RFI ខេមរភាសា / RFI Khmer

សភាតៃវ៉ាន់អនុម័តគម្រោងថវិកាជាតិឆ្នាំ២០២៦ ដោយយឺតពេល​ដល់ទៅជិត​៨ខែ នៅទីបំផុត ថ្ងៃទី​១៤សីហា​​​ សមាជិកសភាតៃវ៉ាន់ បានបោះឆ្នោត​អនុម័តលើគម្រោង​ថវិកា​ជាតិ សម្រាប់ឆ្នាំ​២០២៦ ដែល​រដ្ឋាភិបាលបានស្នើមក។​ ការបោះឆ្នោតសម្រេចដ៏យឺតយ៉ាវ ដល់ទៅជិត​៨ខែនេះ គឺដោយហេតុតែមាន​ការមិនចុះសម្រុងគ្នា​ ទាក់ទិននឹងកញ្ចប់ប្រាក់​​ចំណាយ​លើវិស័យការពារជាតិ។ 👉 អានអត្ថបទទាំងស្រុង៖ https://rfi.my/CxpD.g

កម្មវិធីព័ត៌មានប្រចាំថ្ងៃសុក្រ ទី១៤ ខែសីហា ឆ្នាំ២០២៦ 👉 អានអត្ថបទទាំងស្រុង៖ https://rfi.my/Cxmi.g

រដ្ឋាភិបាល​​ឥណ្ឌូណេស៊ី​ សម្រេចបិទ​សហគ្រាស​​រដ្ឋជាង​៧៥០ ដោយហេតុតែ​គ្មានប្រសិទ្ធភាព ចាប់ពីពេលនេះរហូតដល់ចុងឆ្នាំ​២០២៦ រដ្ឋាភិបាលឥណ្ឌូណេស៊ី នឹងសម្រេចបិទ​សហគ្រាស​​រដ្ឋ ចំនួន​យ៉ាងតិច​៧៥០សហគ្រាស​។ នេះគឺជាសម្តីប្រកាស របស់​លោកប្រធានាធិបតីឥណ្ឌូណេស៊ី នៅក្នុងឱកាសថ្លែងសុន្ទរកថាស្តីពីស្ថានភាពប្រទេសជាតិ​​ ព្រឹកថ្ងៃទី​១៤សីហា​។ លោក​ប្រាបូវ៉ូ បានលើកឡើងថា សហគ្រាសរដ្ឋទាំងនោះ សុទ្ធតែគ្មានប្រសិទ្ធិភាព រកស៊ីខាតបង់ប្រាក់របស់រដ្ឋដោយ​គ្មានទំនួលខុសត្រូវ​​។ 👉 អានអត្ថបទទាំងស្រុង៖ https://rfi.my/CxlV.g

កម្ពុជា និងថៃត្រូវផ្តល់ឈ្មោះបេក្ខភាពប្រធានក្រុមអ្នកផ្សះផ្សា នៅថ្ងៃទី១៤សីហា ទៅតាម​ការកំណត់ ដោយ​យោងទៅ​លើ​នីតិវិធីរបស់អង្គការសហប្រជាជាតិ កម្ពុជា និងថៃត្រូវជ្រើសរើសបេក្ខភាពប្រធានក្រុមអ្នកផ្សះផ្សា នៅក្នុងយន្តការផ្សះផ្សាដោយបង្ខំនៃអនុសញ្ញាអង្គការសហប្រជាជាតិស្តីពីច្បាប់សមុទ្រ នៅថ្ងៃទី១៤សីហានេះ។ មកដល់ពេលនេះ ភាគីកម្ពុជា និងថៃ នៅមិនទាន់បញ្ជាក់ជាផ្លូវការពីការសម្រេចជ្រើសតាំងប្រធានក្រុមអ្នកផ្សះផ្សានៅឡើយទេ។ ភាគីថៃបានដាក់ក្តីរំពឹងខ្ពស់ថា ប្រទេសទាំងពីរនឹងជ្រើសរើសប្រធានក្រុមអ្នកផ្សះផ្សា នៅថ្ងៃសុក្រនេះ ដោយគ្មានការពន្យារពេលទៀតឡើយ។ 👉 អានអត្ថបទទាំងស្រុង៖ https://rfi.my/Cxl6.g

កម្ពុជាថា អាមេរិក​ប្តេជ្ញា​ពង្រឹងកិច្ច​សហ​ប្រតិបត្តិការ​យោធា​បន្ថែម​ទៀត លោក Elbridge Colby អនុរដ្ឋមន្ត្រីទទួលបន្ទុកគោលនយោបាយ​នៃ​ក្រសួងសង្គ្រាម​អាមេរិក បាន​ចូលជួប​ពិភាក្សា​ជាមួ​យ​លោក​ ហ៊ុន ម៉ា​ណែត នាយក​រដ្ឋ​មន្ត្រីកម្ពុជា។ ជំនួប​ពិភាក្សានៅថ្ងៃសុក្រ​ទី១៤ ខែ​​សីហា​ ឆ្នាំ២០២៦នេះ​ ​ផ្តោតលើ​ការពង្រឹង​កិច្ច​សហ​ប្រតិបត្តិការយោធា​ និង​ការ​ចាប់ផ្តើមសមយុទ្ធ «ឆ្មាំអង្គរ» ឡើងវិញ នៅ​ឆ្នាំ២០២៧​ខាង​មុខ។ 👉 អានអត្ថបទទាំងស្រុង៖ https://rfi.my/CxkU.g

ជប៉ុន៖ ភ្លៀងមរណៈ​សម្លាប់​មនុស្សនិង​បង្កគ្រោះថ្នាក់​យ៉ាង​អាក្រក់ មិន​ធ្លាប់​ជួប ភ្លៀង​មរណៈនៅ​ជប៉ុន សម្លាប់​មនុស្ស យ៉ាងតិច ៨ នាក់​ គិតត្រឹម​យប់​ថ្ងៃព្រហស្បតិ៍ ឈាន​ចូល​ថ្ងៃ​សុក្រ​ ទី​១៤សីហា​នេះ​។ ជំនន់​ទឹក​ភ្លៀង​នៅភាគ​ខាង​កើត​តូក្យូ បង្ក​ហានិភ័យ​ច្រើន​ និង​បណ្តាល​ឲ្យ​មធ្យោបាយ​ធ្វើ​ដំណើរជាច្រើន​​ត្រូវ​ជាប់​គាំង។ ​​​ ​​ទីភ្នាក់ងារ​គ្រប់គ្រង​គ្រោះមហន្តរាយជប៉ុន ​កត់សម្គាល់ថា ភ្លៀង​កំណាច​លើកនេះ បង្កគ្រោះថ្នាក់​អាក្រក់​ដែល​ជប៉ុន​មិន​ធ្លាប់​ជួប​ពីមុនមក​។​ 👉 អានអត្ថបទទាំងស្រុង៖ https://rfi.my/Cxjs.g

លោក ហ៊ុន សែន ជំរុញ​ឱ្យបង្កើតក្រុមការងារអន្តរក្រសួងដើម្បី​ចាត់ការករណី​ជេរប្រមាថគ្នា​​​តាមបណ្តាញសង្គម លោក​​ ហ៊ុន សែន ប្រធានព្រឹទ្ធសភា បានប្រាប់ក្រសួងពាក់ព័ន្ធមានជាអាទិ៍ ក្រសួងកិច្ចការនារី មហាផ្ទៃ ព័ត៌មាន និងក្រសួងប្រៃសណីយ៍ ឱ្យរៀបចំក្រុមការងារមួយ ដើម្បីតាមដាន និងចាត់វិធានការច្បាប់ ករណីជេរប្រមាថ និងការប្រើប្រាស់ពាក្យសម្តីមិនសមរម្យតា​មបណ្តាញសង្គម ជា​ពិសេស Facebook និង TikTok។ ការណែនាំរបស់លោក ហ៊ុន សែន ដូចនេះធ្វើឡើងនៅ​​ក្នុងកិច្ចប្រជុំជាមួយប្រតិភូក្រុមប្រឹក្សាជាតិកម្ពុជាដើម្បីស្ត្រីនៅថ្ងៃទី​​១៤សីហានេះ។ ​​ចំពោះលោក ហ៊ុន សែន​ ការជេរប្រមាថ ឬការហែកហួរគ្នាតាមបណ្តាញសង្គម​ជាបញ្ហាដែល​មិនគួរត្រូវបានមើលឃើញត្រឹមជាជម្លោះបុគ្គលឡើយ ប៉ុន្តែវាជាទង្វើដែលប៉ះពាល់ដល់សេចក្តីថ្លៃថ្នូរសង្គម សីលធម៌សង្គម និងតម្លៃស្ត្រីខ្មែរ។ សូមស្តាប់លោក ហ៊ុន សែន ​ប្រធានព្រឹទ្ធសភា​កម្ពុជា​​​​៖ ​ 👉 អានអត្ថបទទាំងស្រុង៖ https://rfi.my/CxjX.g

លោក​ ហង្ស​ ពុទ្ធា៖ ពលរដ្ឋ​ភៀសសឹក​អាច​ចុះ​ឈ្មោះ​បោះ​ឆ្នោតបាន​ ទោះ​ភូមិស្ថាន​ត្រូវថៃចូល​កាន់​កាប់ ពលរដ្ឋភៀស​សឹក​​ប្រមាណ​ជាង​ ១ម៉ឺន​នាក់​អាច​ជួប​ការលំបាក​ក្នុងការចុះឈ្មោះ និង​ពិនិត្យ​ឈ្មោះ​សម្រាប់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៦។ តាម​រយៈវិទ្យុ​បារាំងអន្តរជាតិ​ RFI នៅ​ថ្ងៃ​ទី១៤​ ខែសីហា​ ឆ្នាំ២០២៦ លោក​ ហង្ស​ ពុទ្ធា អ្នកនាំពាក្យគណៈកម្មាធិការជាតិរៀបចំការបោះឆ្នោត (គ.ជ.ប) បាន​អះអាងថា ក្នុងកាលៈទេសៈ​ដែលការចុះឈ្មោះបោះឆ្នោត​បានខិតជិតមកដល់ ពលរដ្ឋបន្តភៀសសឹក​នៅតែអាច​ចុះឈ្មោះ និង​ពិនិត្យ​ឈ្មោះ​បាន​ដដែល នៅ​តាម​ឃុំ​-សង្កាត់​ដែល​ខ្លួនកំពុងតាំងទីលំនៅ។ 👉 អានអត្ថបទទាំងស្រុង៖ https://rfi.my/CxjQ.g

កម្ពុជាស្នើសុំចិនជួយកាត់ផ្តាច់ប្រព័ន្ធបច្ចេកវិទ្យា និងលំហូរសាច់ប្រាក់ក្នុងឧក្រិដ្ឋកម្មឆបោកអនឡាញ កម្ពុជាបានស្នើសុំចិនឱ្យ​ជួយសហការកាត់ផ្តាច់ការផ្គត់ផ្គង់ឧបករណ៍បច្ចេកវិទ្យា និងលំហូរសាច់ប្រាក់របស់ក្រុមឧក្រិដ្ឋជនក្នុងបទល្មើសឆបោកអនឡាញ។ ការស្នើដូចនេះធ្វើឡើងនៅក្នុងជំនួបរវាង លោក ស ថេត អគ្គស្នងការនគរបាលជាតិកម្ពុជា និងលោក Jiang Guoli អគ្គនាយកនៃអគ្គនាយកដ្ឋានស៊ើបអង្កេតបទល្មើសព្រហ្មទណ្ឌនៃក្រសួងសន្តិសុខសាធារណៈចិន នាថ្ងៃព្រហស្បតិ៍ទី១៣សីហា។ 👉 អានអត្ថបទទាំងស្រុង៖ https://rfi.my/CxiX.g

ក្រសួងសង្គម​កិច្ច​ព្រមាន​ចាត់ការ​​​អ្នក​​បង្កើតមាតិកាតាមបណ្តាញសង្គម​ដែលកេងប្រវ័ញ្ចកុមារ ​ក្រសួងសង្គមកិច្ច​​​ អតីតយុទ្ធជន និងយុវនីតិសម្បទា បាន​ព្រមានចាត់វិធានការច្បាប់ចំពោះ​អ្នកបង្កើតមាតិកា​ ឬសាធារណៈជនដែលនៅតែបន្តយកកុមារ​ថតរូបភាព ឬវីដេអូទៅប្រើប្រាស់តាមបណ្តាញសង្គម និងដែល​ធ្វើឱ្យ​​ប៉ះពាល់ដល់សិទ្ធិ ច្បាប់ និងឧត្តមប្រយោជន៍របស់កុមារ។​ ក្នុងសេចក្តីណែនាំចុះ​នៅថ្ងៃទី​១៣សីហា ក្រសួង​​សង្គមកិច្ច​​ចាត់ទុក​​​ការយកកុមារទៅបង្កើតមាតិកាមិនសមរម្យ​លើបណ្តាញសង្គម ​ជាសកម្មភាពផ្ទុយពី​អនុសញ្ញា​អន្តរជាតិ ច្បាប់ គោលនយោបាយ និងលិខិតបទដ្ឋាន​គតិយុត្តពាក់ព័ន្ធ​​។ អោ ស្រីពេជ្រ​៖ 👉 អានអត្ថបទទាំងស្រុង៖ https://rfi.my/Cxht.g

ក្រុម AIAI ស្នើសិក្សាគម្រោង «អច្ឆរិយៈអង្គរ» ដើម្បីជំរុញទេសចរណ៍ខេត្តសៀមរាប ក្រុមហ៊ុនចិន​ AIAI និងរដ្ឋលេខាធិការដ្ឋានអាកាសចរណ៍ស៊ីវិល បានពិភាក្សាគ្នាអំពី​គម្រោង «អច្ឆរិយៈអង្គរ» នៅទីតាំងអាកាសយានដ្ឋានសៀមរាបចាស់ ក្នុងគោលបំណងបង្កើតមជ្ឈមណ្ឌលពាណិជ្ជកម្ម វប្បធម៌ និងទេសចរណ៍ ដើម្បីទាក់ទាញភ្ញៀវឱ្យស្នាក់នៅសៀមរាបបានយូរជាងមុន។ ក្នុងជំនួបនៅថ្ងៃទី១២សីហា ភាគីទាំងពីរក៏បានជជែកគ្នាពីការស្តារលំហូរអ្នកដំណើរនៅអាកាសយានដ្ឋានអន្តរជាតិសៀមរាបអង្គរ និងការពង្រីកជើងហោះហើរត្រង់ពីតំបន់​មាន​សក្តានុពល។ អ្នកជំនាញក្នុងវិស័យទេសចរណ៍ស្វាគមន៍ចំពោះគម្រោងនេះ ដោយចាត់ទុកថា វាអាចបង្កើតសក្តានុពលទេសចរណ៍ថ្មី និងបន្ថែមសេវាកម្មទេសចរណ៍នៅសៀមរាប ខណៈការបង្កើនជើងហោះហើរត្រង់ក៏ជាកត្តាសំខាន់សម្រាប់ជំរុញវិស័យទេសចរណ៍កម្ពុជាផងដែរ។ 👉 អានអត្ថបទទាំងស្រុង៖ https://rfi.my/Cxhd.g

ទូត​អាមេរិក​ប្រចាំ​អ៊ីស្រាអែល ​​រិះគន់​​អាណានិគមកិច្ច​នៅ​​​​ស៊ីហ្សកដានី ថាជា​ទង្វើ​ឃោឃៅ ក្រៅពីរឹងទទឹង​មិនព្រម​ដកទ័ព​ចេញពី​តំបន់​ហ្កាហ្សា  ​អ៊ីស្រាអែល​​បាន​ពន្លឿន​អាណានិគមកិច្ច នៅ​តំបន់ស៊ីហ្សកដានី​របស់ប្រជាជន​ប៉ាឡេស្ទីន។ តាំងពី​ចុងសប្តាហ៍មុន​នេះ អាណានិគមជន​អ៊ីស្រាអែល​​ បានរំលោភចូលទៅធ្វើ​របង ខណ្ឌ​បិទផ្លូវ​ ​មិនឲ្យ​ប្រជាជនប៉ាឡេស្ទីនចេញចូល​ភូមិ​របស់ខ្លួន​ដែល​ធ្លាប់​អាស្រ័យនៅយូរយារ​ណាស់មកហើយ។ ជាលើកទី១ និងកម្របំផុត ទង្វើរបស់អ៊ីស្រាអែល​បានរងការ​រិះគន់​ពីសំណាក់​ឯកអគ្គរដ្ឋទូត​អាមេរិក​ប្រចាំ​អ៊ីស្រាអែល ដែលថា នេះ​ទង្វើ​ឃោឃៅ និង ​គួរឲ្យ​ស្អប់ខ្ពើម។​ 👉 អានអត្ថបទទាំងស្រុង៖ https://rfi.my/Cxd1.g

ប្រទេសជាង៣០ ថ្កោលទោសអ៊ីរ៉ង់ដែលបន្តប្រហារជីវិតអ្នកតវ៉ាប្រឆាំងរដ្ឋាភិបាល ប្រទេសជាង៣០ រួមមាន​បារាំង កាណាដា អង់គ្លេស ព្រមទាំងសហភាពអឺរ៉ុប​ បានថ្កោលទោសយ៉ាងខ្លាំងចំពោះការបន្តប្រហារជីវិតមនុស្សនៅអ៊ីរ៉ង់។ ប្រទេសទាំងនោះចោទ​ថាអាជ្ញាធរអ៊ីរ៉ង់ កំពុងប្រើទោសប្រហារជីវិតដើម្បីបង្ក្រាប និងបំបិទសំឡេងអ្នកប្រឆាំងរដ្ឋាភិបាល ជាពិសេសអ្នកដែល បានចូលរួមធ្វើបាតុកម្ម កាលពីខែធ្នូឆ្នាំ ២០២៥។ 👉 អានអត្ថបទទាំងស្រុង៖ https://rfi.my/CxcH.g

កម្មវិធីព័ត៌មានប្រចាំថ្ងៃព្រហស្បតិ៍ ទី១៣ ខែសីហា ឆ្នាំ២០២៦ 👉 អានអត្ថបទទាំងស្រុង៖ https://rfi.my/Cxb4.g

សូរ្យគ្រាសដ៏កម្រ និងល្អអសា្ចរ្យ​លេចត្រដែត​នៅទឹកដីអឺរ៉ុប ប្រជាជន​នៅបណ្តាប្រទេស​អឺរ៉ុប​អាចគយគន់​ព្រឹត្តិការណ៍ សូរ្យគ្រាសដ៏កម្រមាន កាលពីល្ងាចថ្ងៃពុធទី​១២​សីហា។ ភាគខាងជើងអេស្ប៉ាញជា​កន្លែងដែល​គេ​អាច​មើល​ឃើញ​សូរ្យគ្រាសទាំងស្រុង ប៉ុន្តែ នៅទីក្រុង​ធំៗ​ផ្សេងទៀត ដូចជា ឡុងដ៍ ឬ​ប៉ារីស ទោះសូរ្យគ្រាស​មិនពេញ ធ្វើ​ឲ្យមេឃងងឹត ប៉ុន្តែ ប្រជាជនគ្រប់វ័យ​ទិញពាក់វែនតាពិសេស​ដើម្បីតាមដាន​ព្រឹត្តិការណ៍ធម្មជាតិ​ដ៏អស្ចារ្យមួយនេះ។ ឈាង បុប្ផា​រាយការណ៍ព័ត៌មាននេះពីទីក្រុង​ប៉ារីស 👉 អានអត្ថបទទាំងស្រុង៖ https://rfi.my/Cxat.g

ក្រុមហ៊ុនមេតា ចូលខ្លួនទៅតុលាការសហព័ន្ធអាមេរិក ពីបទធ្វេសប្រហែសក្នុងកិច្ចការពារអ្នកប្រើប្រាស់បណ្តាញសង្គមវ័យក្មេង ក្រុមរដ្ឋអាជ្ញាមកពីរដ្ឋចំនួនបួនបានចោទប្រកាន់ក្រុមហ៊ុនមេតាថា បានរចនាបង្កើត​បណ្តាញសង្គមរបស់ខ្លួនដោយចេតនា ដើម្បីទាក់ទាញ និងរក្សាអ្នកប្រើប្រាស់បណ្តាញសង្គមវ័យក្មេងឲ្យនៅប្រើ​កម្មវិធីកាន់តែយូរ។ សវនាការជំនុំជម្រះបានចាប់ផ្តើម នៅថ្ងៃពុធ ទី ១២ ខែសីហា នៅតុលាការសហព័ន្ធអាមេរិកក្នុង​រដ្ឋកាលីហ្វនីញ៉ា។ បើតុលាការរកឃើញថា ក្រុមហ៊ុនមេតា មានកំហុស ក្រុមហ៊ុនរបស់​មហាសេដ្ឋី Mark Zuckerberg អាចប្រឈមនឹងការបង់ប្រាក់ពិន័យ ១៤០០ពាន់លានដុល្លារ និងវិធានការកែប្រែ ជាច្រើននៅក្នុង​ប្រព័ន្ធបណ្តាញសង្គមរបស់ខ្លួន។ 👉 អានអត្ថបទទាំងស្រុង៖ https://rfi.my/CxZw.g

ជប៉ុនខឹងក្រោធនិងថ្កោលទោសលោកពូទីនដែលបំពេញទស្សនកិច្ច​នៅប្រជុំកោះ​គូរីល ប្រធានាធិបតី​រុស្ស៊ី លោក វ្ល៉ាឌីមៀរ ពូទីន ធ្វើ​ដំណើរ​ជាលើកទី១ ទៅ​ប្រជុំ​កោះ​គូរីល (Kouriles) ដើម្បី​ត្រួត​ពលជើង​ទឹក​។ ភ្លាមៗ លោកស្រី​នាយករដ្ឋមន្ត្រីជប៉ុន​ ប្រតិកម្ម​ថា មិន​អាច​ទទួល​យក​បាន​ទាល់តែសោះ។​ គួរ​ជ្រាបថា ​គូរីល ជា​ប្រជុំ​កោះដែលសម្បូរធនធានធម្មជាតិ​និងរ៉ែ​មា​នតម្លៃ ហើយ​ជា​កន្លែងដែល​​ រុស្ស៊ី និង​ជប៉ុន ​​ប្រទាញប្រទង់ ឈ្លោះដណ្តើម​គ្នា តាំងពី​​សង្គ្រាម​លោក​លើកទី២​ មកម្ល៉េះ​។ 👉 អានអត្ថបទទាំងស្រុង៖ https://rfi.my/CxZK.g

ចៅហ្វាយខេត្ត​ថា សមត្ថកិច្ចបន្តស្រាវជ្រាវរកអ្នកពាក់ព័ន្ធ និងប្រភពគ្រាប់បែក​ដែលផ្ទុះនៅពោធិ៍សាត់ អភិបាលខេត្តពោធិ៍សាត់ លោក ខូយ រីដា បានឱ្យដឹងថា សមត្ថកិច្ចកំពុងបន្តស៊ើបអង្កេតរកអ្នកពាក់ព័ន្ធផ្សេងទៀត ក្រៅពីប្រពន្ធ និងកូនរបស់ជនបង្ក ក៏ដូចជាតាមរកប្រភពផ្តល់សារធាតុផ្សំកែច្នៃគ្រាប់បែក ដែលជនបង្កប្រើសម្រាប់បំផ្ទុះ កាលពីថ្ងៃ៥ ខែសីហាកន្លងទៅ។ តាមរយៈវិទ្យុបារាំងអន្តរជាតិ RFI នៅថ្ងៃទី១៣ ខែសីហានេះ​ លោក ខូយ រីដា អះអាងថា ​ជនបង្កធ្លាប់ជាទាហានខ្មែរក្រហម។ អាជ្ញាធរ​​សង្ស័យថា គ្រាប់បែកដែលប្រើសម្រាប់បំផ្ទុះនោះអាចជាគ្រាប់បែកច្នៃដោយជនបង្កផ្ទាល់ ខណៈក្រុមការងារជំនាញស៊ីម៉ាកបានរកឃើញសំណល់ មិនទាន់ផ្ទុះជាច្រើននៅបរិវេណជុំវិញផ្ទះកើតហេតុ។ បើតាមលោកអភិបាលខេត្ត គ្រាប់បែកកែច្នៃរបស់ជនបង្កនោះ​មានធាតុផ្សំចេញពីម្សៅផ្ទុះTNTរបស់មីនតោនជាង៦គីឡូក្រាម។ 👉 អានអត្ថបទទាំងស្រុង៖ https://rfi.my/CxZ7.g

មន្ត្រីការពារជាតិអាមេរិកនឹងមកពិភាក្សាជាមួយរដ្ឋាភិបាលកម្ពុជាពីការចាប់ផ្តើមសមយុទ្ធ «ឆ្នាំអង្គរ»ឡើងវិញ មន្ត្រីជាន់ខ្ពស់នៃក្រសួងសង្រ្គាមអាមេរិក លោក Elbridge Colby អះអាងនៅថ្ងៃព្រហស្បតិ៍នេះថា លោក​ត្រូវ​បំពេញទស្សនកិច្ចនៅទីក្រុងភ្នំពេញ ដើម្បីជួបជជែកជាមួយរដ្ឋាភិបាលកម្ពុជា ពីការចាប់ផ្តើមលំហាត់សមយុទ្ធ «ឆ្មាំអង្គរ» ឡើងវិញ។ វត្តមាន​របស់​លោក Elbridge Colby នៅទីក្រុងភ្នំពេញ នាថ្ងៃសុក្រទី១៤សីហា ធ្វើឡើង​ក្នុងគោលដៅពង្រឹងកិច្ចសហប្រតិបត្តិយោធារវាងអាមេរិកនិងកម្ពុជា។ 👉 អានអត្ថបទទាំងស្រុង៖ https://rfi.my/CxY2.g

កម្ពុជា​ប្រកាសអនុវត្តច្បាប់ស្តីពីកាតព្វកិច្ចយោធា ខណៈយោធិនបានប្រាក់ឧបត្ថម្ភប្រចាំខែ​ ៤០ម៉ឺនរៀល នៅថ្ងៃទី១៣ ខែសីហានេះ រដ្ឋាភិបាលកម្ពុជាបានចេញអនុក្រឹត្យស្តីពីការអនុវត្តច្បាប់កាតព្វកិច្ចយោធា ក្រោយច្បាប់នេះត្រូវបានលោក ហ៊ុន សែន ក្នុងនាមជាប្រមុខរដ្ឋស្តីទីចុះហត្ថលេខាលើរាជក្រមដាក់ឱ្យប្រើប្រាស់កាលពីចុងខែឧសភា ឆ្នាំ២០២៦។ អនុក្រឹត្យនេះ​មាន ៨ជំពូក និង ៤១មាត្រា ដោយកំណត់ពីលក្ខខណ្ឌ ការធ្វើជំរឿន នីតិវិធីជ្រើសរើស ប្រាក់ឧបត្ថម្ភ គោលរបប និងការពន្យារពេលចូលបំពេញកាតព្វកិច្ចជាដើម។ គួរជម្រាបថា គ្រប់យោធិនចូលបំពេញកាតព្វកិច្ចយោធានឹងទទួលបានប្រាក់ឧបត្ថម្ភប្រចាំខែម្នាក់ៗចំនួន ៤០ម៉ឺនរៀល បូកនឹងរបបគោលផ្សេងៗទៀតដូចយោធិនអាជីពដែរ។ 👉 អានអត្ថបទទាំងស្រុង៖ https://rfi.my/CxWw.g