيلي امن الحزن وينكم ؟ محد يحن چا بعدكم شنتظر احسين اجيت امن اليسر _______ امن الضرب من التعب وجهي يبن امي شحب ما أگول آنه اشعجب ما عرفتو ام الخدر احسين اجيت امن اليسر _______ آنه مو زينب أمس آنه حرگتني الشمس وغير ارسومي الحبس بل خرايب استعر احسين اجيت امن اليسر _______ باربعينك جيت الك ارد اشمك واسالك منو ابدمعه غسلك اشلون ضلعك والصدر احسين اجيت امن اليسر _______ خويه گلبي منچوي عله افراگك ملتوي گلي ضامي؟ مرتوي ؟ گلي يا نسل الطهر احسين اجيت امن اليسر _______ احسين لا تخفي عَلَي انت هم مشتاگ الي خويه يا تالي هلي مثلي هم گلبك جمر احسين اجيت امن اليسر _______ او گلي يبن المرتضه وين كفالي گضه بيه جن جمرة غضا وين كبره ابيا كتر احسين اجيت امن اليسر _______ ارد اروح امعاتبه للكفلني ابشاربه مو سبتني الناصبه او دخلوني للقصر احسين اجيت امن اليسر _______ يدري بل سوگ اوگفت وضيم اليشيّب شفت الشام بيها آنه متت امن الشماته والكفر احسين اجيت امن اليسر _______ ابو فاطمة الطائي

بين المگابر واگفه او تنعه او يمها الفواطم تسچب الدمعه واتنادي يا حسين وين انت يل حنين _______ نفس ركضت يوم عاشر لَمَن طلعت شارده رِكضت الگبر ابو اليمه رَكضت أم او فاجده لو بديها اتحفر لحده تلزم ايده اتگعّده من دمعها اتداوي صدره السحگته خيل العده بس المگابر بوب ما بيها ضل تنعه يمه او يا نواعينها منها الحجر يلين وين انت يل حنين _______ تنعه يَمه او يا نواعي بچّت أطيور السمه اتگله يل گلبك تگطع. بل حوافر والضمه آنه هم گلبي تگطع والمتون امورمه أثر من ممشاي مامش اجدامي طَبعتهن دمه دمعاتي خلصت راحن اعيوني ايتام الهواشم هل يگودوني بيه الالم رهين وين انت يل حنين _______ گوم شوف اشلون حالي والنسه بيها اشجره هاي أم عبدالله ماتت اتريد ابنها هل مره اتگلي امروتچ يزينب ارد اشمه ابمنحره مات گتلها يخيتي. اتگلي گبره احفره اگماط او مهد واُميّه جابتهن فوگ الگبر يا خويه حطتهن ريت الاجل يحين وين انت يل حنين _______ او هاي ليلى اتريد الاكبر شلعت اهروش الگلب كل الاگبور اعتنتها او تشم من عدها الترب اتگلي زينب ابني وينه الگبره ارد احفر واطب ارد اداويهن جروحه او بچت اعيون الغرب يحسين بيها والله محتاره اگعد او سوي للحرم چاره يا حصني الامين وين انت يل حنين _______ هل فواجد حيل يردن. وآنه تعّبني البسُر احسين رمله اتريد ابنها. تمشي من گبر الگبر اتروح لهناك او تجيني. اتگلي وينه ابيا كتر خويه خاف اتموت رمله وآنه ما عندي صبر اتگله يجاسم خابت اضنوني أنشد عليك او ما يدلوني ما تسمع الانين وين انت يل حنين _______ گلب ما عندي ايتحمل. خويه كل هاذه الالم گبل ما هل روح تطلع او بيّه تحتار الحرم خل اروحن لبو فاضل النابت ابعينه السهم اعيوني أمسحها ابضريحه واحط فوگاه العلم يم گبره اگعد وابدي اعتابي وانشد واگله تدري بمصابي يا فاگد اليدين وين انت يل حنين _______ ابو فاطمة الطائي

للاربعينيه يحسين اجيت امن الغـُرب وامتوني ميته امن الضرب گلبي ابونينه . يحدي الضعينه . اليوم اربعينه ______ يحسين رديت ابضعن . ضايع ولا عنده وطن ولا واحد ايجيره جيت او تچويني الشمس . ما غافيه من اول امس ودم عيني اتديره اعيوني اتحن او تصب . امبلله اهدومي والدرب يل ما ألي غيره امن الشام جيت الكربلا . ما رايده غير الهلا منك يبو الغيره تعبانه يبن امي اجيت ماتدري بيه اشگد بجيت مو زين لسه ما عميت . من عفتكم محد تلگاني اشعجب نايم . اضن امن التعب يمگطعينه . يموذرينه . اليوم اربعينه ______ من يوم عفتك عل ثره . والنار بيه اموجره هل تاكل ابروحي عن بالي لحظه ماغبت . امن الذكريات اتعذبت چن تحفر اجروحي لسياط أميه ما أعد . آنه احسب اليمته ارد يمك وكف نوحي انفاس احسب مو وكت . يبن امي والله اهلكت دگعد يمذبوحي اگعد تراني امعلعله اگعد او ضعني استقبله يابو الهلا وين الهلا . والموده شنهي المعطلك بل لحد كوم اعله اهلنه خل نرد يابو المحنه . ما تكعدلنه . اليوم اربعينه ______ رديت واعيوني نهر . شبعني فركاكم قهر يا والد اسكينه تدري اشلعب بيه الدهر . خلاني فرجه للبشر ابسوگه ودواوينه واليوم اجيتك خاويه . عود ارد ازورك ناويه واحچيلك البينه اگعدلي يا ضامي الچبد . چاغير اخوي وليك ارد يل روحك احنينه يل منذبح بالطف وحيد اميه جبتلك . ما تريد ؟ لاتحرگ الگلبي او تزيد . من عذابه الماي جبته امن النهر خليني ابلل هل نحر وگلبك ابرده . وشويه اضمده . اليوم اربعينه ______ مشتاگه الك جيت ابسعي . اتسابق آنه ومدمعي اكعد يروح اختك يم جسمك ارد اقره نعي . واعله الحوافر اندعي الما خلت ابجثتك يوميه احلم اوصلك . اهواي السوالف عندي الك يل يابسه شفتك اگعد اشمك واسألك . من جهزك . من غسلك وفوك الرمل عفتك دفنوك وآنه بل يسر ما ادري ضليت اشكثر ومن نزلك وسط الكبر . بل حصيره ياحسره لضلوعي تفت وياك آنه ما متت آنه وخواتي. . شلي ابحياتي. . اليوم اربعينه ______ مشوني عنك بس جسد . گلبي فلا عافك ابد يا شهگة انفاسي اقسملك ابواحد احد . كل عمري من دونك بدد يل شيبت راسي اگعدلي انشدك عالكفل . مايدري ضعن اخته وصل متعوب لو ناسي مايدري ابكلبي اشتعل . مايدري ابوجهي ذبل من السبي القاسي ارد امشي واعتب عالبدر اعليمن توسد بل گبر وعايفني يحديني الشمر . والشماته مو هو دگ صدره الي وايگلي دوم ادللي عليمن جفاني . مات ونساني اليوم اربعينه ______ او لا واحد المنكم سمع . صوت النواعي وافتزع ياخوتي ارحموني مو راح اموت امن الالم . وينك يشيال العلم گومو . الحگوني حايره لا وين اتجه . المن بعد انطي الوجه يل ما تسمعوني بل روس جيت وبالحرم . لا في. لگيت ولا خيم ولا من تلگوني يهل الامروه والكرم ليه طلب گولو نعم من الهوى ارد انحرم . من حياتي بيناتكم اطلب گبر واندفن من كبل الفجر مابيه احمل . هالفرگه تكتل . اليوم اربعينه ______ ابو فاطمة الطائي

زينب اجت امن اليسر تتعثر ابممشاها ________ تعبانه واتگوم او تگع حر الرمل چواها زينب اجت امن اليسر  تتعثر ابممشاها تالي عمت عيني ولا من واحد اتلگاها زينب اجت امن اليسر تتعثر ابممشاها تنعه غدت واتهل دمع متحيره ابلوها زينب اجت امن اليسر تتعثر ابممشاها تحثي التراب اعله الوجه والحرم كلها اوياها زينب اجت امن اليسر تتعثر ابممشاها صاحت يبن أمي اشعجب اختك شني تنساها زينب اجت امن اليسر تتعثر ابممشاها شو ما گمت من الگبر : وين الهلا او حياها زينب اجت امن اليسر تتعثر ابممشاها اگعد يل احنين تره اختك جمر بحشاها زينب اجت امن اليسر تتعثر ابممشاها ارد اشتكيلك عل سبي واسياط الاحملناها زينب اجت امن اليسر تتعثر ابممشاها من عاشر الهاذه المسه لو ليله ما نماها زينب اجت امن اليسر تتعثر ابممشاها بحبال مچتوفه النسا والحادي ما رخاها زينب اجت امن اليسر تتعثر ابممشاها خله الادين امزورگه وامورمه خلاها زينب اجت امن اليسر تتعثر ابممشاها اگعد اريدن اعتذر عن طفله الك عفناها زينب اجت امن اليسر تتعثر ابممشاها وسط الخرابه هل بقت ويانا ما جبناها زينب اجت امن اليسر تتعثر ابممشاها آ يل منام الشافته آخ اشكثر بچاها زينب اجت امن اليسر تتعثر ابممشاها يحسين عذرا هل خبر لو مهجتك اذاها زينب اجت امن اليسر تتعثر ابممشاها ابو فاطمة الطائي

نار ابدليلي تسعر ... چبد الحسن يتفسر واسهام صابن نعشه .. گطعن گلبي او هرشه .چبد الحسن يتفسر ــــــــــــــــــــــــــــــــــــــ سابع صفر هد حيلي بالگلب تسعر ناره .. واندب يروح الزهره أمصابك سهم بضلوعي خله الدمع يتجاره .وحسره تجر ابحسره أذكر الوجه الذابل لمن يدير انظاره .. واحسين يبچي ابكتره يصفج وسف بيدينه .... والدمعه ترست عينه بالدمع وجهك رشه . گطعن گلبي او هرشه ..چبد الحسن يتفسر ــــــــــــــــــــــــــــــــــــــ وسفه انطوت آمالك والعله شح ادواها .. وماضل بعد كل چاره سم النگع بعظامك أضلوع الصدر لوّاها .. واتبينت آثآره ابذاك الطشت يتبين چبدك واثر بلواها .. حيث اصبحت طشّاره حاله اصبحت ميؤسه اعلام الهدى منكوسه وجه السماء اتخمشه گطعن گلبي او هرشه ..چبد الحسن يتفسر ــــــــــــــــــــــــــــــــــــــ دار الكرم دار الجود هليله محد بيها .. بس الهظم والصايح دگ بابها ملچ الموت جاي ايقبض راعيها .. يعني الموزم رايح شمعة بني هاشم راح حل المصاب اعليها .. ضل الونين الجارح راح السراج الضاوي وامضيفه مضلم خاوي بس المرار ايفرشه گطعن گلبي او هرشه ..چبد الحسن يتفسر ــــــــــــــــــــــــــــــــــــــ مات الحسن لمن مات زينب هوت يم جسمه ..اتگله ينور اعيوني ألمن عفتني ألياضيم يل چنه ابوي اورسمه .. لالا تخيب اضنوني أگعد عليك الزهراء كلمني لو بس كلمه .. يا بعد طولي او لوني للطف اريدك وياي واتشرب اعيالك ماي وجسام وجهه اترشه گطعن گلبي او هرشه ..چبد الحسن يتفسر ــــــــــــــــــــــــــــــــــــــ آ يل حسن يل مضلوم يل حيرت دلالي .. مثلك أبد ما صاير نعشك يضربوه بسهام صوبن جسم البالي .. ريت انعمه هالناظر أم الجمل بيها اشلون او بيرغ حقدها العالي.. تكسر غدت جم خاطر گلب النبي ماذيته وجفن الولي امبچيته هزت الكرسي وعرشه گطعن گلبي او هرشه ..چبد الحسن يتفسر ــــــــــــــــــــــــــــــــــــــ يل حسن للموت انعاك واعيوني دم اجريها.. حد ما تغمض عيني انعه اعله چبد الممرود لو گبه المفلشيها .. او ضلت جمر يچويني ما عندي بس دمع العين جيت ابهظم اجريها .. واجذب اعليك اونيني لمك أواسي ابدمعه من اگعد اعليك انعه شيب جفني او رمشه گطعن گلبي او هرشه .. چبد الحسن يتفسر ــــــــــــــــــــــــــــــــــــــ ابو فاطمة الطائي

الساده الساده الساده مسموم شيخ الساده -_-_-_-_-_-_-_-_-_-_-_-_-_-_-_ ويلي اعله ابن حامي الجار تبقه النفس مهمومه اينازع عله افراش الموت متغيرات ارسومه مشتعله چبده ابنيران اتون مهجته او مالومه يتلوّه من الالام او يمه الأخت مهظومه ريت السمه اتخر عل گاع او لا يتمو أولاده -_-_-_-_-_-_-_-_-_-_-_-_-_-_-_ سابع صفر يوم الشوم عل عتره والوالاها خله الجفن دم ايسيل من حيدر او من طاها واحدهم ايون واينوح الربحانته او بلواها ينعون چبد المسموم واتحيرو بدواها ريت الله شل السمّاه وعله الشريعه اتماده -_-_-_-_-_-_-_-_-_-_-_-_-_-_-_ امسمم رحل راعي الزود والحزن ضل ابداره او ديوانه مغلوگ الباب او حاير صبح خطاره والي تحز بينه انفوس او تشعل دليلي ابناره ميت يضربوه بسهام واعليه سوو غاره بامر اللعينه ايضربوه بنت الكفر والحاده -_-_-_-_-_-_-_-_-_-_-_-_-_-_-_ أسهام انبتبن بل تابوت بأمر المره الملعونه يا ناس والهاذه اليوم لا زالو ايعادونه حتى الگبر هم هدموه او ممنوع اليزورونه ميت عدل ضل مظلوم وابگبره تجري اعيونه لا من عزا لا زوار حكم الكفر واعناده -_-_-_-_-_-_-_-_-_-_-_-_-_-_-_ چبده ابطشت . نعشه انصاب هدم الگبر وآثآره ذني ثلث مصيبات ما ترهم الهن چاره او لا وحده ماخوذة ثار آ يل حسن يا ثاره ينتظرن الهاذه اليوم مهديهن او بتاره واينادي الثار الثار او يسحگ رؤوس القاده -_-_-_-_-_-_-_-_-_-_-_-_-_-_-_ ابو فاطمة الطائي

عگيلي للحسن عليه السلام ويلي اعله الچبده المسمومه ويلي اعله الچبده المسمومه _____ آ يصواب الصاب العتره من عنده ايون گلب الزهره كسره الما تشبه كل كسره منها الآل امست مالومه _____ شمعة اهل البيت اتسمم وشرع الله يبچيله او مغتم متشابه لايات او محكم تتحسر امست مهمومه _____ راح اليعدل بيده الميله طايح . ياهل طيحه اثجيله املاك او حور التبچيله والكل اسود لون اهدومه _____ متسمم والچبد اموذر ذابل واللون امسه امغير يا ويلاه . الله او اكبر وجه الخير امغيره ارسومه _____ امسمم وايلوج او يتلوه يتنفس صاير بالگوه آ يل سم ابچبده اشسوه خلاه يتحسر عل گومه _____ امدد ويون من اوجاعه او زينب يمه اتون مرتاعه راح منها الحلوه اطباعه وضلت بالدمعه المسجومه _____ ضلت بالدمعات اتندبه يابو محمد والله اتحبه ماتت لمن چبده يذبه حل الموت اعليها او يومه _____ ابو فاطمة الطائي

موشح لشهادة الامام الحسن سلام الله عليه راح اخيه اليا حلاة اطباعه ضل وحيد احسين من هل ساعه ______ الحسن مسموم وسفه الليله راح او ضل اخيه للبواچي والنياح حيث چبد الحسن هل جدامه طاح عگب ما لاج اشكثر بوجاعه ______ اشكثر لاج امن الالم ويلي عليه ناجع السم ابدليله اشخله بيه مثل سعفه يرعشن جدمه واديه انخطف لونه اتغيرت اوضاعه ______ انخطف لونه والمدامع هامله اتشابگ اويه احسين صار ايقبله ودعه او وصاه عن العايله وعله زينب گله هاي اوداعه ______ عله زينب يلعزيز اوصيتي تدري اخيتي هاي اعز من مهجتي لا تخليها تصد الچبدتي خاف تصبح خايفه او مرتاعه ______ احسين آ يحسين فتّيت الگلب راح اموت او اندفن وسط الترب اشلون بيك انت التضل اويه الغرب ناس وجهين اتحچي او طماعه ______ يبو سكنه الموت لو بيه نزل اصبر اعله افعال ربع ام الجمل نعشي ايضربونه بسهام او نبل خلي نفسك للصبر طوّاعه ______ لا تسل سيفك تمسك بالصبر ل الله يحسين انت اترك هلامر بالبقيع احفري ياخويه الگبر البقيع امباركه اتضل گاعه ______ بالبقيع اندفن آنه ابيمنتك بس دگلي اشلون انت ابغربتك اتضل ثلاثه عل وطيه جثتك محد ايدفنك من اهل الطاعه ______ تبقه عل تربان عاري او منسلب عگب ماذبحوك ضامي او ملتهب وزينب او سكنه او رقيه تنضرب من عگب راعي الخدر واشراعه ______ كل مصيبه اتهون الا امصيبتك وابد ما غربه مثلها غربتك آنه من گبري واحن وي حنتك اوياي هل موته تون ملتاعه ______ ابو فاطمه الطائي

الليله بالسـمـه اجروح الحور اتنادي واتنوح المجتبى الليله تسمم وانعقد بالجنه ماتم ويلي اعليه ويلي اعليه ________ الليله بس ونه او مدامع بل سمه او علنو عزيه أنَّ في الارضِ فَجيعه : سممو ابن الزچيه چبد الحسن مسموم واليوم طبگ بالحسره عينه غصن الزهره كسروه سمّوه بعد شلنه ابّچينه بعد شتفيد الدموع وانلوع ضوه او راح امن ادينه امصابه اكلف امصاب ذاب امن الالم ذاب بالطشت چبده تخذم وانعقد بالجنه مأتم ويلي اعليه ويلي اعليه ________ ناحل او ذبلان عود والوجه اليضوي شاحب ذابله ارسومه يويلي اشخلت ابحاله النوايب كلشي ابجسمه مالوم مسموم او ما واحد يعينه يم احسين مطروح والروح لاوجاعه رهينه تون لجله السماوت وآيآت او مكه والمدينه ابگبرها الزهره تنعاه تصيح أحا او ويلاه واتهمل دمعتها من دم وانعقد بالجنه ماتم ويلي اعليه ويلي اعليه ________ منمرد چبده او جروحه كل دوه ما ينفع الهن هيّجن بيّه المواجع والمدامع وشلنهن ابچبده امن اسمع اشصار اندار صوب الغاضريه اذكر چبد الحسين نصين صاير عل وطيه منّ العطش مفطور واطرور تطره الاعوجيه يابس مثل الحجار ضامي او ملتهب نار الوحي لجله تألم وانعقد بالجنه ماتم ويلي اعليه ويلي اعليه ________ امصيبته والله مصيبه كل گلب منها ايتشعّب بس الأمصيبه الچبيره امصيبة الخدره تسلّب داره باقي محشوم والگوم ما واحد دناله بس ما غمض العين والبين متحزم اجاله لاخيه الظهر مكسور عاشور ماخله اعله حاله كلشي اويه الحسن ضلت بس الاجراح وانوله الحسين ابمحرم وانعقد بالجنه ماتم ويلي اعليه ويلي اعليه ________ الحسن وسفه تسمم وانسگه چاس المنيه وسط نعشه والظلامه لحگته من آل اميه ما واحد علي داس يهل ناس بس احسين ويلاه رچاب الخيل حمره يحسره مصبوغه من ادماه يامولاي انعاك ؟ انعاه ؟ چم آه گلبي ايشيل چم آه ؟ بينك النحر النصاب ونعش الكله نشاب الجرح هيهات يلتم وانعقد بالجنه مأتم ويلي اعليه ويلي اعليه ________ يبو امحمد انت نعشك اخوان شالته ابجمعها واندفنت ابلا حصيره او شيعه الك جت ابفزعها ماي او سدر واچفان او دفان يوسدك بالحفيره لچن احسين عافوه . خلوه بشموس الظهيره ثلث تيام عريان تربان واعياله أسيره اعتذرلك مولاي ادري اجروحك اهواي امصابه لمصابك تقدم وانعقد بالجنه مأتم ويلي اعليه ويلي اعليه ________ ابو فاطمة الطائي

هل مسيه .. اوداع الحسين او حسن اشهل رزيه .. الما مثلها بل زمن لوعه وامصاب .. فرگه واعتاب .. هل مسيه ______ أبّصيرة روح دليلي ايروح يسافر والجنح لوعه اعله دار الآل ابدمع همال لگه الخوّان مجموعه چنه ايشاهد اصعب منظر اخوان اثنين او چبد امبعثر الحسن بآخر انفاسه او يمه احسين ابهم يتحسر دمعه دمعه .. عبرته تحني الظهر من يودعه .. ايشبّع الدنيا قهر چن شمع ذاب ... فرگه واعتاب .. هل مسيه ______ كأن احسين. ابدموع العين ينعه او مدمعه ايهله يگله اتموت او عله التابوت سهم يرمونه وابنبله اتصوب نعشك ليش افلانه تمنع دفنك يل ريحانه حتى ابدفنك مامش راحه روحك ميته او هم حزنانه هم افگدك .. هم سهام ابجثتك لنها ضدك .. يا مصيبة دفنتك دمعي سچاب .. فرگه واعتاب .. هل مسيه ______ ابضعيف انفاس سمعت احساس بل گوه الحسن يحچي : مصابي ايهون دگلي اشلون ؟ عن طف كربلا او يبچي ان چان ابسم چبدي اتگطع امثلث باچر الچبدك يشلع يطلع ثلثيه .او ثلث اليبقه فوگاه حافر ويلا يطبع آنه چبدي .. ما تعذب بل ضمه أُميّه عندي .. اشفافي ما تنزف دمه ابعطش لهاب .. فرگه واعتاب .. هل مسيه ______ انا المهموم. انا المسموم انا الي عذبو روحه لچنها الروح عليك اتنوح لحدما جفني مجروحه امن اذكر جسمك فوگ الغبره او خيل التطحن ظهره او صدره يبن امي اشعر ضلعي اتكسر او يصبح حالي حال الزهره لاني يمك .. حتى اعينك عل الالم من يلمك .. لو صبح جسمك خِذم ؟ كله نشاب ... فرگه واعتاب .. هل مسيه ______ ابصدر مخنوگ او گلب محروگ عن زينب غصص گله الكفلها ايطيح او تضل اتصيح او متنها الظالم أيشلّه زينب زينب شيضل بيها ناس او خيل اتهد عليها جوه النار اتضل اتشاگف حرمه او محد يفزع ليها وچم طفله .. تصرخ ابصوت الالم خل انگله .. الكافل ايطفي الخيم والگمر غاب .. فرگه واعتاب .. هل مسيه ______ يخويه النوب گلبها ايذوب على الهزله يرچبوها دربها ابعيد. اعله قصر ايزيد أخيّتنا يدخلوها آخ الشام او بيها اشيعمل ايزيد الطاغي لمّن يقبل يضحك يمها او يرفع سوطه او زينب حسره مدمعها ايهل ايگلها وينه .. كافلچ شو ما فزع أشبيها عينه ... صدگ فص منها انشلع جوه التراب ..فرگه واعتاب .. هل مسيه ______ ختام الضيم مطر والغيم افراگ او ما بعد رجعه فقط چلمات وراهن مات كلشي . او ضلت الدمعه اوداعة هاي الحلوه ارسومك لا من يوم اليشبه يومك ما چاتلني الصار ابچبدي ميت آنه السلب اهدومك بس وصيه .. گبل موتي ما يحل هل أبيّه .. لا يچتفوها ابحبل خلها تنهاب ... فرگه واعتاب .. هل مسيه ______ ابو فاطمة الطائي

ابيات ابو ذيه لمصيبة الامام المجتبى عليه السلام بلسان حال مولاتي زينب ... يجر الطشت من عندي .. واجر بي يبعده . او گالي اتدني .... وجربي جمر السم حرگ چبدي .... وجر بي يل احنينه انتوادع هايـ ـهيه ..... أشضل بروحي من شفتك .. سوى الون اعگبت يعگوب لتضنه .... سوه. الون وجه الحسن هاذه السم .... سوه الوان. (( سواه )) أزرگ صار جن متن السبيه .... دمع عيناي دم أحمر ... لديره وادور ادواك من ديره .. لديره لون يندار بيه السم ..... لديره واروحن فدوه الك يبن الزچيه..... مدري امسح اعيوني ... مدري عينه أجيب الطشت يَمه .... مدري أعينه أشو ساكت اخيي ...... مدري عنه نفس مابي يويلي اشلون بيه ... ابو فاطمة الطائي

من الارشيف شوط كربلائي لشهادة الامام الحسن المجتبى صلوات ربي عليه يا جرح الذي ما طاب لا گدرو يداوونه ينور الله او شعاع الدين فنً الي يطفونه _______ رغم غدر الزمن والجور رغم ما چبدك اتفسّر تضل انت علم مرفوع جن نجم السمه الازهر راح السمّمك وانداس او بس اسمك يضل يكبر يمصحف ناطق ابحگه يراعي البسمه والملگه ابوسع هاي السمه الزرگه صيتك ها يل امشكر شمس انت اوضواها اينور عميان الينكرونه _______ شمس انت او ضواك ايفيض بس الاعمه ميشوفه كتاب الله عله اشفافك رسم وانرسمت احروفه يمثلك بالخلايق وين ابگبره او يكرم اضيوفه يمن ما تنغلج بابه تعرفه الغربه واصحابه لچن حيف الدهر صابه او جور الدنيه ميعوفه تلوّع من هضم دنياه حدما غمضت اعيونه _______ تلوع من هضم دنياه او ضاگ امن الغُصص كثره من محراب بل كوفه لحدّ الباب والعصره لچمات او دمع واهموم خلصها الحسن عمره او ردّ الدهر واتعدّه حزّمله ابحقد جعده تسمه او گطعت چبده واحشائه اصبحت جمره ابطشت چبده الحسن ويلاه عن زينب يغطونه _______ الچبد من عنده يتفسر واحشائه ابجمر تلهب عمت عيني علي موجوع بس دلاله يم زينب اصعب من مرار الموت دمع زينب علي اصعب من هيّس اجت يمه لزم ذاك الطشت ضمه رسم فوگ الوجه بسمه هلا يم خدر المرتب تگله يا ضوه اعيوني وجهك منخطف لونه _______ تگله ياضوه اعيوني اعله بختك لا تفارگني چا منهو اليضل وياي بالطف منهو يحشمني اريدك خيمه الي ابعاشور تحاميني او ترد عني فك عينك يبعد اهلي باصرني ابثگل حملي لون اتموت من گبلي شلي ابعمري واسنيني حاسبتك ذخر عاشور گلبي خابت اضنونه _______ حسبتك حاظر ابعاشور لاچن خابت اضنوني يبو محمد علي مكتوب كل اهلي يعوفوني واحد من بعد واحد يبن امي يشيبوني تموت انت ابنجيع السم او صدر احسين يتهشم وعباس الگمر ما تم يطيح او يعمن اعيوني لون الموت بيديه سوه اتمنه يدفنونه _______ ابو فاطمة الطائي

يناعي لو قريت اعله الحسن والسم عرّج على الطف او صدر الامهشم أهي نفس المصيبه .... مرت عل غريبه -_-_-_-_-_-_-_-_-_-_-_-_-_-_-_ يل تنعه ابدمع همال لمصيبة أبو محمد واتگول أعله آل البيت سابع صفر يوم أسود بي چبد الحسن مسموم والحسرات فوگ الحد امگطع بالطشت ياحيف وتسعر ناره ما تبرد مصيبة للملائك والرسل بچت ريت اعله الارض كون السمه اندچت يا عالم نهيبه .... مرت عل غريبه -_-_-_-_-_-_-_-_-_-_-_-_-_-_-_ ون ونعه ابرفيع الصوت واندب چبدته الذابت وبيت اقراه على العطشان يوم الچبدته انصابت هنا چبده ابطشت واهناك چبده امن العطش لابت يناعي ابكربلاء اچبود لا شربت . ولا طابت ضامي ماتروه او لا شرب گطره يتلوه او حوافر تسحگ ابصدره وشيباته خضيبه .... مرت عل غريبه -_-_-_-_-_-_-_-_-_-_-_-_-_-_-_ مصيبه اتشيب الرضعان من عدها الدمع ساجم وي اچبود أهل البيت مدري اشعدها هل وادم لو چبد ابطشت ممرود صوب كل بني هاشم لو چبد ابسهم مصيوب واعليه الشمر جاثم عله الچبدين زينب چانت اتناظر ويّاهم تنازع تكسر الخاطر دمعتها عجيبه. .... مرت عل غريبه -_-_-_-_-_-_-_-_-_-_-_-_-_-_-_ انعه اعله الحسن واحسين واذكر زينب او همها يوم اويه الحسن تنصاب واقسى اصواب ألمها : تشوف الحسن گل لحسين عنها چبدتي ضمها عمت عيني عليها ايخاف خاف الحاله تهظمها يگله هل طشت لا زينب اتشوفه تره احنينه اخيتي وجتني ملهوفه وتعله ابنحيبه .... مرت عل غريبه -_-_-_-_-_-_-_-_-_-_-_-_-_-_-_ چم غصه اجرعتها ام عون وچم لوعه تتلوع يتگطع چبدها امرار وي كل چبده تتگطع عليها انعه يناعي ابصوت خلي الدنيا تتفجع عگب كل هل الالم وانوب تركض بل فلا وتوگع تركض والسياط اعليها تتلوه لو بل نار . لو بل رمل تتچوه جمر يسعر لهيبه .... مرت عل غريبه -_-_-_-_-_-_-_-_-_-_-_-_-_-_-_ يمصاب الحسن هل يوم كل اجروحي لاچمها اهو ميت عدل مظلوم روحه الدهر هاظمها لا عنده گبر ينزار لا بيبان وانشمها هدمو گبره آل افلان من ريت الله يعدمها اويلي عل حسن مظلم صبح گبره ما واحد يزوره يشبه الزهره اترابات او كئيبه. .... مرت عل غريبه -_-_-_-_-_-_-_-_-_-_-_-_-_-_-_ ابو فاطمة الطائي

لمصيبة سيدي ومولاي ألأمام المجتبى صلوات الله عليه .... يا صاحب الزمان بيك اجروح ما يسكن ...     ولمهن ألم پارض البقيع أمسه .. والم هان الك چبدين رد ألهن .....    ولمهن چبد ابطشت . چبده اعله الوطيه ... چبدته بل طشت ويلي ....   يلمها مصاب الحسن كل مهجه ... يلمها اذا روحي اطلعت لحد ..... يلمها الحسن مات . او فرح عد آل أميه زينب اتگول : بعد مابي يسولف گام ... يوماي وانا مدري يريد الطشت .. يو ماي دعيت الله يحين الساع .. يوماي أموت . او لا أشوفه ابهل رزبه .... حسن يبن امي مني اضلوع .. حنيت عله اونينك حنين النوگ .... حنيت وجهي او چف ادي بدموع ... حنيت يبعد اختك دگلي اشلون بيه .... ابو فاطمة الطائي

من الأرشيف لرُقيّة الحسين .. بالمنام ... شفته واگعدنه سوه بالمنام ... جايب الجرحي دوه گتله بويه اشگد بچيت وانتظـرتك مــا أجيت     .... بالمنام . بالمنام __ انعم الله اعله الحِلم .. صاير الشملي يلم ايداوي کلبي المنلچم ... من ضيم الفراگ شفت ابوي اوليّه رد .... باسني ابكتري گعد گلي اجيتچ عالوعد .... جابتني الاشواگ اتلمّس اجروحي اويهل دمعه عليه ايگلي بويه اشلون حالچ يارقيّه اتحسّر وشفته انهضم من شاف اديّه والحبال ... شاف اثرها ابمعصمي والحبال .... بچه وخوفي ينعمي وآنه ماگتله انچويت وانتظرتك ما اجيت ... بالمنام .... بالمنام __ يابعد البصدري يدگ .. تفداك الجروح الزرگ معقوله اشوفنك صدک .. يانور العيون كل يوم وآنه اتأملك .. اهواي السوالف عندي الك ما ادري بيش استقبلك .. وابديلك اشلون ارد اسألك بويه عن طفله اضربوها تشتكي إلمن إذا ما هوّه ابوها والله مو عِجبه إذا ميته لگوها بالجراح ... ابتدي اسنين العمر بالجراح .. غير موتي اشأنتظر غير لوعه ماجنيت وانتظرتك ما اجيت ... بالمنام ... بالمنام __ روحي بعدك شارده .. كلشي عنك تنشده اتريدك اتشوف العده .. اشعملو اوياي هذا يضربني أوأگع ..... ذاك ترچيتي شِلع بويه احس متني انخلع .. من رفسة اعداي من الجمر اركض اريدن احمي روحي اوگع اعله الشوك واحتار ابجروحي حيل ماعندي . واضل ابطرک نوحي بالدموع .. ردت اغسل هالدمه بالدموع .. گلت بلكي اروي الضمه وتالي دمعه مالگيت وانتظرتك ما أجيت ... بالمنام ...  بالمنام __ اشگد شفت بعدك هظم ... ازغيره وابوجهي انلطم الوجع جازي العظم ... واكثر بعد حيل نار  وتراب اودخان ... وآنه مدري ابيا مكان اركض ومامش امان .. من سحگة الخيل وين ما اركض تلاگه حرمله اوياي مره بيدي سوطه يوگع مره بگفاي وعمتي ابهالحال تبچي ويه مبچاي بالعباه ... اتضمني والمدمع جره بالعباه ... نار شفت اموجره اتگلي ياعمه انسبيت وانتظرتك ما اجيت ... بالمنام .. بالمنام __ شفته چن گلبه احترگ .. ضمني بچفوفه او شبگ بعبرته احسين اختنگ .. يهمسلي چلمات ايگلي من فوگ الرمح .. شفتچ اودمعي يسح ابكل جرح بيچ انجرح .. واجروحي كلفات بويه كل هذا الجره بعيوني شفته من يضربونچ تهل دمعاتي سكته وعالخرابه الروح تنشد نلفي يمته والسؤال ... للخرابه اشگد بعد والسؤال .. بيني اوبينچ وعد گتله يالتوعِد وفيت وانتظرتك ما اجيت ... بالمنام .. بالمنام __ اگعدت من المنام ...... وفرفحت مثل الحمام وين ابويه ؟ شو ضلام .... مو هسه موجود جابو ليه ابطشت ... شفته وافكاري تشتّ گتله بعدك لاعشت ... لا عمري ايزود اشبگت راسه واشمشم في جراحه متت وياه واشكثر بالموت راحه وصرت من ضيم الخرابه مستراحه من غفيت ....... بارد اتراب الگبر من غفيت .. اشوه من نارالهجر وبالعزيز آنه التقيت .. وانتظرتك ما اجيت ... بالمنام ... بالمنام __ ابو فاطمة الطائي